Tabla de contenidos para 2022 en Tuis

Tuis Verf Dit, wat jy nou hier in jou hand hou, kom ’n lang pad en lê my na aan die hart. Oor jare heen het ons aan die resep geskaaf en verlede jaar besluit om net op krytverfprojekte te fokus, want die groep kreatiewe mense oor die land heen wat ou meubelstukke (en kombuise en teëls en nog wat!) nuwe lewe gee met ’n kwas en krytverf, word net al groter en meer entoesiasties. En entoesiasme is mos aansteeklik, so wie is ons om agter te bly? Ons kyk weer na huise waar lesers in volkleur leef, en na opknappe waarin verf ’n belangrike rol gespeel het. Jy sal sien – die mooimaak van hele vertrekke, fokusmure en meubels loop soos ’n goue draad reg deur die uitgawe. Nuwe…

Tuis, Suid-Afrika se no. 1-huis-en-tuintydskrif, is al jare jou bron van inspirasie as dit kom by huis mooimaak. Nou, vir die eerste keer, bied die Tuis-span jou ’n aanlyn-meesterklasreeks in krytverftegnieke, en dít boonop teen ’n sakpasprys! Dié reeks, aangebied deur Tuis se redakteur, Wicus Pretorius, en Dale Niehaus van die krytverfateljee Chisel & Chalk, dek die basiese beginsels van die kreatiewe gebruik van krytverf. Daarby wys hulle jou ook ’n paar gevorderde tegnieke en meubelstukke wat met Tjhoko Paint en Annie Sloan se krytverfprodukte ’n nuwe baadjie gekry het – stap vir stap! 10 meesterklasse, elk met ’n winkellysie en aantekeninge wat jy byderhand kan hou wanneer jy self begin verf, is wat jy kry as jy vir dié videoreeks inskryf. Kyk dit in die gerief van jou eie…

V: Watter verfkleur is op die kombuismure op bladsy 21 van die Januarie 2020-uitgawe gebruik? A: Die Du Preezs het Coprox Waterproof Dualcoat in die kleur Oat gebruik en dit verseël met Coprox Wall & Floor Clear Sealer (coprox.com). ’n Lagieverf V: Jenna en Eugene Theron het die dennehoutplafon en die kaggel in hul sitkamer (in die April 2020-uitgawe) so mooi geverf. Hoe moet dié oppervlakke voorberei word, en watter soort verf het hulle gebruik? Jenna Theron antwoord Begin deur die verniste houtplafon liggies met fyn skuurpapier te skuur om dit skoon te kry en die onderlaag te help klou. Volg dan dié stappe:  Vir die plafon 1 Wend een laag meerdoelige onderlaag aan; ons het Rust-Oleum Zinsser Bulls Eye 1-2-3 Water-Base Primer gebruik. 2 Verf dan met twee lae…

Dis heerlik gemaklik om jou voor die kaggel neer te vlei. Ons lees hier boek en werk spyskaarte uit.–Jacob Die warmte en vrolikheid van geel neffens ’n donkergrys muur, boekrak en plafon maak hierdie groot ou plaashuis in die Paarl mooi om na te kyk en lekker om in te leef vir Jacob Crafford-Burger en Wilco Botha, hul vyf honde en drie katte, asook uitsoekgaste. Toe Jacob en Wilco by die ou opstal op ’n wingerdplaas instap, het hulle dadelik langtafelkuiers en kunsuitstallings in hul geestesoog gesien. Nou, nadat Jacob sy talent vir binneversiering ingespan het, lyk die huis nie net verstommend anders nie, maar is dit net so leefvriendelik soos hulle verwag het. “Ons blyplek in die hartjie van die Boland dateer uit die laat 1800’s en toe ons…

“Toe ons die huis gekoop het, het ons beplan om dit in fases op te knap,” sê Eleni Ayele oor die blyplek wat sy met haar man, Johan Boonzaier, deel. Maar toe die Covid-19-pandemie in 2020 uitbreek, het hulle geldsake saam met die res van die wêreld verander, en Eleni het begin kopkrap oor hoe hulle die huis kon vernuwe sonder dat dit hulle begroting beduiwel. Johan, ’n stelselingenieur, is ’n selfdoen-entoesias van formaat, terwyl Eleni nog nooit eens ’n muur geverf het nie. As iemand wat onlangs haar LLM in menseregte verwerf het, glo dié Ethiopiër uiteraard in navorsing. “Dis hoe ek op Tjhoko Paint afgekom het, en dit het ’n splinternuwe wêreld vir my oopgemaak.” Eleni was so nuuskierig dat sy al hulle video’s gekyk het, sommige meer…

Wat voorheen ’n dubbelmotorhuis los van die huis was, vorm nou deel van Hermie Delport en Jan Bührmann se oopplan-kombuis-en-leefruimte. “Die idee het begin by ’n behoefte aan ’n leefruimte wat met die tuin skakel. Maar om dit reg te kry, moes ons hierdie deel met die huis verbind,” verduidelik Hermie, ’n argitek en ruimtelike ontwerper wat by die STADIO-instituut vir hoër onderrig se skool vir argitektuur en ruimtelike ontwerp werk. “Ons het oor die jare die uitleg herontwerp, nuwe dele bygevoeg en uiteindelik ’n huis geskep waaroor ons dol is.” Nadat ’n kontrakteur die baksteenmure wat die “brug” vorm, gebou het, het Hermie en Jan alles self gedoen. “Jan, met die hulp van ’n handlanger (soms twee), het die nuwe dak opgesit en al die afronding gedoen,” verduidelik Hermie.…

PROJEKGIDS Harde werk 4/10 Vaardigheidsvlak 4/10 Tyd nodig 3 uur Watjynodig het INKOPIELYS • Tjhoko Paint in die volgende kleure en hoeveelhede: True Blue (sowat 2 liter vir die muur, 30 ml vir die stensilwerk) Dani’s Dare (30ml) Laughing Lee (30ml) Cloud White (30ml) Elias’s Epic (30ml) Ali’s Gold (30ml) • 20mm breë maskeerband GEREEDSKAP • badspons • 110 mm-verfroller • 38mm-Hamilton’s Ensign-kwas • koerant of ander papier • bottel met newelspuit • stensil(s) van jou keuse • 3 stensilkwaste (2 vir die verskillende kleure, 1 vir metaalafwerking) • lap WENKE • Gebruik die stensils wat gratis ingesluit is by dié spesiale uitgawe – dis Tuis se present aan jou! • Die droëkwastegniek is die sleutel tot netjiese stensilwerk (met te veel verf op jou kwas sal dit onder die…

My kind se maats sê die effeklyk soos muurpapier – en dit maak vir Sussie baie trots.–Sonette PROJEKGIDS Harde werk 3/10 Vaardigheidsvlak 3/10 Tyd nodig 4 uur PROJEKNOTA Die strepe hoef nie perfek te wees nie, dis ’n organiese patroon. Geniet die proses! Watjynodig het INKOPIELYS • 3 liter Tjhoko Inspired Wall Colours in Sherif’s Stone • 250ml Tjhoko Paint in Cloud White GEREEDSKAP • maatband • potlood • verfpan • Hamilton’s Classic-verfroller • 38mm-Hamilton’s Ensign-kwas • kunstenaarskwas • stewige karton WENKE • As jy die verfprojek op nuut geboude mure doen, wend eers ’n onderlaag soos Paint Master se Universal Undercoat aan vir die beste resultaat. • Met dié patroon werk dit die beste as jy in die middel van jou muur begin en na die kante toe werk.…

PROJEKGIDS Harde werk 7/10 Vaardigheidsvlak 7/10 Tyd nodig 10 uur oor drie sessies, met genoeg droogtyd tussenin Watjynodig het INKOPIELYS • Tjhoko Paint in die kleure Matt Black, Elvis Mix en Da’vid • Tjhoko Paint Stencil of Paris • Tjhoko Paint Antique Brown Glaze • Tjhoko Paint Clear Glaze • découpage-prent van jou keuse • gipspoeier (kry dit by die apteek) GEREEDSKAP • ou kwas • mikrovesellap • skêr • skilderkwassie vir skadu en fyner detail • Hamilton’s Ensign-kwaste (50 mm) • houers om in te meng • handskuurder • 40-grint-skuurpapier • matmes • 110 mm-sponsroller WENKE • As jy verf in lae aanwend soos met hierdie verouderingstegniek, begin altyd met die donkerste kleur en eindig met die ligste een. • Pas die resep vir die verdikte verfpasta aan vir…

V: Watter verfkleure is op die grensmuur en rankstrukture in die tuin op bladsy 94 van Februarie 2020 se uitgawe gebruik? A: Die muurkleur is ’n spesiale mengsel deur Paint Master (paint-master.co.za) met die naam Mystic. Die strukture is met Tjhoko Paint (tjhokopaint.co.za) in die kleur Asgat geverf. Beskerm die verf V: Ek het 10 Malawi-stoele wat ek graag ’n vars voorkoms wil gee met wit, geel en groen verf. Watter soort verf moet ek gebruik sodat ek kan seker wees hulle is ook goed beskerm teen ons skerp son? Nadine Vosloo van Tjhoko Paint antwoord Jy kan jou Malawi-stoele met Tjhoko Paint ophelder en Tjhoko Paint se Clear Glaze sal dit teen die son beskerm. Volg een van twee metodes: • Maak die stoele goed skoon met ’n lap…

#1 OMBREE &STENSIL PROJEKGIDS Harde werk 2/10 Vaardigheidsvlak 2/10 Tyd nodig 2 uur plus droogtyd #2 KNOOPDOOP PROJEKGIDS Harde werk 1/10 Vaardigheidsvlak 1/10 Tyd nodig 1 uur plus droogtyd #1 Wat jy nodig het INKOPIELYS • 2 x 250 ml Tjhoko Paint in die kleure van jou keuse (ons het Reddish Mellow en Holiday’s Coral gebruik) • stensil (in dié geval Tjhoko Spanish Tile MC028-90) • stensilkwas GEREEDSKAP • skottel • speld • karton • maskeerband Só maak jy … 1 Maak omtrent 2/3 van die duvetsloop nat in ’n skottel met water; gooi dan die water uit. 2 Tap warm water uit die kraan in die skottel, voeg sowat die helfte van die Reddish Mellow by en meng. 3 Laat sak die nat deel van die duvetsloop in die verfmengsel totdat…

REDAKTEUR Wicus Pretorius • redakteur@tuis.co.za Algemene navrae Yumna Tofey REDAKSIE Artikelredakteur Beatrice Moore-Nöthnagel beatrice.nothnagel@media24.com Kreatiewe redakteur Marian van Wyk Ontwerpredakteur Andrew Maritz  Kosredakteur Johané Neilson • johane.neilson@tuis.co.za Tuinredakteur Marié Brody Selfdoenredakteur Deon de Goede Teksredakteur Johletta Brits Digitale redakteur Annette de Wet Suné Esterhuizen Projekbestuurder Suné Esterhuizen Foto-opknapper René Nortjé MEDEWERKERS Shelly Bergh, Hanlie Bonafede, Franscois Brits, Anelle Britz, Melissa Carollisen, Greg Cox, Sonette de Beer, Chad de Buys, Chrystal de Witt, Haylee Dugmore, Mary Jane Harris, Christoph Hoffmann, Haidee Muller-Isaacs, Dale Niehaus, Francois Oberholster, Marie Opperman, Ed O’Riley, Misi Overturf, Karl Rogers, Izelle Scherman, Susan Terblanche, Amanda van Wyngaardt, Dina Venter, Nadine Vosloo, Henrique Wilding VERKOPE & BORGSKAPPE Hoof: Borgskappe en Kommersieel Nikki Ruttimann, nikkir@media24.com Hoof: Advertensies Sarah Curtis-Bowles, sarah.curtisbowles@media24.com 021 461 2396 Sleutelklantbestuurder Charlene Meyer, charlene.meyer@media24.com 082 928 5970 Sleutelklantbestuurder Daniela De Giovanni, daniela.digiovanni@media24.com 083 709…

Vir plante én party tjies! Nadat Helen van der Westhuizen van Oos-Londen en haar man, PJ, vergeefs na die regte planne vir ’n glas-kweekhuisie op die internet gesoek het, het hulle hul eie ontwerp geteken, gegrond op agt standaard-skuifdeure wat saam ’n agthoek vorm. PJ het die dakkappe vir die struktuur ontwerp, en twee maande later was die huis op sy plek – gereed vir Helen se 40ste verjaardag! Aanvanklik sou hulle teëls op die sementvloer lê, maar omdat die teël waarvan hulle gehou het buitensporig duur was, was stensilwerk ’n goeie alternatief. “Ons hou juis daarvan om dinge self aan te pak,” sê Helen. Sy het die prentjie van die stensil op Pinterest gesien en toe laat maak by Formarelli Stencil Designs. Met ’n vloeroppervlak van 13m2 moes die…

Min huiskopers kan vir jou sê presies hoe hulle geweet het hulle het die perfekte plek gevind. Die keuse van ’n eiendom berus immers op ’n hele lys praktiese en estetiese voorkeure. Tog sal die meeste kopers hul finale besluit toeskryf aan “’n konneksie”. Dis dié gevoel wat Lea Derr en Terence Smith ervaar het die oomblik toe hulle by die voorportaal van ’n kollega se huurhuis in Muckleneuk, Pretoria, instap. Toe die eienaar die huis in die mark sit, het die kollega vermoed dat Lea en Terence dalk sou belangstel, en hulle laat weet. “Ons was destyds nie eens op soek na ’n huis nie,” vertel Lea. Dis nie asof die huis met sy oudmodiese kombuis en badkamers perfek was nie, maar die paartjie het hul instink vertrou. En…

Watjynodig het INKOPIELYS • vinieltafeldoek • Tjhoko Paint Clear Glaze • Tjhoko Paint in die kleur Sherif’s Stone GEREEDSKAP • maatband • staalliniaal • pen • skêr • verfkwas • kunstenaarskwas PROJEKGIDS  Harde werk 2/10 • Vaardigheidsvlak 2/10 Tyd nodig 2 uur, plus droogtyd 1 Meet elke teël en knip die tafeldoek volgens hierdie mate. 2 Wend die Clear Glaze met ’n verfkwas oor die teëls aan. Druk die gesnyde stukke tafeldoek op die nat glasuur vas; vryf die lugborrels uit namate jy vorder. 3 Opsioneel Nadat ons al die materiaalstukke op die teëls geplak het, was die voegbrylyne te lig vir ons ontwerp. Ons het dit toe met ’n kunstenaarskwassie in Sherif’s Stone geverf. Jy kan dit ook doen voor jy die materiaal oor die teëls begin plak. Laat die verf…

PROJEKGIDS Harde werk 4/10 Vaardigheidsvlak 4/10 Tyd nodig ± 2 uur Watjynodig het INKOPIELYS • 1 liter Tjhoko Paint in die kleur Cloud White • 250 ml Tjhoko Paint in die kleur Thinus’s Terracotta • 8 Tjhoko Paint-sierstukke (kode TJ52) • Super Glue GEREEDSKAP • 38mm-Hamilton’s Ensign-verfkwas • 110 mm-sponsroller • 2 kombuissponsies PROJEKNOTAS • Maak seker die kas is stofvry. Aangesien die oppervlak van rou hout is (sonder ’n vernislaag), is geen skoonmaak met lakverdunner nodig nie. • ’n Sponsroller is ideaal vir dié projek omdat dit ’n dun, egalige laag verf aanbring. • Onthou die klimaat en weer kan droogtyd beïnvloed. Só maak jy… 1 Wend 3 lae Cloud White op die hele kas aan. Gebruik die 38mm-Hamilton’s Ensign-kwas in hoekies en gleufies waar ’n roller nie sal…

Wat jy nodig het INKOPIELYS • Tjhoko Paint Clear Glaze • oordragprent (“waterslide transfer”) GEREEDSKAP • spons • vlak houer • mikrovesellap PROJEKNOTAS • Dis maklik om ’n oordragprent aan te bring, maar werk versigtig sodat jy nie kreukels veroorsaak of ander foute maak nie. Indien jou prent in die proses omgevou het, kan jy ’n tandestokkie neem en dit al om die rande langs regtrek. • Werk met klein seksies op ’n slag wanneer jy die glasuur aanwend, aangesien dit vinnig droog word. • Vervang gerus die Clear Glaze met Antique Brown Glaze indien jy ’n donkerder of meer opvallende effek verlang. PROJEKGIDS Harde werk 2/10 Vaardigheidsvlak 4/10 Tyd nodig 30 minute Voordat jy die oordragprent aanbring Maak jou oppervlak skoon en verwyder enige olierigheid met ’n mikrovesellap wat…

GEDRUKTE WEERGAWE R360 8 uitgawes* NUWE INTEKENARE SMS “TUIS” NA 32361 HERNUWINGS SKAKEL 087 353 1300 E-POS subs@media24.com WHATSAPP 087 353 1333 DIGITAAL R360 8 uitgawes* BESOEK Zinio.com OF Magzter.com OF Netwerk24.com * Intekentariewe is onderworpe aan prysverhogings en jou betaalinstruksie sal ooreenkomstig die verandering in jou tarief aangepas word. Aangesien maandelikse subskripsies outomaties hernieu word, moet jy ons laat weet indien jy jou intekening wil kanselleer. Dié aanbiedinge geld tot 2 Junie 2022. B’s en V’s geld. Die gedrukte aanbod is vir intekenare in SA; vir internasionale intekentariewe, skakel +27 21 065 0033. Vir nuwe subskripsies, SMS jou besonderhede aan ons sodat ons met jou in verbinding kan tree. Elke SMS kos R1,50; gratis minute tel nie.…

Daar is sekere mense wat sê niks met ’n “te” is vir jou goed nie, behalwe “te voet”, “te perd” en “tevrede”. ’n Mens sou dit dalk ook kon sê van Izelle Venter. Toe dié TV-kanaalhoof net voor die Covid-19-pandemie besluit hul Victoriaanse huis in Tamboerskloof kort ’n tweede regruk, was haar hartswens ’n oase van kalmte en daarmee saam hope persoonlikheid en styl, “maar groot ’seblief, tog net nie te grand nie. Nie te perfek of gestileerd nie. Ook nie te netjies of te deurmekaar nie. My kop is klaar deurmekaar,’’ sê sy laggend. Sy het haar vriend en gesoute interieurontwerper Etienne Hanekom nadergehark en voilà – hy skep toe vir die gesin ’n pretensielose tuiste in “dirty brights”. Etienne het hoofsaaklik ’n palet van herfskleure gebruik sodat die…

Elke hoekie in Christine Bence se huis is ’n prentjie – van die verste kuierkol aan die agterkant van die tuin tot by die voordeur in sy nuwe blinkswart baadjie. Dié deur uit Indië, wat oor die jare verskeie kleure gedra het, verklap iets van wat moontlik aan die ander kant op jou wag… “Swart was nog altyd my kleur,” vertel Christine in haar modieuse oranje rok wat treffend kontrasteer met die monochroom palet van haar huis. “Die ouderdom verander wel mens se styl. Jy gee nie meer regtig om wat ander te sê het nie en vat meer kanse. En dit is bevrydend. Alles hoef nie perfek mooi te wees nie.” Christine en haar man, George, woon al 23 jaar in die huis en dit is hier waar hul…

V: Wat is die naam van die lieflike neutrale verfkleur wat Albert van Niekerk in sy huis gebruik het, soos gesien op bladsy 75 van julle Februarie/Maart 2021-uitgawe? A: Die binnemure is geverf met Plascon Mandarin Tusk (plascon.com). V: Watter kleur is die buitemuur van die Ficks se huis op bladsy 48 van Desember 2017 se uitgawe? A: Die kleur is Fired Earth Subtle Stone van Builders (builders.co.za). As dieverfafdop V: Ons het ’n ou huis gekoop en in een van die vertrekke, waar die gepleisterde binnemure met emaljeverf bedek is, sien ons dat die verf plek-plek borrels maak. Hoe kan ek die verf verwyder? En as ek die mure daarna wil verf, moet ek weer verf met ’n emaljebasis kies of sal PVA ’n beter oplossing wees? Jenny Moolman,…

PROJEKGIDS Harde werk 9/10 Vaardigheidsvlak 10/10 Tyd nodig ± 3 dae Watjynodig het INKOPIELYS • pleistersement • Tjhoko Stencil of Paris • Tjhoko Paint in Elias’s Epic, Matt Black, Dani’s Dare, Martin’s Move, Pebble Light, Fine Lining en Shorty’s Story • Tjhoko Paint Clear Glaze • Tjhoko Paint-stensil (kode Decor 1 A5-3) • bladgoud GEREEDSKAP • troffel • sponse WENNER! Indrukwekkendste fokusmuur Só maak jy… 1 Berei jou muur voor deur dit rofweg met loperige pleister en ’n troffel af te werk. 2 Wag tot die pleister droog is; verf dan kolle met ’n kombuisspons in Tjhoko Paint Elias’s Epic. 3 Bring nou jou stensilpatroon aan met Tjhoko Stencil of Paris vir ’n driedimensionele effek in Tjhoko Paint Matt Black. 4 Wend hier en daar nog muurpleister oor die stensilpatroon…

PROJEKGIDS Harde werk 6/10 Vaardigheidsvlak 8/10 Tyd nodig ± 6 uur Dié kassie is geïnspireer deurmy liefde vir die Middellandse See en Italië. Eendag wil ek ’n villa daar besit.–Izelle Watjynodig het INKOPIELYS • lakverdunner • Tjhoko Paint in die kleure Lebo’s Light, John’s Joy, Bob’s Blue, Matt Black, Eye of Elsie en Frik’s Forest • Tjhoko Paint Clear Glaze • Tjhoko Paint-stensils: Kenitra MC016-15-G, MC025-15 en MC011-15, asook Patisserie A4-15 (woordstensil) GEREEDSKAP • veselvrye lappe (soos mikrovesel) • 110 mm-sponsroller • verfpan • verwersmaskeerband • plat Hamilton’sstensilkwas (nr. 6) WENKE • Blou verwersmaskeerband kleef nie so sterk nie en trek daarom maklik af sonder dat dit jou verfwerk beskadig. • Dra sterk rubberhandskoene wanneer jy die hout met lakverdunner skoonmaak, anders kan jou vel daaronder ly. • Wanneer jy…

PROJEKGIDS Harde werk 2/10 Vaardigheidsvlak 2/10 Tyd nodig ± 4 uur Watjynodig het INKOPIELYS • lakverdunner • 1 liter Tjhoko Paint in die kleur Olivia’s Pale • 250 ml Tjhoko Paint in die kleur Cloud White • stensil (kode Olivia 60x60) • plastiekblomme • gom GEREEDSKAP • vleisdoek • 38mm-Hamilton’s Ensign-kwas • 225 mm-bokhaarroller • 110 mm-sponsroller • verfpan • ou koerant of afvalpapier • goeie kunstenaarskwas PROJEKNOTAS • As jy stensilwerk op ’n nuut geverfde oppervlak doen, wag 48 uur voordat jy maskeerband op die vars verf plak om te keer dat jy van die nuwe verf saam met die maskeerband aftrek. Indien jy haastig is, kan jy die maskeerband minder klewerig maak deur stroke daarvan ’n paar keer op lap (sommer jou klere) te plak en af te…

PROJEKNOTAS • Die vloeroppervlakte van dié badkamer is 5m². Pas die materiaal aan soos nodig vir jou eie projek. • Ter voorbereiding is die teëls teen die kant van die bad afgekap en die oppervlak saam met die vloer met sement afgewerk; die muurteëls is behou en geverf. • Vir die mooimaak is besluit op ’n netjiese omranding op die vloer, asook ’n stensiltegniek teen die bad se rand en op die vloer. PROJEKGIDS Harde werk 6/10 Vaardigheidsvlak 6/10 Tyd nodig ± 6 uur [MASKEERBAND-WENKE] • Werk van buite na binne wanneer jy jou vloer se omranding met maskeerband merk, dan het jy beter beheer oor die patroon. • Gebruik die breë maskeerband om die spasie tussen die lyne eweredig te kry; verwyder dit nadat die tweede lyn geplak is…