Tabla de contenidos para May/Jun 2023 en Tuis

Sê my vriendin Elna nou een aand so halfsewe se koers: “Ek gaan nou maar slaap en weer halfelf opstaan as die krag aankom, dat ek die kos in die oond kan kry vir môre se Sondagmaal.” Ja, sê ek. Blink plan. Ons werk mos maar wanneer daar krag is . Dat ons nou op hierdie punt is in ons mooi land Suid-Afrika, en dat ons nou waarlik ’n uitgawe het met ’n bietjie van ’n beurtkrag-tema… Toe ons dié uitgawe beplan het, was die land in die donker greep van fase 6, en soos ek toe vir ons kosredakteur, Johané, sê: Sy kan geen resep skryf waarin enigiets stadig moet oondrooster nie, want wie op aarde het elektrisiteit om iets oornag in die oond gaar te maak? Dis net…

PLAT OP DIE AARDE Vier die ryk aardse tone van oker en terracotta in jou badkamer met hierdie soliede saamgestelde Deco-wasbakke vir installering bo-op ’n blad (R2 100-R3 900, afhangend van die kleur, rossco.co.za). Dit kom ook in wit, swart en beton. DINK AAN DIE PLANEET Sage & Sunday Conscious Clothing het nou ’n versameling handgemaakte sakke (op die foto is die Drakensberg Recycled Felt Backpack R1 470, sageandsunday.com). Die vilt word vervaardig uit duursame PET-plastiek, wat die produkte ekovriendelik, gemaklik en prakties maak. Vir enige sit-uasie Dié kenmerkend mideeuse Louvre-leunstoel van Coricraft (75 cm L x 84cm B x 79cm H; R8 499, coricraft.co.za) word van soliede essenhout gemaak en bied stylvolle gemak in jou leefvertrek, slaapkamer of tuiskantoor! Kry sommer ook een van die kunswerke vanaf R1 299…

As ons terugkyk na die uitstekende werk wat verlede jaar se entoesiastiese studente by ons jaarlikse Dekorskool gedoen het, wil ’n mens vra: Het die Klas van ’22 iewers binne-inligting gekry, of wat? Want Tuis |Home en Mr Price Home se mense het gou besef: Hier kom ’n ding! Van Middelburg in Mpumalanga, Upington in die Noord-Kaap, selfs so ver as Windhoek in Namibië, het studente by drie pragtige venues in Pretoria, Bloemfontein en Kaapstad opgedaag om by die kenners te kom leer en te wys wat in hulle steek. Die uitdaging was, soos altyd, om net tien artikels by Mr Price Home te neem en ’n slaapkamer te stileer dat dit ’n Tuis |Homevoorblad sal haal. Met elke kamer gestroop tot die basiese – net ’n bed teen ’n…

Stuur tuininligting en -vrae na tuine@tuis.co.za. RYPWENK Verminder die risiko van rypskade aan gevoelige plante deur vroeg, tussen 9 vm. en 2 nm., nat te maak sodat vogtigheid in die grond kan opwarm voor sononder. Magiese magenta Verjaag die winterbloutes met blomme in warm magenta tinte. Die Pantone-kleur van die jaar 2023 is Viva Magenta, ’n sterk, helder pers-pienk wat die koppe laat draai en ’n trotse stelling maak. Kies hierdie plante as jy magiese magenta in jou beddings wil hê: Azalea ‘Magenta’ – ’n snelgroeiende, geharde struik met ’n oorvloedige blomseisoen in die lente en somer. Die plant groei in halfskadu en son. Boronia ‘Magenta Stars’ – ’n klein immergroen struik met geurige blare en volop stervormige blomme in die winter en lente. Dit gedy in halfskadu en grond…

Skryf aan ons by Tuis/Ons lesers sê, Posbus 1802, Kaapstad 8000 of stuur e-pos na redakteur@tuis.co.za. Gesels saam by tuis.co.za of facebook.com/tuistydskrif, of volg ons op Instagram by @TuisHomeMag. Verstrek asseblief jou naam en van, asook die naam van jou dorp, wanneer jy aan ons skryf. WENBRIEF Lekker soos toffies Esté de Nysschen skryf uit Panama Ná 10 jaar in die buiteland is Tuis steeds my lewenslyn huis toe. Hulle kom so stuk-stuk via my vriendin Alida van Bloemfontein per geleentheid tot by my. Die afgelope jaar was die “lifts” na dié kant van die oseaan maar effens, en toe ek gister die hele boksemdais van 2022 kry, het my hart gebokspring van pure joligheid. Dankie aan die span wat my so met kinderlike opgewondenheid laat uitsien na julle harde…

#1 ALMAL WELKOM WIE KP en Petro Steenkamp en hul kinders, Lente-Edeni (16) en KP jr. (20)WAAR Middelburg, Mpumalanga In die Steenkamps se huis is daar nie een vertrek wat as ’n “wit olifant” beskou kan word nie. Of dit nou die formele sitkamer is, die braaikamer of die gla -atrium (laasgenoemde het ons in Januarie 2023 gewys) – in élke vertrek word daar behoorlik geleef! “Ons is ’n geweldig bedrywige gesin met ’n besige leefstyl en daar is altyd kinders en mense wat kom en gaan ons in huis,” v rtel Petro laggend. Ons het die Steenkamps se huis die eerste keer in die April 2016-uitgawe van Tuis gewys nadat hulle die plaas, waar hul ou opstal afgebrand het, vir die buitewyke van Middelburg verruil het. Oor die jare…

DOEN DIT SELF Wat jy nodig het INKOPIELYS • 18 mm-dennehoutbekistingbord (rakke) • spaanderbordskroewe • klein spykers • 3 cm-L-vormige stutte (om die rakke teen die muur vas te skroef) • houtvuller • twee 3 x 19 mm-dennehouthalfrondestroke • een 3 x 19 mm-dennehoutkwartrondestrook • drie 3 m-dennehoutvloerlyste • suikerseep • 1 liter onderlaag vir melamien • 2 liter Sabre Paints Night Sky PW(D) 46305 met ’n satynafwerking • nuwe handvatsels GEREEDSKAP • sirkelsaag • koordlose boor en 3 mm-boorpunt • maatband • karton-profielvorm vir nuwe rakke • hamer • verfkwaste • sponsrollers en verfbakke • maskeerband • drupvelle • spons • emmer • handskoene PROJEKNOTA Die tweedehandse kas het nog ’n stewige rugkant gehad; deur dit dieselfde kleur as die muur te verf, het die Neilsons verseker dat die…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Sluit dan aan by ons Tuis I Homekennersgroep op Facebook sodat die span, kundiges en ander lesers kan help. Beurtkrag – jou tienpuntplan Battery- en sonkrag is op almal se lippe – meestal weens voortslepende kragonderbrekings reg oor Suid-Afrika, maar in sekere gevalle ook as gevolg van munisipale verval. Selfs pres. Cyril Ramaphosa het op ’n onlangse nuuskonferensie gesê Suid-Afrikaners wat kan, moet sonkrag installeer om die druk op Eskom, Suid-Afrika se nasionale en primêre kragverskaffer, te verlig. Uit ’n Facebook-vraag blyk dit heelwat Tuis-lesers het al sonkrag- of batterystelsels as rugsteun geïnstalleer. Daar is nogtans heelwat vrae, en baie lesers meen dis onbekostigbaar. So waar begin ’n mens as jy…

Boontjiesop met frikkadelletjies Genoeg vir 6 • Voorbereiding: 30 minute Gaarmaaktyd: 30 minute • 45 ml olyfolie • 1 ui, fyngekap • 2 preie, fyngekap • 2 mediumgroot wortels, geskil en fyngekap • 2 stingels seldery, gekap • 500 g vars varkworsies • 1 knoffelhuisie, gekap • 2 blikke (400 g elk) gemengde bone, gedreineer • 1 blik (400 g) gekapte tamaties • 750 ml hoenderaftreksel • ’n strooisel vars basilie of gekapte pietersielie (opsioneel) 1 Verhit 30 ml van die olie in ’n middelslagkastrol en braai die ui, preie, wortels en seldery saam tot glansend (minstens 5 minute, 10 as jou tyd toelaat). 2 Verwyder intussen die derm van die varkworsies en rol die vleis in piepklein frikkadelletjies. Mik vir 6-8 per worsie, wat ’n lekker grootte saam met…

AGTERBLAD Laataand staan ek my tande en borsel, en gewaar ’n vismot in die bad. Hy (of sy) hol al met die bad se gladde wande langs in ’n poging om uit te klim. Franties, dalk selfs wanhopig. Wie weet watse emosies daar in ’n vismotgemoed gaande is. Maar die hollery bly vergeefs, want sy pootjies bly gly. Sal ek hom help, wonder ek? Moenie simpel wees nie, betig ek myself, ’n vismot is dan nou ’n pesding. Die bed roep en ek bêre die tandeborsel. Dalk is hy môre vanself dood en kan ek hom wegspoel. Ek sit die lig af en draai salig op my sy. Maar my gedagtes bly by daardie hopelose dier in die bad. En ek weet, ek weet: in Oekraïne val daar bomme, vlugtelinge…

Onthou my... Debbie de Goede se huis pronk gereeld in die blaaie van Tuis. Sy het dié treffende galerymuur geskep met fotorame van Mr Price Home en haar eie foto’s wat sy sommer self op fotopapier gedruk het. “My eetkamer is die deurloop van die slaapkamers na die sitkamer en ek was lus vir ’n monochroom installasie wat jou twee keer sal laat kyk. Ek wou ’n verposing skep, maar een wat nie ’n plaas se geld kos nie,” verduidelik Debbie, ons eie DIY Deon se wederhelf. “Die fotorame se dun swart profiel is tydloos en ek hou die foto’s swart en wit om die grafiese effek van die groepering te beklemtoon. Ek is mal daaroor om elke dag aan my geliefdes herinner te word en ruil gereeld die foto’s…

E-pos jou opknap na kenners@tuis.co.za. KATEGORIE: SELF GEDOEN WIE WOON HIER? Neilke Pretorius en Megan Budler, en hul twee Bostonse terriërs, Benz en FoxWAAR Roodeplaatdam, Kameeldrift, PretoriaGROOTTE Huis 50 m², ateljee 32 m² As dié huis ’n etiket moes kry, sou dit “Handgemaak deur Martin” sê. Want so te sê alles wat jy hier sien, is die handewerk van Martin Pretorius, ’n afgetrede meganiese ingenieur. Martin en sy vrou, Anniek, woon al amper 24 jaar op hul eiendom van twee hektaar aan die buitewyke van Pretoria. “ ’n Paar jaar gelede het ons jongste dogter, Neilke, ’n landskapargitek, in ’n kothuis op ons eiendom gebly terwyl sy in die omgewing gewerk het. Dit was so lekker om haar naby ons te hê dat ek gedink het as ek vir haar…

Dis reeds die vierde jaar dat ons die Tuis | Home-Dekorskool in samewerking met Mr Price Home aanbied. En dié geleentheid is altyd ’n hoogtepunt op die kalender – nie net vir die Tuis | Home-span nie, maar ook vir die studente van oraloor wat dit bywoon. Elkeen verlaat dit met tonne inspirasie en heerlike herinneringe aan ’n ervaring van ’n leeftyd! Want dié slypskole is ’n lewensverrykende samekoms van leer en lag, koop en kuier – en heerlike kos ... Ons bied vanjaar weer drie skole aan: twee in Kaapstad en een in Johannesburg. Hoekom twee in Kaapstad? Want die waglys is so lank! Kom vind alles uit oor die jongste trends, wat ’n Tuis | Home-fotosessie alles behels, hoe jy dit beplan en watter voorbereiding dit verg, watter…

RAAD E-pos jou vrae na troeteldiere@tuis.co.za. Almal diewe, hartediewe... Kom ons neem ’n selfie Loki en Orion weet presies hoe dit werk. – Roshan Patel, Claremont A! Pizza! Charlie is vasbeslote om sy deel te kry. – Christine van Deventer, Robertson Ou grootbek Wolf, ’n Biro-terriër, is meer blaf as byt. – Jasmyn Krynauw, Hartbeespoort Geduld, o geduld… Fluffy tel die sekondes voor etenstyd af. – Sophia Fourie, Ramsgate, KwaZulu-Natal Hier gaan ons Die berge roep vir Catia en Feliz. – Carla Bekker, De Rust Laventelhaan! Charlie is die ene sjarme sodra hy die kamera sien. – Anje van Zyl, Vrede, Vrystaat Warm kopie Ons is beïndruk met die troeteldierversorgingsprodukte van Pride + Groom, nou in Suid-Afrika te kry, uitsluitlik by Kreature Comforts (kreaturecomforts.co.za). Die ten volle natuurlike reeks sjampoes…

LOCAL IS LEKKER Kyk uit vir dié reeks kleurryke nuwe produkte, waaronder souse, snoepgoed en gebak, eksklusief te kry by Shoprite onder hul nuwe handelsmerk Homegrown. Van Loudly Local Pele Pele Sauce tot Khayelitsha Cookies Strawberry Flavoured Cookies with White Chocolate Chips ... Ons kan nie wag om Homegrown se Lumo Cake (foto; R69,99, shoprite.co.za) te proe nie. Als is beter met borrels Die SodaStream Art Sparkling Water Maker (te kry in wit of swart; R2 299, yuppiechef.com) het ’n moderne retro-voorkoms en ’n nuwe hefboom-aksie waarmee jy die karbonering kan beheer vir soveel bruis soos wat jy verkies. Voorwaar spesiaal Dit het vier jaar geneem, en in dié tyd is en net 2 890 bottels 2019-My Way Brut Nature en 1 350 bottels My Way Brut Rosé van dieselfde…