Tabla de contenidos para July 2023 en Tuis

Laas Desember reis ons na Indië. Jare lank al wou ek dié land besoek, maar ek was skrikkerig vir die “choas” waarteen almal my bly waarsku het. Party mense het sommer prontuit gesê ons maak ’n fout, want Indië is vuil en raserig en deurmekaar en besig, en jy kan nie die kos eet nie, want dan kry jy “Delhi belly”. Dit was die een onrusbarende waarskuwing op die ander. Maar dit was tyd. En ek kan vir die rekord sê: Die land het my oorrompel, op die beste manier moontlik. Ja, dit is vuil en raserig en deurmekaar en besig, maar ek sal môre weer op die vliegtuig klim as ek kan. En as jy verstandig is met wat en waar jy eet, g’n niks “Delhi belly” nie. Trouens,…

Uit die natuur La Perle Fabric Print Décor in die Paarl vervaardig besonderse dekorware van 100% natuurlike tekstiele. Hul nuwe babareeks sluit Baby Cuddle-komberse (R495) van dubbelmoeselien en Baby-duvetsloopstelle (vanaf R850) in. Kyk net hierdie Botanical Bunniesontwerp (regs; R1 600 duvet ingesluit, laperle.co.za). ’N LIGKRING Die nuwe Ring-reeks van K. Light bevat onder meer drie LED-hangligte in goud-en-swart – perfek vir ’n minimalistiese moderne interieur. Ons hou veral van die verdofbare Double Ring Pendant (30 W, 3 000 K; R5 180)! Kyk ook by klight.co.za. Tjek hier! Ons het hierdie helder en speelse plakpapier, Child’s Check uit die Christopher Farrversameling, in St Leger & Viney se toonlokaal in Kramerville gesien. “Dit lyk of hierdie ontwerp almal in ’n goeie bui kry sodra hulle hier instap,” sê Case van der Touw,…

WIE WOON HIER? Heidi en Doug CuppleditchWAAR Riebeek-KasteelGROOTTE 410 m² Wanneer die twee antieke deure na Heidi en Doug Cuppleditch se binnehof oopswaai, voel dit kompleet asof iemand “Surprise!” moet skree. Enkele minute gelede, toe ons voor die pragtig verweerde houtdeure stilgehou het, was daar geen teken van die asemrowende uitsig op die Riebeekvallei nie. Om nie te praat van die fees van kleur en tekstuur wat in die dubbelvolume-leefvertrek wag nie. Die voormalige Kapenaars het die erf met die steil helling in 2020 gekoop, en nege maande nadat bouwerk in Maart 2021 begin het, ingetrek. “Ons het nog altyd ou of historiese huise opgeknap, en was baie opgewonde oor die vooruitsig van ’n moderner huis in ’n industriële styl waar ons antieke meubels en ander versamelgoed steeds sou pas,”…

PROJEKNOTAS • Die kopstuk “hang” aan die muur danksy ’n skuins gesaagde monteerplank bo-aan die rugkant wat oor nog so ’n plank teen die muur haak. • Onthou om gidsgaatjies te boor. Wat jy nodig het INKOPIELYS • 18 mm-laaghout, gesaag in: een stuk van 1 360 x 100 mm, een lang sy teen 45 grade gesaag (monteerplank vir kopstuk) een stuk van 1 200 x 100 mm, een lang sy teen 45 grade gesaag (muur-monteerplank) een stuk van 1 370 x 450 mm (rugkant) drie stukke van 200 x 100 mm (spasieerders) twee stukke van 1 370 x 10 0 mm (rak, bo- en onderkant) twee stukke van 700 x 100 mm (rak, sye) een stuk van 214 x 100 mm (rak, stut) een stuk van 1 360 x…

Maak 1 tert van 30 cm in deursnee • Voorbereiding: 40 minute Baktyd: 50 minute • Oondtemperatuur: 180 °C • 500 g fillodeeg (jy het 14 velle nodig) • 125 ml botter, gesmelt • versiersuiker vir voorsit (opsioneel) VULSEL • 4 Granny Smith-appels, geskil, ontkern en in 1 cm-blokkies gesny • 15 ml ligbruinsuiker • gerasperde skil van 1 lemoen • 30 ml botter • 1 sopie brandewyn • 5 ml fyn kaneel VLA • 500 ml room • 1 vanieljepeul (saadjies uitgeskraap) of 5 ml vanieljeekstrak • 200 ml strooisuiker • 4 ekstragroot eiers 11 Voorverhit die oond en smeer ’n ronde 30 cm-tertbak. Verf twee velle fillodeeg oraloor met botter en stapel hulle op mekaar. Vou dit dan in die lengte op soos ’n konsertina in ’n lang…

AGTERBLAD roegaand en die huilende honde van ’n koue winterwind sluip om die huis. Die krag het pas afgegaan en dis diép donker, Fase 6. Met my selfoon as toorts skuifel ek eetkamer toe, waar ek ’n skinkbord met kerse in blakers gereed hou, aansteker en al. (Herlaaibare Magneto’s ook, maar natúúrlik nie gelaai nie.) Ek spring aan die werk en binne minute lyk dit soos hoogmis in die Notre Dame hier binne. Kers in die hand loop ek slaapkamer toe en gaan haal ’n stokou transistorradio’tjie uit – was nog oorlede Mamma s’n. Op die nuus is daar die gewone ou goed – skade, onheil en kalamiteit. Ek sit dit af. Dit gaan hier reeds rof genoeg, dankie. Dan maar liewer luister na die troostelose wind. Want ander uitkoms…

Skryf aan ons by Tuis/Ons lesers sê, Posbus 1802, Kaapstad 8000 of stuur e-pos na redakteur@tuis.co.za. Gesels saam by tuis.co.za of facebook.com/tuistydskrif, of volg ons op Instagram by @TuisHomeMag. Verstrek asseblief jou naam en van, asook die naam van jou dorp, wanneer jy aan ons skryf. WENBRIEF Nostalgie Johanna Pliska van Kathu in die Noord-Kaap skryf Tydskrifte was ’n belangrike ding in my ouerhuis. My ma, ’n fenominale vrou wat ons huis en tuin mooigemaak het, wou niks weet van ’n digitale weergawe nie. Sy wou kon blaai en merkers insit. Ek en my pa moes gereeld ons opinies gee, sodat ons tydskrifte ná week drie bakore begin trek het van die handeverwisseling en beraadslaging met mekaar. Baie foto’s het uiteindelik in ’n plakboek geëindig. Vandag, ná albei se dood,…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. Dekordilemma Ursula de Stadler van Kaapstad skryf My sit-en-eetkamer het nou al minstens 20 jaar dieselfde uitleg en dis hoog tyd vir ’n verandering! My probleem is waar en hoe ek die meubels moet plaas vir maklike toegang tot die studeerkamer anderkant die glasdeure. Ek sal graag die sitkamerstel wil herstoffeer in ligte neutrale skakerings en party van die vergeelde Oregondennehout-meubelstukke wil verf. Het julle enige voorstelle vir ’n muurkleur? Die huidige verf is te donker en het te veel blou ondertone. Enige idees sal welkom wees. Jenny Collins…

Stuur tuininligting en -vrae na tuine@tuis.co.za. TOPWENK VIR EENJARIGES Voed gevestigde jaarplante wat in die winter blom, soos gesiggies, cinerarias, primulas en petunias, tweeweekliks met ’n gebalanseerde vloeibare bemesting. Bring kleur binnetoe Julie is die beste tyd om kreatief te raak met huisplante. Wanneer dit te koud raak vir tuinwerk buite, verskuif die fokus na jou huisplante. Dié sierade sal jou binneruimtes met hul kleur bekoor: Beeldskone begonias steel harte waar hulle ook al staan, en daar is ’n wonderlike verskeidenheid om uit te kies. Hul vlesige stele dra blink, ronde groen of rooibruin blare, en spog met enkel- of dubbelblomme in skakerings van rooi, pienk of wit. Maak altyd by die plant se basis nat, aangesien die blare kan vlek of verrot wanneer dit klam word. Hou in gedagte…

Uit die dieptes Nadat Margaret Sylvester ’n geverfde muur met ’n botaniese tema gesien het, het sy Sharon Welman van Sharon Welman Artistry gevra om die buitekant van haar motorhuis ook só te versier. “Ons het op ’n seetema besluit omdat die huis langs die kus in Kaap St. Francis is,” verduidelik Sharon. “Margaret het haar verwer gevra om die basislaag te verf met Plascon Easy Living Roof and Paving in die kleur Dark Grey. Nadat ek die ontwerpe rofweg geteken het, het ek dit geverf met Plascon Easy Living Multi-Surface in die kleur Ocean Shadow, ’n liggrys wat die perfekte kontras geskep het. “Die verwers wat met die res van die huis besig was, het heeltyd kom kyk en raad gee – hulle aansporing was so welkom, want dit…

WIE WOON HIER? Margaret, Chris en Giselle Linström, en Giselle se seun Kei Linström-Fulton (11), asook Ghosty die Weimaraner, Iggy die mopshond, Stella die Africanis en Irina die grougestreepte kat WAAR Dan Pienaar, Bloemfontein GROOTTE 81 m² (Margaret en Chris se vleuel) en 57 m² (Giselle se vleuel), al twee met die stoep ingesluit Die natuur en groenigheid maak my dolgelukkig.– Giselle Wanneer ’n helderpienk rusbank op Instagram jou opval waar dit voor ’n galerymuur staan met skilderye deur die eienaar, kan jy nie anders as om verder te snuffel nie, en so raak ek en Margaret Linström vroeg in 2022 aan die gesels. En so beland die Tuis-span maande later voor die fraai tuinhekkie van die einste Bloemfonteinse huis, waar drie generasies Linströms woon. “Die eiendom behoort aan ons…

E-pos jou opknap na kenners@tuis.co.za. KATEGORIE: SELF GEDOEN WIE WOON HIER? Laurell Pelser, haar lewensmaat, Mark Neufeld, haar seun Jaiden en hul honde Blu, Shep en Diesel WAAR George, Wes-KaapGROOTTE 245 m² Laurell Pelser en haar lewensmaat, Mark Neufeld, het jare lank heel gelukkig op Hoekwil, ’n afgeleë dorpie land-in van Wildernis op die Tuinroete, gebly. Maar toe dit tyd word dat Laurell se seun hoërskool toe moet gaan, het sy onthou hoe lank dit elke dag geneem het om met haar dogter na en van die hoërskool op George te ry. “Dit het na ’n goeie idee begin lyk om liewer soontoe te trek,” vertel Laurell. “Mark wou eers nie daarvan hoor nie. Hy hou meer van die plaaslewe en dit het tyd gekos om hom te oortuig dat…

RAAD E-pos jou vrae na ttoeteldiere@tuis.co.za. Hier’s dit lekker! Fynste voetjie voor Ragnar maak ’n prentjie teen die lieflike kleure agter hom. – Lizanne Olivier, Wes-Kaap Uitkykpos Luka en Mila is baas in dié huis. – Duplessis en Heike van Aswegen, Somerset-Wes Tarentaal? Smurf raai watter voël só ruik. – Izelda du Toit, Kaapstad Hier’s ons weer! Dié ougat viertal is gereelde besoekers aan die Pretoria Boeremark. – Berend van der Walt, Pretoria Beste maats vir altyd “My maat staan bankvas agter my,” sê Loki. – Carey-Anne du Plessis, Johannesburg Knus tesame Toulouse en Hunter hou mekaar warm. – Muranda-Lynn Altichiero, Makhanda Warm kopie Ons is dol oor hierdie bytjievormige wegkruipplek vir katte en klein hondjies (R820, verskeie handelaars). Die M-Pets Maya Eco Cat Cave Bed word gemaak van herwinde…

Geelrys met steurgarnale Hierdie vinnige ete is luuks en maak ’n heerlike bederf-ete. Dit is my weergawe van Fatima Sydow se garnaal-akhni uit haar boek Kaap, Kerrie en Koesisters, geskryf saam met Gadija Sydow Noordien. Op ’n weeksaand vervang ek die seekos met minihoenderfilette, want die rys is vir my die ster van die gereg. Genoeg vir 4 Voorbereiding: 35 minute Gaarmaaktyd: 25 minute • 30 ml olyfolie • 1 ui, gekap • 1 rooi soetrissie, gekap • 1 geel soetrissie, gekap • 1 rooi brandrissie (of na smaak), gekap • 3 kardemompeule, gekneus • 1 kaneelstokkie • 5 ml komynsaad • 5 ml gekapte vars knoffel • 5 ml gerasperde vars gemmer • 10 ml paprika • 15 ml seekosmasala (of matige kerriepoeier) • ’n vars lourierblaar • 5…

Hoender-en-groentesop met borrie Onder R80 • Genoeg vir 4 • Voorbereiding: 35 minute Gaarmaaktyd: 45 minute • 30 ml olyfolie • 15 ml botter • 2 preie, gekap • 1 stingel seldery, gekap • 2 wortels, geskil en fyngekap • 30 ml meel • 2 groot aartappels, geskil en in 1 cm-blokkies gesny • 500 ml melk • 500 ml hoenderaftreksel • 5 ml borrie • 2 hoenderborsfilette • 250 ml bevrore ertjies 1 Braai die prei, seldery en wortel saam in die olyfolie en botter tot glansend – minstens 5 minute as die tyd toelaat. Roer die meel by en braai vir 1 minuut. 2 Roer die melk, aftreksel, aartappels, borrie en hoender by die sop en verhit tot kookpunt. Draai die hitte af en laat prut rustig vir…

VIR DIE VOLGENDE GESLAG SJEFS Die oulike Maxwell & Williams Wild Planet-voorskoot-en-koksmusstelle vir kleingoed (R399, maxwellandwilliams.co.za), ontwerp saam met Marini Ferlazzo, is weer in voorraad! Dis gemaak van duursame suiwer katoen wat selfs die morsigste bakpret kan trotseer. STAATMAKER Met ’n kompakte Classic Victorinox Swiss Army Pocket Knife (op die foto in Tasty Grape; R449, yuppiechef.com) is jy gereed vir enigiets, van biltong kerf tot skroewe vasdraai. Mm, lekker! Bederf jou gesin met die jongste Fantastical-sjokoladelekkergoed by Woolworths, almal gemaak met kakao wat op verantwoordelike wyse verkry is. Die veelkleurige Cakesicles (foto; R64,99) en Sponge Fingers (R59,99) bestaan uit lae sponskoek en kersiegeur-malvalekker met konfetti vir knars – dis ’n partytjie in elke hap! Kyk by woolworths.co.za. Olyf-trio (’n keur van Kalamataen Nocellara-olywe) R270 vir al drie of R90 elk,…