WegRyの July 2017 の目次

“Vanaf volgende maand gaan WegRy en WegSleep een gekombineerde tydskrif wees getiteld Weg Ry & Sleep.” In Blade Runner, Ridley Scott se ikoniese wetenskapfiksiefliek van 1982, is daar ’n toneel waar ’n androïede, net voordat hy sterf, die volgende sê: “I’ve seen things you people wouldn’t believe. Attack ships on fire off the shoulder of Orion. I watched C-beams glitter in the dark near the Tannhäuser Gate. All those moments will be lost in time, like tears in rain.” Die goeie nuus is dat ek nie binnekort gaan sterf nie. Selfs al is my vrou nou en dan erg die hoenders in vir my. Die slegte nuus is dat ek WegRy ná sewe baie lekker jare gaan verlaat. Ek gebruik die dialoog uit Blade Runner omdat dit ’n bietjie van…

In April 2017 het ons die voorreg gehad om saam met ses vriende (Thys en Marlize Odendal, Herman en Linda Steyn en Alwyn en Stephanie Laubsher) in die Kgalagadi te gaan toer. Ons verblyf in die oop kampe by Rooiputs en Polentswa was sekerlik die lekkerste. Ons het weliswaar nagtelike besoeke van leeus gehad, maar gelukkig het hulle hulself “gedra” en nie by ons tente kom lol nie. Ons het maar net soggens hulle voetspore gewaar – die leeus beweeg sag en die Kgalagadi se vars lug laat ’n mens vas slaap! Een van die hoogtepunte van ons vakansie was die oggend by die Kij-Kij-watergat toe ons vanaf Rooiputs na Polentswa vertrek het. Herman Steyn het ’n trop van sewe leeus oor die pad sien beweeg om water te gaan…

JULIE KIRKWOODWILDSFEES WAAR: Kirkwood, Oos-Kaap WANNEER: 30 Junie tot 2 Julie HOEKOM JY MOET GAAN: Met ’n wildveiling, verskeie musiekvertonings en ’n 4x4-ekspo het jy nou ’n rede om ’n draai op Kirkwood te maak. MEER INLIGTING: Face-book – Spar Kirkwood Wildsfees. GRAHAMSTAD NASIONALE KUNSTEFEES WAAR: Grahamstad, Oos-Kaap WANNEER: 29 Junie tot 9 Julie HOEKOM JY MOET GAAN: Dis die oudste kunstefees in Suid-Afrika en bied musiek-, dans-, teater- en fliekproduksies aan. ’n Eg Suid-Afrikaanse instelling. MEER INLIGTING: www.nationalartsfestival.co.za DULLSTROOMWINTERFEES WAAR: Dullstroom, Mpumalanga WANNEER: 30 Junie tot 2 Julie HOEKOM JY MOET GAAN: Die fees het oorspronklik ’n Wit Kersfees-tema gehad, maar deesdae is dit die uithangplek vir aanhangers van Blues-musiek tot kunsvlieghengel en alles tussenin. MEER INLIGTING BY: www.dullstroomwinterfestival.com KNYSNAOESTERFEES WAAR: Knysna, Suid-Kaap WANNEER: 7 tot 16 Julie HOEKOM…

So ’n bietjie meer as ’n maand gelede het ons ontvangs geneem van ’n splinternuwe Mazda BT-50 3.2 4x4 SLE-dubbelkajuit outomaties as ’n langtermynvoertuig. Die storie het egter ’n langer aanloop. Aan die begin van die jaar het ons die Suid-Afrikaanse bekendstelling van die nuwe BT-50 bygewoon. Hier het ons met Mazda se base om die vuur gesit en gesels oor hoekom die BT-50 nie beter verkoop nie. Hy’s meganies tog basies identies aan die Ranger-bakkie – en dié verkoop baie goed. Daar is ruimte vir verbetering Die skuld kan waarskynlik op twee dinge gepak word: Eerstens was sy voorkoms, veral toe die eerste generasie so ’n paar jaar gelede bekend gestel is, dalk ’n bietjie té revolusionêr. En tweedens het jy nie baie van hulle gesien wat veldry doen…

Teen dié tyd het jy seker al gehoor dat die Bull Run – wat vanjaar op Van Wyksvlei in die Karoo gehou word – reeds vol is. Wel, dis nou vir die deelnemers. Maar daar is letterlik nog honderde plekke beskikbaar vir avontuurlustige toeskouers! As amptelike toeskouer kan jy alles aanskou en beleef wat die deelnemers self beleef, behalwe om aan die Bull Run-items deel te neem. En jy sal saam met die Bull Run se mense kampeer! So, waarvoor wag jy? Skryf in en wees deel van die fantastiese gees by Bull Run 2017 op Van Wyksvlei! Bederf jouself en laat jou tent vir jou reël en opslaan. Ons het die volgende opsies beskikbaar: Basiese tent: 3 m x 3 m R1 300 vir twee mense vir die volle…

Ek voel dikwels bietjie gefrustreerd wanneer ek in my blou Daihatsu Terios in die Krugerwildtuin rondry. Ek kan nie altyd so naby aan die diere kom soos ek graag sou wou om foto’s te neem nie, of rondbeweeg om die beste hoek vir die son te kry nie. Sommige oggende kies ek dus om in my kamp te bly, waar ek kan rondloop soos ek wil. Hier is ’n paar wenke vir hoe ek foto’s in my bosbuurt neem. 1 KOM ’N BIETJIE NADER Ruskampe en die tuine van lodges is soms uitstekende plekke vir natuurlewefoto’s. As jy hier ’n parmantige apie sien, kan jy maar nader staan. Ape wat naby kampe woon, is dikwels gewoond aan mense en sal nie sommer wegskarrel as hulle jou sien nie. Dis ook…

DICKY SWANICH MY RYDING, BL. 30 Dicky Swanich van Mosselbaai se hande skrik vir niks. Hy wys sy Hilux, wat hy byna heeltemal self gemodifiseer het, in vandeesmaand se My Ryding. Toer jy blindelings, of beplan jy jou reis? Ek beplan gewoonlik die eerste deel van die toer met behulp van gidse, maar verkies om vir die tweede deel geen roetes te beplan nie. As dit lekker is op ’n plek, bly ek langer en andersom. Wat’s die lekkerste plek in die bos waar jy al was? Botswana! Wat is die beste reiswenk wat jy al ooit gekry het? Pak altyd vir die ergste – vat ekstra water, toerusting, ens. En vat genoeg ys! Watter plek in Suid(er)-Afrika wil jy graag besoek? Mosambiek. Watter musiek prop jy in as…

Hoe pak ’n mens die voorbereiding vir ’n lang toer aan? Wat’s die belangrikste dinge wat jy voor die tyd moet doen? En waar op dees aarde begin jy? Om hierdie vrae te antwoord, het ons vandeesmaand by twee manne gaan aanklop wat amper meer toer as wat hulle op kantoor is. Ons eerste kenner, Johann Groenewald, het geen bekendstelling op WegRy se blaaie nodig nie. As die besturende direkteur van Tracks4Africa toer hy nie net saam met sy gesin nie – hy bevind hom ook dikwels stoksielalleen op van Suider-Afrika se mees afgeleë plekke. Riaan Haasbroek van Bushward Safari’s toer ook graag saam met sy jong gesin, maar as toergids doen hy toervoorbereiding vir tot 30 mense. Riaan sê hy het die afgelope twee jaar meer as 200 dae…

As die eienaar van ’n vervoermaatskappy is Dicky Swanich van Mosselbaai uit die aard van die saak goed vertroud met die lang pad. As jong man het hy immers self duisende ure agter die stuur van ’n vragmotor deurgebring, kruis en dwars deur die land. Noudat hy egter nie meer vir sy brood en botter op die pad hoef te wees nie, en sy eie roete kan bepaal, mik hy gereeld vir die boendoes in sy Toyota Hilux. Dicky het dié bakkie byna heeltemal op sy eie in ’n toegeruste toervoertuig omgebou. “Hoe meer off-road, hoe beter,” vertel Dicky. “Ek het al van Lüderitz na Walvisbaai gery, deur Angola en Botswana en verskeie toere in Suid-Afrika, soos die Weskus, Die Hel en die Karoo. My volgende toer is in Augustus…

Dit het uit ’n onlangse opname geblyk dat die meeste mense met ’n dubbelbatterystelsel in hulle voertuig glo om vir ’n paar uur rond te ry, sal die krag van hulle hulpbattery herstel. Dit lyk asof baie mense dink die lang rit huis toe sal meer as genoeg wees om die krag aan te vul. Onwaar! Hierdie is ’n algemene wanopvatting en dit lei tot verskeie ander vrae oor dubbelbatterystelsels... HIER’S DIE FEITE Alle batterye het tyd nodig om te herlaai. • Daar’s nie kortpaaie of spesiale stelsels wat die herlaaiproses vinniger kan maak as wat die battery kan hanteer nie. • ’n GS-tot-GS-stelsel kan meestal selfs die herlaaitempo binne die eerste paar uur se ry stadiger maak. • As ’n mens nie daaraan aandag gee nie, sal ’n gedeeltelik ontlaaide battery begin…

BETER VRIENDE MET DIE GROOTVOETE UNDERSTANDING ELEPHANTS DEUR: ELEPHANT SPECIAL ADVISORY GROUP UITGEWER: STRUIK NATURE PRYS: R120 Jy hoef net een keer in jou lewe aan die verkeerde kant van ’n befoeterde olifant te beland om te weet hoe intimiderend dié bosreuse kan wees. Trouens, ’n onderonsie met ’n olifant kan lewensgevaarlik wees: Volgens die Elephant Special Advisory Group (ESAG) maak olifante jaarliks drie mense in Suid-Afrika dood en tussen 2008 en 2015 het soveel as 23 mense in Mosambiek en 21 in Zimbabwe weens olifantaanvalle omgekom. ’n Olifant sal jou gewoonlik waarsku voor hy of sy aanval, maar weet jy hoe daai waarskuwings lyk? Flap hy sy ore omdat hy warm kry of kwaad is? Skud hy sy kop omdat die vlieë pla of is hy op die punt…

SKRYF VIR ONS EN WEN! Herman en Nina Treurnich wen ’n sitplek-organiseerder ter waarde van R400! Moeg vir die los goed wat in die motor rondlê? Dié sitplek-organiseerder het afsonderlike sakkies waarin jy alles en nog wat byderhand kan hou. Dis van 100% katoenseil en pas agter alle sitplekke. As jy jaloers is op Herman-hulle, kan jy dit by winkel.weg.co.za koop. WegRy behou hom die reg voor om briewe te redigeer vir bondigheid en duidelikheid. Briewe wat aan WegRy gestuur word, kan ook moontlik in ons susterpublika sies, Weg, Go!, WegSleep en Platteland, asook op ons webwerwe gebruik word. As jy ’n vryskut artikel vir oorweging instuur, merk dit asb. duidelik só. Ongelukkig kan ons geen verantwoordelikheid aanvaar vir materiaal wat ingestuur word of dit terugstuur nie. Die Kruger is…

"Ek glo van die gewilder bakkies sal mettertyd ook kronkelvere as opsie bied.” Verlede maand (WegRy #94) het ek verwys na die nuwe Nissan D23 Navarabakkie wat kronkelvere agter het, in plaas van die gewone bladvere. Dis ’n eerste vir ’n plaaslike, hoofstroom 1 ton-dubbelkajuitbakkie. Ek hoor dikwels mense is bekommerd dat die bakkie nie so baie vrag sal kan dra as een wat met bladvere toegerus is nie. Maar is dit waar? Die nuwe D23 Navara is byna identies aan die een wat in Australië verkoop word. Met egter een klein verskil – ons D23’s staan omtrent 20 mm hoër as die Aussie-bakkie. Ek kon nog nie by Nissan SA hoor of dit ter wille van sy vragdravermoë of grondvryhoogte is nie. Kom ons maak somme As jy blad-…

“Daar is dus geen twyfel dat dié naweek se rywerk ons klomp 4x4-bestuurders se vermoëns goed sal toets nie.” “Klink my dis ’n woelige roete wat ons gaan ry,” sê ek vroeg op die Vrydagoggend van ’n langnaweek in Maart vir Chris Boegman. Ons staan en drink ’n koppie koffie in ons informele kampterrein op ’n vriend van die Patrol-forum se plaas terwyl die son oor Swaziland opkom. “Dan ry ons hom maar,” sê Chris gelate en teug aan sy troos. Ek deel nie heeltemal die man se Zen-kalmte nie. David Volschenk, die forumlid wat dié 4x4-naweek in Swaziland gereël het, het my gisteraand om die kampvuur vertel dat die hindernisse op ons roete tot graad 5-menere kan wees. Die Swaziland-naweek saam met die Patrol-forum het boonop ’n geskiedenis. Ons…

1 KALAHARI/KGALAGADI DATUM: 28 Jan. tot 4 Feb. 2018 Blyplek: Tente Koste: R11650 per persoon Besoek Mabenyani a Kalahari (“Juweel van die Kalahari”), die konsessiegebied van 4 miljoen hektaar in Botswana, en Mabuasehube in die Kgalagadi-oorgrenspark. Neem ’n leeu af nadat jy die diere saam met Boesmanspoorsnyers opgespoor het. Bring ook jou verkyker en geniet die Kgalagadi se voëlrykdom, soos breëkop-, roof- en swartborsslangarende, berghane en migrerende roofvoëls, soos die dwergarend, bruinjakkalsvoël en die seldsame gevlekte arend. 2 LESOTHO-BAKENS DATUM: 26 Feb. tot 3 Mar. 2018 Blyplek: Lodge en gastehuis Koste: R8450 per persoon Hierdie bergavontuur strek oor 6 dae en neem jou van oos na wes deur Lesotho. Beleef die Sanipas, die hoogste grondpad, grootste dam en hoogste ononderbroke waterval in Suider-Afrika, asook ’n besoek aan die geboorteplek van…

Elke kampeerder wat al iewers sonder toiletgeriewe gekamp het, weet hoe ongemaklik dinge kan raak. ’n Sogenaamde “veltie” werk dalk vir sommige goed, maar kom ons wees eerlik, nie almal is gebou om gemaklik daarmee te wees nie. Daarom het die buitelugwinkels en -vervaardigers lankal die lig gesien en ’n draagbare bostoilet ontwerp vir elke man of vrou se smaak. Of jy nou tevrede is met ’n gaatjie in die grond agter ’n bos (windaf van die kamp, natuurlik) of dalk eerder die gemak van jou eie spoeltoilet in sy eie tent wil hê, daar is iets vir jou. Ons het so ’n bietjie gaan rondkrap om die veltie minder vreesaanjaend te maak. BEGIN BY DIE BEGIN Ons gaan nie in te veel detail beskryf oor hoe jy dit moet…

Jou ryding, selfs die meeste bakkies, is vol elektronika om sy hantering veiliger en beter te maak. Maar waarvoor staan al die afkortings op die knoppies en hoe werk hierdie elektronika presies? Jou ryding het breedweg drie soorte elektronika wat met sy hantering help: sluitweer- of ABS-remme, stabiliteitsbeheer en vastrap- of traksiebeheer. Kom ons kyk hoe hulle werk. ABS-remme Bande wat sluit onder harde remming, neem langer om ’n ryding tot stilstand te laat kom as bande wat draai. Die eerste sluitweer- of ABS-remme is in die 1950’s in vliegtuie gebruik om te keer dat hulle remme tydens landings sluit. In die 1970’s het motorvervaardigers met ABS-remme begin eksperimenteer, maar dit was Mercedes-Benz wat in 1978 die heel eerste produksiemotor met elektroniese sluitweerremme bekend gestel het. Die stelsel se elektronika…

Hulle sê as jy iemand goed wil leer ken, moet jy hulle vat om te gaan kampeer. Dis die ware toets vir enige verhouding: As julle saam kan kampeer, sal julle verhouding enige storm kan oorleef. Daar steek waarheid in dié filosofie. Dit is immers nie ongewoon dat ’n tentopslanery tot konflik kan lei by paartjies en groter groepe nie. Ongeag hoe lief en dierbaar jy was met jou aankoms, ’n kampopslanery kan daardie gevoel van welgeluksaligheid in ’n oogwink omskep in ’n onderlangse gebrom, weerbarstige kyk, ’n oërollery, diep sugte en sommer norsheid in die algemeen. As jy ’n reeds moeilike situasie verder wil vererger, moet jy ’n tent probeer opslaan in: 1. Die wind 2. Die reën 3. Die wind en reën. Kombineer dit boonop met ’n 12…