Weg!の January 2020 の目次

Ek vind dit moeilik om van die euforiesneltrein af te klim ná die Springbokke se oorwinning in die eindstryd van die Wêreldbeker-rugbytoernooi. Die leierskap van Siya Kolisi, strategiese meesterplan van Rassie Erasmus, vlugvoetige briljantheid van Cheslin Kolbe, onbaatsugtigheid van Lukhanyo Am, hardekwasgeit (en aweregsheid) van Faf de Klerk, daai skrums (!) en die gefokusde kameraadskap van die hele span het bewys waartoe ons in staat is as ons saamstaan. Ek het die wedstryd nou al drie keer weer gekyk, en menige stuk analise (veral in die bitterbek Britse pers) gelees. Vrek, dit was nou ’n lekker sirkus om te beleef. Een van die punte wat so terloops genoem word, is dat ons die beker in 12-jaarsiklusse wen: In 1995, 2007 en 2019. Ek hoop wraggies nie ek moet tot 2031…

Die nuwemaan is altyd die tyd vir wedergeboorte. Januarie se amptelike nuwemaan is op 24 Januarie, presies om 23.42 nm. Dis wanneer die maan en son presies by mekaar sit in die hemelruim. Soos te wagte kan ’n mens nie die nuwemaan sien nie (behalwe met ’n sonsverduistering) weens die gloed van die son. Die klein sekelmaantjie raak eers sigbaar ’n dag (of twee) ná nuwemaan.Net so is daar ook ’n sekelmaantjie sigbaar ’n dag (of twee) voor nuwemaan – die “oumaan”, kan ons maar sê. Die piepklein sekelmaantjie (die ouén nuwe maan) is op hulle moeilikste om te sien hoe nader aan nuwemaan jy kyk. Een probleem is om presies te weet waar jy moet kyk. Vandeesmaand is daar ’n unieke geleentheid wat baie gaan help om die ou-…

Waarom het jy op die titel Soekmekaar besluit? Ek kan nie die presiese oomblik onthou toe ek besluit het die boek se naam moet Soekmekaar wees nie. In die boek is geen storie waarin die dorp Soekmekaar ’n rol speel nie. Ek het net vir myself gevra: Is dit nie waarmee soveel van ons in hierdie land sukkel nie? Om mekaar te soek; oor allerhande grense heen. Ek dink baie van die stories weerspieël dit. Ons lewe ook in die tyd van Facebook en die sogenaamde sosiale media wat iets van ons eie soeke na sin en betekenis wys. Ons soek na mekaar terwyl ons na onsself soek. Hoe lank het jy hierdie stories geskryf en opgeteken? Ek skryf die heeltyd rubrieke en artikels en goed om den brode. Ek…

’n Tradisie vir elke smaak As ek aan Desember dink, sien ek die steil Piekenierskloofpas op pad na Citrusdal voor my geestesoog. Dís waar die familieplaas is en waar ons gesin dikwels vir ’n naweek kom uitspan – maar vir my is dit bowenal ’n Krismisplek. Elke jaar het ons gesin dieselfde gesprek ’n paar weke voor Kersfees: Hoe lyk die weer op Citrusdal? As die kwik bo 42°C draai, moet ons elders gaan vakansie hou. Maar niks voel vir my so reg soos ’n Citrusdal-Kersfees nie: Die fel somerson wat op die rye lemoen- en nartjiebome skyn, die blare onnatuurlik groen, en die oranje tapyte op die landskap waar perskes en appelkose uitgedroog word. My ma het twee broers en drie susters, en álmal se gesinne is hier vir…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Blikhoender met pynappelsalsa Genoeg vir 6 Bereidingstyd 20 minute Gaarmaaktyd 1½ uur Die pynappelsalsa komplementeer die rokerige knoffelhoender perfek. Koop ’n pynappelsalieplantjie by ’n kwekery en vat dit saam op vakansie sodat jy vars blaartjies kan oes wanneer jy kook. Jy benodig • 3 takkies pynappelsalie of tiemie • ¼ koppie sagte knoffelbotter • 1 heel hoender • ½ teelepel elk braaisout en paprika (of na smaak) • 1 blik (330 ml) pynappelgeur Fanta • ½ pynappel, geskil, kern verwyder en gekap • ½ rooi soetrissie, ontpit en fyngekap • ½ koppie rooiui, fyngekap • 1 ryp avokado, in blokkies gesny • 200 g kersietamaties, middeldeur gesny • sap van ½ suurlemoen • ’n strooisel vars koljanderblare Só maak jy 1 Stroop die salieblare van die takkies af. Druk die salie en knoffelbotter oraloor onder die hoender se vel in – werk…

Moenie plastiekbottels en koffiebekers gebruik nie. Koop eerder ’n metaalnommer wat jy weer en weer kan gebruik vir jou oggendkoffie. Die Klean Kanteen Classic is my gunsteling – dis BPA-vry, byna onbreekbaar en kos R380 by Wellness Warehouse (daar is ook bekers wat geïsoleer is). Hou ’n Tupperware- of plastiekbak in die motor. As jy iewers ’n pastei of wegneemete koop, vra die winkelmense om dit direk in jou bak te sit. En los die papierservette – hou ’n jammerlappie in ’n Ziplocsakkie byderhand. Maak EcoBricks. Hierdie plastiekbottels is gestop met skoon, droë bio-afbreekbare afval. Dit word gebruik om huise te bou, asook vir isolering en meubels. Vat ’n 2 ℓ-plastiekbottel en pak dit propvol plastiekafval. Laai dit af by die naaste aflaaipunt; soek dit by ecobrickex change.org Vergeet van…

INKA IN PERU Wanneer 29 Maart tot 6 April 2020 Wat? Beleef ’n stukkie van Peru en die kultuur van die locals, en loop die befaamde Inka-roete in die Andes tot by Machu Picchu, een van die Sewe Wonders van die Wêreld. Die Inka-roete is kort – sowat 45 km in totaal – en die staptog van 4 dae behels hoogstens 16 km per dag. Onthou egter dis op ’n hoogte van meer as 3 000 m bo seevlak en dis in die berge. Die reis begin met ’n paar dae in Cusco en die Heilige Vallei sodat jy kan akklimatiseer. Weg sê Hierdie is een vir die wenslys en die roete is skouspelagtig. Machu Picchu is uiteraard ’n groot hoogtepunt, maar jy gaan verskeie ander Inka-terreine langs die pad…

Wanneer jy in Britstown is, dan weet jy waar jy is, want jy was só lanklaas by ’n ander plek dat jy vir seker aandag gaan gee wanneer jy Britstown binnery. De Aar lê 54 km oos met die N10, Vosburg 65 km wes met die R384, Victoria-Wes 107 km suidoos met die N12, en Strydenburg 78 km in die teenoorgestelde rigting. Prieska? 133 km weg! Jy is ook heel moontlik honger wanneer jy hier aanland. Dalk is jy ’n stedeling, gewoond aan goed soos cappuccino’s, en wonder waar jy iewers in die Noord-Kaap ’n bietjie stadstroos kan opspoor? By Talita Pringle se The Old Mill Coffee Shop is jy in goeie hande. Sy en haar man, John-Paul, het hoeka ’n vierdagbaristakursus gaan loop op Jeffreysbaai. Dinge is dus amptelik,…

Lionel Domingo Bestuurder, Pili Pilirestaurant “In die somer kuier almal en die gees is lekker – ’n mens kan byna nie rus nie. Winter is rustyd. Ek geniet dan die tyd saam met my gesin.” Helen Jarman en haar hond CoCo Eienaar, Barry’s Self-Catering Holiday Accommodation “Ek en my man, Owen, het in April 2016 uit Zimbabwe kom vakansie hou in die Wes-Kaap. Ons het op Witsand kom middagete eet, en toe sommer oorgeslaap. “Ons het by Pam Golding oor eiendomme gaan navraag doen, maar nie met die doel om te koop nie. Toe ons Barry’s Holiday Accommodation sien, het ons wraggies ’n aanbod gemaak. ’n Paar dae later is die aanbod aanvaar, en ses maande later het ons van Gweru na Witsand gery!”…

SEEVOËLS EN SEESIEKTE Ek het my bes probeer om net stip na die horison te staar. Die enigste probleem was dat die horison op en af beweeg. Ek het aan ’n appel gekou, ’n plakkertjie agter my oor gehad, ’n seesiekpilletjie gesluk en so ver moontlik van die enjin se dieseldampe af gestaan. Maar steeds het ek naar geword. Met bewegingsiekte is jy eers bang jy gaan dood, en later wéns jy jy beswyk. Mettertyd het ek wel beter begin voel en ek kon ’n paar voëls aftik: my eerste albatrosse, stormvoëls en roofmeeue. Uiteindelik! Sedertdien het ek nog vele pelagiese voëluitstappies onderneem. Ek is steeds bang om seesiek te word, maar my opgewondenheid om sulke manjifieke voëls oor die branders te sien sweef groter. Op my 19de verjaardag het…

Hallo, my naam is vensterrooitjie. Vlerke Kyk van naby na die vlerke. Jy sien duidelik die skubbe en die netwerk aartjies wat dit ondersteun, soos die balke van ’n vlieër. Lyf Skoenlapper se lywe is gewoonlik slank en hulle voelhorings lank en dun. Motte is gewoonlik vaal met dik harige lyfies en veeragtige voelhorings. Voelhorings Hulle ruik hiermee – sommige skoenlappers kan blomme en ander skoenlappers tot sover as 3 km ruik! Slurp Die meeste skoenlappers het ’n suigslurp wat opgerol bly totdat hulle dit nodig het. Hulle gebruik dit soos ’n strooitjie om nektar uit blomme te suig. Die suigslurpe wissel in lengte van 1 tot 30 cm! Darwin se pylstertmot se suigslurp kan tot so lank soos ’n liniaal wees! Bronne: What’s that butterfly? deur Steve Woodhall; Butterflies…

Rwanda is klein maar bittermooi. Teen hierdie tyd is ons moeg van wildkyk in die stowwerige parke van Tanzanië en Kenia, en sien uit na die groen van Rwanda. Ons kom Rwanda by die Rusumo-grenspos binne. Met ons aankoms in Kenia het ons ons Oos-Afrikagemeenskapsvisums gekoop en nou kry dit ons vinnig in die land. Die OAG sluit in Kenia, Uganda en Rwanda. Suid-Afrikaners is bekend met KwaZulu-Natal se Vallei van ’n Duisend Heuwels, maar Rwanda neem dit ’n stappie verder: Hy roem hom daarop dat dit die Land van ’n Duisend Heuwels is. En met ons eerste 70 km (wat 3 uur geneem het) na Kibungo, kon ons dié aanspraak verstaan. Rwanda is ’n uitgestrekte landskap van heuwels en ons Hilux sou maar swaartrek die volgende drie weke. Tweede…

Die persoon agter die Starbucks-toonbank het my naam verkeerd gehoor en nou staan daar “Karen” op die kant van my wegneemkoffiekoppie. Dis ’n Amerikaanse ritueel, hierdie vroegdag se toustaan by Starbucks. Dit gee my die kans om te probeer inpas by my medekoffiedrinkers. Dalk kan ek iets oor politiek mompel om geselsies te maak. “This administration, am I right?” Stukkie vir stukkie infiltreer ek Amerika. Ek roer skaars onder die radar wanneer ek my piepklein Toyota Corolla parkeer in ’n spasie groot genoeg vir ’n M4 Sherman-tenk. In die supermark stoot ek my supergroot trollie tussen die superlang gange waar die rakke superwyd uit mekaar staan. Daar staan ek soms drie uur lank en Google watter een van die legio broodsoorte ek moet kies. Uiteindelik vat ek die volgraanbrood wat…

Hoe het jy ’n illustreerder geword? Ek was van kleins af gaande oor teken. Ná skool het ek eers op ’n perdeplaas in Belfast, Mpumalanga, gewerk, want ek is ook baie lief vir diere. Ek wou arbeidsterapie studeer, maar net toe ek hoor ek is aanvaar, verander ek van plan en studeer grafiese kuns aan die Universiteit van Pretoria. Dit was die regte keuse. Ek het later my meestersgraad in illustrasie aan die Universiteit Stellenbosch voltooi en my as vryskut gevestig. Watter van die vakansiestories het uitgestaan? Al die stories het my geraak, maar ek het veral aanklank gevind met Marcelle van Niekerk s’n. My pa, Faure Louw, en sy vier susters is baie na aan mekaar. As kind het die hele lot Kersfees deur die jare saam op verskillende…

Die môrester in Mashonaland deur A.A. Louw, C.S.V. 1954 Om teenswoordig te reis is nie ’n kuns nie. As iemand tyd en ’n bietjie geld spaar, moet hy maar net besluit wanneer hy wil vertrek, betyds sy reistas inpak, die spoorwegtydtafel raadpleeg, en hy kan dag en datum, selfs die uur of minuut bepaal wanneer hy sy treinreis moet begin, om dan sonder enige bekommernis of sorg na bv. Die Victoria-waterval of na Belgiese Kongo te gaan. Iemand wat na die Sending in Mashonaland wil gaan, bespreek sy plek in Kaapstad op die Rhodesiese sneltrein, reis dag en nag, omring van allerlei moderne geriewe, en arriveer ná ’n paar dae op Bulawayo. Daar stap hy oor en bereik Fort Victoria die volgende oggend. Daarvandaan is die motorrit van twintig…

Franci Swanepoel Swellendam “Sorg vir jou voete. Sorg vir jou voete. Sorg vir jou voete. En maak seker jy kan jou eie tent op- en afslaan, en hom weer in sy sak kry voor jy kom stap. Moenie sonder jou kamera stap nie, al is hy swaar.” Pierre Botes Worcester “Hier leer jy jou binnemens ken. Dis ’n geleentheid vir stilte, maar jy gaan ook vriende maak. Dit toets jou fisieke grense; dus moet jy relatief fiks wees. Maar jy kan steeds saans ’n glasie wyn geniet.” Merwe Erasmus Stellenbosch “Dis ’n baie anderse ervaring om hier te stap as wat dit is om te ry. Die terrein verander heeltyd. Jy hoef nie ekstra kos saam te bring nie. Die ouens sorg mooi vir jou. Onthou net jou eie waterbottels,…

Die somer is behoorlik op dreef! Dán is dit tyd vir vars, tropiese geregte wat deel is van sonskyn en pret. Hier is drie lekker vrugtige wyne vir die lang, warm dae. Vir baie mense is die colombarddruif bra vervelig, en dit word gewoonlik gebruik om brandewyn te maak. Maar dit kan ook ’n geurige druif wees vir wyn, soos die Bon Courage Andre’s Fame Colombard 2019 (R58). Dis byna droog en goed gebalanseer met die effense suurheid van pomelo, grenadella en pynappel. Voeg net ys by! Dit komplementeer Oosterse geregte met ’n tikkie rissie. ’n Stadige rypmaakproses is die sleutel tot ’n goeie sauvignon blanc. Dit laat die geure toe om te ontwikkel terwyl die wyn se natuurlike suurheid behou word. Die koel klimaat van Constantia Glen maak dit…

Dis ongewoon dat daar nie genoeg voertuie is om te toetsbestuur by ’n bekendstelling nie. Die Johannesburgers het voor die Kapenaars op George geland en die sleutels gegaps. Die uiteinde is dat ek op die agtersitplek van ’n Audi Q3 beland en met die N2 langs Plet toe ry waar ons oornag. En dit was ’n goeie ding, want ek kon vir ’n slag fokus op dinge wat onmoontlik is van agter die stuur. Gewoonlik klim motorjoernaliste net in en rý die nuwe speelding, en vergeet skoon van wat agter ons aangaan. Nou weet ek hoe my sewejarige seun voel! Hy sou baie gehou het van die Q3; die luukse afwerking, die gemaklike sitplek (selfs vir ’n volwassene), die bekerhouers en die armleunings, en die vensters wat hope lig deurlaat.…

VIA FRANCIGENA (DIE LAASTE 100 KM) Die Via Francigena is Italië se weergawe van die Camino de Santiago. Die hele roete strek oor meer as 2 000 km, maar met dié pakket spring jy weg in Viterbo en stap jy die laaste 112 km – ver genoeg dat jy jou Testimonium (sertifikaat) by die Vatikaan in Rome kan gaan afhaal. Wanneer? Jy kan jou pakket vir enige tyd in Augustus 2020 bespreek. Wat kos dit? R27 500* p.p. wat deel Wat sluit dit in? Toer van agt nagte, retoervlugte tussen Johannesburg en Rome, alle verblyf, ses nagte op die Via Francigena (en suite-hotelkamer, ontbyt en die vervoer van jou sak na die volgende oornagdorp is ingesluit). VIA FRANCIGENA (VAN SAN MINIATO TOT SIËNA) Op hierdie deel van die Via Francigena…

GEELKRANSROETE, STILBAAI Een-en-veertig jaar... Dís hoe lank ek op Stilbaai vakansie gehou het voordat ek dié roete gestap het. Hoe treurig! Hierdie roete, deur fynbos en strandlangs, met grootse uitsigte oor die Indiese Oseaan, is só mooi dat ek dit voortaan elke keer gaan stap as ek vakansie kom hou. Die eerste 3½ km stap jy op ’n sanderige grondpad tussendeur kusfynbos en sien nie die see nie. Wees op die uitkyk vir wit aarbossie, pienk jamesbrittenias en donkerpienk blombos. Die pad styg geleidelik totdat jy ’n enkele dubbelverdiepingstrandhuis sien (wié is hierdie bevoorregte mense?). ’n Entjie voor die strandhuis dui ’n bordjie 1 ’n paadjie na regs aan. A! Daar lê die see. Dié paadjie lei jou tot op die randjie van die krans 2 – ’n puik kol…

Maak lyn nat Witsand is ’n hengelparadys: Eerste prys is ’n kabeljou. Of dalk trek jy ’n stompneus uit. Jy kan sommer van die rivieroewer af lyn gooi. Oral is bote te huur waarmee jy op die rivier of see kan gaan. Jy kan ’n visvangpermit koop by The Sands-supermark op Witsand – maak seker jy ken die reëls. Meer inligting 079 561 8425 (Breede River Lodge) In die somer... Is dit tyd vir sweefski! Hierdie is een van die beste plekke ter wêreld om te kom kite surf. Wanneer die suidooster waai, waai hy direk in die riviermonding in. Agter die sandbank is 2 km se vlak water – perfek vir jou en jou bord. Vir lesse of die huur van borde, bel die Breede River Lodge 028 537…

LONDOLOZI- PRIVATE WILDRESERVAAT, MPUMALANGA Ek is ’n gids by Londolozi en was in April 2019 op ’n oggendwildrit saam met gaste toe ek rooibokke hoor alarm maak. Ons het vir koffie gestop in die bos, en die rooibokke was naby; dus kon ons gaan ondersoek instel. Ek het gehoop ons sien ’n luiperd. Ons het vinnig in die voertuig gespring. Toe ons daar aankom, was die rooibokke baie gespanne en hulle het in ’n spesifieke rigting gekyk. Dit het my laat dink dat daar ’n roofdier in die omtrek is. Ek het nader gery, maar ons kon niks sien nie, want die gras was baie lank. Ek het omgedraai om aan die ander kant te kyk toe iets blinks my oog vang. ’n Luislang het ’n rooibok gevang 1 .…

REDAKTEUR PIERRE STEYN redakteur@weg.co.za ADJUNKREDAKTEUR ESMA MARNEWICK esma.marnewick@weg.co.za REISREDAKTEUR TOAST COETZER toast@weg.co.za TEKSREDAKTEURS VANIA JOOSTE vjooste@weg.co.za; PETER VAN NOORD (proefleser) KOSREDAKTEUR JOHANÉ NEILSON FOTOREDAKTEUR SHELLEY CHRISTIANS shelley.christians@media24.com JOERNALISTE SOPHIA VAN TAAK sophia.vantaak@weg.co.za; KYRA TARR kyra.tarr@media24.com KUNSHOOF LYNNE FRASER lynnefraser@media24.com KUNSTENAAR ASHWELL PRINS ashwell.prins@gomag.co.za KARTOGRAAF FRANÇOIS HAASBROEK francois.haasbroek@media24.com WEBREDAKTEUR MARCELLE VAN NIEKERK marcelle.vanniekerk@media24.com MEDEWERKERS ERNS GRUNDLING; JON MINSTER; ARTHUR JONES n HOOF: MEDIA24 ISHMET DAVIDSON HOOF: MEDIA24: DRUKMEDIA RIKA SWART HOOFBESTUURDER: LEEFSTYL MINETTE FERREIRA HOOFBESTUURDER: MAANDTYDSKRIFTE NERISA COETZEE BESTURENDE REDAKTEUR: KOMMERSIEEL GERDA ENGELBRECHT PRODUKSIEBESTUURDER KERRY NASH FINANSIËLE BESTUURDER JAMEELAH CONWAY SIRKULASIEBESTUURDER RIAAN WEYERS riaan.weyers@media24.com ADVERTENSIES SAKEBESTUURDER – VERKOPE: DANIE NELL 021 408 3833; danie.nell@media24.com ADVERTENSIEVERKOPE JOHANNESBURG JEANINE KRUGER 082 342 2299 jeanine.kruger@media24.com LIZEL PAUW 082 876 8189 lizel.kok@media24.com SHARLENE SMITH 083 583 1604 sharlene.smith@media24.com THEA THOMAS 078 450 7771 tthomas@media24.com YUMNA…

JUDY AUCAMP van Heilbron skryf: Ons het dié toneel in die Krugerwildtuin dopgehou. Die voëltjie het al om die arend se kop gevlieg en toe op sy kop gaan sit! Dit het nie gelyk asof dit die arend vreeslik pla nie, want dié het doodstil op sy tak bly sit. Weet iemand wat die voëltjie se plan was? Die voëlkenner LUKAS NIEMAND antwoord: Dis ’n mikstertbyvanger wat probeer om ’n breëkoparend te verjaag. Dit is ’n algemene verskynsel vir byvangers om roofvoëls lastig te val deur herhaaldelik op hulle af te pyl met akrobatiese skynaanvalle. Hulle sal ook kraaie en soms kleiner soogdiere op ‘n soortgelyke manier verjaag. Ander voël- en kleiner soogdierspesies maak staat op byvangers se gedrag om hulle te waarsku teen moontlike gevare in hulle gebied. CARY…

The Ice at the End of the World deur Jon Gertner Icon Books, R410 by takealot.com Dink ons genoeg aan Groenland, die grootste eiland op aarde? Hierdie omvattende boek deur die Amerikaanse joernalis en geskiedkundige Jon Gertner ontsluit Groenland – die geheimsinnige Arktiese yswoestyn met ’n bevolking van slegs 56 000 – op ’n besonderse manier. Gertner vertel die storie van verskeie avonturiers en wetenskaplikes wat Groenland die afgelope 150 jaar verken het. Die Noorweër Fridtjof Nansen, wat in 1888 die binneland deurkruis het, het sy plan as “the scheme of a lunatic” beskryf, en die ekspedisie “Death or the west coast of Greenland” gedoop. Ander, meestal bebaarde avonturiers met ’n wilde kyk in die oë waaroor hy skryf, sluit in Robert Peary (’n kleurryke karakter wat…

Stay Gold deur  First Aid Kit R80 op Google Play Store Swede lewer goeie musiek op – dink maar aan klassieke groepe soos ABBA en Roxette. Die afgelope paar jaar is die Sweedse folk-duo en susters Klara en Johanna Söderberg as First Aid Kit besig om groot naam te maak met hulle mooi klanke en eerlike lirieke. Stay Gold (2014) is hulle derde album. Anders as die gestroopte folkklank van hulle vorige albums, sluit ’n orkes van 13 by hulle aan. Die eerste liedjie, “Silver Lining,”is een van hulle grootste treffers en ’n absolute plesier op die langpad, veral met inspirerende lirieke soos hierdie: “Got to keep on going, looking straight out on the road / Can’t worry ’bout what’s behind you or what’s coming for you further up the…

Martin en Meike Prenzel Avenues-gastehuis, Mosselbaai “Hier is ’n mooi pad vir ’n daguitstappie: Neem van Mosselbaai af die R327 na Herbertsdale, draai regs oor die Cloetepas en ry terug oor die berg oor Garcia se Pas na Riversdal, dan weer huis toe met die N2. In die lente sien jy baie veldblomme.” Alison Nell Botlierskop- private wildreservaat “Jakkalsvlei is ’n lekker wynlandgoed in ’n vallei naby Herbertsdale. Proe wyn en bly vir middagete.” Fanie Smuts Harmony Distillery “Ons maak boetiekjenewer van heuningbos wat groei op ons plaas in die Ruiterbos-omgewing. En ons maak jenewer van aalwyn. Ons het onlangs ’n restaurant en proelokaal op Hartenbos oopgemaak – gaan soek Salt and Copper in die Seashells-gebou naby die R102.”…

Ons groep van tien stappers ontmoet mekaar op Springbok. Party stappers kom van Hermanus af, ander van Kakamas en Vredendal. Hiervandaan ry ons almal in ’n konvooi tot op Nigramoep, ’n gasteplaas 45 km noordwes van Springbok. Ons word hartlik ontvang deur die gasteplaasbestuurders, Suzette Louw en Johanna Dirksen van Schalkwyk. Nadat almal afgepak het, mik ons vir die Vingerkliproete (4½ km) om ’n bietjie litte los te maak. Die veld is mooi – die plaas is bekend vir die verskeidenheid plantegroei wat hier voorkom, onder meer die Namakwa-rooiklapperbos, bokhorinkies en boesmankers. Suzette en Johanna stap ook saam. Suzette stap rustig terwyl Johanna soos ’n klipspringer deur die veld beweeg. Spoedig kom ons aan by ’n regop rots wat net soos ’n vinger lyk. Teen dié tyd is ons opgewonde…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg. co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif,…

Hannes se foto’s verskyn gereeld in Weg. Trouens, hierdie is sy sewende portefeulje! Hy grawe hom totaal en al in die wildernis in, en sy geduld en toewyding word beloon met uitstekende beelde. Wanneer Hannes op ’n omgewing besluit, bring hy jare daar deur om die kern vas te vang. Hy het vyf jaar in die Kgalagadi-oorgrenspark gewoon en drie jaar in die Okavangodelta. Saam met sy vrou, Noa, het Hannes die afgelope twee jaar nuwe plekke verken vir ’n projek wat vanjaar begin. Dié slag wil hy op ’n kleiner gebied fokus waar daar verskeie interaksies tussen verskillende dierespesies voorkom. Want, soos Hannes verduidelik, ’n “natuurfotograaf is ’n storieverteller”. ’n Voëlvete Op ’n warm middag in Mabuasehube in die Kgalagadi-oorgrenspark het Hannes uit sy hangmat ’n paar geelbekneushoringvoëls in…

Sealand Gearswerwersak Hierdie sak is lekker groot (21 ℓ), toepaslik ontwerp en het veeldoeldige kompartemente, insluitend ’n gleuf vir ’n skootrekenaar. Dis prakties, selfs as jy met ’n fiets of bromponie werk toe ry. Dié spesifieke Oceanswerwersak is gemaak van seil, met ’n versterkte basis van Ripstop-materiaal. Ander swerwersakke is beskikbaar in ander materiale en ander kleure. Elkeen is handgemaak met ’n lewenslange waarborg. R2900 by sealandgear.com K-way Cove Softshellbaadjie Dís die Jacques Kallis van baadjies: veeldoelig! Hierdie baadjie is buigsaam, die materiaal kan goed asemhaal en kan op sy eie of as ’n laag gedra word namate die weer kouer word. Die Cove word gemaak van drie lae herwonne poliëster. Die materiaal is ten volle rekbaar. Dis windbestand en hou water uit. Die onderkant kan verstel word om koue…

Zambië-Malawi-avontuur DAG 1 Ons ontmoet mekaar by Camp Nkwazi, net buite Livingstone. Teen die tyd dat jy aankom, staan die tente reeds en die bossjef se maaltyd prut. Vanaand leer ken ons mekaar om die kampvuur. DAG 2 Vergeet van laat slaap... Ons is vroeg uit die vere en val in die pad ná ’n stewige ontbyt. Bhejane sal jou toerus met ’n tweerigtingradio voordat ons na Lusaka vertrek. Ons slaap in Lusaka onderweg na die Suid-Luangwa- nasionale park. DAG 3 Ons ry noord en slaap oor by ’n kamp buite Chipata. DAG 4,5 & 6 Dis een van die topreservate ter wêreld. Die kamp is langs die oewer van die Luangwarivier. Van hier af sal ons die park teen ons eie pas in ons eie voertuie verken (ons ry…

DOORNKOP-VIS-EN-WILDRESERVAAT, NABY CAROLINA Foreldamme, groen heuwels en kabbelende waterstrome... Wanneer jy op die stoep van jou selfsorghuis in die Doornkop-vis-en-wildreservaat in Mpumalanga sit, is dit maklik om jou te verbeel jy is iewers in die Engelse platteland. Maar dan krys ’n witkruisarend teen ’n kranswand en sak die son bloedrooi agter donderwolke en jy onthou jy is in Afrika, waar jy net ’n paar uur gelede koedoes, kameelperde en ’n ystervark op jou wildrit gesien het. Dié reservaat is minder as drie uur se ry van Pretoria af, maar dit voel soos ’n ander wêreld. Meer as 100 voëlspesies is hier opgeteken, insluitend die suidelike swies, langstertflap en paradysvlieëvanger. As jy nie lus is om een van die wildkykroetes op jou eie te ry nie, sit op die stoep en…

Ek is oorspronklik van Iringa in Tanzanië, en werk al drie jaar by Londolozi. My werk is lekker, want daar is elke dag iets om na uit te sien. Geen twee wildritte is ooit dieselfde nie. Ek leer elke dag nuwe dinge. Ek leer oor die diere, oor myself en oor ander mense. Londolozi is ’n fantastiese plek om verskeie dierespesies te sien, want hier is verskillende soorte habitatte. Die voertuig kan die pad verlaat en in die veld ry; dus maak dit nie saak watse soort kamera en lens jy gebruik nie – ’n goeie foto is gewaarborg. Instagram: @mrisholuge…

Die egpaar het op 3 Junie 2018 uit Marie se tuisdorp, Valence, Frankryk, vertrek met die doel om hulle huis in Johannesburg binne 18 maande te bereik. Teen die tyd dat hulle Rwanda bereik het, was hulle reeds 15 maande op reis. Hulle het deur Frankryk, Switserland, Italië, Kroasië, Slowenië, Hongarye, Roemenië, Bulgarye, Griekeland, Turkye, Israel, Palestina, Jordanië, Egipte, die Soedan, Ethiopië, Kenia en Tanzanië gery. MEER INLIGTING: info@skultcha.com skultcha.com Facebook: “skultcha” Instagram: @skulcha…