Tabla de contenidos para Aug-22 en Tuis

Vroegwinter is daar onverwags ’n stillerige week tussen spertye, en ek ry uit Kaapstad Barrydale toe om ’n nuwe retreat te gaan besoek saam met ’n paar ander mediamense. Die eerste groot Kaapse winterstorm dreig, maar in die Klein-Karoo is die kaggel gestook, die kos is uit die boonste rakke en die geselskap die beste waarvoor jy kan vra. Dié uitstappie was broodnodig vir my. Want so lekker soos “werk van die huis af” kan wees, so eentonig kan dit raak as ’n mens elke dag van jou slaapkamer af “kantoor” toe stap en vanaand weer terug. Ek was lus vir uitkom! Die retreat is ’n leser, Terry de Vries, se nuwe plek. Ons het verlede jaar in die Julie-uitgawe haar lieflike huis gewys (lees dit op Netwerk24), en nou…

Laslappies Howard Blue, ’n lieflike porseleinteël met ’n mat afwerking deur die Spaanse vervaardiger Prissmacer Ceramica (450 x 450 mm; R440/m², italtile.co.za) is die jongste toevoeging tot Italtile se groeiende aanbod van gewilde patroonteëls. Dit het ’n ligblou botaniese ontwerp in ’n blouwit-en-swart geweefde raam. KIES JOU KLEUR Die jongste trend, volgens die Britse handelsmerk Victoria + Albert, is dat badkamers presies na die eienaar se unieke smaak ingeklee word. Dié vervaardiger neem die voortou met ’n kleurdiens wat die buitekant van jou losstaande bad of wasbak by jou unieke badkamerontwerp laat inskakel. Jy kan kies uit 194 skakerings in ’n glans- óf matafwerking; dit word volgens die RAL-kleurstelsel gemeng om te verseker dat jou gekose kleur perfek by die res van jou dekor pas. Besoek vandabaths.com vir nog inligting.…

WIE WOON HIER? Mynhardt Joubert en Ian EngelmohrGROOTTE 155 m²WAAR Paarl, Boland Daarsy, wys die bloedrooi pyl van die Strijdom van der Merwe-beeld in Mynhardt en Ian se voortuin na die buurhuis en Paarlberg. En dis heel gepas so. Die groen huisie langsaan, waar Ian se ma, Bets Engelmohr, woon, is immers waar alles begin het toe dié twee begin huis soek het in die Paarl. “Ek is nou iemand wat werk toe ry,” vertel Mynhardt, wat ons leer ken het in die TV-reekse Kokkedoor en Makietie, en ’n handelsmerk-ambassadeur vir die KWV. En mens sou dalk kon dink om agter jou motor se stuur in te skuif is vir baie mense ’n tree agteruit, maar nie vir Mynhardt nie. Vir hom is dit ’n heerlike leefstylverandering, want nou is…

PROJEKGIDSHarde werk 3/10 Vaardigheidsvlak 4/10 Tyd nodig 1 uur Maak die bankie vir ± R970: Hout R580, pote R40 elk; skroewe R20, gom R40, skuurpapier R20, Woodoc Antique Wax R150 PROJEK #1: MAAK DIE BANKIE ... Wat jy nodig het INKOPIELYS • een 1 200 x 380 x 19 mm- gelamineerde dennehoutplank (bokant) • een 3 000 x 94 x 22 mm- geskaafde dennehoutplank (sye) • een pakkie 6 mm x 40 mm-spaanderbordskroewe • Alcolin Fast Set Wood Glue • 220-grint-skuurpapier • Woodoc Antique Wax GEREEDSKAP • koordlose boor, 3 mm-boorpunten 12 mm-plaatboorpunt • saag • figuursaag • verdiepskaaf • potlood • maatband • kwas • sagte lap PROJEKNOTAS • Meet en merk versigtig. • Onthou om gidsgaatjieste boor. 1 Saag die geskaafde dennehoutplank in twee lengtes van 350 mm…

Tradisioneel Kaaps Jennifer Harrison van Illovo skryf Ek sou graag meer wou weet van hierdie stoel wat al lank in my familie is. Jo-Marie Rabe van Piér Rabe Antiques antwoord Dit is ’n pragtige voorbeeld van ’n Kaapse stinkhout-Volkwynstoel, genoem na die Volkwyn/Volkwijn-familie wat veral bekend was vir dié besonderse vorm van die Kaapse regentskapstoel. Die familie het tussen die laat 19de en vroeë 20ste eeu as meubelmakers in die Suid-Kaap gewerk. Die vroegste Volkwynmeubels is op Friemersheim, ’n Duitse sendingstasie naby Groot-Brakrivier gemaak. Sendingstasie-meubels verteenwoordig dikwels ’n interessante variant binne die bestaande meubeltradisie. Baie van die Duitse sendelinge wat na Suid-Afrika gekom het, was opgeleide meubelmakers wat hul vaardighede, asook hul eie estetiese agtergrond en voorkeur, aan die plaaslike mense oorgedra het. Volkwynstoele is herkenbaar aan die hoë…

KOS VIR JOU KRISMISROSE Begin teen die einde van Augustus om jou krismisrose te voed: Strooi kunsmis om die wortelsone en maak daarna goed nat. As jy fynbos in jou tuin wil plant, is die keuse groot! Van die trotse protea tot die fynste Ericas maak deel uit van die meer as 9 000 fynbosspesies. Hoewel endemies aan die Kaap, kan jy hierdie geharde, droogtebestande plante ook in ander dele van die land plant. Fynbos gedy in suur grond waarby geen mis gevoeg is nie, met goeie dreinering. Strooi een keer per jaar ’n deklaag van suur kompos om die plante en snoei ná blomtyd of voor die lente om welige groei aan te wakker. Besoek jou plaaslike tuinsentrum en kies ’n skoonheid uit dié vier fynbosspesies: PROTEA Niks kom…

As ’n tuin, die natuurlike omgewing en klimaat pasmaats is, is jou werk minder én die plante gelukkig. Brenda Niehaus van Fern Design and Lily Landscaping sê hoe jy dit regkry: • Kyk na jou omgewing en gebruik dit wat natuurlik daar voorkom eerste in jou tuin. Met so ’n herhaling ontmoet die tuin en die onmiddellike omgewing mekaar. Dit geld vir plante sowel as byvoorbeeld klip vir paadjies. • Stel ’n plantlys op. Dit maak nie saak hoe lank jou aanvanklike plantlys is nie, skryf alles neer wat jy graag wil gebruik. Begin met die natuurlike plantegroei en voeg dan alternatiewe by. As jy alternatiewe kies, maak seker dit is ’n werkbare opsie – dit moet by die klimaat en reënval kan aanpas. Hou ook die hoeveelheid wind en…

Umami (Japannees) s.nw.[geen meervoud] smaak wat nóg soet nóg sout, nóg suur nóg bitter is, maar ’n vyfde smaak wat in proteïenryke produkte en geurversterkers voorkom en beskryf word as ’n vleis- of aftrekselgeur.– Woordeboek van Afrikaans Vandag Sampioenburgers met halloumi, karamel-uie en avokado Gekaramelliseerde uie neem lank en is ’n liefdestaak wat ’n haastige mens liewer nie moet aanpak nie! Skink ’n glas wyn en geniet die heerlike aromas terwyl jou uie stadig braai. Genoeg vir 4 burgers Voorbereiding: 45 minute Gaarmaaktyd: 1 uur • 30 ml olyfolie • 8 groot swart sampioene • 8 gemarineerde sondroë tamaties (sien kassie) • 4 dik skywe (sirkels of vierkante) halloumi • ’n hand vol babaspinasie • ’n paar basilieblare • 1 eiervrug, in dun skyfies gesny en gaar gebraai • 1…

WENBRIEF Pret met pienk Kim Tyrannis van Bloemfontein skryf Sowat nege maande gelede het ek met ’n piepklein begroting ’n piepklein huisie gekoop en dit heeltemal oorgedoen. Nou het ek ’n 49 m²-pophuis en voel ek soos ’n prinses! My droomhuisie is klaar. Nog ’n mylpaal Elizabeth van der Merwe van Oudtshoorn skryf In die 57 jaar jaar dat ek en my man getroud is, het ons altesaam sewe huise gebou – met ’n lae inkomste en die Genade van Bo. Op 83 jaar het my man selfs mure gebou en hierdie tuin in die Klein-Karoo uitgelê. Die foto’s wys dat jy nooit te oud is om nuwe uitdagings aan te pak nie. Katoen in my tuin Mercia Kruger van die Paarl skryf Desember verlede jaar ontdek ek ’n sakkie…

WIE WOON HIER? Jean en Renée Daneel, en die honde Bonzo, Loki en MaggieWAAR Napier, Wes-KaapGROOTTE 163 m² Toe Renée en Jean Daneel in 2005 begin huis soek en in ’n agterplaas op Napier ’n ou skuur sien met ’n hoenderhok, ’n trekkerstoor en ’n koeistal, was hulle dadelik dolverlief op die plek. Sit jy deesdae aan by die sjiek restaurant wat Renée sedert 2005 in die oorspronklike huis op die eiendom bedryf, sou jy nooit kon raai dis juis die voorheen onooglike ou skuur daaragter wat vir hulle die grootste aantrekkingskrag ingehou het nie. Die gebou in die agterplaas het bestaan uit drie vertrekke langs mekaar onder ’n geroeste sinkdak. “Net langsaan, soos dit hoort in so ’n ‘outydse’ prentjie, het ’n puttoilet gepryk,” onthou sy. Maar dit was…

#1 Reggeruk met flair! Petro en Fanie Kruger, ons 2021-Regruk met Flair- wenners in die Doen Dit Self-kategorie, kry al die regmerkies met hul badkamer-opknap. Die voorkoms is trendy dog klassiek, en die afwerking o, so elegant. Dis die tweede huis wat hierdie ywerige selfdoeners aanpak. Met die wins uit die verkoop van hul eerste huis het Petro en Fanie hierdie pragtige huis uit die vyftigerjare in 2019 gekoop. “Die huis is in die sewentigerjare laas vernuwe en het dringend aandag gekort,” vertel Petro. Die paartjie het ingetrek en aanvanklik meestal op onderhoud gefokus, maar in 2020 besluit om die badkamer van bo tot onder reg te ruk. “Uiteindelik kon ons by die lekker werk uitkom! Met twee kinders neem dit deesdae effens langer as ons eerste huisopknap, maar ons…

PROJEKNOTAS • Verwyder enige handvatsels voor jy begin verf. As jy nuwes wil aansit, vul die ou skroefgate met houtvuller en sit die nuwes aan wanneer jou projek klaar is. • Dié kas was voorheen vernis. Om van die geel ondertoon ontslae te raak en oraloor ’n meer subtiele houtvoorkoms te verkry, is die vernislaag met ’n handskuurder afgeskuur – gebruik eers die 80-grint-skuurpapier totdat byna al die vernis verwyder is; skuur dan met die 100-grint-skuurpapier totdat die rou hout ontbloot en mooi glad is. • Gebruik ’n verfskraper om enige hardnekkige vernis of ander vuiligheid mee te verwyder. • Danksy Tjhoko Paint se ingeboude seëlaar is geen seëllaag nodig nie. As jy bekommerd is oor moontlike water- of vogskade in ’n badkamer, kan jy die hele kas verseël met…

V: Die muurbehangsel op Tuis Verf Dit 2022 se voorblad het my asem weggeslaan! Waar kry ’n mens so iets? – Susan de Bruin, Johannesburg A: Die huiseienaar het ’n paar jaar gelede tafeldoeke by Babylonstoren in Franschhoek gekoop en blindings daarvan laat maak. Hulle verkoop soortgelyke tafeldoeke aanlyn en lewer landwyd af (shop.babylonstoren.com). V: Waar het Craig Olckers die mooi kopergrepe en -knoppe vir sy onderkaste op bl. 49 in die Tuis van Mei/Junie 2022 gekoop? – Selina du Toit, Kaapstad A: Dié koperhandvatsels is van Handles Inc. (handlesinc.co.za). V: Waar kan ek die “gogga”-kussings koop wat op bl. 15 van Tuis Opknap 2021/2022 was? – Amorie du Plessis, Vereeniging A: Hierdie kussings is van Clinton Friedman; bestel dit aanlyn by clintonfriedman.com. V: Waar kan ek ’n rottangstel soos…

RAAD E-pos jou vrae na troeteldiere@tuis.co.za. So knus soos ’n vlooi in die kooi! WEN! Die eienaars van die diere op die foto’s wen ’n Dream Pod-bed vir honde of ’n Nookie Bag vir katte van Wagworld (wagworld.co.za; ook te kry by voorste troeteldier- en veeartswinkels). Die Dream Pod se seilstof het ’n linnevoorkoms wat mooi by jou dekor sal inskakel terwyl dit jou hond (of kat) die beste ondersteuning moontlik vir gemaklik slaap en soete drome bied. ’n Nookie Bag is weer die grootste bederf vir ’n dieremaat wat hou van snoesig opkrul in warm holtes! Dis gemaak van weelderig sagte koraalvliesstof en perfek vir wegkruipertjie speel. Stuur jou foto’s (minstens 2MB elk) en kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op…

Bemesting 101 Anna van Blerk van Kroonstad skryf Ek het onlangs ’n paar ‘Garden Queen’-rose gekry. Gee asseblief raad oor wanneer en hoe ek hulle moet bemes. Ludwig antwoord Bemesting begin gewoonlik in Augustus, veral indien dit nie in Julie gebeur het toe die rose gesnoei is nie; bemes dan maandeliks tot April die volgende jaar. Indien jou rose in grond groei wat goed met kompos verryk is, laat hulle eers vestig en begin dan eers ná twee maande bemes. Kies ’n roos-misstof soos Vigorosa (5:1:5); dit het ’n gebalanseerde inhoud van makronutriënte (stikstof, fosfor en kalium), asook kalk, epsomsout, boor en humussuur. Dien elke maand 30 g per roos toe (60 g vir groter struik- en rankrose). Maak altyd goed nat nadat bemesting toegedien is. Staak bemesting vanaf Mei;…

GRASTUIN WAAR StellenboschGROOTTE Sowat 2,5 haGRONDTIPE Kleigrond Met ornamentele grasse is daar beweging, tekstuur en kos in jou tuin. Dit verg boonop min onderhoud en is waterwys. “Grasse is maklik om mee tuin te maak en voeg baie waarde toe tot ’n tuin of ’n bedding,” sê Pietman Diener, tuinier en plantliefhebber van Stellenbosch. “Dit verg min moeite – aan die einde van die winter word dit eenvoudig tot op die grond afgesny en verder sorg grasse vir hulself. Dit vra ook minder water as baie ander plante; boonop gebruik voëls die takkies om mee nes te maak en eet hulle heelwinter lank aan die grashalms se saadjies.” Inspirasie uit die natuur “Wanneer ’n mens gras vir die grootste deel van ’n tuin of bedding gebruik, kan dit ’n algehele…

Genoeg vir 6-8 • Voorbereiding: 40 minute Baktyd: 30 minute • Oondtemperatuur: 160 °C • 1 liter melk • 250 ml sago • 180 ml suiker • 80 ml kookwater • 60 ml botter • 45 ml whisky • 250 ml room by kamertemperatuur • ’n knippie seesoutvlokkies • 4 eiers, geskei • 220 ml strooisuiker • ’n knippie kremetart of ’n paar druppels suurlemoensap 1 Bring die melk tot kookpunt. Klits die sago by en laat prut dan oor matige hitte tot die mengsel verdik en die sago deursigtig raak (sowat 20 minute). 2 Los die suiker op in die water in ’n klein kastrol oor matige hitte. Bring dan tot kookpunt en kook, sonder om te roer, tot die karamel ’n mooi goue kleur het. Roer die botter,…

Die Fieldbar Drinks Box (R1 699, fieldbar.co.za) is ’n stewige 10-literkoelhouer wat sy werk uitstekend doen. Dis duursaam, met die regte proporsies en gemaklik om saam te dra – én hy hou ys tot 50 uur koud! Perfek vir wyn, jenewer, sjampanje, mengers, mineraalwater of bier. PRENTJIEMOOI Die Harvest Collection-reeks tafellopers, servette en vadoeke van suiwer katoen, asook weggooibare papier-plekmatjies, spog met ontwerpe van vye, artisjokke en granate deur die kunstenaar Caron Andrews; dis gedruk in samewerking met Caversham Textiles. Besoek shop.flourishbycaron.com en cavershamtextiles.com vir nog inligting. VIR PROFYT EN PLESIER! Christine Capendale se jongste boek, Baking for Profit and Pleasure (R420, NB-Uitgewers), het meer as 80 inspirerende resepte vir allerlei lekkernye, spogkoeke en southappies. Daar is raad oor baktoerusting, kostebepaling, verpakking en promosie, asook top-wenke vir sukses met tuisgebak.…

’n Ware toevlug Andrew en Bronwyn Pirrie se erfenishuis in Rondebosch buite Kaapstad het net een badkamer gehad, en dié ouers van ’n tweeling wou bitter graag ’n en suitebadkamer skep vir hul hoofslaapkamer. “Ek het gesmag na ’n ruimte wat net ons eie is – ’n badkamer wat ons nie met die seuns hoef te deel nie!” vertel sy laggend. Met dié projek het sy die kol getref, en boonop een van die weeklikse koopbewyse losgeslaan in vanjaar se Rookie Stylist-wedstryd in vennootskap met Mr Price Home. Die Pirries het die hulp ingeroep van die ontwerp-argitek Jenny Collins van Red Cat Design om met die huis se regruk te help (die res is nog ver van klaar!) en die en suite-badkamer is eerste afgehandel. “Daar was regtig min plek,…

WIE WOON HIER? Jenine Bruce en Richard Calothi met hul baba Teya en die Kerry Blue-terriër MollyWAAR Claremont, KaapstadGROOTTE 268 m² Jenine Bruce van Lacuna beïndruk ons altyd met haar besonderse vaardighede in binne-ontwerp. Dié keer het sy haar eie huis in alle beskeidenheid vir ons oopgemaak – en ons is mal oor wat sy hier gedoen het! Sy het ’n unieke aanslag: prettig dog elegant, treffend maar tog tydloos. “Ons het einde 2020 ingetrek by dié 10 jaar oue huis, en die grootte is nou net reg vir ons,” sê Jenine, wat in Junie ma geword het van klein Teya. “Ons is omring deur jong gesinne en naby ’n park waar honde welkom is. Die huis het ’n goeie struktuur, en lieflike skuifraamvensters en deure van hout.” Ofskoon die…

PLAKPAPIER 1 Lotus-plakpapier R700/m², DIYgirls 2 Woven deur die kunstenaar Nicole Sanderson R759/m², Cara Saven Wall Design 3 Tegan Designer-skil-en-plakvinielplakpapier (50 cm x 9,8 m) R1 439, Yuppiechef TEËLS 1 Spearhead Mint-porseleinmosaïekvel (290 x 320 mm) R119 per vel, Italtile 2 KitKat Sage Gloss-porseleinmosaïekvel (289 x 296 mm) R159 per vel, Italtile 3 Alf Mini Metro Limesite-teël in die kleur Saint (150 x 30 mm) R1 265/m², Wolkberg Casting Studio 4 Scallop Limesite-teël in die kleur Kiepersol (136 x 188 mm) R1 265/m², Wolkberg Casting Studio 5 Monocolour Rosa Liso Mattkeramiekteël (75 x 300 mm) R489/m², Stiles VERSKAFFERS Cara Saven Wall Design carasaven.com CLM Home clmhome.co.za DIYgirls diygirls.co.za Holly Wood Kitchens and Furniture hollywoodfurniture.co.za Italtile italtile.co.za Jeeves jeeves.co.za Mr Price Home mrphome.com Room Service roomservicehomeware.co.za Sheet Street sheetstreet.com Stiles…

VRA OP FACEBOOK Het jy ’n dringende vraag wat net nie kan wag nie? Sluit dan aan by ons Tuis I Homekennersgroep op Facebook sodat die span, kundiges en ander lesers kan help. Dekordilemma Glans vir ’n gang Lize-Mari Lamprecht van Villiersdorp skryf Ons het onlangs in ’n plaashuis met groot vertrekke ingetrek en ek sukkel met die lang gang se dekor. Gelukkig is daar baie natuurlike lig, maar ek kort idees om dit trefkrag te gee. Wat stel julle voor? Wouter le Roux, interieurargitek by Hello Charlie, antwoord Wanneer ’n mens daardie “wow”-gevoel wil skep in ’n ruimte wat gewoonlik afgeskeep word – soos ’n gang – kan hierdie wenke ’n groot verskil maak: Funksie Oorweeg dit om bêreplek hier in te bring sodat die ruimte meer funksioneel…

Tuis, Suid-Afrika se no. 1-huis-en-tuintydskrif, is al jare jou bron van inspirasie as dit kom by huis mooimaak. Nou, vir die eerste keer, bied die Tuis-span jou ’n aanlyn-meesterklasreeks in krytverftegnieke, en dít boonop teen ’n sakpasprys! Dié reeks, aangebied deur Tuis se redakteur, Wicus Pretorius, en Dale Niehaus van die krytverfateljee Chisel & Chalk, dek die basiese beginsels van die kreatiewe gebruik van krytverf. Daarby wys hulle jou ook ’n paar gevorderde tegnieke en meubelstukke wat met Tjhoko Paint en Annie Sloan se krytverfprodukte ’n nuwe baadjie gekry het – stap vir stap! 10 meesterklasse, elk met ’n winkellysie en aantekeninge wat jy byderhand kan hou wanneer jy self begin verf, is wat jy kry as jy vir dié videoreeks inskryf. Kyk dit in die gerief van jou eie…

Nicolet Muir van Johannesburg skryf Ek weet ek moet my hond en kat beskerm teen vlooie en bosluise, maar ek hou niks van die buisies waarmee die middels toegedien word nie. Hoe goed werk die koubare alternatiewe? Dr. Michelle Enslin, resident-veearts by Boehringer Ingelheim, antwoord Baie troeteldiereienaars is huiwerig om hul hond of kat met die pipette te behandel, en ek vermoed as jou dieremaats kon kies, sou hulle ook vir die koubare middels stem. Onthou, die meeste troeteldiere is baie lief vir hulle kos, daarom is dit logies om te aanvaar dat hulle ’n koubare parasietdoder bo ander sal verkies. Die middels werk net so goed, en het boonop bykomende voordele. Koubare middels ondergaan dieselfde toetse as ander, en werk op dieselfde manier. Hul doeltreffendheidsvlakke verskil geensins nie. Wat…

Oor kolle en vlekke... Shereen Smit van Kaapstad skryf Ek het ’n paar sterjasmynplante in groot sementpotte wat regtig goed vaar, maar ek gewaar deesdae rooierige kolle op die blare. Wat sou dit veroorsaak, en hoe kan ek die plante behandel? Ek wil hulle nie verloor nie! JJ antwoord Dié kolle word veroorsaak deur ’n swam met die naam swartvlek; dit ontstaan wanneer die blare vir lang tye nat bly. Behandel dit met ’n geskikte swamdoder – ek gebruik meestal Mycoguard. Maak seker jy spuit die plant sowel as die grond in die potte, en herhaal ná sowat 10 dae. Plante in potte het gewoonlik meer voeding nodig, daarom sou ek jou ook aanraai om hulle elke sowat twee maande te bemes met ’n middel wat baie stikstof bevat –…

LESERTUIN WIE WOON HIER? Jéan en Ilinda du Preez en hul twee katte, Pixel en MekoWAAR Monaghan-landgoed, LanseriaERFGROOTTE 6 000 m²GRONDTIPE Klei en sand Ilinda du Preez wou ’n tuin hê wat soos die veld lyk en voel. “Ek het nog altyd van ’n natuurlike tuin gehou en wil, wanneer ek deur die tuin stap, omring wees van veldblomme en grasse net soos wat dit in die natuur is,” vertel sy. “Een van die voorwaardes van die landgoed waar ons bly is dat 50% van die totale oppervlak van die erf natuurlike veld moet bly – die huis, swembad, tuin en enige ander geboude struktuur mag dus nie meer as die helfte van die erf beslaan nie.” Sy sê die plante wat in die tuin gebruik word, moet ook grootliks…

Volg Pietman se wenke vir jou eie grasveld: • Die grootte van jou tuin bepaal hoe groot die groepe grasse en komplementerende blomplante moet wees. Vir ’n klein tuin is kleiner groepe en grasse met ’n kleiner groeiwyse geskik. In groot tuine sal hooggroeiende grasse in groter groepe vir trefkrag sorg. • Kombinasies en hoeveelhede word ook bepaal deur die gevoel wat jy wil skep. Vir ’n eenvoudige voorkoms, gebruik ’n groep koorsbome in ’n see van slegs besemgras (Aristida junciformis). Dit kan in ’n groot sowel as ’n klein tuin werk. • Vir ’n grasveld met ’n blommerige voorkoms, kies ’n groter verskeidenheid grassoorte wat min of meer tot dieselfde hoogte groei. Kombineer grasse soos Eragrostis curvula, Melinis nerviglumis en Pennisetum orientale ‘Shogun’ – in groepe van dieselfde soort…

Mexikaanse frikkadelle Onder R125 • Maak 12 frikkadelle Voorbereiding: 25 minute • Gaarmaaktyd: 30 minute • 500 g beesmaalvleis • 1 ui, gerasper • 1 eier • 250 ml broodkrummels • 60 ml gekapte koljander • 5 ml gerookte paprika • 30 ml olyfolie • 1 blik (400 g) gekapte tamaties met Mexikaanse geure • 1 blik (400 g) rooi nierbone, gedreineer • 125 ml bevrore mieliepitte 1 Geur die maalvleis met sout en peper en meng die ui, eier, broodkrummels, koljander en paprika by. Verdeel die mengsel in 12 gelyke dele en vorm dit met jou nat hande in frikkadelle. 2 Verhit die olie in ’n dikboompan en braai die frikkadelle versigtig oor matige hitte tot goudbruin. 3 Voeg die tamaties, bone, mielies en ’n skeutjie water by die…

AGTERBLAD “Ek gaan hom vermóór,” hoor ek vanmôre ’n jong vrou deur haar tande sis. Sy’s een van ’n groep mense wat gereeld smoors vroeg by die koffiekarretjie hier onder in Jannaschstraat saamdrom vir ’n kick start. Dis ’n lekker ding, dié opwip-koffiekroegie – basies maar ’n Tuk-Tuk met ’n moewiese kafeïenmasjien agterop – wat sedert Covid-tyd ’n vaste instelling in my buurt geword het. Dese en gene kom vroemôre, sodra die kinders skool toe is, vir ’n vinnige koffietjie voor werk. Gesellig. Dan word daar staan-staan in die pad gekuier, kinderkwale deurgewerk, wêreldvrede uitgepluis, en af en toe selfs saketransaksies gesluit. ’n Joviale kêrel met ’n plat pet en die speelse oë van ’n baba-labrador bewerk die proesende masjien en hou ons bekers vol. Vandag is Maandag, koud, blou…