Sommaire pour December 2021/January 2022 de Tuis

My goeie vriendin Lindi vier haar vyftigste en ons trek saam in St. Helenabaai, in ’n huis reg teen die see. Dit voel soos vakansie by ’n eksotiese bestemming. Die kinders swem en ry kano, die meeue jag baldadig in die vlak water van die baai. Vrydag reën dit vlae water. Maar Saterdagoggend begin dit ooptrek, en teen skemeraand is die weer perfek. Ons sit in ’n kring om die vuur voor die huis, ons tone in die sand. Die branders rol in met musikale reëlmaat. “Hoor jy, dit klink soos Griekeland,” sê iemand, “so ’n sagte geklots.” Sowaar ja, dis nie die raserige branders waaraan ons aan die Kaapse kus gewoond is nie; waar die suidooster die golwe so geniepsig kan aanjaag. Onverwags kom die boodskap deur – beurtkrag…

Sierlik & waterwys Earthbound, gesetel in Pretoria, se mini-vetplanttuine groei in spesiaal ontwerpte strukture gevul met grond. Elke skepping is ’n lieflike waterwys gemeenskap van plante wat eers na twee of vier maande uitgeplant hoef te word, afhangende van die tyd van die jaar. Pryse vir die lewende kranse begin by R420 (22cm D). Vir meer besonderhede, besoek earthboundsucculentdesign.com. Skiet wortel Met dié lieflike handgemaakte steggiestasie van toetsbuise in ’n blok rooshout kan jy sien hoe nuwe plantjies wortel skiet en groei. Dit kom in allerlei groottes (vanaf R85 vir een buis; R275 vir vier buise, minimaalenmooi.com) met die opsie om jou houtsoort en die graveerwerk daarop te kies. ’n Oulike geskenk! NET VIR AFRIKA Droomsagte, praktiese Kiwinet Mosquito Nets (standaard of pasgemaak) kan binne (oor jou bed) of buite…

WIE KUIER HIER? Barry Clark en Jane Turpie, hul kinders Cameron (19) en Alex (17), en die honde Toffee en Bella WAAR Smitswinkelbaai, naby Kaappunt GROOTTE 110m2 Op ’n kronkelpad net anderkant Simonstad, daar by Millerspunt verby op pad na Kaappunt, sit ’n baai met ’n geskiedenis so ryk soos die seelewe in die oseaan. Hier, in Smitswinkelbaai – of sommer net “Smits” soos die locals dit noem – staan ’n stuk of 22 huise. Party is rammelrig en afgeleef, maar hier en daar, gestip teen die hange van die vallei, pryk nuwe strukture, versigtig ingelegkaart tussen die ouer huise met hul roeserige dakke. Dis in een van dié nuwe plekke waar die Clark-gesin van Tokai die afgelope 3 jaar kom vakansie hou in ’n ekovriendelike houthuis met onbelemmerde uitsigte oor…

Hou jou pizzaoond droog Chris Matthee van Bellville skryf Hoe kan ek my ItalOven-pizzaoond droog hou tydens die reënseisoen in die Kaap? Ek het dit self gebou en dit staan buite in die oopte in die tuin. Die sement word in die winter so nat dat dit moeilik is om die oond behoorlik warm te kry; in die somer werk dit perfek. Is daar ’n produk waarmee ek die buitekant kan verseël? Of sal ’n waterdigte oortreksel die nattigheid uithou terwyl die oond nie gebruik word nie? Cedric Burger van ItalOven antwoord Ek is bly jy kry soveel nut uit jou pizzaoond. Om te keer dat die pleister aan die buitekant van jou oond water opneem gedurende die winter, stel ons die volgende voor: Bedek die buitekant van die oond…

WIE WOON HIER? Ilani en Alastair Johnstone WAAR Strubensvallei, Roodepoort GROOTTE 60m² Hulle het eintlik heel lekker en gemaklik gebly in die gesinshuis in Roodepoort wat hulle in 2015 gekoop het, vertel Ilani en Alastair Johnstone. Daar was selfs ’n buitestoep waar hulle kon braai en kuier. Maar so met verloop van tyd het hulle begin agterkom wat skort en wat hulle wil verander. “Ons hou van buite leef,” vertel Ilani. En die oop stoep was, nou wel, oop. “Wanneer dit gereën het, was daar nie ’n ander plek waar ons kon braai nie.” Die huise in hul buurt is in die tagtigerjare gebou en die Johnstones kon sien daar is aanbouings aan die huis gedoen. Een daarvan was ’n onooglike losstaande bousel naby die agterdeur. “Ons glo vorige eienaars…

’n Panorama van kleur Bets Botha van Lydenburg skryf Ek het ’n ‘Artista’-roos present gekry. Ek sien dit word ’n Panarosa genoem op die plantetiket. Is dit iets anders as ’n hibried-teeroos? Ludwig antwoord Panarosarose groei tot informele, geboë struike, terwyl hibried-teerose ’n formeler, regop groeiwyse het. Die naam Panarosa dui op die trosse blomme wat as’t ware ’n panorama van kleur verskaf. Danksy hul natuurlike groeikrag en groot blaredak word hulle goed geanker deur diep wortels en kan hulle droogtetye goed deurstaan. Die plant reageer wel goed indien dit diep natgemaak word. Plant ‘Artista Panarosa’ as alleenstaande fokuspunt (2,5 m breed en 3 m hoog), of lei dit op as ’n klimroos teen ’n pilaar, traliewerk of heining waar dit massas sytakke sal vorm wat reg deur die seisoen…

Roerbraairys met steurgarnale Onder R275 • Genoeg vir 4 • Voorbereiding: 15 minute Gaarmaaktyd: 10 minute • 30ml olie • 200g sampioene, dungesny • 125g peulertjies • 2knoffelhuisies, gekap • 2cm gemmer, geskil en fyngerasper • 1-2 rooi brandrissies, gekap • 4sprietuie, gekap • 400g geblansjeerde steurgarnale, sonder dop (ontvries) • 15ml gochujang-speserypasta • 4 eiers • 2 koppies koue gaar wit rys • ’n hand vol babaspinasie • 50ml wit boontjiespruite • sojasous na smaak 1 Verhit ’n groot pan tot lekker warm. Giet die olie daarin en braai die sampioene en ertjies tot geurig. Roer vervolgens die knoffel, gemmer, brandrissie en sprietuie by en braai vir nog ’n minuut. Roer die steurgarnale en gochujang by en braai vir ’n laaste minuut tot deurgemeng. 2 Skuif die roerbraai na die kant van die pan. Breek die eiers in die oop spasie en maak roereier. Voeg…

As jy droom van ’n afgeleë houthuisie langs die see met sy eie sonkrag en g’n mens in sig nie, dan is “Houthuisie” net die bestemming vir jou. Die huis is geleë op ’n stuk grond van 6 hektaar binne die Weskus Nasionale Park, neffens Churchhaven. Die deel staan bekend as Schrywershoek en hier sal jy jou verkyk aan baba-pylsterte in die vlak turkoois water om jou voete, ’n arendsnes tussen die riete, flaminke wat flikflooi en ’n ryk dierelewe wat jou wildste verwagtinge sal oortref. Die terrein is versteek vanaf die hoofroetes, met ’n private ingang binne die park. ’n Kronkelpaadjie lei jou na die voet van die helling waar die Langebaan-strandmeer op jou voorstoep klots. Hoewel die houthuisie al jare lank hier staan, is dit eers onlangs in…

• Minder is meer. Neutrale kleure as agtergrond plaas die aandag op mooi en geliefkoosde meubels en kunswerke. • Jou huis moet jou persoonlikheid en voorkeure weerspieël en by jou leefstyl aanpas; nie andersom nie. • Moenie oorhaastig aankoop om te versier nie. • Moenie alles nuut koop nie: Dis pret om in antiekof tweedehandswinkels rond te snuffel. • Dis so bevredigend om ou, karaktervolle stukke om te tower en selfs ’n moderne voorkoms daaraan te gee. • Doen soveel moontlik self: Put uit jou talente!…

WIE WOON HIER? Danie Kotze en Jenny Normann, hul seun Christopher Normann en sy lewensmaat Rosa Bishenden-Moon WAAR Tulbagh GROOTTE Sowat 70m2 (koepelkajuit en leefvertrek) Wanneer die wêreld om hulle ontspoor, raak die Kotze-Normann-gesin kreatief. Kyk net na dié koepelvormige kajuit – hul tweede – op die plaas La Bruyere, buite Tulbagh. Dié kuierkol was hul besigbly-projek in die 2020-grendeltyd, ’n spanpoging tussen Danie Kotze en sy vrou, Jenny Normann, hul twee volwasse seuns Thor en Christopher, en dié se lewensmaats, Christine Johnston en Rosa Bishenden-Moon. Christopher, wat ’n paar jaar in Engeland deurgebring het, woon nou op La Bruyere, waar Danie voltyds boer en Jenny hul gastekothuise en Sunset Dome, die eerste koepelvormige kajuit wat hulle op die plaas gebou het, bestuur. Nadat hy meer as 35 lande platgereis…

V: Waar het Charlotte Collins haar lieflike versameling hanglampe wat in jul Mei/Junie 2021-uitgawe was, gekoop? – Bernadine Delhove, KZN A: Charlotte het die skerms bo die kombuiseiland van ou roomysvorms gemaak. Die ander vintage-ligte het sy een vir een by Onsite Gallery (facebook.com/OnsiteGalleryCT) raakgeloop. V: Waar kom die swart handdoeke op bladsy 47 van jul Augustus 2021-uitgawe vandaan? – Natasha Roux, Malmesbury A: Die handdoeke is twee jaar gelede by Woolworths (woolworths.co.za) gekoop. Ons het egter onlangs ’n nuwe reeks swart handdoeke by dié handelaar opgemerk. V: Ek is dol oor die treffende traliewerk op bladsy 13 van September 2021 se Tuis. Waar kan ek so iets kry? – Rene van Riel, Kaapstad A: Volgens die argitek, Gregory Katz, was dit ’n spesiale skepping deur ’n plaaslike vakman. Dis…

Vrye liefde Zirkie is nie suinig met soene uitdeel nie. – Anine Joubert, Worcester Tuur in die puurte Katrien staar graag oor die see. – Lize-Marié Koen, Brackenfell Buurtwag Chiappini hou ’n ogie oor die Bo-Kaap. – Amy Jephta, Kaapstad Bekdrywer! Rugar is ’n ywerige navigator. – Lauren van Noort, Makhanda Lappop! Abby wys sy’s net so slap soos haar Kersgeskenke. – Christine Ferreira, Durbanville Mila die skaaphond koel af tussen al die uitstappies. – Christelle Ellis, Settlers, Limpopo WEN! Die eienaars van die diere op die foto’s wen ’n groot Cross Futon vir honde of ’n Leafy-vliesstofmat vir katte van Wagworld (wagworld.co.za; ook te kry by voorste veearts- en troeteldierwinkels). Die Cross Futon, met sagte dog duursame polikatoen aan die bokant en waterwerende seilstof onder, bied ’n koel, gemaklike…

Ellende met appelluise Louretta Brand van Bettysbaai skryf Ek het die artikel “Oerwoud tussen mure” in jul Augustus 2021-uitgawe terdeë geniet, maar verlang nog inligting oor plae en siektes by huisplante. Een van my plante is bedek met iets sag en wit wat ek met die hand kan afvee. Ek vermoed dis ’n luis, maar nie die Australiese wolluis nie. Hoe raak ek daarvan ontslae? JJ antwoord Dis waarskynlik gewone wolluise – dit lyk soos wit watte en is taamlik taai. Die meeste insekdoders vir gebruik binnenshuis, soos Efekto se Garden Gun, behoort 99% van die plae by huisplante in toom te hou. Ek stel ook voor dat jy ’n sistemiese middel soos Complete 350SC in water toedien om die plant van binne te behandel. Onthou net om die vertrek…

Die somerdieet en daardie laaste koekie in die blik. Dis waar ek nou sit op ’n helder Kaapse Saterdagoggend. Buite is daar voëlgesang en ’n speelse wind, blare wat soos handjies waai. En ek en die koekie sit vir mekaar en kyk. Ek wat spoeg sluk, gedagtig aan die blomkool en die worteltjies wat handjies gevou daar in die yskas sit, vroom onbewus van hierdie ware lewensdrama. En die koekie wat opskeploer van onder uit die blik. Die ding is dat dit nie sommer so ’n koekie is nie. Dis ’n koekie wat lieflike spore tot diep in my psige trap. Want dis ’n Lemon Cream. Mamma se gunsteling. Tot en met die dag van haar dood ’n jaar gelede. En nou sit dié eensaam koekie daar in die blik…

WIE WOON HIER? Catalina Baliña en haar lewensmaat Ronnie Batchelor; hul huishouer en so te sê familielid Geofrey Mbewe; die drie luidrugtige worshonde Pancho, Wilson en Toffee; en ’n klompie vet hoenders WAAR Stanford GROOTTE 600m² My huis is ’n plek vir spesiale vriende, kreatiewe gedagtes, smullekker bestanddele en net die regte hoeveelheid liefde. Niks kan skeef loop as jy dít aan jou kant het nie! – Catalina “Ek het hierdie sjarmante dorpie en sy wonderlike gemeenskap jare lank dopgehou,” vertel Catalina Baliña van Stanford in die Wes-Kaap. Dié voormalige groothandelverkoopsbestuurder van Biggie Best kom oorspronklik van Argentinië, en toe sy 20 jaar gelede Suid-Afrika toe verhuis het, het sy en haar familie gereeld vakansies hier kom deurbring. “Dit het die plek geword waar almal uit al die uithoeke van…

Wat jy nodig het (vir twee basisse) PROJEKGIDS  Harde werk 4/10 Vaardigheidsvlak 4/10 Tyd nodig 1 tot 2 uur Maak die basisse vir ± R2 300: Hout R2200, skroewe R40, gom R40, skuurpapier R20 (verf en stoffering uitgesluit) INKOPIELYS • 18mm-laaghout, gesaag in: twee 860 x 660mm-panele (sitplekke) • 22 x 220mm- geskaafde dennehout, soos volg gesaag: vier 660mm-planke (sye) vier 900mm-planke (voor- en agterkante) • 69 x 69mm- geskaafde dennehout, gesaag in: agt 260mm-lengtes (pote) • een pakkie 6 mm x 50 mm-spaanderbordskroewe • Alcolin Fast Set Glue • 150-grint-skuurpapier • houtvuller GEREEDSKAP • koordlose boor en 3mm-boorpunt • potlood • maatband • saag • skraper Só maak jy elke basis ... 1 Lym en skroef die twee 660mm-sye aan die kort sye van die sitplek vas; lym en…

Die opdrag: Stileer ’n slaapkamer met net 10 produkte uit Mr Price Home sodat dit mooi genoeg is vir ’n Tuis | Homevoorblad. Die uitdaging: Elke kamer is tot die minimum gestroop, met ’n bed teen ’n onversierde muur, ’n kaal vloer, geen bedkassies nie en ’n oudmodiese lamp. Dit was die jaarlikse Tuis | Home-dekorskool in samewerking met Mr Price Home in ’n neutedop. Dis in September in Kaapstad en ’n maand later in Johannesburg aangebied. Op dag 1 het alles rondom visuele inspirasie gedraai. Kerry Strauss, bemarkingsdirekteur van Mr Price Home, het meer vertel oor dekortrends en sake-etiek, en verklap dat 40% van hul huisware in Suid-Afrika gemaak word. Tuis | Home se redakteur, Wicus Pretorius, en kreatiewe redakteur, Marian van Wyk, het die studente touwys gemaak oor…

Nuut by die kwekery Sonskyn op jou werf Petunia ‘Bees Knees’ spog vanaf die lente met diepgeel blomme aan ’n spreidende plant. Die blomme is trompetvormig en lok daarom vlinders en voëls wat die nektar geniet. Hierdie veelsydige petunia vra baie min aandag en sal in volson of halfskadu groei. Dit het matige waterbehoeftes en lyk ewe mooi in ’n bedding as ’n houer. KONTAK ballstraathof.co.za VERSKAFFERS Leroy Merlin 010 493 8000, leroymerlin.co.za MayFord 0861 100 458, mayford.co.za Patio Warehouse 012 657 9400, patiowarehouse.co.za Pedersen + Lennard 021 447 2020, pedersenlennard.co.za Superbalist 087 362 7300, superbalist.com Woolworths 0860 022 002, woolworths.co.za Yuppiechef 0861 702 4969, yuppiechef.com…

AAN DIE ROER Die kosstilis en -fotograaf Hein van Tonder het ’n reeks van agt lepels van verskillende groottes, ’n smeer- en ’n koekspaan in samewerking met die span van Ark Workshop ontwerp. Die gereedskap word net buite Kaapstad met die hand gemaak van inheemse kiaat en eikehout, en elkeen bring die skoonheid en karakter van die houtgrein uit. Kleurryke handvatsels sorg vir ’n tikkie pret op jou tafel. Loer by shop.heinstirred.com/home/. Laste strooi(tjie) Pineapple Sippy Cup R59,99, mrphome.com Gesondheid! Steenberg 1682 Chardonnay Cap Classique (R190, steenbergfarm.com) is ’n ryk wit vonkelwyn wat tot 18 maande lank op die moer verouder het. Geniet die geure van Granny Smith-appel, versuikerde suurlemoenskil en wit perske op die neus, asook ’n lewendige palet van suurlemoenstroop, nektariens, geroosterde croissant en pistasieneute op die tong.…