Sommaire pour Dec/Jan 2023 de Tuis

Dis ’n reis, hierdie lewe van ons. ’n Reis. En wat loop ons nie als teë langs die pad nie. Bitter en soet. Soms doodgewoon bittersoet. Met ons laaste dekorskool, in samewerking met Mr Price Home, ry ek Bloemfontein toe. Stop vir ontbyt by die lieflike Bosjes buite Worcester, waar die kerkhof op dié ou familieplaas beplant is met ‘Iceberg’-rose, geil en uitbundig. Dis middel November, die rose pronk! Anderkant Matjiesfontein swenk ek van die N1 af, Sutherland toe. Hartlike mense ontvang my, en ons stap op ’n warm Sondagmiddag deur die stofstrate van dié bekoorlike dorp. Ons ken mekaar van g’n kant af nie, maar ons gesels soos ou vriende. Sommer so in die verbygaan groet ons inwoners wat nou ná 55 jaar begin oppak – Kaap toe, “want…

Wil jy ons van iets nuuts vertel? Stuur e-pos na nuus@tuis.co.za. # 1 Dopamien-dekor “Dopamien-drag”, ’n gewilde tendens in die modewêreld wat fokus op helder kleure wat jou opbeur, het aanleiding gegee tot “dopamien-dekor”. Nooi kleur in jou leefruimtes met ’n enkele opkikker-item of kies ’n kaleidoskoop van reënboogskakerings! DIE GOEDVOEL-FAKTOR SofaCompany se jongste lenteversameling bestaan uit die keur van hul ikoniese Deense ontwerpe wat elkeen ’n kleurspatsel vorm – net wat nodig is om jou blyplek ook jou “bly” plek te maak! Sien hul beperkte aanbod meubels in Moss Grass Green, Firenze Bubblegum en Moss Sun by sofacompany.com. Samewerking, goedvoel-kleure, natuurpalette en ’n plaaslike geur is maar net ’n paar van die opwindende tendense waarna ons uitsien in 2023! Kies laventel vir kalmte Die kleur-trends wat vir elke…

PROJEKGIDS #1 Harde werk 4/10Vaardigheidsvlak 4/10Tyd nodig 5 uurMaak dit vir ± R3 900: Hout R3 500, skuurpapier R20, laaimeganismes R350, skroewe R30 (handvatsels uitgesluit) PROJEKNOTAS • Ons het drie ekstra laai-eenhede, elk bestaande uit ’n raam en twee laaie, onderin die kas gesit; daarna is die deure aan die onderkant rondgesaag en geverf. • Die aanwysings “1L” en “2S2L” by die saaglys verwys na die paneelrande wat met swart randstroke afgerond moet word: 1L = 1 lang sy; 2S2L = 2 kort en 2 lang sye. Jou verskaffer kan dan sommer die randstroke vir jou byvoeg. #1 BEGIN MET DIE KASDELE Wat jy nodig het INKOPIELYS • 16 mm- wit melamien met swart randstroke, soos volg gesaag: ses 600 x 510 mm-raamsye (1L, sien projeknotas) drie 536 x 510…

RAAD E-pos jou vrae na troeteldiere@tuis.co.za. Vakansies is soveel pret! Met tjips, ja ... Frances, die goue apporteerhond, en sy beste maatjie Karmi kyk wat die rotspoele oplewer. – Yolande Cook, Harrismith Krismisboks Almal weet tog die verpakking is die beste deel van enige geskenk, sê Rossellini. – Doria Cucciolillo, Kaapstad Lekkie vir daai bekkie Die mopshond Pogo steel ’n vinnige soentjie by baba Elca. – Jana Visser, Kakamas Blommemeisie Gracie stel pienk blomme voor vir die Kerstafel. – Melanie Tolmie, Pretoria Warm kopie M-Pets Altitude Double Raised Pet Bowl Set (vanaf R600, verskeie handelaars) spog met ’n staander wat honde en katte se nekke beskerm terwyl hulle eet; die bakke is mikrogolfveilig en kan in die skottelgoedmasjien gewas word. My hartjie, my liefie ... Pearl bekyk die skouspel terwyl…

Tuisgebakte broodrolletjies Broodbak is heerlik, veral as jy nie haastig is nie en die proses kan geniet – soos wanneer jy vakansie hou. Dié veelsydige rolletjies is lekker met botter, kaas en heuning, of span dit in as mini-rolletjies gevul met ’n gebraaide vleisie en koolslaai. Maak 10-12 rolletjiesVoorbereiding: 45 minute, plus rystydBaktyd: 20 minuteOondtemperatuur: 180 °C • 4 x 250 ml meel, plus ’n bietjie ekstra vir die knie • 10 g kitsgis • 30 ml suiker • 5 ml sout • 250 ml louwarm water • 60 ml ongegeurde jogurt • 1 eier • 60 ml olyfolie, plus ekstra vir smeer GLASEERSEL • 1 eiergeel, geklits • 15 ml melk • sesamsaad of kruietakkies (opsioneel) 1 Meng die meel, gis, suiker en sout in ’n groot mengbak. Maak…

WENBRIEF Tuin van Eden Maureen Benjamin van Kensington, Kaapstad, skryf Ek wou al lankal ’n tuin en groentetuin op ons oorgroeide werf aanlê, maar het net nooit sover gekom nie. My liefde vir ’n tuin kom van my ma, wat ure lank in haar rolstoel buite kon sit en kyk na die blomme en luister na die voëltjies ... Uiteindelik het ek en Harris, my man, ’n plan gemaak. Ons het onkruid uitgehaal, ou bakstene en klippe gebruik vir ’n voetpaadjie, en palette gekry om die nuwe plante – meestal steggies van mense in die gemeenskap – op te sit. Harris het ’n prieel gemaak om die wingerd op te lei en bokse vir die plante by die bure gekry; hy’t ook die roosbome wat my oorlede ma jare gelede…

LESERHUIS | OPKNAP Marc en Kim Lange se opknapprojek is as’t ware ’n droom wat werklikheid geword het toe hulle ’n sekerheidskompleks kon verruil vir die vryheid en skoonheid van ’n nuwe lewe reg langs ’n lang wit strand aan die KwaZulu-Natalse suidkus. Maar die verf was skaars droog toe Marc iets doen wat Kim bitter boos gemaak het. Trouens, sy was so kwaad dat sy voorgestel het hulle gaan vir berading. Vandag lag Kim alte lekker as sy vertel hoe Marc sonder haar medewete hulle opknapprojek ingeskryf het vir die Tuis-kompetisie Regruk met Flair in samewerking met JoJo. “Dit was vir my so ’n verleentheid! Ek het nooit gedink ons huis is tydskrifmateriaal nie.” Marc haal net sy skouers op. “My vrou sal dit nooit erken nie, maar sy…

WIE WOON HIER? Jacob Crafford-Burger, sy lewensmaat, Wilco Botha, en Jacob se ma, Wilna Burger WAAR Paarl GROOTTE 385 m² Net soos kleremodes verander, so verander dekortendense ook. Dekor volg immers in die spoor van die modewêreld. Dit is wel nie so maklik om jou huisgoed uit te gooi en te vervang soos die geval is met ’n ou rok of hemp nie. Boonop koester die meeste van ons ’n paar sentimentele erfstukke en tweedehandse vondste waarvan ons nie graag ontslae wíl raak nie. Die goeie nuus is dat jy allermins al jou besittings hoef uit te gooi om ’n meer moderne huis te skep. Deur bloot ’n paar dekor-elemente en afwerkings te heroorweeg, kan jy op ’n slim manier ’n vars gevoel bewerkstellig. Hoewel Jacob Crafford-Burger van Jakob Interior…

VRA OP FACEBOOK Het jy ’n dringende vraag wat net nie kan wag nie? Sluit dan aan by ons Tuis I Homekennersgroep op Facebook sodat die span, kundiges en ander lesers kan help. Lelike pilare Marina Visser van Kaapstad skryf Hoe kan ek die opvallende pilare en boog by my voordeur verbloem? Die basisse is ongeveer 1,5 m van mekaar af en ek sien eenvoudig nie kans daarvoor om hulle af te breek nie. Ek het al houttraliewerk of ’n aluminiumraam wat die pilare en bokant van die boog bedek, oorweeg; selfs houtbekleding vir die hele muur. Maar ek is so bang dit gaan net die seeroog beklemtoon. Wouter le Roux van Hello Charlie Interior Design Studio antwoord Jou beste oplossing gaan beslis wees om die pilare af te…

GOGGA-WENK Spuit vroeg soggens of laat in die middag sodat jy nie tuinhelpers soos bye en liewenheersbesies, wat die res van die dag besig raak, skade berokken nie. Min dinge klop ’n asemrowende vertoning soos dié van krismisrose! Gee jou somertuin ’n kleurinspuiting met hierdie drie spoggerige krismisroos-hibriede wat nou in die blom is. # 1 Hydrangea macrophylla ‘Magical Revolution’ is ’n absolute wenner. Dié kompakte struik (80 cm hoog) dra trosse ligpienk of -blou blomme wat verkleur namate hulle ouer word; uiteindelik spog hulle in die herfs in ryk rooi of groen skakerings. Dis ’n wonderskone ervaring wat jou elke dag laat uitsien na die nuwe palet. Kweek dit só Halfskadu of volson, klam maar goed gedreineerde grond. Aard goed in houers, beddings en randakkers. Gehard teen plae, maar…

KLINK ’N GLASIE Pongrácz Nectar Rosé Light (R180, pongracz.co.za) is ’n versnit van tradisioneel geurryke pinot noir en elegante chardonnay, maar bevat net 8% alkohol. Dié Cap Classique met sy lieflike kersiebloeiselkleur is kompleks, en spog met ’n sweempie soetigheid en ’n weelderige vonkel. ’n Fees in jou glas Tovolo Tree & Snowflake Festive Ornament Ice Moulds (stel van 2) R399, yuppiechef.com Dek die tafel Coral Swirlservette (stel van vier, 45 x 45 cm) R225, indiaink.co.za ’N BLIKKANTIEN! Polka, die prettige handelsmerk van Stellenbosch Hills, bied nou ’n reeks wyne van gehalte in gerieflike 250 ml-blikkies aan – maklik om te verkoel, in te pak en weg te doen wanneer dit leeg is. Die blikkies 2022 Polka Rosé, 2021 Pinotage/ Merlot en 2022 Chenin Blanc/Sauvignon Blanc kos R32,95 elk. Besoek…

Weelde-patrollie Camp Canoe op die Boschendal-wynlandgoed teen die hange van Simonsberg is enige glanskampeerder se droom! Die eienaar, Amy Kropman, het die binneontwerpers Rotem Shachar en Megan Bond van die ontwerpateljee MR. vrye teuels gegee met die versiering van hul luukse tente. Toe vra hulle Bit by Bit Mosaic om ’n ruitpatroon wat aan ’n piekniekkombers herinner, teen die stortmuur te skep. Dis presies in pas met die Padvinder-geïnspireerde tema by Camp Canoe, en voer die muuroppervlakke in die tente tot nuwe hoogtes! Handdoek van The Cotton Co. Jare vooruit! Met die eerste oogopslag sal jy nooit glo dat dié trendy stort met sy kurwes en treffende oranje teëls in Susan Fourie se huis op Stilbaai reeds in 2005 gebou is nie. Sy was duidelik haar tyd vooruit, want die…

WIE WOON HIER? Lanie van Reenen WAAR Stanford, Overberg GROOTTE 350 m² Verwonder, verheug, dankbaar,” sê Lanie toe ek haar pols oor haar nuwe lewe op Stanford, waar sy in Augustus 2021 kom nesskop het. “Dit sal ons tweede Kersfees hier wees. En dit voel nog soos ’n wonderwerk dat al my geliefdes weer slaapplek het onder my dak.” Dié entrepreneuriese binneversierder het al verskeie hoede gedra: van Kaapse gastehuiseienaar tot mede-eienaar van ’n Franse château wat sy in ’n boetiekhotel omskep het, en selfs skrywer. In haar twee lekkerleesboeke – C’est la vie en die opvolg Net mooi fine – vertel sy openhartig hoe haar Franse avontuur skeefgeloop en sy álles verloor het, tot die dak oor haar kop. Dis dié wedervaringe wat haar blyplek op Stanford – ’n…

V: Waar kan ek ’n bruin tweesitplekleerbank soos die een op bladsy 19 van julle Mei/Junie 2022-uitgawe koop? – Khangezile Dlamini, Johannesburg A: Die bank is van Incanda en dit is beskikbaar by hul winkel of aanlyn by incanda.co.za. V: Ek wil graag ’n ronde swart kanttafel, soos die een wat op die Tuis van Oktober/November 2022 se voorblad was, aanskaf. Waar kry ek so iets? – Elaine Gladstone, Johannesburg A: Ons hou net so baie daarvan! Dis van sintetiese materiaal gemaak, en gekoop by Elevenpast (elevenpast.co.za). V: Waar kan ek ’n dienbak soos die een op bladsy 116 van jul Oktober/November 2022-uitgawe koop? – Annette Kruger, Kuruman A: Die bak was ’n tweedehandse vonds van Plan B Vintage (facebook.com/PlanBDecor) in Durbanville. Kyk gerus na die keramiekkunstenaar Mervyn Gers se…

LESERTUIN WIE WOON HIER?Johan en Malinda van der Colff en hul twee foksterriërs, Nippie en Casby WAAR Carpe Diem, Upington GROOTTE VAN TUIN 1 ha GRONDTIPE Kleigrond As ’n mens op Kanoneiland digby Upington grootgeword het, weet jy hoe om in die warm somerson tuin te maak. Soggens vroeg as alles nog mooi en stil is, is vir my die lekkerste. Ek hou baie van die knipwerk en om vormsnoeiplante te sny. Ek loop gedurig deur die tuin met die snoeiskêr hier teen my lyf! – Malinda Vir Malinda van der Colff is tuinmaak in die son nie ’n probleem nie. “Ek doen dit al jare lank en is gelukkig lief vir die son. Vandat ek op die plaas kom bly het, is ek elke liewe dag iewers in die…

AGTERBLAD s tannie nou aspris?” vra die jong barista by die buurt se koffiekarretjie anderdag toe ek vra vir ’n koppie tee. Ek wou wragtag nie aspris wees nie; ek was net skielik lus vir tee. Dié opwip-koffiekarretjie maak verskriklik lekker koffie en ek gaan staan graag in die ry daar vir my bekertjie troos. Klokslag halfsewe smoors hoor ek die puf-puf van die tweesilinder-bromponie aankruie tot langs die parkie by die rivier hier naby die huis. Op sy rug is ’n makhulu espressomasjien staangemaak – jy kan maar sê dis ons eie Starbucks-op-wiele. En kort voor lank kom dese en gene verby en stap weer weg met skuimende cappuccino’s – skool toe met die kinders, werk toe of sommer net padlangs met die honde. Koffie is ’n ding, mos.…