Tabla de contenidos para Oct/Nov 2022 en Tuis

Mense vra my dikwels hoe groot die Tuis-span is. Dis nie ’n maklike vraag om te beantwoord nie, want daar is verskeie mense wie se name deur die jaar in die tydskrif verskyn. In die vorige boekjaar het ek 78 mense een of ander tyd betaal vir iets wat hulle vir Tuis – dus vir jou! – gedoen het. Maar die kernspan bestaan uit 12 mense – dis die groep wat by elke uitgawe betrokke is. En dié spannetjie verskuif elke jaar berge. Om ’n tydskrif in twee tale uit te gee is nie grappies nie; ’n mens moet kophou met korreksies en veranderinge namate die uitgawe geskaaf word tot dit persklaar is. Tussendeur word fotosessies gedoen vir komende uitgawes en werk ons aan kopie vir spesiale publikasies ... Maar…

DUURSAME SKOONHEID Waterbestande Vividtex, ’n plaaslik vervaardigde skraapbestande, naatlose plakpapier van Cara Saven Wall Design, is perfek vir badkamers en kombuise aangesien jy dit maar met mening kan skoonvee. Op die foto is die Cara Palms-ontwerp uit die Vintage-reeks. Kyk by carasaven.com. EKSIEPERFEKSIE Met sy geweefde rottangmat, ligte houtafwerking en fyn pootjies is die Catalina-bank (150 cm; R4 999, coricraft.co.za) die toonbeeld van aardse elegansie. Sit ’n Sunburst-spieël (76 cm; R2 999) by vir ’n speelse goue kinkel. Hierdie lieflike kussingoortreksels, bedruk met die mooiste waterverfkuns, is te kry in vier ontwerpe (45 x 45 cm, R65 stuk; roomservicehomeware.co.za). Kies jou gunsteling! Skrik vir niks Hertex se Carefree-vinielreeks is nie net mooi nie, dis ook duursaam – die perfekte stoffering vir buitemeubels. Danksy ’n Permablok3-afwerking is Koolhide- (vanaf R1 230/m)…

DIE EIENAARS Rick en Marié Stander WAAR McGregor, Wes-Kaap GROOTTE Oorspronklike hartbeeshuisie 46 m²; slaapstruktuur 47 m² Dit was op pad van hul tuisdorp, Stellenbosch, na hul seevakansiehuis in Heroldsbaai dat Rick Stander besluit het om van die N2 af te draai McGregor toe, ’n dorpie wat hom en sy vrou, Marié, al jare lank na aan die hart lê. “Sommer net om te kyk wat daar aangaan,” vertel hy. Dalk tog ook oor die advertensie wat hy ’n paar dae tevore op ’n eiendomsblad raakgesien het. ’n Week later was die kontrak geteken vir ’n “hartbeeshuisie” aan die rand van die dorp, wat die egpaar nou hulle “hartshuis” noem. “Ons het nog altyd daarvan gedroom om ’n Karoo-huisie te besit,” sê Marié. “My kop het wel meer na Calitzdorp…

DIE PRYSE Die wenner van elke kategorie kry R25 000. Die naaswenner in elke kategorie kry R5 000. Die top-9 deelnemers kry elkeen R1 000.Een gunsteling, gekies op grond van leserstemme, kry R1 000. Bepalings en voorwaardes geld – sien tuis-fixit.netwerk24.com. So lyk ons finaliste in elke kategorie (in geen bepaalde volgorde nie): 1 SELF GEDOEN WIE Neilke PretoriusWAAR PretoriaWAT Hele huis WIE Willem Dapper de WetWAAR PhiladelphiaWAT Hele huis WIE Marc LangeWAAR UmtentweniWAT Hele huis 2 UIT DIE BOKS WIE Bianca Antunes en Rob de BarrosWAAR TesselaarsdalWAT Hele eko-huis WIE Christine SonnekusWAAR MosselbaaiWAT Gasteverblyf WIE Andrew HannayWAAR CenturionWAT Hele huis met ’n dam daarby! 3 O, SO MOOI WIE Rudi en Marile PieterseWAAR HermanusWAT Hele huis WIE Hettie CronjéWAAR BellvilleWAT Kombuis WIE Pieter HoffmanWAAR CarnarvonWAT Hele huis…

Vrug van jou arbeid Het jy geweet party plante maak staat op kruisbestuiwing om vrugte te lewer, en dat kruisbestuiwing die opbrengs en gehalte van jou vrugte verbeter? Kruisbestuiwing gebeur wanneer stuifmeel van een plant met die hulp van insekte (soos bye en skoenlappers) na ’n ander plant oorgedra word. Plant gerus dié vrugtebome in jou tuin: Appels vereis kruisbestuiwing deur ’n ander kultivar. Vra by jou tuinsentrum watter kultivars jy saam moet plant vir die beste resultaat. Die meeste appelbome blom in die lente, en vrugte word in die laatsomer of vroeë herfs ryp. Plant bome in volson in ryk grond; voed hulle met ’n misstof vir vrugtebome. Avokado Dié bome is elke greintjie geduld wat hulle vra, werd. Hulle kan óf tipe A óf tipe B wees en…

WIE WOON HIER? Jasper en Cathy Kroep WAAR Kimberley, Noord-Kaap GROOTTE VAN ERF 1 492 m² GRONDTIPE Leem Wanneer jy in Rendleshamstraat in Kimberley afry, lyk die sypaadjies soos menige ander op plattelandse dorpe – hoofsaaklik grond met bome hier en daar. Maar daar is een wat uitstaan met sy gemanikuurde groen grasperk-sypaadjie en jou laat wonder: Wat gaan agter die mure aan as daar soveel moeite met dié strook munisipale grond gedoen word? Stap jy by die tuinhekkie in, word jy verwelkom deur ’n lieflike formele tuin wat ewe tuis sou wees in Frankryk. Ja, sê Jasper Kroep, hulle hét ook ’n huis in Frankryk, maar selfs voor hulle daar gekoop het, het sulke gemanikuurde, simmetriese tuine sy vrou, Cathy, geïnteresseer. Die Noord-Kaap is bekend as ’n droë plek…

Genoeg vir 4 porsies • Voorbereiding: 20 minute (nadat die mossels skoongemaak is) • Gaarmaaktyd: 20 minute • 2 kg vars swartmossels (sien wenke) • 500 ml witwyn • 2 suurlemoen- of lourierblare • 3 ml heel peperkorrels (ons gebruik ’n mengsel pienk en swart) • ’n hand vol vars sagte kruie (ons gebruik ’n kombinasie vinkelblaartjies en pietersielie, maar basilie, kerwel en grasuie is ook heerlik) • 30 ml botter • 15 ml ekstrasuiwer olyfolie • 2 preie (net die wit gedeeltes), gekap • 2 salotte, fyngekap (of gebruik ’n klein wit ui) • 6 knoffelhuisies, fyngekap • sowat 200 ml room • gerasperde skil van 1 suurlemoen • 15-30 ml vars suurlemoensap • sout • vars baguette, dun tjips en aïoli om voor te sit 1…

KIES KUNS Snyplank ontwerp deur Ed Suter en Agrippa Mncedisi Hlophe (30 cm in deursnee) R249,99, mrphome.com Pak dit in Die plaaslik gemaakte Picnic Kilim (1,8 x 1,4 m; R1 900, ecruspaces.com) is net wat jy nodig het vir enige geleentheid in die buitelug. Dit weeg net 2,8 kg, rol knus op vir saamdra en spog met ’n duursame waterdigte rugkant. Nuttig, nè? KLOP & KLITS Ontmoet jou beste klits-, klop- en knie-vennoot, die Kenwood kMix-staanmenger (R7 999, yuppiechef.com) in ’n treffende rooi of swart baadjie. Met ’n kragtige 1 000 W-masjien, 6 spoedstellings en ’n 5-liter-bak skrik dit nie vir harde werk op groot skaal nie! Só kuier die reënboognasie! Met Zola Nene se Simply Seven Colours (R360, Penguin Random House) is elke maal ’n fees van kleur. Dis…

WENBRIEF Voor en ná Hettie Lourens van Klerksdorp skryf Van ’n vervelige aardse kleur na ’n ryk swart palet – voorwaar waaghalsig vir ’n plattelandse dorp in Suid-Afrika! My en my sus se passie vir swart het ons gemotiveer om sommer vir ons huisie ook ’n swart baadjie aan te trek. Ja, dit kan! Tracy Francis van Kaapstad skryf Ek en my man het onlangs ons eerste huis gekoop en ek was so opgewonde oor die kans om uiteindelik my stempel op die tuin af te druk. My plan was ’n buiteruimte waar ons kan onthaal en waar ons seun saam met sy maats kan speel ... Dit was voor ons ’n optelhondjie, Bella, aangenaam het. Ons is vreeslik lief vir haar, maar sy laat ’n spoor van verwoesting: stukkende…

WIE WOON HIER? Lise van Schoor WAAR Tamboerskloof, Kaapstad GROOTTE 266 m² Niks is vir Lise van Schoor so lekker soos ’n spontane kuier op haar stoep of ’n vriendelike geselsie met bure wat verbykom nie. Sy’s ook dol op die feit dat sy die gejuig kan hoor wanneer die ligte ná ’n beurtkrag-onderbreking aangaan, en met hoeveel trots die gemeenskap hul straathoeke versorg; elke lente is dit ’n skouspel van blomme! Lise het in 2021 na die gewilde voorstad Tamboerskloof in die Kaapse middestad getrek nadat sy agt jaar in Seepunt gebly het. En sy geniet elke oomblik. “Hoewel ek baie van die Atlantiese kusstrook met sy promenade gehou het, is dit vir my selfs nog lekkerder hier,” vertel sy. “Ek het nog nooit voorheen iewers gewoon waar ek…

VRA OP FACEBOOK Het jy ’n dringende vraag wat net nie kan wag nie? Sluit dan aan by ons Tuis I Homekennersgroep op Facebook sodat die span, kundiges en ander lesers kan help. Klip van ’n ander kleur Elgee Strauss van Kaapstad skryf Hoe maak ek om die fokusmure met klipbekleding in my huis af te wit? Nadine Vosloo van Tjhoko Paint antwoord Indien die klipbekleding rou is en nie met vernis of verseëlaar bedek is nie, kan jy dit maklik afwit. Volg dié eenvoudige stappe: 1 Was die klip deeglik met warm water om enige stof, olierigheid of ander vuilis te verwyder. Laat dit goed droog word. 2 Kies jou gunsteling-Tjhoko Paint-kleur vir die afwittegniek. ONTHOU “Afwit” beteken nie dat jy wit verf moet gebruik nie, maar dat…

VERSKAFFERS Babylonstoren shop.babylonstoren.com K. Light klight.co.za MØN monexteriors.com Mr Price Home mrphome.com PEP pepstores.com Revelstone revelstone.co.za Superbalist superbalist.com…

Klou, Boetie! Toe die ontwerper Zarah Riley opdrag kry om ’n neutrale speelkamer vir ’n jong gesin by hul vakansiehuis in Prestwick Village, Hermanus, in te rig, het sy presies geweet wat om te doen. “Die twee kinders is kranige klimmers, daarom het ons dadelik die plan gekry om ’n prettige klimmuur op te sit,” vertel Zarah. “Ek het ’n goeie klimgreepvervaardiger, GeckoGrips, aanlyn gevind. Hulle verskaf verskeie helderkleurige grepe, maar dit sou nie by die voorkoms en gevoel van hierdie oopplanhuis pas nie – al is die muur in die kinders se deel. Ek het hulle gebel en toe maak hulle dié neutrale grepe vir ons – én lewer dit af! “Ons het ’n stuk laaghout gekoop wat in die beplande ruimte sou pas, want dit sou nie deug…

WIE WOON HIER? Willoughby Vergottini en Johann de Beer, Klein die strepieskat, Trixie die Siamees-kruising, Rocky die bokserhond en Kibbie die Jack Russell-terriër WAAR Kimberley, Noord-Kaap GROOTTE huis 467 m², erf 2 372 m² Dis 29 Oktober 1938. In Europa pak die oorlogswolke saam. In Kimberley gooi die stad se 49-jarige parlementêre verteenwoordiger, William Benbow Humphreys, en sy vrou, Maude, ’n swierige partytjie vir hulle vriend en politieke bondgenoot genl. Jan Smuts by hulle imposante huis. By die voordeur in Carringtonstraat, toe nog ’n stofstraat, word die gaste beduie na die binnehof waar ’n koel bries roer ná die genadige laatmiddagreën. Die vroue se aandrokke swiep nog hoorbaar wanneer die mans se voetstappe stil raak op die glimmende Oregondennehoutvloere. Dis William en Maude se kunswerke en antieke meubels wat hulle…

PROJEKGIDS Harde werk 3/10 Vaardigheidsvlak 4/10 Tyd nodig 1 uur Maak dit vir ± R880: Hout R780, skroewe R20, gom R40, skuurpapier R20, skarniere R14, magneetblokkie R6 (spieël en verf uitgesluit) Wat jy nodig het INKOPIELYS • 18 mm-laaghoutbord, soos volg gesaag: twee stukke van 450 x 450 mm (rugkant en deur) twee stukke van 414 x 130 mm, vier stukke van 164 x 130 mm en vier stukke van 125 x 130 mm (kruis-raamwerk) • spieël (190 x 190 mm) • twee skarniere • magneetblokkie • ’n pakkie 6 mm x 40 mmspaanderbordskroewe • Alcolin Fast Set Glue • 220-grint-skuurpapier GEREEDSKAP • koordlose boor en3 mm-boorpunt • saag en figuursaag • verdiepskaaf • klamp • potlood • maatband • kwas PROJEKNOTAS • Meet en merk versigtig. • Onthou om…

RAAD E-pos jou vrae na troeteldiere@tuis.co.za. Hier werk ons speel-speel! WEN! Die eienaars van die diere op die foto’s wen elk ’n K9 Quilt (XL) vir honde of ’n Cupcake (medium) vir katte van Wagworld (wagworld.co.za; ook te kry by voorste troeteldier- en veeartswinkels). Die K9 Quilt, ’n veelsydige, sagte mat, is ontwerp vir luilekker siëstas en ideaal vir gebruik binne of buite, asook agterin jou motor. Die kante van die Cupcake-bed kan opgebind word om ’n knus nessie vir kleiner diere te vorm; of hou dit los vir ’n gemaklike lêplek. Stuur jou foto’s (minstens 2MB elk) en kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 128. V&A Bosluiskoors Theresa Kritzinger van Pretoria skryf Ek het al soveel gruverhale gehoor van…

ENTREPRENEURS Snyblomtuin #1 WIE WOON HIER? Lisa en Steven Barrett, hul twee kinders, die kat Pearl, en vier eende WAAR Lonehill, Johannesburg BESIGHEID Wildly Sown GROOTTE VAN SNYBLOMTUIN 200 m² GRONDTIPE ’n Mengsel van sanderige en leemgrond My tuin is my gunstelingplek; dit voel soos ’n stukkie plaas op die dorp.– Lisa Wat vir Lisa Barrett as stokperdjie begin het toe die eerste Covid-maatreëls in 2020 ingestel is, het gegroei tot ’n klein onderneming wat nou ’n ekstra inkomste vir dié entrepreneur lewer. “Ek het in die grendeltyd verlief geraak op tuinmaak,” sê Lisa. “Die skole wat ek as arbeidsterapeut bedien, moes toemaak en ek het baie tyd gehad om my tuin te beplan, daaroor te droom en my daarin uit te leef.” Sy sê sy het aanvanklik meer groente…

Vinnige jalapeño-piekel ’n Potjie van dié geurige skyfies in die yskas is goud werd as jy vaal kos (enigiets van toebroodjies en burgers tot gebakte hoender) wil opkikker. Genoeg vir 2 x 250 ml-flesse • Voorbereiding: 20 minute, plus 1 uur pekeltyd • Gaarmaaktyd: 5 minute • 10 mediumgroot jalapeño’s (sowat 200 g), in skyfies gesny • 1 lourierblaar per flesPEKELMENGSEL • 125 ml appelasyn • 80 ml witsuiker • 15 ml suurlemoen- of lemmetjiesap • 125 ml kookwater • ’n ruim knypie sout • 10 ml heel pekelspeserye (gebruik ’n kombinasie van mosterdsaad, koljandersaad, wonderpeperkorrels en gemengde peperkorrels) 1 Pak die rissies en kruieblare in twee warm, gesteriliseerde 250 ml-glasflesse. 2 Meng die asyn, suiker, sap, water en speserye in ’n klein kastrol; roer oor matige hitte totdat die…

Tamatie-en-boontjieshakshuka met haloumivingers Onder R130 • Genoeg vir 4 • Voorbereiding: 35 minute Gaarmaaktyd: sowat 25 minute • 300 g haloumi, in 8 skyfies gesny • 15 ml koekmeel • 30 ml botter • 15 ml olyfolie • 2 blikke (400 g elk) gekapte tamaties gegeur met knoffel en kruie • 1 blik (400 g) cannellinibone, gedreineer en gespoel • ’n ruim knippie elk paprika, komyn en rissiepoeier • 8 eiers • ’n strooisel vars koljander 1 Rol die kaasskyfies in die meel en skud die oortollige meel af. Smelt die botter en olie saam in ’n dikboompan en braai die kaas tot alkante goudbruin. Skep uit, maar behou die botter in die pan. 2 Verhit die tamatie en bone saam in die botter. Geur met die speserye en sout…

AGTERBLAD ’n Lekker kuier met interessante gesprek, weet ek hier in my suffelste dekade, is moontlik een van die plesierigste seëninge van onse kuddebestaan. Maar dan is daar dié kuiers wat jou siel verskrompel tot ’n hopie as. Self dra ek steeds die letsels van die gesin Van Aswegen uit my vervloë kindertyd. ’n Troppie aarts-rare mense wat ons klokslag op ’n Sondag ná kerk tuis gaan voorlê het. Ons moes altyd eers vir Pa wag, wat as hoofouderling nog een of ander hoofouderlinglike ding moes doen, ons wat swetend in ’n warm kar sit en wag. Nugter weet waarmee pa-hulle besig was. My kleinboetietjie het eenkeer sugtend voorgestel hulle “poliesj” die nagmaalwyn, wat hom ’n behoorlike draai aan die oor gekos het. Nietemin. Toe ons uiteindelik tuis stop, almal…