Sommaire pour May 2016 de WegRy

Ek skryf na aanleiding van julle afskeidsartikel oor die Land Rover (“Legende leef voort” in WegRy #80). My Landy, Bloubul, is in 1992 gebore. Sy geboortesertifikaat is egter eers vroeg in 1993 uitgereik. Ek het hom in 2004 op 11-jarige ouderdom aangeneem met 165 000 km op die klok. Ek is, net soos die meeste ander Landy-liefhebbers, van kindsbeen af versot op dié rygoed, en meer spesifiek die ouer Defender-modelle. My eerste Landy, ’n 1974 Series III-dieselbakkie, het ek opgebou vanaf die spreekwoordelike hoenderhok tot sy oorspronklike toestand. Bloubul is my tweede Landy. Ek het intussen ’n 2004 Freelander Td4 (een van die lekkerste karre wat ek nog gery het!), asook ’n Td5 110 HCPbakkie gehad. Bloubul was oorspronklik toegerus met die betroubare 3.5 V8-Rover-petrolenjin. Ná ’n onvergeetlike Botswana-toer in…

“. . .dis baie belangrik dat jy inligting duidelik aan die operateur oordra.” Ná die artikel in die Maartuitgawe (WegRy #80), “Die regte radiotaal,” het jy hopelik nou ’n goeie idee oor die regte manier om jou tweerigtingradio op ’n 4x4-toer te gebruik terwyl julle rondry, diere kyk en die langpad lekkerder maak. Maar wat as dinge skeefloop? Jou voertuig tref ’n dier en kan nie verder ry nie; jy maak ’n ongeluk en daar’s beserings; iemand in die konvooi kry ’n hartaanval of ander ernstige mediese krisis. Een van ons lesers, dr. Chris Viljoen, het ook aan dié soort situasies gedink ná hy die Maart-artikel gelees het. Chris was vir baie jare by nooddienswerk betrokke. “Dié ondervinding het my geleer dat mense in ’n noodgeval gereeld alle prosedures vergeet…

Moenie alleen voel as jy al gesukkel het om vir iemand BMW se X-reeks te beskryf nie. Want dit val êrens tussen ’n luikrug, ’n klein sportnutsvoertuig en ’n sagte veldryer. Op die oog af Die X1 se bakwerklyne laat hom laag en sportief lyk, maar hy staan byna net so hoog soos ’n Hyundai IX35 en is amper net so lank ook. Die X1 val egter in ’n kleiner klas en ding eerder mee met luikrûe soos die Mercedes Benz GLA of Audi A3. Binnelangs Ek was aangenaam verras met die kajuitruimte. Hoewel die bestuursposisie sportief en dus effens beknop voel, is die voertuig self ruim. Jy sit hoog, met ’n goeie uitsig rondom jou, en te danke aan ’n hoë daklyn voel die X1 groot en gemaklik binne.…

Is dit ’n Discovery? Nee. Is dit ’n sportvoertuig? Weer eens, nee. Wat dit wél is, is ’n intreevlak- Land Rover sportnutsvoertuig wat ook die Discovery-naam dra. En net om dinge deurmekaarder te maak: Hy’s groter as die duurder Evoque (waarmee hy ’n onderstel deel), maar die Evoque is weer ’n meer bekostigbare ryding in die Range Rovermodelreeks. In eenvoudige taal is die Discovery Sport die plaasvervanger vir die Freelander – wat nie meer bestaan nie. In WegRy#79 is die Land Rover Discover Sport HSE Luxury aangewys as die Sagte Veldryer vir 2016 in ons jaarlikse 4x4 van die Jaar-kompetisie. Hier skryf ons egter oor die goedkoper SE-model wat jou dalk minder luukses bied, maar teen R673 700 is hy ook heelwat goedkoper as die HSE Luxury se R775 300.…

Sommer van vroeg af was dit duidelik – Madagaskar gaan nie maklik wees nie. Ek is reeds deur die maatskappy wat ons voertuie verskeep het, gewaarsku: Regterhandstuurvoertuie word nie op die eiland toegelaat nie. Ons probleme het dus begin voor ons nog voet aan wal gesit het. Op sosiale media en in ander gesprekke is ons gewaarsku oor die toestand van die paaie, die korrupte amptenary en die talle padblokkades. En taal sou ’n kwessie wees. In die groot dorpe praat sommige mense Frans, maar op die platteland is dit net Malgassies. Dit sou ’n groot uitdaging wees. Ek het deur middel van die ambassadeur, Gert Grobler, die Malgassiese regering gekontak en ons dilemma verduidelik. Voetspore word met Voetspore-voertuie afgelê. Die Cruiser is drie maande lank my huis, my kantoor,…

1 VRIES IN VOLGORDE Pak jou vrieskas in die volgorde waarin jy die kos gaan eet. As dit moontlik is, maak die vrieskas net een keer per dag oop om iets uit te haal. Hoe korter die deksel oop is, hoe minder krag verbruik dit. 2 ONTDOOI MOOI Ontdooi jou vleis deur dit die aand voor die tyd in jou yskas se vrieskompartement te plaas. Dit hou die yskas koud en spaar batterykrag. 3 MANDJIE VIR MANDJIE Mandjies in jou vrieskas/yskas verbeter die lugsirkulasie en hou die temperatuur konstant. Dit voorkom ook vriesbrandmerke waar jou kos aan die vrieskaswand raak. 4 KNIP HOM TOE Gebruik jou yskas/vrieskas se knippe om dit dig te sluit. Dit hou die hitte buite en beskerm die seëls. 5 LUGDIG As jy jou kos in…

Ek is nie seker presies waar my obsessie met rubber ontstaan het nie, maar ek vermoed dit was iewers in Noord-Mosambiek. Ek was in die bosse in ’n konvooi swaar gelaaide Toyota-4x4’s. Ons het van die moeilikste terreine in Afrika teëgekom. My reisgenote (onder meer ’n groep motorverslaggewers) was beïndruk met hoe goed die Toyota’s gevaar het, maar ná sowat 8 000 km op slegte paaie, het ek ’n groot respek vir die veelterreinbandmark ontwikkel. Ons het nie ’n enkele pap wiel gehad nie! Die bande was ongetwyfeld die helde van die toer. Ek het onlangs ’n peiling gelees wat lesers vra om 4x4-toebehore in die volgorde van belangrikheid te rangskik. Ek was verras om te sien hoeveel 4x4-eienaars veringstelsels en ewenaarslotte belangriker ag as bande, asof hierdie toebehore op…

Toe die Fortuner presies tien jaar gelede in Suid-Afrika bekend gestel is, was dit moeilik om presies te sê wie sy mededingers was, want daar was niks om dit mee te vergelyk nie. Dit was ’n ryding wat eiehandig ’n nuwe klas, dié van die bakkie-gebaseerde sportnutsvoertuig, geskep het. Een waarvan amper 100000 hier verkoop is. Die IMV, oftewel Innovative International Multi-purpose Vehicle-platform waarop beide die nuwe Hilux en Fortuner gebaseer is, is natuurlik heeltemal herontwerp. Een van die belangrike veranderinge is agterlangs, waar dit nou veelskakelvering het. Onthou die ou Fortuner wat se stert lekker los or sinkplaatpad kon raak? Met die nuwe vering behoort dit iets van die verlede te wees. VOORKOMS Toe ek die eerste foto’s van die nuwe Fortuner gesien het, het ek my bedenkinge gehad,…

“Teen skemer sal jy kokerbome saggies hoor dankie sê. Luister en jy sal net-net hulle gebed uitmaak.” Ek is mal oor streke. Maar op streke se grense moet jy fyn trap. Daar is gewoonlik nie borde wat jou laat weet wanneer jy die Namakwaland, Boesmanland, Kouebokkeveld of Kalahari binnery nie. Voor jy sien is jy deur die Bo-Karoo, Hardemanskaroo en Moordenaarskaroo. Jy gaan nie noodwendig grensdrade, berge of riviere sien en oorsteek wat hulle uitmekaar hou nie. Die grenslyne is amper denkbeeldige kronkels tot waar die grasveld verander in bossieveld of die klippe ophou en die sand begin. Gesprekke oor hierdie grense raak vuriger as debatte oor watter bakkie ’n sinkplaatpad die beste aanvat. Jy kan nie vir ’n Namakwalanner sê hy bly in die Boesmanland nie. Andersom gaan ook…

Dis laatmiddag toe ek in Port Nolloth aankom. Ek gaan stop by die kaai om die skepe in die laaste lig af te neem. Ek kry die idee dis half uit nuuskierigheid dat die kort vroutjie langs my kom staan. Die vlietende lig beklemtoon haar gelaatstrekke: gebreide mus op die kop, fronslyne op ’n vel wat al baie son gesien het, spierwit tande, donker, sprankelende oë. “Sy is ’n vrou, dié een,” sê sy met ’n hees stem wat my herinner aan die klank van skuurpapier op glas. Sy wys na die water. “Sy is jaloers, látie ’n vrou opie water toe nie.” Sy kyk na my vir ’n reaksie, en staaf haar argument verder. “En sy kry haar maandstonde ook, kyk maar. Dán is sy omgekrap!” Haar naam is…

Kolligte, spreiligte, ry-ligte, hulp-ligte. Noem dit wat jy wil, maar min mense gaan stry dat hulle waardevol in die nag is. Maar kan joune snags ’n koedoe op 200 meter uitwys? Ons het 14 verskillende LED-kolligte gaan toets om uit te vind. ‘LED’ VS ‘HALOGEEN’ VS ‘HID’ Toe Thomas Alva Edison die gloeilamp in 1879 uitgevind het, was dit basies ’n glasbal sonder enige suurstof, maar met ander gasse in waarin ’n wolfram-draad gegloei het as ’n elektriese stroom daardeur vloei. Die meeste halogeengloeilampe werk op basies dieselfde beginsel. HID-gloeilampe (die HID staan vir High Intensity Discharge) werk op ’n soortgelyke beginsel, behalwe dat die chemikalieë wat in die glasbol is, verskil – en dit nie ’n draad het wat gloei nie, maar ’n elektriese boog (arc) tussen twee punte.…

Toe ons inry van Stutterheim in die Oos-Kaap af en oor die vallei uitkyk, sien ons hoe die Ferndale-plaas vreedsaam in die Henderson-vallei genestel is. Om ons was die landskap groen, met verskillende soorte aalwyne en broodbome tussen die graslande. Ons het regs afgedraai van die grondpad af na die plaasopstal en is hartlik deur Butch en Jenny James verwelkom (as die naam dalk bekend klink, Butch is die oom van die bekende Sharks- en Springboklosskakel met dieselfde naam). Die kole het reeds gegloei en kort voor lank het ons die Oos-Kaapse gasvryheid begin ervaar … en die lekkerste lamstjops op die spyskaart. Vat die pad Die grondpad tussen Stutterheim en Cathcart loop deur die Hendersonvallei en skei Ferndale se roetes in twee – aan die noordelike kant is die…

HYUNDAI TUCSON Tucson slaan SA teer Die nuwe Hyundai Tucson is nou in Suid-Afrika beskikbaar. Hy's byna identies aan die een wat in Europa verkoop word (sien WegRy #76). Die enigste beduidende verskille is die afwesigheid van ’n elektriese laairuimdeur en LED-hoofligte, en ’n ander navigasie- en multimediastelsel (’n opsionele ekstra teen R15000). Suid-Afrikaanse modelle kry vir eers net die 2,0 liter- en nuwe 1,6 liter-petrolenjin. Die res is dieselfde – ’n algehele herontwerp met kragtiger en meer ekonomiese enjins, verbeterde vering, ander elektriese kragstuur en ’n binneruim wat die Tucson al hoe meer soos ’n premiumklasryding laat voel. Vyf modelle sal in Suid-Afrika beskikbaar wees, van die intreevlak 2,0 liter-petrol met ’n sesspoed-handrat- of outomatiese ratkas, tot die vlagskip 1.6 TGDi Elite met sy 7-spoed-dubbelkoppelaar-ratkas en deeltydse vierwielaandrywing. Pryse…

As Tony Deleva van Kaapstad in sy blinkswart Jeep Rubicon verby jou ry en jy hom nié oplet nie, moet jy begin bril soek. Of miskien misgis jy hom vir ’n vragmotor, want hierdie monster van ’n voertuig staan op 38 duim-bande. “Hierdie is my speelding,” vertel Tony trots. “Dis my algemene runner en vir duinry en hindernisbane. Dié dat hy so hoog staan!” sê hy. Die Jeep is dalk Tony se grootste 4x4, maar nie sy eerste nie. “Ek is al lank lief vir 4x4’s en het al menigte besit, van Jeep tot Toyota en alles tussen-in,” sê hy. “Maar ek het ’n Jeep gekies vir dié projek omdat ek glo dis die beste 4x4.” Hy het ’n Toyota Fortuner in die verlede laat opbou sodat dit al wat…

Ons woon in ’n kamphemel hier in Suider-Afrika. Ons het van die wêreld se beste nasionale parke, en dan is daar nog al die oorde, gasteplase en kleiner kampplekke, van Kaap Agulhas tot teen die Limpoporivier. Jy kan koers kies na die Drakensberg, of die pad vat na die grootse ooptes van die Karoo. Jy kan tob tussen ’n langnaweek in die Bosveld of ’n wintervakansie in die Kalahari. Maar lank voordat jy plek bespreek, moet jy jouself voorberei. Dis nie lekker om by jou bestemming aan te kom en dan te besef jy’ t jou kampstoele in die motorhuis vergeet nie! Met Camp Master aan jou kant is jy klaar op die voorvoet. Belê in hierdie klassieke produkte en maak die res van die kamp jaloers! Met jou aankoms,…

Die besluit om die grondpaaie van die ou Long Tom-pas te gaan opsoek is, soos baie avonture, een aand langs ’n vuurtjie en oor ’n glasie rooiwyn gebore. Die vonk was ’n Land Rover Defender 90 wat my seun Chrisjan toe pas vir hom gekoop het. Ons gesin toer gereeld in Namibië en Chrisjan gaan al van skooldae af saam woestyn toe. Hy was baie opgewonde oor sy Landy en vanselfsprekend baie entoesiasties om sy droomvoertuig te gaan toets. Maar vir werkende mense soos ons is dit nie altyd so maklik om sommer net iewers ’n paar dae te kry om die pad te vat en weg te glip die bosse in nie. Toe dink ek en my vriend Annas Botha, wat ook al talle woestynreise meegemaak het, ’n plan…

WAT JY KAN VERWAG DAG 1 Ons ontmoet mekaar by die Plumtree-grenspos net noord van Francistown, Botswana, en gaan saam oor die grens. Indien nodig sal ons mense oor die grens help. Ons kampplek, met ’n mooi uitsig oor die Matobo-heuwels, is omtrent ’n uur se ry ver. Die aand bespreek ons die toer oor ’n heerlike aandete en leer mekaar ken. DAG 2 ’n Zimbabwiese spesialistoergids en -operateur neem ons na die Matobo Nasionale Park, waar ons heeldag wild kyk en die pragtige omgewing geniet. Ons besoek ook die laaste rusplek van Cecil John Rhodes. DAG 3 Ons mik vir Bulawayo via Masvingo en koop voorraad en brandstof op pad. Dan spandeer ons die middag by Groot Zimbabwe en kampeer in die rustige wêreld van dié eertydse ommuurde stad.…

Hierdie Oeps het opgeduik toe ek besluit het om my 2001 Landy met sy V8-petrolenjin na ’n opedag toe te neem. Ek en vroulief het ons kleinding en haar ouma by die klubhuis gelos en wou “net vinnig” ’n draai gaan ry tussen die hindernisse. Ja, wel. Die eerste graad 3-4-hindernisse was sommer maklik en ek was vol selfvertroue. Toe vroulief dus vir my sê dat ek eers deur die moddergat moet loop voor ek deurry, het ek gedink: Nee wat, hoe nat kan dit nou wees in dié droogte? In elk geval, ek ry mos met modderterreinbande. En só, met meer moed as verstand, is ek toe die gat in. Maar toe die bande deur die droë kors breek, gaan sit die Landy op al twee diffs, wiele in…