Tabla de contenidos para August 2021 en Tuis

Op ’n grou Maandagoggend sit ons in ’n yskoue kerk in Bellville vir ’n begrafnis. Dis ’n Kaapse winter soos uit my kinderdae. Dae en dae aanmekaar sous dit. Covid se derde vlaag het ons beet, en ons sit kol-kol op die harde banke – letterlik, want rooi plakkers wys jou wat ’n veilige afstand is. Ek is dankbaar vir die masker wat in die ysige lug my wange warm hou. In my skoene begin my tone stadigaan gevoel verloor, soos toe ek as tiener in die winter met my fiets moes skool toe ry. Namiddae moes my skoolskoene lou-oond toe om droog te bak. Dis my vriend Tony se begrafnis. Hy was ’n groot man: van lyf, van hart, van gees, van omgee. Tot die groot K hom kom…

Skuif nader Toe Johané en Allister Neilson in hul nuwe huis in Durbanville intrek, het hulle ’n onnodige buitetoilet laat omskep in ’n klein wynkelder met stoorplek wat nou in die studeerkamer oopmaak. “Die kamertjie is heerlik koel en perfek vir wyn bêre, maar piepklein. Vir maksimum muurspasie het ons bouer die deuropening taamlik nou gemaak, met net genoeg spasie langsaan vir ’n skuifdeur,” vertel Johané, Tuis se kosredakteur. “Pleks van ’n deur wou ek eers ’n dekoratiewe skerm laat lasersny sodat dit by die kunsmuur langsaan kan pas, maar dit sou baie duur wees. Gelukkig sien Allister toe ’n deur met vlak rakkies op Pinterest. Dit was sy inspirasie om self dié deur te bou wat nie net praktiese ekstra bêreplek vir my kookboekversameling bied nie, dis boonop mooi…

Sandy Warner, wat in badkamerontwerp spesialiseer, het hierdie wenke vir ’n stortvloer: • Skep ’n naatlose voorkoms deur dieselfde vloerteëls in die stort as in die res van die badkamer te gebruik. Groot teëls (1 200 x 600 mm) is tans baie gewild. • Die meeste moderne badkamervloerteëls is glyvas; jy kan ook ’n produk bo-oor aanwend wat die oppervlak veiliger vir nat voete maak. • Mosaïekteëls bly ’n gewilde keuse vir stortvloere; kies ’n mooi ontwerp, soos stylvolle ses- of agthoekige vorms, in ’n soortgelyke kleur as die res van die vloer. Mosaïek verskaf meer tekstuur en detail en is ook meer glyvas; hou net in gedagte dat die voegbry onderhoud verg. • Patrone wat van die badkamervloer reg deur tot in die stort strek, werk goed – selfs…

Die binneontwerper Jenine Bruce van Lacuna het dié wenke oor plakpapier: • Met die regte plakpapier kan klein ruimtes knus voel en groot vertrekke groots. Plakpapier, hetsy met ’n linnetekstuur of ’n sterk patroon, is terug in al sy glorie. En ek is mal daaroor! • Die ontwerp hang af van die algehele voorkoms en gevoel van jou ruimte. Kies iets treffends vir ’n fokusmuur. En jy hoef nie by een muur te hou nie – plak gerus aanliggende mure sodat die hoeke in die ontwerp verdwyn. • Vermy produkte met ’n papierelement in die rug- of voorkant wanneer jy plakpapier in ’n badkamer wil gebruik. Die meeste pasgemaakte plakpapier is wel geskik vir vogtige ruimtes; noem net dat jy dit in ’n badkamer wil gebruik wanneer jy jou bestelling…

Die Coopers het dié gesinsbadkamer heeltemal oorgedoen met ’n nuwe bad, wasbak en toilet, asook nuwe vloer- en muurteëls. “Ek wou graag ’n losstaande bad laat insit, maar dit moes nie te groot wees nie. Hierdie een was die perfekte grootte,” sê Elza, wat versot is op swart krane en bykomstighede. “Ons het ook lank na die regte maar bekostigbare vloerteëls gesoek. Ek het soortgelyke teëls jare gelede op Pinterest gesien en dadelik van die patroon gehou, want ek is gek na krulletjies en patrone. Die res van die badkamer is eintlik rondom die vloerteëls beplan. Omdat ek lief is vir turkoois, het ek dit as aksentkleur gekies. Dit werk mooi saam met die swart en wit.” Sy vertel hulle het die oorspronklike uitleg behou omdat dit goed in die…

Ná die onstuimige afgelope 18 maande blyk groen die kleur te wees wat almal nou nodig het – dis omdat dit kalmeer en vertroos, aldus die kleurkonsultant Lien Potgieter. “Deur groen in ons huise te gebruik, nooi ons balans en hoop binne,” verduidelik sy. “Groen, en by implikasie die natuur, het die wonderlike vermoë om ons na liggaam, hart en siel te verfris. Dit simboliseer ook groei en oorvloed. “Groen is die kleur van vernuwing, en ook van nuuskierigheid, en dis merkbaar hoeveel mense tydens die inperkings nuwe stokperdjies of verdere studie aangepak het.” Oor watter skakerings tans die botoon voer, sê Lien dat enige groen wat vars lyk ’n goeie keuse is. “Dit moet jou onmiddellik beter, gesonder en gelukkiger laat voel,” sê sy. “Vermy groene met te veel…

“Wat ons tans sien, is ’n definitiewe neiging na kleiner maar langer, reghoekige teëls,” vertel Stephen Morgan van Decobella. “Ofskoon die tradisionele metro-teël steeds gewild is, het die moderne smaller of langer groottes wêreldwyd ’n groot treffer geraak. “Een gewilde uitleg-ontwerp is byvoorbeeld die vertikale stapelpatroon (ook bekend as ‘KitKat’) en variasies daarvan, wat taamlik verskil van die tradisionele Victoriaanse of plaasstyl. Jy sien dit nou oral.” As dit kom by kleur of tekstuur, is skakerings van pastelblou, -pienk en -groen teëls met ’n mat, growwer tekstuur gewild. Dié trend behels egter nog die klassieke groottes, hetsy klein vierkantige of metro-tipe voorbeelde. KONTAK 021 205 6250, decobella.co.za VERSKAFFERS EN KONTAKTE Alcolin 0800 222 400, alcolin.com Cemcrete 011 474 2415, cemcrete.co.za Douglas Jones 086 166 7242, douglasjones.co.za Italtile 0861 555 109, italtile.co.za Juanita Lacock facebook.com/juanita.lacock…

Begeerlike badkamer Louise Karsten van Pretoria skryf Ek en my man het onlangs ons eerste huis gekoop en ons knap dit nou vertrek vir vertrek op. In die badkamer is die teëls en toebehore nog in ’n goeie toestand, maar die afwerking is verouderd. Ons sal graag eendag dié vertrek geheel en al wil vernuwe, maar intussen wil ek dit net meer soos ’n toevlug laat voel. Waar begin ek? Kim Williams, interieurskepper en gedragspesialis, antwoord Met goeie aanvoeling en deurdagte ontwerp het elke badkamer die potensiaal om funksioneel en mooi te wees, en spanning te verlig. Die mikpunt is ’n kalmerende omgewing waar jy net kan ontspan en verkwik kan voel ná ’n lang werkdag. Oorweeg dié maklike, bekostigbare wenke: BÊREPLEK is noodsaaklik om ’n ruimte netjies te hou…

As jy ook ’n badkamer wil bou soos Die Stal s’n, moet jy op die webwerf rainqueensa.co.za klik op “sheds, shelters and chicken coops”, want ja, die struktuur is soortgelyk aan ’n tenk wat middeldeurgesny is. Die idee kom van ’n vriend van Cornelia, Etienne Hanekom, ’n binneontwerper van Kaapstad wat dit jare gelede by sy naweekhuis gedoen het. “Die stal se mure was só oud dat die pleister afval op enige plek waar jy kap. Ek het toe plegtig vir Etienne gevra of ons sy idee mag gebruik en ewe ’n plaatjie met sy naam daarop aangebring. Die gaste is mal daaroor!” Deon vertel dis die eerste keer dat hy so iets gesien het, maar dit was nie moeilik om uit te voer nie en dit is bekostigbaar. “Ons…

Nuut by die kwekery! Blomtapyt Sedert die bekendstelling van die Delosperma ‘Lido’-reeks het tuiniers wat hou van vetplante wat blom soveel meer kleure om van te kies. Benewens die bestaande oranje vygie met ’n wit ogie sluit dié reeks nou ook ’n intense magenta, pienk, oranje met ’n pienk ogie, geel, oranje-en-wit, asook spierwit, in. Hierdie grondbedekker, wat bestand is teen hitte en droogte, spog met groot, helderkleurige blomme aan ’n plant wat 25-35cm wyd sprei. Dit groei die beste in volson (of met genoeg oggendson), in gewone, goedgedreineerde tuingrond. Die plant is ook geskik vir hangmandjies, veral op ’n sonnige stoep of dek, waar dit ’n lieflike prentjie maak wanneer die blomme oor die mandjie se rand tuimel. KONTAK ballstraathof.co.za VERSKAFFERS Block & Chisel 021 691 0878, blockandchisel.co.za India Ink…

• Gebruik jou natuurlike aanvoeling wanneer jy tuinmaak. Waar in die tuin sal jy graag lekker in die koelte wil sit? Plant dan ’n inheemse sambreelvormige boom op daardie plek en plaas ’n bank en tafel met stoele daaronder. • Probeer om vooruit te skat waar potensiële groot skadukolle gaan wees namate bome groei sodat jy van die begin af skaduliewende plante daar kan plant en nie later plante onnodig hoef te skuif nie. • Moet nooit kruisement in die oop tuingrond plant nie, want dit vervuil dat dit klap. “Ek moes onlangs ’n stuk grond van 10 x 10m omdolwe net om van die kruisement ontslae te raak,” sê Estelle. Deesdae plant sy haar kruisement in ’n ou bad.…

Monstera adansonii Dis wonderlik om te sien hoe vinnig dié plant groei; en elke blaar wat verskyn, is uniek! Calathea orbifolia Dit was my eerste Calathea en ek is gewaarsku dat dit baie moeilik is om aan die lewe te hou. Die plant het al onder witluise deurgeloop, en soms word die blare se rande droog. Tog, elke keer wanneer ek dit terugsny, groei dit net nog mooier as die vorige keer uit. Anthurium clarinervium Ek hou baie van die vorm en tekstuur van hierdie plant. Die hartvormige blare en prominente are is pragtig. Dit is ook redelik maklik om te versorg, wat dit ’n groot vreugde maak. Monstera deliciosa ‘Variegata’ Dié buitengewone plant is tans baie gewild. Ek is gek daarna! Met elke blaar wat uitkom, weet…

Genoeg vir 6–8 Voorbereiding: 30 minute Gaarmaaktyd: ’n hele paar uur (hoe langer, hoe beter) • 1,5kg beesbene (maak seker daar’s ’n hele paar murgbene by) • 2 kaneelstokkies • 2 steranyspeule • 3 kardemompeule • 5ml reënboogpeperkorrels • 3 naeltjies • 2 uie, geskil en in kwarte gesny • 2cm vars gemmer, gehalveer • 1 heel knoffelbol, gehalveer • 2 dik skywe beesskenkel • 10 gedroogde shiitakesampioene • 2 liter vleisaftreksel AFRONDING • 250ml bevrore ertjies • 4 sprietuie, gekap • ’n skeut vissous 1 Vooraf Kies gedroogde sampioene van ’n goeie handelsmerk en gaan die vervaldatum na. Kies ook ’n goeie aftrekselkonsentraat – die verkeerde aftreksel kan die smaak van jou delikate kragsop oorheers. Jy hoef nie die gedroogde shiitake-sampioene vooraf in water te week nie, want die lang pruttyd van die sop gaan hulle genoeg tyd gee om die geurige vloeistof te…

As ekdie koning was, hoor ek ’n blonde seuntjie in die parkie hier agter my huis roep, het ons roomys gekry. Sommer ba-a-a-ie. Sy oppasser lag, haar tande wat spierwit afsteek teen haar donker vel. “En as ék die koning was,” sê sy, “moes jy nou op my skoot kom sit.” Ek hoor die sonnige gesprek so met ’n halwe oor toe ek en die hond verbystap. Behalwe dat ek skielik roomys op die brein het, verlang ek na die brieklose genot van dié ou wensspeletjie uit my eie kleintjiejare. Dis veral gespeel tydens verpligte Sondagmiddagslapietyd. Vir die grootmense ’n heiligheid wat absolute stilte vra, vir die kinders die vagevuur van verveling. Ek en my boetie glip soos muise uit ons kamers uit. Buite, onder ritselende bloekombome, speel ons met…

WENBRIEF Welkom, Dover! Lelanie Watson van Bloemfontein skryf Jare lank staan hierdie ou stoof al agter die huis op ons plaas, maar dié winter het ek besluit: Hoekom sal ek nou so koud wil kry as ek hom kan inbou? Hy is gediens en skoongemaak, en toe kom die groot besluit oor waar om hom te sit. Daar’s ’n leefarea tussen die kombuis en slaapkamers. Met ’n paar aanpassings sou Dover hier sy staanplek kon kry en ’n fokuspunt in die vertrek word. Ek was nog altyd lief vir kleur, en met blou mure, ’n oranje deur en helder erdeware in die kombuis was ’n Mexikaans geïnspireerde muur die oplossing. Ek het die talavera-teëls van Hadeda laat koerier uit Johannesburg en toe die uitleg, beplanning en lê van die teëls…

WIE WOON HIER? Steven en Lella Kondylis, met Charlie die Jack Russell en Lulu die Yorkie WAAR Constantia, Kaapstad GROOTTE 506 m² Lella Kondylis sê self sy’s presies die teenoorgestelde van Marie Kondo, die beroemde Japannese ontrommelaar wat glo elke ding moet op sy plek wees. Nie dat sy van ’n deurmekaarspul hou nie. Dis juis die bekoring van haar 30 jaar oue huis in Constantia: Aan die een kant is dit lig en lugtig; aan die ander kant die ene dramatiese dekor met groot areas bedek met plakpapier en helder kleure – wat uiteindelik perfek saamwerk. “Alles het ’n storietjie, maar ek oordink beslis nie my dekor nie,” sê Lella, ’n keramiekkunstenaar wat onder die naam Porcelain Petites werk. “Ek verkies ’n gesellige huis, nie ’n skouhuis nie.” Lella…

WIE WOON HIER? Sharna en Pierre van Rensburg en hul kinders Jack (7), Ben (5) en Sophie (4) WAAR Oos-Londen GROOTTE 220 m² Ons is mal oor hoe ons huis voel! Ons is so gelukkig hier. In die winter sit en gesels ons graag by die kaggel; in die somer sal jy ons op die stoep kry waar ons die namiddagson geniet. – Sharna Die Van Rensburgs het so baie gehou van hierdie oorspronklike plaashuis wat in ongeveer 1925 in Nahoon gebou is, dat hulle in 2009 al ’n briefie in die posbus gegooi het waarin hulle die eienaars vra of hulle nie dalk wil verkoop nie. Maar daar was geen reaksie nie. Toe die eiendom uiteindelik ses jaar later wel beskikbaar raak, het die paartjie dit binne 10 minute…

DIE VOORMALIGE EIENAARS Robert en Elza Cooper WAAR Woodmead, Sandton GROOTTE 167m² Deur haar kameralens het die Tuis-fotograaf Elza Cooper nie net met talle interessante, kunstige mense kennis gemaak nie, maar ook met hul huise – elkeen só besonders en mooi dat dit ’n blywende indruk gemaak het. “Ek het van die mooiste tuine en huise in die land gesien,” vertel sy. “Dit het my hope inspirasie gegee en ek het heelwat idees ‘gesteel’. Ek is mal oor dekor, ’n lekker storie en geskiedenis; ek’s ook ’n bietjie kunssinnig – en báie sentimenteel.” Met al hierdie inspirasie, ’n goeie skoot nostalgie oor ou familiegoed en ’n taamlik aweregse persoonlike smaak, het Elza ’n tuiste geskep waarna ’n mens net wil kyk – en weer kyk. Toe het sy haar eie…

Teëls het legio moontlikhede, veral omdat jy dit op verskillende maniere kan lê. Justine Read van Not Just Tiles spesialiseer in die verkryging en installering van teëls; sy vertel van haar gunsteling-patrone: 1 Gemengde uitlegte in dieselfde kleur maar met teëls van verskillende fatsoene, soos vierkante en reghoeke, werk wonderlik, aangesien dit juis die uitleg is wat die oog vang en nie ’n sierstrook of mosaïekdetail nie. 2 Dieselfde teël gelê in verskillende rigtings – een ry horisontaal en die volgende vertikaal – is eenvoudig dog treffend. 3 Skep strepe! Ek gebruik graag 1 200 x 600 mm- swart en wit teëls en sny dan elkeen in drie 1 200 x 200 mm-teëls om strepe op die vloer of muur te skep. Dis treffend en werk in enige kleurpalet. 4…

Biofiele ontwerp – ’n praktyk in die boubedryf wat mense nader aan die natuurlike omgewing bring deur middel van elemente uit die natuur – is tans groot nuus, vertel Nicole Russell van Italtile. “Dis ’n sterk beweging weg van ons verknogtheid aan digitale skerms na ruimtes wat die natuur binnenooi. En dit maak soveel sin. Produkte wat soos iets uit die natuur lyk, raak al hoe gewilder en ons teëlreekse met ’n houtvoorkoms bly in aanvraag,” sê sy. “Ons het pas ons nuwe Exence-reeks bekend gestel. Dié teëls is so na aan die natuur as kan kom, met 48 verskillende houtvoorkomste daarop gedruk.” >> KONTAK 010 271 2272, italtile.co.za…

In dié jaarlikse kompetisie in vennootskap met Tjhoko Paint kan jy wondere verrig met verf, ’n kwas, roller en stensil. Gee jou verbeelding vrye teuels en gee terselfdertyd nuwe lewe aan iets ouds. Daar’s geen rede om altyd iets nuuts te koop nie, want met Tjhoko Paint kan jy toor en apploustrekkers skep reg deur jou huis. Om nie te praat van die lekker pryse wat jy kan wen nie ... NOU OP INSTAGRAM Vanjaar se kompetisie het ’n paar nuutjies. Die belangrikste is dat al die inskrywings op Instagram gelaai word. Dit beteken jy moet ’n Instagram-rekening hê; as jy nog nie een het nie, laai die app af in die Apple App Store of by Google Play, skep vir jou ’n profiel en laat waai. Stuur gerus ’n…

V: Waar kan ek ’n kapplank in ’n walvisvorm kry soos die een op bladsy 17 van jul Desember 2020/Januarie 2021-uitgawe? – Lizl Rautenbach, Durbanville A: Die huiseienaar het hierdie plank jare gelede by Anthropologie (anthropologie.com) in die VSA gekoop. Maar dis iets wat jy maklik self kan maak. Al wat jy nodig het, is ’n geskikte houtplank, walvispatroon en ’n figuursaag. V V: Wat is die naam van die losstaande kaggel op bladsy 61 van Tuis Opknap 2020, en waar kan ’n mens dit te koop? – Mike de Beer, Kaapstad A: Hierdie kaggel is die KFD STO M14 3F-16 kW-model van Karoo Fire (karoofire.com). V: Daardie kroegstoele op bladsy 79 van jul Mei/ Junie 2021-uitgawe is te mooi vir woorde. Waar kan ek iets in hierdie styl kry?…

Die lewe is ’n avontuur! Aiee-ja! Fil hoop om gou met ’n swart gordel te spog. – Christelle de Jager, Kaapstad Watse hoogtevrees? Oscar Maritz die stadskat op sy jagtog. – Marzanne Tredoux, Seepunt Doellyn toe! Die sportiewe Lika wys die Springbokke hoe om punte aan te teken. – Eunice Pieters, Witbank Vrugtig op die tong Noudat die oes af is, proe Pepsi ’n natrossie petit verdot. – Henriette Neethling, Stellenbosch Hoera! Cally kat moes wonderlike nuus gekry het. – Caryl Smith, Umdloti, KZN Kom draai net die sleutel Al wat Bella kort, is haar eie leerbaadjie! – Lizbé Jonas, Upington Warm kopie Boy&Pip-reënjasse (vanaf R490, Instagram. com/boyandpip) is te kry in stylvolle geel, grys, oranje en blou. Die buitemateriaal is waterdig en ’n alte fraai katoenvoering hou jou vierpootvriend…

Waar bly die lote? Susan van Blerk van Benoni skryf Ek het in Julie my ‘Madam’s Rose’-struike gesnoei met die verwagting dat hulle mooi nuwe pers-rooi lote sal maak, maar al wat ek sien, is groen blaartjies. Wat kan die probleem wees? Ludwig antwoord Dis ’n teken dat die wortels smag na kos en water, dikwels weens mededinging met bome, struike en selfs meerjariges daar naby. Wanneer jy in Julie snoei, is dit belangrik dat jy die grond rondom die struike taamlik diep losmaak en vars kompos en ander organiese materiaal inspit. Dit belug die grond wat moontlik gedurende die vorige seisoen verdig het. Gekompakteerde grond ontneem die wortels van die suurstof – dalk ook die water – wat hulle nodig het om kos vir nuwe groei te vervaardig. Indien…

Estelle ken elke struik in haar tuin. Sy verduidelik hoekom sy spesifieke gunstelinge het: • Wildegranaat met sy pragtige digterlike botaniese naam Burchellia bubalina. Verskeie insekte, voëls en spinnekoppe besoek die boom. • Notsung (Halleria lucida) spog met pragtige fuchsia-vormige blomme en lok baie suikerbekkies. Later vorm daar ’n soet swart bessie wat die witogie-voëltjies lok. Die boom het omtrent 25 verskillende name; een daarvan is “kinderbessie”, omdat daardie ryp swart bessies so lekker is. • Spoorsalies (Plectranthus) kom in verskeie variëteite; die plante is droogtebestand en vra min aandag. • Kannabas (Dais cotinifolia) het die pragtigste pienk saamgestelde blomme met ’n wonderlike geur. “Ek het dikwels geel stuifmeel op my neus,” sê sy, “want ek druk sommer my neus diep in die blomme.” • Fynblaarrooihout (Ochna serrulata) dra geel…

GRAAG HUISPLANTE Folha Plant Shop 067 413 5364, folhashop.com Homegrown Nursery 082 412 9237, facebook.com/ HomegrownBathurst/ The Greenhouse Nursery 021 689 9598, the-greenhouse-at-montebello.co.za AANLYNWINKELS Atrium Plants atriumplants.co.za OrchidLove orchidlove.co.za Plant Collective plantcollective.co.za Plantae Orchids plantae.co.za Plantify plantify.co.za Van Rooyen Orchids orchidssa.co.za KONTAK Saffron’s Garden Plant Club plantclub.saffronsgarden.com, instagram.com/saffronsgardenplantclub…

Varkworsiepastei Onder R110 • Genoeg vir 4 • Voorbereiding: 15 minute Gaarmaaktyd: 25 minute • Oondtemperatuur: 200°C • 1 rol (400g) blaardeeg, ontvries • 500g varkworsies, derm verwyder • 125ml bevrore groente (mieliepitte, wortelblokkies en ertjies), kamertemperatuur • 6 saggekookte eiers, afgedop • 1 eier, geklits • 10ml sesamsaadjies as garnering • blatjang en slaai vir voorsit 1 Voorverhit die oond. Vou die rol deeg versigtig oop op ’n skoon werkoppervlak en sny in die helfte. 2 Meng die groente met die vleis. Versprei nou een helfte van die mengsel van links na regs in ’n eweredige laag oor een van die deegstukke; laat ’n 2cm-rand aan die boonste sy oop. Rangskik drie van die eiers langs mekaar oor die vleis en vou die vleisbedekte deeg oor die eiers sodat dit ’n groot worsrol vorm. Druk die rand vas met…

SKEP EN VERNUWE! WIE Lana Sinclair WAAR Somerset-Wes BESIGHEID RAW Stonecast Décor HAAR WERK Lana wou graag beton meer gebruikersvriendelik maak, en het begin eksperimenteer met die verhouding van herwindepapierpulp tot beton in die mengsel waarmee sy ligter en ekovriendeliker gegote betonprodukte maak. Sy maak haar eie gietvorms vir haar produkreeks wat uit tafellampe, planthouers en vase bestaan. Ons het Lana se nuwe reeks driehoekplanthouers (vanaf R350 vir ’n stel van 4) by die Blaauwklippenmark buite Stellenbosch raakgesien. Dis so lig dat alkant-plakband sterk genoeg is om dit teen ’n muur te monteer – jy hoef glad nie gate te boor nie! “Dis die perfekte laeonderhoud-dekorstuk,” sê Lana. “Grond, ’n mooi vetplant en ’n teelepel water een keer per week is al wat dit vra.” Die driehoekplanthouers is te kry…

• Vertrou jou instink. Jou huis is nie ’n vertoonstuk nie – jy leef daar en dis belangrik dat jy daarvan hou. Moenie die voorkoms oordink nie. • Verf verrig wondere en jy kan altyd oorverf as jy nie van die resultaat hou nie. Verf altyd eers toetsblokkies sodat jy die regte kleur kan kies. • Gebruik tekstiele en strooikussings om spatsels kleur in te bring. • Ondersteun plaaslike verskaffers – ons het wonderlike kunstenaars en handwerkers in die land.…

Die 12 m²-en suite-badkamer was voorheen deel van die eetkamer. Toe die slaapkamers na die huis se voorkant geskuif is, is hierdie vertrek in twee badkamers verdeel: die en suite- en ’n gesinsbadkamer. Omdat hulle ook moes plek maak vir ’n ingeboude kas in die hoofslaapkamer, moes die gesin afsien van die twee wasbakke en aparte toilet waarvan hulle gedroom het. Hulle het wel daarvoor vergoed met ongewone ontwerp en keurige dekor. Jenine vertel: “Hierdie ruimte het groot trefkrag. Die kombinasie van afwerkings – van ’n klassieke swart-en-wit mosaïekvloer en blougroen kabinet tot vrolike plakpapier en ’n moderne spieël en rakkie bo die wasbak – gee dit ’n verrassingselement. “Die plakpapier is die apploustrekker – ’n kombinasie van treffend (die wow-faktor) en subtiel (wanneer jy in die bad ontspan). Dit…

• Ek was bevoorreg om baie mooi huise te sien, maar enigeen kan goeie idees kry in byvoorbeeld tydskrifte en op Pinterest. Druk dan net jou eie stempel daarop af, en moenie bang wees om kanse te waag nie. • Moenie te veel “goetertjies” uitstal nie – veral as dit oud is. Dit kan gou onnet en soos rommel lyk. • Dis dalk trendy om ou meubels nuwe lewe te gee met verf, maar ek glo nie alle ou meubels hoef geverf te word nie. Sommige is net te waardevol, en moet so gelos word. • Moenie haastig wees nie. Ek het soms maande aaneen na bepaalde artikels en verskaffers gesoek. Veral met iets soos plakpapier moet jy seker maak jy kry wat jy regtig wil hê.…

Daar’s niks verkeerd met gewone wit badkamerteëls nie, maar danksy die jongste opwindende vorms, teksture en kleure wat dikwels spreek van uitmuntende vakmanskap, kan opknappers nou die asemrowendste ruimtes skep met teëls! Natuurlik kom dié aan die bopunt van die mark teen ’n aardige prys, maar jy het dikwels net een of twee vierkante meter nodig as fokuspunt. Dink aan net een muur, ’n spatpaneel agter die wasbak, selfs net die stortvloer ... Hoewel die meeste teëls steeds ingevoer word, maak al hoe meer plaaslike vervaardigers hul merk in die keramiekbedryf. Sharon Kensley, wat Akashic Tiles in Knysna drie jaar gelede gekoop het, verduidelik: “Die bedryf is beslis besig om plaaslik uit te brei. Ons motivering was en is steeds ons passie vir keramiek, en ’n manier om ons kreatiwiteit…

Handgemaakte teëls word gekenmerk deur organiese vorms, met skulpe en blare as gewilde ontwerpe. Volgens Sharon Kensley van Akashic Tiles is mense altyd op soek na iets besonders; boonop is daar ’n neiging na tydlose skeppings en om opnuut met die natuur te verbind. “Dis moeilik om ’n bepaalde gewilde fatsoen te identifiseer; dit verander voortdurend. Ons het wel eers skulp- en toe blaarteëls gesien en daarna retro- en abstrakte organiese vorms,” vertel sy. “Blougroen, woudgroen, olyf, smarag, pienk, terracotta, oranje en skakerings van wit is tans gewild. En ons glo dat ryker teksture bydra tot sensoriese ervarings soos sig, gevoel en emosie.” KONTAK 082 853 9584, akashictiles.co.za…

PROJEKGIDS  Harde werk 5/10 Vaardigheidsvlak 4/10 Tyd nodig 1 tot 2 uur Maak dit vir ± R5235: Hout R4600, vullishouer R250, skarniere R260, skroewe R40, gom R40, skuurpapier R20, deursluiters R25 Wat jy nodig het INKOPIELYS • 21mm-laaghout, in die volgende dele gesaag: een 2 360 x 1060 mm (werkblad) een 2 310 x 880 mm (bodem) vier 700 x 600mm (kassye) twee 840 x 700mm (kasrugkante) twee 840 x 575mm (kasrakke) vier 620 x 450mm (deure) • 22 x 95mm- geskaafde dennehout, soos volg gesaag: twee 2 360 mm en twee 1 018 mm (bladraam, bo) twee 2 310 mm (bladraam, onder) • 69 x 69mm- geskaafde dennehout, gesaag in: vier 880mm-lengtes (pote) • Alcolin Fast Set Wood Glue • ’n pakkie 6 mm x 50 mmspaanderbordskroewe • vier…

Karlien Gouws van Durbanville skryf Ons drie jaar oue kat het nou begin muise vang en in die huis indra – terwyl dié prooi dikwels nog leef. Dan moet ons die muis vang en buite loslaat, mits dit nie ernstig beseer is nie. Hoekom doen sy dit, en hoe kan ons ’n einde daaraan maak? Valdette Müller, veterinêre suster en eienaar van shingavet.co.za, antwoord Katte is opperste jagters en muise is eintlik maklike prooi. In die natuur leer kat-ma’s hul kleintjies hoe om te vreet deur dooie of beseerde diere vir hulle aan te dra. Dis presies wat huiskatte ook doen. Omdat troetelkatte deesdae meestal gesteriliseer word, het hulle nie altyd kleintjies aan wie hulle hul jagterskennis kan oordra nie. Wanneer jou kat dus ’n dooie dier indra, probeer sy…

Onkruid op my grasperk Karin Butler van Hermanus skryf Ek het groot grasperke van Berea-gras – dis gehard en altyd mooi groen, maar ek het onlangs hierdie onkruid (foto) gesien wat die gras nou oorneem. Dit versprei vinnig en het ’n mooi wit blom wat baie bye lok, daarom wil ek nie graag die gras spuit en hulle in gevaar stel nie. Het jy asseblief vir my raad? JJ antwoord Jy kan Berea (LM)-gras wel behandel sonder enige gevaar vir die gras of die bye, aangesien onkruiddoder nie geformuleer is om insekte aan te tas nie. Dis belangrik dat jy ’n selektiewe breëblaar-onkruiddoder gebruik en die hoeveelheid water verdubbel sodat die mengsel nie te sterk is nie. Maak ook seker die chemikalieë verander nie die gras se kleur nie deur…

Estelle skat sowat 70% van die bome in haar tuin is afkomstig van saad wat deur voëls versprei is. “Ek haal dikwels klein bome en struike uit en verkoop dit vir fondse vir STARS, ons plaaslike dierereddingsorganisasie.” Die bome op die eiendom sluit die volgende in: Aalwyne (Aloe-spesies)* Assegaaiboom (Curtisia dentata)* Bastersaffraan (Cassine peragua)* Bietou (Osteospermum moniliferum sin. Chrysanthemoides monilifera)* Blouklokkiesbos (Mackaya bella)* Bosvlier (Nuxia floribunda)* Geelhout (Podocarpus latifolius)* Heuningklokkiesbos (Freylinia lanceolata)* Inheemse wildevy (Ficus-spesies)* Keurboom (Virgilia oroboides en V. divaricata)* Kiepersol (Cussonia spicata)* Lourier (Laurus nobilis) Notsung (Halleria lucida)* Protea-spesies* Seepblinkblaar (Noltea africana)* Stinkhout (Ocotea bullata)* Tolbosse (Leucadendron)* Vrugtebome soos piesang, vy, boomtamatie, lemoen, nartjie, suurlemoen en avokado Waterbessie (Syzygium cordatum)* Wildegranaat (Burchellia bubalina)* Wildekastaiing (Calodendrum capense)* Wildeperske (Kiggelaria africana)* Wildestokroos (Sparrmannia africana)* Wilger (Salix matsudana ‘Tortuosa’) Witolien (Buddleja…

“Omdat plante soveel verskillende groeiwyses het, is daar geen einde aan hoe ’n mens hulle kan stileer nie,” sê Saffron. “Ek hou van rankplante, want dit gee hoogte – iets wat moeilik is om met ander huisplante reg te kry.” “Ek was nog altyd lief vir plante,” vertel Saffron de la Rouviere wat, toe sy laas getel het, 450 plante in haar huis en kweekhuis gehad het. “My ma was ’n ywerige tuinier en ek het haar van kleins af dopgehou terwyl sy in die tuin werk. In my vroeë twintigs het ek deur ’n vetplantgier gegaan, maar met die droogte in 2017 het ek besluit om binne eerder as buite tuin te maak. Ek het gesukkel om my tuin aan die lewe te hou, terwyl die enkele huisplante wat…

Skenkels met tamatie en rissie Skenkels wat so lekker lepellê in ’n geurige sous is die perfekte oordaad vir twee. Of vlok die vleis en meng dit deur die sous vir ’n gesin van vier. Genoeg vir 2 oordadige porsies Voorbereiding: 25 minute Gaarmaaktyd: 3 uur Oondtemperatuur: 180°C • 30ml olie • 2 x 400g-lamskenkels • 1 groot ui, in wiggies gesny • 250ml bier • 2cm gemmerwortel, geskil en gerasper • 2cm borriewortel, geskil en gerasper • 2 knoffelhuisies, gekap • 2 stukke kassia of 1 stuk pypkaneel • 1 groen brandrissie, gekap • 1 steranyspeul • 1 takkie kerrieblare, as jy het • 1 blik (400g) tamatiepuree • 5ml suiker • 200g sampioene, gekap • 15ml garam masala • 200g geroosterde kersietamaties, opsioneel 1 Verhit die olie in ’n swaarboompan en braai die lamskenkels goed bruin oraloor. Roer die uie by, braai vir nog…

’N HAND VOL SPESERYE Cariema Isaacs se jongste boek, Curried (R350, Penguin Random House), is ’n vreugdevolle huldeblyk aan een van die mees geliefde en veelsydigste geregte ter wêreld – kerrie. Haar herinneringe aan potte Kaaps-Maleise kerrie wat lank en stadig prut, asook die sneller tempo van die Midde-Oosterse landskap waar sy nou woon, het resepte vir alledaagse vegetariese kerries, asook rojaler vleis- en seekosgeregte van oraloor geïnspireer. Elke blad spreek van Cariema se liefde vir skryf, wat dié sorgvuldig saamgestelde boek met sy lieflike foto’s een groot leesplesier maak. Groot bederf! Die wynmaker Johnnie Calitz beskryf die Gravel Quarry Cabernet Sauvignon 2018 (R440, glencarlou.com) as “kragtig en gesofistikeerd”. Hierdie edelkultivar spog met laag op laag ryp swartbessies, donkersjokolade en nuanses van braambos en sederhout op die neus. Voorwaar ’n…