Tabla de contenidos para February 2022 en Tuis

Einde Desember sit ons hierdie uitgawe aanmekaar, en die laaste Maandag van die ou jaar begin op ’n bedenklike noot. My selfoon is weg. Vroegoggend was hy nog daar, stroopsoet langs my bed toe die wekker kwaak, maar teen agtuur is hy nêrens te vinde nie. En ek het nog nie ’n voet uit die huis gesit nie. Soos altyd is die foon se klank af, want ek is lankal sat vir al die groepies, die baie specials,die gedurige pieng-pieng-pieng. Ek soek hoog en laag, maar sonder sukses. Naderhand ook in die yskas, en op die rakkie in die stort. Dalk was ek nog aan die slaap en was die foon in my hand toe ek die kraan wou oopdraai, wonder ek by myself. Vroegoggend het ek ’n bondel wasgoed…

SKEP & VERNUWE! WIE Henriette Fröhlich WAAR Centurion, Gauteng BESIGHEID HF Design HAAR WERK HF Design ontwerp eenvoudige, aanpasbare werkstasies vir leerders wat tuisonderrig ontvang of aanlyn leer – ook ná Covid. Die modulêre stelsels word plaaslik vervaardig en kan aangepas word by die veranderende behoeftes van kinders wat nog groei. “Ons Enzokuhlelessenaar (R1950) en bankie (R890) het byvoorbeeld drie hoogtestellings en is geskik vir voorskoolse tot hoërskoolleerders,” verduidelik Henriette. Danksy die modulêre samestelling kan die meubels stuk vir stuk aangevul word volgens jou omstandighede; dit is dus ligter op die omgewing en jou sak! Deursigtige 15-liter-bokse met toeknipdeksels pas perfek onder die lessenaar en kan ingesit en vervang word soos nodig. Besoek hfdesign.co.za en volg hulle op Instagram en Facebook @hfdesign.workspace. KIES KUNS Gee jou rusbank ’n spatsel…

WIE WOON HIER? Roxy en Nick Filmalter en Archie die aanneemhond WAAR Woodstock, Kaapstad GROOTTE 134m2 Nadat Roxy Filmalter, ’n hoof-waardin op seiljagte, en haar man, Nick, ’n ekspedisieduiker en onderwater-video- en fotograaf, jare lank ’n swerwersbestaan gevoer het, het hulle besluit Kaapstad is waar hulle wil wortel skiet. “Ons het in Woodstock begin huis soek, want ons hou van die buurt se ryk geskiedenis en kultuur,” vertel Roxy. Toe hulle by vriende verneem van ’n ruim woonstel op die grondverdieping van ’n klein blok met net vier woonstelle, het sy dadelik belang gestel. Sy het ’n afspraak gemaak om die eiendom te besigtig, maar teen daardie tyd was daar al heelwat belangstellende kopers én verskeie aanbiedings! Dit het haar egter nie van stryk gebring nie. Met ’n agtergrond in…

WIE WOON HIER? Florence de Vries, Rupert Koopman en hul dogter, Amelia (6) WAAR Boston, Kaapstad As dogtertjie kon Florence de Vries haar vergaap aan die kleurvolle plakpapier in haar ouma Joyce se huis op Wellington, waar dié muurbekleding boonop elke jaar of twee oorgedoen is! Sy en haar gesin woon in Boston in die noordelike voorstede van die Moederstad. Florence het hier grootgeword en is lief vir die argitektuur, struktuur en afronding van baie van die huise in die buurt: die hoë plafonne, Oregondennehout- of blokkiesvloere en groot vertrekke. En meer as genoeg ruimte vir vrolike mure waar sy haar liefde vir motiewe en helder kleure vrye teuels kon gee. “’n Vriendin het eendag hier ingestap en gesê sy hou van die ‘whimsical’ gevoel wat ek geskep het,” vertel…

Klein veranderings, groot impak Morris Lennard van Durban skryf Ons het ’n ou huis in ’n ou voorstad gekoop en beplan groot opknapwerk oor die volgende vyf jaar. Vir eers kan ons net ’n paar klein verbeterings bekostig. Waar in die huis maak dit die meeste sin om geld te spandeer? Shafeeqah Isaacs, hoof van finansiële opleiding by DirectAxis, en Rob Knowles, eienaar van Q-Gardens, antwoord Klein, kosmetiese veranderings sal beslis die waarde en trefkrag van jou huis verhoog. Omdat mense in die somer graag meer tyd buite deurbring, is die tuin ’n goeie beginpunt. Dit vereis gewoonlik ’n belegging in swoeg en sweet, eerder as kontant: • Verwyder takke, dooie blare en ander afval wat in die wintermaande versamel het. Hope tuinvullis lyk onnet en knaagdiere of selfs slange…

Sumari Stone van Go-To Door & Window in Pretoria het dié wenke wanneer jy tussen staalen aluminiumrame moet kies: • Die gewildste tendense tans is die New Yorkse solder- en die industriële styl. Tradisionele sowel as meer moderne ontwerpe is gepas vir dubbeldeure, skuifdeure en stapeldeure in dié style. • Die keuse tussen aluminium en staal berus grootliks op die styl van die gebou. Aluminium word as meer verfynd beskou, terwyl staal meer karakter het. Staal is ook die sterkste en dus die veiligste van die twee. Aluminium het ’n breë profiel en kan bonkig voorkom, waar staal dunner visuele lyne het. • Hou in gedagte dat die gehalte van staal en aluminium aansienlik kan verskil van een verskaffer na ’n volgende – doen daarom jou huiswerk. Albei kom in…

Troon uit bo die res! Trippe, trappe, tralies As rank- en klimplante eers hul kloutjies aan ’n muur, pilaar of boog met latwerk geslaan het, is daar geen keer aan hulle nie. Oorweeg hierdie inheemse apploustrekkers wat min onderhoud vra, graag in die son staan en van nature by ons klimaat aangepas is: • Port St Johns-klimop (Podranea ricasoliana) spog van November tot Maart met ’n menigte geurige lilapienk blomme. • Vlamklimop (Combretum microphyllum) skitter behoorlik met vlamrooi blomme van Augustus tot November. • Kaapse kanferfoelie (Tecomaria capensis) dra ’n paar keer deur die jaar buisvormige blomme in rooi, oranje, geel en salmpienk. • Swartoognooi (Thunbergia alata) spog in die somer met oranje of geel blomme. Skep ’n groen galery Het jy ’n kaal muur wat smeek om ’n tikkie…

Bome en struike • Suurlemoenbome • Olyfbome • Hibiskus • Kamelias • Asaleas • Katjiepiering • Blouklokkiesbos • Bougainvillea (die kompakte bostipe) • Rose: ‘My Granny’ en ‘Granny’s Delight’ is goeie grondbedekkers terwyl die ‘Iceberg’-stamrose hoogte gee. Meerjariges • Cymbidium-orgideë • Fuchsias • Malvas • Salies • Meerjarige petunias • Sitroenverbena • Euphorbia ‘Diamond Frost’ Wenk Kies vir hangmandjies ’n verskeidenheid lugplante en rankmalvas wat oor die rand van die mandjie hang. Eenjariges • Gesiggies • Lobelias • Beddingbegonias • Viooltjies • Petunias • Heuningblommetjies • Calibrachoa Wenk Wissel eenjariges af vir ’n nuwe voorkoms elke jaar. As ’n mens baie in jou tuin is, is jy bewus van die welstand van jou plante en is jou oog geoefen. Jy sien gou of ’n plant siek is en wat dit…

KIES IETS SPESIAALS Stellenbosch Hills het onlangs hul 2020 Sense of Place Anna Christina MCC (R205 by die kelder) bekend gestel. Dis nou maar die tweede keer dat dié uitgelese wyn, gemaak van uitsluitlik Stellenbosse chardonnay, beskikbaar is. Met aromas van vars appels, sitrusbloeisels en ’n neutagtige gissmaak, span dit die kroon op enige viering. Besoek stellenbosch-hills.co.za. ’n Ma weet mos Mother’s Love se natuurlike produkte werk rof met vuilis, maar sagkens met die omgewing. Die reeks sluit skoonmaakmiddels soos Glass Cleaner met vlugtige pomelo-olies (vanaf R68) en Dish-washing Gel met vlugtige sitrusolies (vanaf R69) in. Vir nog inligting, loer by mothersloveproducts.com. SÓ KWEEK JY KOKKIES Marinda se kinderkombuis met Sjef Sout en Prof Pretzel (R260, Human & Rousseau) deur Marinda Engelbrecht is ’n kleurvolle kookboek met ’n kinkel. Benewens…

Laataand in die wildernis van Botswana staan ek voor ’n toe badkamerdeur met ’n vreeslike nood. Binne hoor ek water loop. Ek klop. Geen reaksie nie. Klop harder. Steeds niks. “Ansie!” Sy’s my kamermaat en sy’t ’n effense gehoorprobleem. “Ansie! Is jy in die stort?” “Wat? Ek kan nie hoor nie, ek’s in die stort!” My tande swem en ek spring al op een beentjie. “Gaan jy nog lank wees?” “Wáát?” “GAAN JY NOG ... O, newwermaaind.” Ek loer benoud na buite. Ons tentekamp is nie omhein nie en my leeuvrees en my blaasnood baklei vir dood, met die blaas wat vinnig oorhand kry. Buite, sien ek deur die tentflap, is dit vrek donker. Ek oorweeg my opsies. Dan vlie die badkamerdeur oop. “Wát gaan aan?” Ansie staan kaalbas en…

DIE EIENAARS Pierre Antoine en Francois Nel WAAR Riebeek-Kasteel, Wes-Kaap GROOTTE 200m² Enkele jare gelede het Pierre Antoine op Riebeek-Kasteel gaan kuier en daar afgekom op wat hy ’n “lelike eendjie” noem. “Ons het toe al jare lank uitgekyk na ’n plek op die platteland,” onthou Pierre, wat in Kaapstad woon. “Die probleem met soveel dorpies in die Wes-Kaap is dat hulle net te toeristies en glansryk begin word het. Riebeek-Kasteel is egter ’n uitsondering. Dis ook naby Kaapstad en die lughawe, dit het heerlike kos, uitstekende wyne en olyfolies en is in ’n skilderagtige vallei geleë.” Die huis, wat oorspronklik die stalle en skuur van ’n wynplaas was, het eers net ’n kosmetiese regruk gekry. “Ons het dit aanvanklik verhuur, maar dis gevandaliseer terwyl dit onbewoon was. “Verlede jaar…

WIE WOON HIER? Stéffan en Chandré Coetzee WAAR 80km van Calvinia GROOTTE Binne 63 m² (met stoepe 103 m²) Indien jou enigste selfdoen-ervaring die hang van portrette behels, is jy seker van nature optimisties wanneer jy kans sien om ’n vervalle werkershuis op ’n afgeleë plaas op te knap. Chandré en Stéffan Coetzee het ook onder die vals indruk verkeer dat dit goedkoper is om ’n bestaande struktuur reg te maak as om van nuuts af te bou. Desondanks is hulle nie spyt oor hulle groot sprong nie. Die twee het in Augustus 2020 besluit om ’n eenvoudiger lewe aan te pak op die familieplaas in die Tankwa-Karoo. Die eiendom is sowat 80km van Calvinia op die R355, die langste grondpad tussen twee bewoonde plekke in Suid-Afrika, geleë. Daar het…

Voor jy begin Kry jou muur plak-gereed: Stof af en was die oppervlak, vul enige krake of gate en skuur glad sodra die vulstof droog is. Verwyder ook alle kragsokplate. PROJEKGIDS Harde werk 2/10 Vaardigheidsvlak 6/10 Tyd nodig Halwe dag Doen dit self vir R3 590: Mural Approvedplakpapier (4,5 x 3m) R3 590 Só maak jy... 1 Meet intervalle van 50 cm oor die muur. Neem ’n waterpas en trek gidslyne tot reg by die vloer. (Die papier se breedte kan verskil, afhangende van die fabrikaat; ons s’n het ’n 2mmspeelwydte om perfekte nate, sonder muuropeninge, te verseker.) 2 Aangesien ons plakpapier as muurkuns ontwerp is, is die stroke reeds gesny en genommer. Begin aan die linkerkant bo teen jou muur. Bring die strook versigtig in lyn met die gids…

V: Waar kan ek lieflike staalplafonpanele soos dié in Giselle se kamer op bladsy 36 van jul Oktober/November 2021-uitgawe kry? Ek soek ’n alternatief vir teëls. – Deléne Kunneke, Kaapstad A: Hierdie ou persstaalpanele kom uit die huiseienaars se vorige huis. Park Lane Décor (parklanedecor.co.za) verkoop plafonteëls van verskeie materiale; kyk ook by Airloom (airloom.co.za) vir tinteëls. V: Ek het nou al oral aanlyn gesoek na plantbokse in die Versailles-styl en kan net niks kry wat plaaslik gemaak of verkoop word nie. (Versaillesbokse is vierkantig, van hout of metaal gemaak, en geverf.) Ek soek een in wit met die kruis op al vier sye en knoppe op die hoeke. Kan julle help? – Astrid Schwenke, Pretoria A: Ons het onlangs soortgelyke plantbokse gesien by Garden Bleu in Waterkloof (stuur e-pos…

1 O, SO MOOI WENNER WIE Derick en Renette Opperman WAAR Napier WAT Hele huis Derick en Renette se droom om ’n huis in die Wes-Kaap te koop en te herstel het vier jaar gelede waar geword toe hulle die perfekte eiendom op Napier in die Overberg gevind het. Die gebou was egter niks meer as ’n leë dop nie, met net ’n paar binnemure en een enkele kraan met lopende water. Die paartjie het dit in ’n knus dubbelvolume-ruimte omskep deur stadig maar seker mure te pleister, ’n kombuis in te bou en selfs ’n biblioteek op die tussenvlak in te rig. Derick en Renettte het die meeste van die werk self gedoen, met beperkte hulp van kontrakteurs. “Elke taak wat ons afgehandel het, het ons pragtige huis…

Blink kant bo! Oliver bekyk die wêreld uit ’n ander perspektief. – Donay Wessels, Stilbaai Groet die posman Tiny is in sy skik met sy nuwe blyplek. – Freda van den Heever, Somerset-Wes Sy’s gestuur... “Ons grap altyd dat die optelkatjie Zura by die regte adres uitgekom het.” – Jenny Uys, Kimberley Trompoppie Klein Chai is ’n regte tonikum, nes ’n goeie chai latte! – Celine Garstman, Knysna Skone prinsies Die Cavalier King Charles-spanjoele Jordy en Rory blink behoorlik ná hulle bad. – Laura Alberts, Midrand Warm kopie! Die Skotse terriërs Walter en McKenzie het ’n spesiale plek in Ouma se huis. – Louanne Mostert, Stellenbosch Bederf jou vierpootmaters met vars gebak uit jou eie oond – kies Fresh Pet Biscuit Mix (150g; R24,99) of Fresh Pet Cupcake Mix (300…

Nuut by die kwekery Gevlekte petunia Petunia ‘Magenta Mambo’ spog met helder-persrooi blomme met veelkleurige vlekke en ’n ligte geur. Die plante groei in ’n netjiese balvorm, perfek vir houers of hangmandjies, asook in die tuin. Plant hulle in ’n sonkol wat goed dreineer. Die kleure verbleik nie in die hitte nie en die blomme lok bye, vlinders en nektarvretende voëls. KONTAK ballstraathof.co.za VERSKAFFERS Eurolux 021 528 8400, eurolux.co.za Gardena 10 015 5750, gardena.com MON Exteriors 060 641 9905, monexteriors.com Mr Price Home 064 584 1000, mrphome.com Patio Warehouse 012 657 9400, patiowarehouse.co.za PEPhome 0860 737 000, pepstores.com…

My ma, Hymne, bak dié koek in haar reghoekige Pyrex-bak en sit dit in blokkies direk uit die bak voor. Ouma Jonni, weer, het twee indrukwekkende 25cm- ronde koeke gebak en op mekaar gestapel, natuurlik met die weelderige roomkaasversiersel bo-op en tussenin. Hierdie individuele koekies is my speelse weergawe. PLANNE MET DIE WORTELKOEKRESTE Maklike koekstruif Sny die koek in blokkies en rangskik dit saam met klaar bereide vla en gekapte neute in mooi glase. Wortelkoektruffels Krummel die koek en meng met genoeg roomkaasversiersel om ’n sagte deeg te vorm. Rol in balletjies en doop in gesmelte witsjokolade. Laat die sjokolade hard word voor jy weglê. Bêre in die yskas. Broodpoeding Bak die oorskietkoek in ’n eiervla gemaak van eiers, melk en ’n bietjie suiker. Bevrore nagereg Meng die koek met…

5-minuut-gnocchi Onder R120 • Genoeg vir 2 ruim porsies Voorbereiding: 10 minute • Gaarmaaktyd: 8 minute • 500g klaar bereide gnocchi • ’n groot klont botter • 125ml sondroëtamatie-pesto • 2mediumgroot ryp pruimtamaties, in blokkies gesny • 30ml room of suurroom • 80ml grofgeskeurde vars basilieblare • 60ml fyn parmesaankaas 1 Bring ’n pot soutwater tot kookpunt en voeg die gnocchi by. Terwyl dit kook, verhit ’n klein pan en smelt die botter. Voeg die pesto en tamatieblokkies by en braai. 2 Skep die gnocchi wat op die water begin dryf met ’n gaatjieslepel uit in die pan met die pesto. Herhaal tot al die gnocchi in die pan is. 3 Voeg die room by die panmengsel, roer deur en verhit tot warm. Verwyder dadelik van die hitte, roer die basilie en parmesaan by en sit voor met lekker…

1 Die Coetzees het eerste die ou dakbalke en sinkplate verwyder omdat dit nie die moeite werd sou wees om dit te herwin nie. “Dit het ons ook die geleentheid gegee om die struktuur van die mure behoorlik te inspekteer en stukke wat ons wou versterk uit te kap en oor te bou.” 2 Die mure is reg rondom die huis hoër gebou voordat die nuwe dakbalke 800mm uitmekaar gespasieer is. Die balke is ou telefoonpale van stewige, behandelde hout wat op die plaas was. 3 Omdat dit ’n plat dak is, moes die Coetzees heelwat moeite doen om te verseker dat hul huis relatief koel bly in die somer en snoesig is in die winter. “Ons het die dwarsbalke dikker gemaak sodat ons die heel dikste Knauf-glasvesel-isoleerwol (135mm) met…

Wat jy nodig het INKOPIELYS • 18mm-laaghout, in die volgende panele gesaag: agt 350 x 500mm (sye van onderste vakkies) drie 264 x 350 mm (bodems, 300 mm-vakkies) twaalf 264 x 70 mm (spasieerders vir die 300 mm-vakkies) twee 564 x 350 mm (bodems, 600 mm-vakkies) agt 564 x 70 mm (spasieerders vir die 600 mm-vakkies) twee 350 x 940 mm (sye van die hoë 600 mm-vakkie vier 202 x 400 mm (voor- en agterkant, 300 mm-vakkies se laaie) twee 202 x 264 mm (bodems, 300 mm-vakkies se laaie) agt 300 x 400mm (sye van al die diep laaie) vier 502 x 400 mm (voor- en agterkant, 600 mm-vakkies se diep laaie) vier 502 x 264mm (bodems, al die 600mm-vakkies se laaie) vier 502 x 130mm (voor- en agterkant, vlak…

WIE WOON HIER? Milan en Maryke de Wet en hul Skotse terriër Tula WAAR Melville, Johannesburg GROOTTE Hele huis 100m², kombuis en nuwe deel 32m² “Ons was nog altyd dol oor die ouskool-sjarme van die huise in Melville: die houtvloere, staalplafonne en kothuisvensters,” vertel Maryke de Wet. “Ons nuwe huis het dit als gehad, maar die kombuis en agtertuin was effens outyds. Aangesien my man, Milan, ’n meer kontemporêre voorkoms verkies, het ons tydens die beplanning van ons opknap besluit om ons style saam te voeg en die ou huis met enkele moderne elemente te vernuwe.” Soveel lig! Die klein leefvertrek is vergroot deur dit na die agterstoep uit te brei. Hoewel net ’n klein aanbouing, het dit ’n yslike verskil gemaak – veral danksy die treffende staalstruktuur met kothuisruite…

Amber Jordan, hoof van Canine&Co, antwoord Alle honde is nie eenders nie, daarom het hulle verskillende voorkeure as dit by speeltyd kom. Hou die volgende in gedagte wanneer jy speelgoed vir jou hond uitsoek: Is jou hondjie nog baie jonk? Daar is talle speelgoed spesifiek vir klein hondjies wat nog hul eerste tandjies het. Jy kan byvoorbeeld die Petstages Cool Teething Stick vries om teer tandvleise te streel. Nylabone het puik kou-speelgoed vir jong hondjies van alle groottes – probeer Nylabone Puppy Teething Keys of die Nylabone Puppy Teething Bone. Nog ’n goeie opsie is die Kong Puppy Rubber Treat Toy wat jy met koskorrels kan vul; dit sal jou hondjie baie plesier gee. Hoe aktief is jou hond? Party rasse (soos skaaphonde) kort geweldig baie oefening, terwyl ander net…