Sommaire pour October 2019 de Weg!

‘Dis alom stil. Glinsterende grashalms buig in die wind. Ligene kruip onsigbaar stadig teen sandsteenhoekpale uit. Dis kaal hier, maar nie leeg nie. Monochroom, maar mooi genoeg vir Pierneef.’ – Sophia van Taak oor Rosendal SÓ RY DIE TREIN! Nog altyd gedog die Bloutrein is ’n stywe affêre? Nee wat, ’n balrok is oorbodig, sê Martinette Louw REISJOERNAAL Die Gurneys se reis oor die lengte van Afrika kom al hoe nader aan die huis – vandeesmaand toer hulle deur Kenia. ROSENDAL Op die oog af lyk dit na net nóg ’n vaal Oos-Vrystaatse dorpie wat iewers vergete geraak het. Maar vertoef ’n rukkie en laat haar kleurvolle karakters jou hart steel.…

Cape Brewing Company Proe Oktoberfest-bier Hoekom? Hierdie drankie in ’n Beierse styl is ’n klassieke Duitse bier. Dit het ’n goeie balans van mout en hop, met ’n effense geur van geroosterde karamel. Styl Märzen Waar? Spice Route, Paarl Drakensberg Brewery Proe Giant’s Castle Stout Hoekom? Dié donker, volronde brousel is perfek vir koel lente-aande voor ’n kaggelvuur. Styl Droë swartbier Waar R600, Champagne Valley, KZN Clarens Brewery Proe Clarens Goes Nuts Hoekom? Hierdie seisoenale bier word eksklusief vir die Clarens-boetiekbierfees gebrou ( clarenscraftbeerfest. com). Dis ’n vrugtige brousel – ideaal vir beginners, met ’n skeut van die kersies waarvoor Clarens bekend is. Styl Gegeurde bier Waar? Markstraat 326, Clarens, Vrystaat Frontier Beer Co. Proe Rye the Beloved Country Hoekom? Dis pikant. Dis aards. Dis volkome Suid-Afrikaans. (Ons hou ook…

“Haal jou tent uit sy sakkie en herpak dit in jou rugsak. Dit pak baie vinniger weg in die oggende en versprei die gewig van die tent beter. Bring kos saam wat lig en maklik is om te maak, selfs al eet jy elke dag dieselfde ding. Die stap is reeds opwindend genoeg; kos is net brandstof. “Daar is min staptogte waar jy so ’n wilde ervaring kan hê – dit voel asof jy terugreis in tyd. Jy het basies dieselfde ervaring as die handelaars en ontdekkers wat in die laat 1800’s hier deur is.”…

Varklies-enpynappelsosaties Ek maak dié varklies twee keer gaar – eers in ’n geurige kookvloeistof in die pot en dan bedruip met ’n soet sousie oor die kole. Dit neem langer, maar wag totdat jy dit proe! Genoeg vir 6 Bereidingstyd 1 uur plus afkoeltyd Gaarmaaktyd Sowat 3 uur Oondtemperatuur 180 ºC Jy benodig • 1 varklies van 1,2 kg (sonder vel) • 1 ui, in kwarte gesny • ’n paar vars lourierblare (opsioneel) • 1 koppie pynappelsap • 3 koppies hoender- of groenteaftreksel • ½ pynappel, in blokkies gesny • 1 rooi soetrissie, in blokkies gesny VIR DIE BEDRUIPSOUS • 1 koppie van die varklies se kookvloeistof • 2 eetlepels heuning • 1 eetlepel kookolie • 1 eetlepel sojasous • 1 teelepel dijonmosterd • ’n knippie sout Só maak jy 1 Voorverhit die oond tot 180 ºC. Sny die vleis in vier ewe…

Sea to Summit Aeros Reiskussings is ’n uitstekende reismaat en dié 50 g-kussing pas in ’n sakkie so groot soos ’n speelkaart en bied ’n gawe rusplek vir jou kop. R570 by takealot.com Cape Union Mart Compact Travel Adaptor Jou kamera en foon en ander katoeters moet gelaai bly; en aansluitproppe kan jou lelik in die steek laat. Dié een het ingeboude stuwingbeskerming en kan in meer as 50 lande gebruik word. R300 by Cape Union Mart Thule Subterra Power Shuttle Ja, ek weet ’n moonbag is nou weer mode, maar ek verkies om my laaiers en kragbanke eerder in een van hierdie sakke te bêre. R500 by Thule-verskaffers…

Die Bainskloofpas (R301) klou verbete aan die hange van die Du Toitskloofberg oos van Wellington. Terwyl jy ry, laat die steil kranse jou maag behoorlik draai, maar jy sien mos kans daarvoor, of hoe? Parkeer jou kar (aanwysings langsaan) en soek die Kaapse Natuurbewaring-bordjie wat na ’n hekkie beduie. ’n Tydelike plakkaat dui aan slegs permithouers mag deurgaan, maar jy het joune reeds gekry (sien kassie). Stoot dus die hekkie oop en laat waai! Die paadjie draai skerp na links en loop al langs ’n heining voordat dit afdaal na die Witterivier. ’Raait, nou moet jy jou lyf klipspringer hou en oor die rotse klim en na die oorkantste oewer klouter. Daar gekom, klim jy ’n steil heuwel uit tot die paadjie uiteindelik by ’n skaflike kontoerpad aansluit. Daarsy, die…

Zelma Rodin, #14 Downtown “Ek was vyf jaar in Indië, en het 18 maande gelede Groot-Marico toe getrek om betrokke te raak by permakultuurprojekte. “Nou maak ek onder meer kos – soos ’n Suid-Indiese ontbyt. Ek kan vir jou ’n voetspabehandeling ook aanbied. Maar ons drink ook koffie en wyn hier, vir balans! Ons wil graag hê dat #14 Downtown ’n plek word wat die hele gemeenskap kan geniet.” Jolene Muir, Many Hands “Op Marico is daar baie te doen en baie te gee. Jy kan in die son sit, of jy kan in die son sit en iets dóén – soos hekel. Dis ’n fabulous plek. Naweke trek ons saam en speel vir ure aaneen musiekinstrumente. “Moenie net vinnig in- en uitwaai nie. Kom bly vir minstens ’n week…

LUS VIR WEGKRUIPERTJIE SPEEL? Ek het onlangs laatmiddag met my voete in die Oranjerivier gesit en gestaar na die dor kranse oorkant in Namibië. Skielik pik iets my toon. Ek pluk my voet uit die water en staar die dieptes in. Skole klein vissies dartel rond in die donker water. Ek en my vrou, Ronél, het eenkeer by ’n spa in Blouberg ’n Groupon-koepon gebruik vir dié voorreg. Dus glip ek my bene weer in die rivier en wag vir die piksoentjies. ’n Entjie stroomop staan die opsigter van die lodge en sy woelige kleuter en vuurmaak. Ons raak aan die gesels oor ditjies en datjies, maar dinge raak ongemaklik nadat ek ’n faux pas maak oor die geslag van sy dogtertjie. Ek stuur die gesprek na die plaaslike voëls…

ROOIJAKKALS VS. MARABOE, PILANESBERG Ek en my man, Ben, was in Februarie 2018 op ’n naweekuitstappie saam met ons fotografieklub in die Pilanesberg-wildreservaat. Take is aan elkeen in die groep toegesê en dan was daar pryse op die spel vir byvoorbeeld die een wat die meeste verskillende diere op een dag kon sien. Ons het by die Manyane-kamp gebly en die oggend besluit om na die Lengaudam te ry. Lengau is ’n goeie plek om soggens foto’s te neem, want die lig val dan reg. Toe ons daar kom, het ons drie rooijakkalse sien lê naby die kant van die dam – skynbaar op baie strategiese plekke. Eers later het ek besef hulle lê juis só om hulle prooi te kan vastrek, want elkeen kon uit ’n ander hoek toesak…

Dit het seker al met elkeen van ons gebeur: Jy staan by ’n braaivleisvuur of kuier om ’n lang tafel en daar is iemand wat met groot gesag begin gesels oor iets waaroor hulle duidelik bittermin weet. En al weet jy voor jou siel die persoon is verkeerd, kan hy of sy nie van ’n ander mening of die waarheid oortuig word nie. Selfvertroue spruit makliker voort uit onkunde as kennis, het Charles Darwin meer as 150 jaar gelede geskryf in The Descent of Man, en deesdae is daar ’n wetenskaplike naam vir dié verskynsel. Dit word die Dunning-Kruger-effek genoem, en dit word gereeld aangehaal (seker nie verbasend nie gegewe die stand van ons wêreldpolitiek). David Dunning en Justin Kruger is die twee Amerikaanse sielkundiges wat in hulle navorsing gevind…

• Vermy katoenklere – dit absorbeer water en word nie gou droog nie. Dra eerder sportklere. En pak ekstra sokkies. • Koop ’n kaart. Dis die uKhahlamba-Drakensbergpark se Giant’s Castle-Injisuthi-kaart (stapkaart no. 3). Maak seker jy verstaan presies hoe die roete loop. Glo dit of nie, maar daar is selfoonontvangs by die Centenary-hut en plek-plek langs die platorand. Oorweeg om ’n kaart-app soos Komoot ( komoot.com) af te laai. • Ons het ’n Stanley-fles saamgedra waarin jy moerkoffie kan maak. Dit was nie die beste besluit nie, want dis groot en swaar om saam te dra. Indien jy glo koffie is noodsaaklik vir die werking van alle neurologiese funksies, vat liefs een van daardie silwer Italiaanse espressopotjies saam. • Die weer kan gou verander; pak dus genoeg warm klere.…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Enige soeterige sous of marinade maak ’n gereg lekker taai en voeg ietsie ekstra tot ’n vleisgereg, maar moet tog nie ’n soet wyn by daardie gereg voorsit nie. Die geure gaan jou oorweldig. Kies eerder droë wyn met ryp, vrugtige geure, veral een van ’n droë, binnelandse streek. Dit sal die soetigheid na vore bring sonder om dit te oordonder. Chenin blanc is die druifvariëteit wat kos die beste komplementeer. Dis veral lekker met marinades wat heuning, pynappel en sitrus bevat – dié geure kom almal in die wyn self voor. Die Delheim Wild Ferment Chenin Blanc 2018 (R135) is ’n heerlik komplekse witwyn. Dit word gemaak sonder eikehout en met tegnieke soos kontak met die afsaksel, heeltrosfermentasie, wilde gis en is vol elegante geel vrugte met ’n lekker…

DAG 1 Ons avontuur deur die Kalahari begin by die eerste kampplek – Twee-Rivieren in die Kgalagadioorgrenspark. ’n Laatmiddag-wildrit is opsioneel. Ná die lang rit kan jy in die swembad afkoel. Die aand om die kampvuur kan almal mekaar beter leer ken terwyl ons weglê aan aandete wat deur ons bossjef voorberei is. DAG 2 & 3 Ons mik vandag vir Nossob, waar ons die volgende twee aande bly. Langs die pad maak ons ’n draai by die Auchterlonie-museum waar jy meer oor die park se geskiedenis leer en ons vir middagete stop. Wanneer ons by die kamp aankom, staan ons tente en koffie en tee reeds vir ons en wag. Die volgende dag begin met koffie en beskuit vroegoggend, waarna jy die kamp kan verken of ’n wildrit kan…

MELKKAN, WELKOM In sekere dele van die Vrystaatse platteland, veral rondom Welkom, kan dinge maar vaal raak. Al wat jy so in die ry sien, is mielielande en mynhope... Maar as jy sowat 5 km wes van Welkom op die R710 ry, verras twee eienaardige staalstrukture jou: ’n vliegtuig en ’n mannetjie. Dié twee dui aan jy moet afdraai na die Melkkan. Dié eertydse melkplaas is in ’n karaktervolle kuierplek omskep vir Vrystaters wat wil uitry vir koffie, ’n lekker bord kos of ’n musiekkonsert – én vir road trippers wat langer wil bly. Die Melkkan behoort aan Wilmien Pieterse en is opgedollie met afvalmetaal, emaljeware, houtbordjies met vrolike boodskappe – ja, selfs kleurryke ou bra’s... én hier’s ’n motorwrak waarin jy kan braai. In die plaashuis is ’n paar…

‘On your way to Groot-Marico traffic is light, as usual,” sê die vrouestem op my selfoon nadat ek dié dorpie as bestemming intik iewers by ’n mall in Johannesburg. Dis mos wat ’n mens wil hoor as jy op pad is vir die naweek! Nadat ek myself uit die stad wurm, stuur die gerusstellende vrouestem my verby Krugersdorp, deur Muldersdrift en Magaliesburg. Geleidelik word die pad (nou die R509) stiller, verby Syferbult, Boons, Derby en Koster. Die Magaliesberg bly regs van my, en links maak Noordwes sy kenmerkende egalige bulte, beplant met mielies en sonneblomme. Dis al middel Mei, maar van die sonneblomme staan nog met vol geel gesigte. Uiteindelik bereik ek die N4, draai wes, ry deur Swartruggens, betaal ’n allemintige R75 by ’n tolhek (teen daai prys verwag…

18-20 Oktober 2019 Die Herman Charles Bosmanliterêre vereniging vier dié naweek die erfenis van die Marico se bekendste skrywer. Musiek- en teatervertonings, storievoorlesings en boekpraatjies vind plaas in die Herman Charles Bosman Living Museum. In die middel van die feesterrein staan ’n replika van die plaasskooltjie by Heimweeberg waar Bosman in 1926 skoolgegee het. Jy kan ook onder meer mampoer proe, leer brood bak, ’n terapeutiese tromsessie bywoon of leer wat ’n “gong bath” is. Koste Dit kos R1 000 p.p. vir die naweek. Halfprys vir kinders jonger as 12. Dit sluit twee dae se vermaak, verversings en maaltye in (ses etes – van Vrydagaand tot Sondagmiddag). Jy kan ook vir ’n korter tyd kom inloer, dan is dit goedkoper. Bespreek dadelik jou verblyf, want die dorp se beddens word…

Ons woon op Hartbeespoort, en Pilanesberg is dus net ’n bietjie meer as ’n uur se ry ver – ons gaan gereeld soontoe vir die dag. Dis lekker, want jy kan die Groot Vyf sien, en daar’s altyd aksie by een van die voëlskuilings of iewers in die veld langs die pad. ’n Mens kom selde daar weg sónder ’n goeie aksiefoto. Pilanesberg Centre is feitlik in die middel van die park en is ’n goeie stopplek vir bene rek en ietsie te ete of drinke. Hier is ook ’n watergat; dus kan jy net daar sit en diere kyk – ons het al selfs leeus hier gesien!…

ONTMOET DIE SKRYWER Gerard Scholtz en sy vrou, Anuta, woon op Rooiels, maar het al derduisende kilometer met trapfietse, bromponies en soms te voet afgelê en meer as 70 lande besoek. Gerard is ’n afgetrede dramadosent en werk deesdae as die boekeredakteur by DEKAT. Sy debuutroman, Lig wankelend, is in 2010 gepubliseer. Sy nuwe boek, Hier gaat ons!, is ’n inspirerende reisboek. Gerard vertel meer. Jy beskryf jouself as ’n toegewyde dokumenteerder. Wanneer het dié passie begin? Sover ek kan onthou, het ek dagboek gehou en briewe geskryf. Wanneer ons reis, skryf ek elke dag omdat beelde oor mekaar skuif en jy nie altyd kan onthou waar jy die vorige dag was nie. En ek is bang iets gaan verlore of dat ek vergeet. Wanneer het jy en jou vrou…

“Dis ’n uitdagende stap, en jy moet behoorlik voorbereid wees. Dra so lig as moontlik. Mense bring gewoonlik te veel klere en versnaperinge. Water is baie belangriker. “The Kruger Trail gaan oor meer as om net die afstand te stap. Dit is ’n persoonlike pelgrimstog deur ’n unieke wildernisgebied.”…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Jon Minster is al sedert 2006 deel van die Weg-redaksie. Vyf jaar lank het hy wyd gereis, stories geskryf en foto’s geneem. Daarna was hy vyf jaar assistentredakteur van ons sustertydskrif go!, en deesdae skryf hy deeltyds vir Weg. “Een van my take by die tydskrif was om die fotoportefeulje saam te stel,” vertel Jon. “Ek was altyd op die uitkyk vir fotograwe wat anders na die wêreld kyk. Mense wat iets ongewoons kan afneem waarna ander nie eens kyk nie. “Daardie fotograwe het my geïnspireer en ek het hulle kreatiewe beginsels in my eie fotografie begin toepas. Dus is dit ’n eer dat my foto’s hier geplaas word.” Swart-wit fotografie gaan oor kontras en tekstuur. Met die afwesigheid van kleur word drama geskep deur ’n ligstraal wat deur donker…

SPAAR PAKPLEK K-Wayopvoubare rugsak Vergeet van plastieksakke (dink aan die planeet!) óf om op jou sak te spring om alles te laat pas: Belê eerder in ’n saampersbare sak en hou dit in ’n groter sak óf in jou kattebak. Dié een bied tot tot 20 ℓ ruimte. Dis gemaak van Ripstop-nylon en sal nie sommer skeur nie. R250 by Cape Union Mart KLASSIEKE KARWEIER Capestorm Disa Hierdie dagsak van 15 ℓ is eenvoudig, maar kan werk én speel. Dis stewig, van goeie gehalte en duursaam. En stylvol. R400 by Outdoor Warehouse DIE SLIM PENDELAAR First Ascent Shift Hierdie is ’n eenvoudige maar goed ontwerpte duursame rugsak met heelwat bêre-opsies, en gestopte dele wat jou rug en skouers beskerm. Dis 28 ℓ en kan maklik middagete, jou skootrekenaar en goed…

Dag 1: Aankoms (per vliegtuig) in Punta Arenas, Chili Dag 2: Vertrek van Punta Arenas met die RCGS Resolute Dag 3: Ter see, na Falkland-eilande Dag 4-5: Falkland-eilande Dag 6-7: Ter see, na Suid-Georgië Dag 8-10: Verken Suid-Georgië Dag 11-13: Ter see, na Antarktika Dag 14-17: Suid-Shetland-eilande en Antarktiese skiereiland Dag 18-19: Ter see, na Falkland-eilande Dag 20: Aankoms in Stanley, Falklandeilande – hiervandaan vlieg jy dieselfde dag na Santiago, Chili…

In Sefalana: Granary of Batswana Wisdom from the Marico skryf ’n boorling van die dorp, Lucas Ntsimako, oor die tradisies van sy mense. Jy leer onder meer oor die oorsprong van die naam “Marico”. Die Batswana het die rivier die Mmadikwêna (Moeder van Krokodille) genoem omdat hier so baie krokodille was. Dié naam is later verkeerdelik neergeskryf deur vroeë trekboere en sendelinge as “Marikwen” wat toe eers “Maricoe” en later Marico geword het. Die boek kos R130. Waar? Inligtingsentrum, Paul Krugerstraat…

BLY HIER Djembe-backpackers Kampplek of ’n bed in ’n slaapsaalkamer kos R100 p.p. As jy jou eie kamer soek, kos dit vanaf R250 p.p. met ontbyt. Waar? Enkele kilometers suid van Groot-Marico 079 955 8119 (Jolene) Up The Creek Die drie basiese selfsorgkothuise (vir 4 of 5 mense) kos R250 p.p. Kinders jonger as 12 kry afslag. Alles is stapafstand van die rivier en jy kan hier swem. Waar? 4 km suid van die dorp 083 272 2958; 014 503 0085; info@marico.co.za RiverStill-gasteplaas Vyf private selfsorgeenhede – die grootste een het slaapplek vir 8 mense. Dit kos R370 p.p. behalwe vir die Gypsy-houthuisie (vir 2 mense) wat R250 p.p. kos. Hier is ’n groot grasperk, baie bome en dit is stapafstand na ’n groot swempoel in die rivier. Kinders jonger…

RV = REGS VOOR RA = REGS AGTER MUSKELJAATKAT Die kleinkol- en grootkolmuskeljaatkat se spore is identies. Hulle kom wyd verspreid in Suid-Afrika voor. BLOUAPIE ’n Klein bobbejaantjie en ’n blouapie se spoor lyk baie eenders. ROOIBOK Die bok se spoortjie lyk soos ’n hartjie. ’n Springbok s’n lyk ook so, maar dié twee bokke hou in verskillende dele van die land. Springbokke kom in die droër dele voor, terwyl rooibokke volop is in die noorde, veral in die Krugerwildtuin. KAAPSE BOBBEJAAN Hulle voete is twee keer so lank soos hulle hande. VOLSTRUIS ’n Volstruis het die grootste spoor van alle voëls. KOEDOE ’n Koedoe het eintlik ’n klein spoor vir so ’n groot wildsbok. LUIPERD ’n Luiperd se spoor lyk nes ’n leeu s’n; dis net kleiner. LEEU ’n…

Namate die Ethiopiese grenspos nader kom, sien ons die eerste keer in vier maande groenigheid. Die woestynlandskappe van die Soedan, Egipte en Jordanië was maar bar. By die stil dorpie Gallabat moet ons ’n vloot lorries systap om by die immigrasiekantoor uit te kom. Die proses is redelik pynloos en binne twee uur is ons in Ethiopië – een van die langverwagte hoogtepunte op ons reis. Van die grenspos af ry ons 350 km in die rigting van die Tanameer; soms is die pad geteer, soms is dit grondpad. Dis min of meer hoe ons reis in dié land verloop: Die paaie is goor. Ons het ons lelik misgis met die reistyd en moet noodgedwonge die aand sommer langs die pad kamp. Die volgende dag ry ons na Bahir Dar…

Nou die dag lui my foon. Ek jok. Dit was al in Mei. Daai maand wanneer die winter sy voelers begin uitsteek en die somer reeds met ’n boarding pass in die hand staan. Gewoonlik beantwoord ek onbekende foonnommers in die week, maar oor naweke ignoreer ek hulle. Dié betrokke Saterdagoggend sit ek by die huis: Ek het my vierde beker koffie in en skryf aan my volgende bundel kortverhale. As ek nie iewers ’n naweektroue of mondigwording bywoon nie, sal die boek betyds in die uitgewer se inboks wees. Ek oordoen mos altyd alles by troues en mondigwordings. Dan is ek twee maande lank babbelas en niks word gedoen nie. Toe lui my selfoon. ’n Onbekende nommer. Antwoord maar, dink ek. Jy weet nooit. Ek glo nogal in divine…