Sommaire pour Dec 2025 / Jan 2026 de Tuis

Vroeër vanjaar sit drie van ons om ’n tafel in een van die nuutste trendy restaurante in Kaapstad. Dis über-koel (“pynlik”, in goeie Afrikaans). Die kelner is ’n prentjie en, blyk dit, nie ’n kelner nie. Sy praat met ’n Amerikaanse TV-aksent en glo klaarblyklik in “colour blocking” – haar broek is elektries blou, en haar hemp … wel, sy en haar vrinne noem dit sekerlik “tangerine”. Ek noem dit oranje. Die doel van haar verskyning is om te sê dat sy nie ons bestelling wil of gaan neem nie (ek is seker jy kan die houding “lees”) en dat iemand anders (wat glo in “colour drenching”) ons gaan bedien in ons vuilpienk “booth”. As al drie uit een kleinbordjie moet pik, moet ons sekerlik ’n U-vormige banksitplek kan deel?…

E-pos jou vrae na kenners@tuis.co.za. Stilis se wenke Verfris jou gastebadkamer Dit hoef nie duur of moeilik te wees om voor die vakansie nuwe lewe te blaas in jou gastekamer nie. Met ’n paar slim planne en aandag aan detail wat jou nie ’n plaas se geld gaan kos nie, is dit maklik om hierdie vertrek vars en stylvol te maak, sê ons kreatiewe redakteur, Marian van Wyk. Begin met ’n deeglike skoonmaak ’n Silwerskoon badkamer voel dadelik verwelkomend en weelderig. Voordat jy iets nuuts indra, was alle oppervlakke, skrop die teëls en voegbry en sorg dat die spieëls, krane en glas blink. Gee aandag aan handvatsels, ligskakelaars en die toilet se basis wat dikwels oorgeslaan word. Pak al die losgoed weg ’n Netjiese badkamer skep ’n ontspanne atmosfeer. Hou…

Stuur dekor- en leefstylnuus na johane.neilson@tuis.co.za. Feesgoud Handgemaakte olyfblaar-metaalversiering (50 cm L x 48 cm B) R890, shop.babylonstoren.com In die rondte rOund&rOund Frames se stigter, die kunstenaar Danélle Janse van Rensburg, glo rame het geen grense nie. Haar spesiaal gemaakte berkehoutrame vir kunstenaars wat ronde kuns skep, sluit nou ook ander vorms, soos kapsules, in. Haar aanlynwinkel-en-galery bied geraamde kunswerke en interieurprodukte soos spieëls, kurkborde en meer aan. Gaan loer by roundandround.co.za. JA, PIENK! Die Baby Bella-wasbak van The Concrete Corporation (beskikbaar in allerlei kleure; R4 542,50, concretecorp.co.za) bring minimalistiese ontwerp na klein ruimtes sonder om styl prys te gee. Dis ideaal vir ’n gastetoilet of klein badkamer en kan op ’n toonbank of met ’n losstaande staalraam gebruik word. Kyk hoe mooi is dit saam met die Nova-spieël (R4…

WIE WOON HIER? Gisela PierceyWAAR SimonstadGROOTTE 120 m² Die vuilpienk Victoriaanse huis uit 1890 ’n klipgooi van Simonstad se wêreldbekende Boulders Beach het haar sommer met die intrapslag bekoor. Gisela Piercey glo juis as jy beoog om te koop, moet die skouhuis met jou binneste praat. Voel jy niks, hou jy liefs verby. Dit was die heel eerste huis waarna sy einde 2023 gaan kyk het en daar was vir haar iets buitengewoon spesiaals aan dié stukkie goud uit Kaapstad se erfenisskatkis. Gisela, ’n Switserse boetiektoergids, woon al jare lank in Suid-Afrika en was op soek na ’n familievriendelike tuiste wat sy ook op kort termyn kon verhuur, verkieslik naby gewilde toerisme-aantreklikhede. “Die pikkewynkolonie by Boulders is binne loopafstand, en boonop is hier beeldskone strande en soveel juwele om te…

#1 Pure Polaroid Van selfies tot sonsondergange ... Aan foto’s is daar in niemand se lewe ’n tekort nie, want dis deesdae so maklik. Maar hoe gemaak met daardie spesiale vakansiefoto’s wat keer op keer ’n glimlag op jou gesig sit? Gee jou immergroen herinneringe ’n kans in die kollig! Bo dié lessenaar in ons kosredakteur, Johané Neilson, se kantoor, bied drie handdoekrelings en gordynringe met knippies die perfekte oplossing vir ’n galerymuur wat sy na hartelus kan afwissel. Ruil die foto’s om of voeg sketse, poskaarte of liefdesbriefies by. Vir ’n tikkie nostalgie is die foto’s in Polaroid-styl gedruk. Het jy geweet? Polaroid-kameras was gedurende die 60’s en 70’s uiters gewild vir die (destydse) “wonderwerk” dat dit ’n foto sou uitspoeg net nadat jy dit geneem het – en…

Stuur tuininligting en -vrae na tuine@tuis.co.za. Die somer omskep Suid-Afrikaanse tuine in lewendige uitbreidings van ons huise. Maar ofskoon die seisoen ons verlei om net te geniet en ontspan, is dit ook nou tyd om te sorg dat ons buiteruimtes geil, gesond en gereed is vir feestydkuiers. Volg dié wenke en benut jou tuin ten beste dié seisoen: KLEUR, TEKSTUUR EN TAWWE TIENIES Die somer is ’n tyd vir inspring en plant. As jou beddings gedaan lyk, vul hulle met hittebestande sterre soos kosmos, heuningblommetjies, engelvlerkies, hibiskus of Echinacea. Vir ’n spatsel kleur in ’n kits, plant jakobregop-, petunia-, magrietjieen gousblom-saailinge. En moenie die skadukolle vergeet nie – dis perfek vir seeroogblommetjies (Hypoestes aristata), impatiëns, lobelias of begonias. BEDDINGS MET TREFKRAG Die regte plante bymekaar sal jou tuin veerkrag, diepte…

WIE WOON HIER? Hardie en Jessie Strydom, en Mila die YorkieWAAR StellenboschGROOTTE 1 000 m²OUDERDOM VAN HUIDIGE TUIN 11 jaar GRONDTIPE Goeie tuingrond Die eerste ding wat Hardie en Jessie Strydom gedoen het toe hulle in 2014 hier op Stellenbosch begin tuinmaak het, was om die tuinhekkie na die middel van die heining oorkant die voordeur te skuif sodat mense reguit kan instap. Daarna is die toegegroeide voortuin skoongemaak. “Die tuin was informeel en oorvloedig, met ’n massa krismisrose in die agtertuin. Daar was ook groot bome soos die Chinese esdorings (Acer buergerianum) en ’n Australiese vlamboom (Brachychiton acerifolius), wat ons behou het,” sê Jessie. “Maar ons hou van ’n meer formele voorkoms. Ek het geweet wat ek graag wil doen, maar was nie seker watter plante die regte voorkoms…

Lamsrak met okkerneutkruiekors Maak seker jou dienbord is warm wanneer jy die lam daarin opdis. Genoeg vir 6 Voorbereiding: 30 minute Gaarmaaktyd: 40 minute Oondtemperatuur: 200°C KORS 60 ml gekapte platblaarpietersielie 5 ml gekapte mentblare 2 ansjovissies, fyngekap 8 okkerneute, fyngekap gerasperde skil van een suurlemoen 60 ml panko-broodkrummels VLEIS 2 lamsrakke, sowat 600 g elk nadat die beentjies skoongeskraap is 15 ml Dijon-mosterd 1 Meng die pietersielie, ment, ansjovissies en okkerneute. Kap ’n paar keer saam fyn met ’n skerp mes en meng dan met die suurlemoenskil en broodkrummels. Hou eenkant. 2 Sny met ’n skerp mes die lam se vetlagie in ’n geruite patroon sonder om tot in die vleis te sny. Vryf die gesnyde vet goed in met sout. Sit die lam vetkant eerste in ’n koue…

Grondboontjiebotter-koekies Maak sowat 24 koekies • Voorbereiding: 15 minute, plus verkoeltyd • Baktyd: 12-15 minute per sarsie Oondtemperatuur: 180 °C 125 ml (½ koppie) botter, sag 125 ml (½ koppie) gladde grondboontjiebotter (onversoet) 200 ml (¾ koppie) ligbruinsuiker 1 ekstragroot eier 5 ml vanieljegeursel 125 ml (½ koppie) koekmeel 60 ml (¼ koppie) gekapte sout grondboontjies mini-Astro’s vir versiering (opsioneel) 1 Verroom die botter, grondboontjiebotter en suiker saam tot lig van kleur. Voeg die eier en vanielje by en klits tot gemeng. Sif die meel by die mengsel en meng dit in om ’n gladde deeg te vorm. 2 Rol die deeg in klein balletjies en rangskik dit op bakplate wat met bakpapier uitgevoer is. Laat genoeg plek sodat die koekies effens kan uitsprei tydens baktyd. 3 Druk die koekies met…

Ons moet almal daardeur, ongeag rang, ras of klas. Die een of ander tyd moet jy jou aanmeld in die gevreesde rye voor Binnelandse Sake. En hier’s ek weer, vier jaar nadat ek ’n spesiale hemel vir staatsamptenare bepleit het (Tuis, September 2021). Jy berei jou Bybels voor, omgord jou lendene en versterk al wat ’n borswering is geestelik om voor hanekraai en dageraad ootmoedig jou plek neffens jou medestrewende landsburgers in te neem. Uit die staanspoor weet jy al die kans op sukses is prekêr. Die ry is óf te lank en word reg voor jou afgekap óf jy’s uiteindelik voor, maar die stelsel is “off-line”. Vir my jongste Binnelandse Sake-avontuur moet ek drie keer gaan staan. Elke keer vroeër, bietjie beter voorberei. Mens pak immers dié uitstappie net…

Oulap se rooi Sharon O’Callaghan-Marais van Riebeek-Kasteel wou ’n tikkie rooi in haar splinternuwe slaapkamer gebruik, maar het as binneontwerper gehou by haar reël van “minder is meer”. “Ek hou van ’n lekker streep, en toe ek dié vrolike materiaal met sy dieprooi bane kry, kon ek nie wag om dit te gebruik vir ’n oortreksel vir my bedbasis nie,” vertel sy. “Die breedte van die streep was perfek – te veel strepe sou vir my te besig gelyk het. Boonop is dit fluweel, wat so heerlik weelderig voel! “Rooi en groen is komplementêre kleure en werk altyd goed saam, daarom het ek olyfgroen beddegoed gekies vir ’n moderne kinkel. Dit pas perfek by die donkerrooi op die bedbasis en die roeskleur in die gordyne. My nege jaar oue skaaphond,…

DIE EIENAARS Mike en Lindsay Horsthemke met hul kinders, Beau (8) en Charlie (1)WAAR Scarborough, Kaapse Skiereiland GROOTTE 205 m² Scarborough in die Kaapse Skiereiland is die Horsthemkes se gunsteling-strand, selfs al woon hulle permanent op ’n eiland wat as een van die allermooiste ter wêreld beskou word: Majorka in Spanje. “Scarborough is ’n baie spesiale plek en ons is mal daaroor om een keer per jaar hier te kom uitspan om sy ‘magic’ te waardeer,” sê Lindsay. Lindsay en Mike, wat in Kaapstad gebore en getoë is, werk al meer as twee dekades in die buiteland, maar het nog altyd daarvan gedroom om ’n huis in Suid-Afrika te besit. Toe Mike se argiteksuster, Andrea Wright, hom in 2014 bel en vertel van ’n piepklein huisie wat in Scarborough te…

DIE EIENAARS Irna van Zyl en Bridget McCarney, hulle hond, Billie, en kat, CharlieWAAR Pearly Beach, OverbergGROOTTE 320 m² “Wanneer ’n mens by die huis instap, is dit asof iets van jou skouers afval en die tyd net tot stilstand kom,” sê Irna van Zyl oor die strandhuis waar sy en haar lewensmaat, Bridget McCarney, vakansietye hulle batterye kom herlaai. Maar hierdie is ’n storie van ’n tweede kans. Want Irna, ’n afgetrede media-entrepreneur en die skrywer van vyf (binnekort ses!) misdaadromans, en Bridget, ’n geïntegreerde lewensafrigter, het nie altyd besef hoe diep in hulle harte Pearly Beach wortelgeskiet het nie. Twee jaar nadat hulle in 2018 ’n huis laat bou het op Hermanus (minder as 70 km van Pearly Beach af), het die twee gesoute reisigers en bosliefhebbers hul…

E-pos vrae na troeteldiere@tuis.co.za. Uitgepaas Die Boston-terriër Eddie het genoeg gehad, maar Ally is reg vir nog. – Jo Georgiadis, Durban Optelgoed … Mollie se suksesvolle skoenjag. – Luan Holtzhauzen, Ladysmith, KZN Ougat verby! Benji en Snippie poseer vir die jaarlikse Kerskaartjie. – Retha Wepener, Sunningdale Blommemeisie ’n Kappertjie vir Kimchee se kroon. – Natalie Boruvka, Dieprivier Feesvere Die schnauzer Harley is reg vir partytjie. – Patricia van Rensburg, Kaapstad Strandskemer Die Labradors Connor en Hazel span uit by Boknesstrand in die Oos-Kaap. – Nicole Hutton, Durbanville WEN! Die eienaars van die troeteldiere op dié bladsye wen elk ’n geskenkbewys van R500 van Petshop Science (petshopscience.co.za). Petshop Science bied ’n wye reeks spesiale bykomstighede vir troeteldiere aan by jou naaste winkel en aanlyn, óf dit kan gerieflik by jou deur…

VERSKAFFERS Babylonstoren shop.babylonstoren.com Italtile italtile.co.za Mr Price Home mrphome.com Patio Warehouse patiowarehouse.co.za Poetry poetrystores.co.za Woolworths woolworths.co.za Yuppiechef yuppiechef.com…

Maak een 28 cm-ster met vier lae • Voorbereiding: 1 uur, plus afkoeltyd • Baktyd: 1 uur • Oondtemperatuur: 120 °C MERINGUELAE 100 g amandelmeel 20 ml mielieblom 250 ml (1 koppie) strooisuiker 4 eierwitte 5 ml vanieljegeursel VLAVULSEL 1,25 liter melk 250 ml strooisuiker ’n knippie sout 4 eiergele 80 ml (¹/³ koppie) koekmeel 125 ml (½ koppie) mielieblom 10 ml vanieljegeursel GARNERING 125 ml gerasperde donkersjokolade 200 g sjokoladeballetjies ’n paar speserykoekies, gekoop of tuisgemaak (sien resep op bl. 133) 1 Maak die meringue Voorverhit die oond. Meng die amandelmeel met die mielieblom en 30 ml suiker en hou eenkant. Klits die eierwitte met ’n elektriese klitser tot dit amper stywe punte vorm. Klits die res van die suiker lepel vir lepel by tot goed gemeng en glansend.…

ORDENTLIK GEBAK Motherdough, die bakkery wat natuurlike fermentasie en ouwêreldse Italiaanse metodes inspan, het ’n nuwe panetteria op die plaas Arkelshoek in die Jonkershoekvallei geopen. Nou is hul legendariese suurdeeggebak, fyngebak en kaasbraaibroodjies in nog ’n hoek van die Kaapse Wynland te kry. Die panini’s is ideaal vir middagete ná ’n stewige stappie. Vir nog inligting, besoek motherdough.co.za. Met liefde vir Ma Die nuwe Cafe Sofi by Tashas in Tuine, Kaapstad, bring hulde aan die stigters, Natasha en Savva Sideris, se ma, Sophia Electra, met elke hoekie wat haar gees weerspieël. Die spyskaart is eenvoudige geregte wat geanker is in Sophia se liefde vir klassieke trooskos wat elegant gemaak word. Ons hou van die rösti en bief-ragù (sien foto), die wonderlike heuningbotter-croissant, en krapkoekies met sitrusmayonnaise! Besoek instagram.com/cafesofi om die…