Tabla de contenidos para Oct/Nov 2023 en Tuis

Daar is soveel stories van lesers in hierdie uitgawe waarmee ek my kan vereenselwig. Byvoorbeeld: Denise Nel van Linden wat vertel hoe mens eintlik enigiets met jou kan saambring huis toe as jy internasionaal reis, het my laat terugdink aan die keer toe die doeanebeampte op die Kaapstadse lughawe my rugsak met ’n vrugtebak buite-op vasgebind net een kyk gegee het, voor sy daar en dan besluit het ek moet eenvoudig ’n winkeleienaar wees wat goed die land probeer insmokkel. Oor die Aggenbachs van Struisbaai en die Crows van die KwaZulu-Natalse Middelland wat vertel hulle koop dikwels meubels wat eers iewers gestoor moet word tot tyd en wyl hulle daarvoor ’n plek en ’n nut vind, kan ek maar net sê: Mense so na my hart. Mense wat strategies dink,…

Wil jy ons van iets nuuts vertel? Stuur e-pos na nuus@tuis.co.za. O, SO KOEL Wie sou raai dié koel handsak (R450, amuletlifestyle.com) is ook ’n “handige” koelsak vir snoep- en drinkgoed? Dis versier met ontwerpe van Jana Pretorius van @littlejanedesignsza en groot genoeg vir twee 750 ml-bottels. Jy kan die buitekant maklik met ’n lap afvee, terwyl die gestopte binnekant met foelie geïsoleer en bedek is met ’n swart voering. Daar is ook ’n toeritssakkie vir jou selfoon en persoonlike goedjies. Loer gerus in by Amulet in Hermanus en sien dit in lewende lywe! SPESIALE AANBOD Bestel joune aanlyn en gebruik die kode “HOME” by die betaalpunt vir ’n afslagprys van net R395! Die aanbod geld tot 31 Oktober 2023. Vir mekaar gemaak! Sage Green Deco-wasbak R3 163 en Mod…

LESERHUIS WIE WOON HIER? Maryna Crow en haar man, hul dogters, Kelly (6) en Aileen (5), Maryna se skoonma, Pauline, en Courtney die Staffordshire-terriër WAAR Die Middelland, KZN GROOTTE Huis 240 m2, eiendom 5 ha Toe Maryna Crow agt jaar gelede die ja-woord aan haar geliefde gee, het sy geweet dit sou ’n leefstylverandering meebring. “Ons albei het toe in Pretoria gewoon, maar my aanstaande man het dit duidelik gemaak dat ons waarskynlik êrens in die toekoms na die KwaZulu-Natalse platteland sou trek. Omdat ek op ’n plaas in Noordwes grootgeword het, het ek gehou van die idee om op die platteland te gaan woon,” vertel sy. “Jare gelede het ek my hart verloor op ’n uitgestrekte stuk ongerepte bosveld in ’n natuurbewaringsgebied. Daar’s riviere en watervalle, en wonderlike uitsigte…

PROJEKNOTAS • Met ’n greinstempel kan jy die effek van regte hout op enige gladde oppervlak skep. Kies jou kleure volgens die soort hout wat jy wil naboots en eksperimenteer op ’n afvalplank totdat jy die tegniek onder die knie het. • As jy hierdie effek op melamien, byvoorbeeld op kasdeure in ’n slaapkamer, wil skep, verf eers die hele kasdeur in ’n basiskleur soos Tjhoko Paint se Elvis Mix, Eye of Elsie of Elias’ Epic en bring dan die tegniek bo-oor aan. • As die oppervlak baie glad is, skuur liggies met 100-grintskuurpapier voor jy begin verf. Wat jy nodig het INKOPIELYS • lakverdunner• Tjhoko Paint in die kleure Ishmael’s Eish, Lively Lizelle en Lebo’s Light (vir die blad en houtgreintegniek) en Holiday’s Coral (vir die pote en basis)•…

Stuur tuininligting en -vrae na tuine@tuis.co.za. TOPWENK Knyp groeipunte uit sodat plante ’n meer bosagtige groeiwyse ontwikkel, en sny blomme wat verby hul fleur is af om blomvorming aan te moedig. Voed gereeld vir sterker plante met groter weerstandigheid. As jy niks meer as net ’n klein balkon het vir tuinmaak nie, het ons goeie nuus: Jy kan jou steeds met groenigheid en kleur omring. Maak net seker die kompleks waar jy bly laat plante toe en dat daar nie reëls is wat bepaal watter plante jy mag of nié mag hê nie. Maak vooraf seker hoeveel gewig jou balkon kan dra – terracottaen keramiekpotte is baie swaarder as lapsakke of plastiekpotte. Benut jou beskikbare ruimte ten beste deur ook hangmandjies te gebruik en sodoende trefkrag op oogvlak te skep.…

WIE HET HIER TUINGEMAAK? Annemarié Meyer WAAR George GROOTTE 1,2 ha GRONDTIPE Swart leemgrond OUDERDOM VAN TUIN 40 jaar Ná 40 jaar waarin sy haar paradystuin op die plaas Uitsig aan die voet van die Outeniekwaberge versorg het, moes Annemarié Meyer haar 1 200 roosbome groet. “Dit was aanvanklik vir my moeilik om met ons aftrede van Uitsig afskeid te neem omdat my man en kinders se wortels daar is en dit vir 40 jaar ons tuiste was. Maar as ek nou daaraan terugdink, besef ek die swaarste was om vir my tuin tot siens te sê en my rooskinders te groet,” gesels Annemarié. “Ek het my voorgeneem om by ons nuwe woonplek, ook op ’n plaas hier naby George, nie weer rose in oormaat te kweek nie. My suster…

Spaghetti met hoender en eier Onder R90 • Genoeg vir 4 • Voorbereiding: 20 minute Gaarmaaktyd: 15 minute • 300 g spaghetti (ons het volgraan gebruik)• 60 ml olyfolie• 4 snye suurdeegbrood (korsies afgesny), gekrummel• 2 knoffelhuisies, fyngekap• 1 brandrissie (of na smaak), fyngekap• gerasperde skil van 1 suurlemoen• 300 g mini-hoenderfilette• 15 ml gekapte platblaarpietersielie• 4-8 saggekookte eiers, afgedop en gehalveer 1 Kook die pasta vir 8 minute in soutwater tot al dente. 2 Verhit 45 ml van die olyfolie en braai die broodkrummels tot mooi bruin. Roer net voor jy dit van die hitte afhaal die knoffel, rissie en suurlemoenskil by en braai nog ’n minuut tot geurig. 3 Skep uit, verhit die orige olyfolie in dieselfde pan en braai die hoender tot mooi goudbruin en net gaar.…

AGTERBLAD Die mooiste vrou wat ek op hierdie dorp ken, lyk soos ’n klassieke Griekse godin. Swart oë, geheimsinnig en versluierd soos dié van ’n kat. Haar hals en boesem is ’n meesterwerk, dié van ’n Bernini. Met sy eie, goddelike hand gevorm in fyn albaster. Majestueus. Groot. Baie groot. Die hele vrou is groot. Nie groot soos in stewig, of mollig of plomp nie. Of fris en oorvloedig bedeeld nie. Sy is groot. Groot kwadraat. So groot, sy maak ’n tweemansofa volledig vol. Maar sy is elegant, met ’n verbysterende soepelheid en die selfvertroue van ’n swaan. “Ek is nou maar eenmaal lief vir bak,” fluister sy grootoog oor haar gewig. “As my werkdag klaar is en ek wil ontspan, dan bak ek. ’n Koek wat rys,” sê sy…

WENBRIEF Smarties of room? Engela le Roux van Bloemfontein skryf Op ’n onlangse groepfoto sien ek dat ek die enigste een met ’n rooi rok is; al die ander op die foto dra blou, grys of wit En ek wonder of ek voorafgaande kommunikasie dat ons nié helder kleure moet dra nie, misgeloop het. Maar toe besef ek daar sal altyd die roomkleuriges of helderkleuriges wees – konserwatief of waaghalsig, plein of uitspattig. Dit maak die lewe so interessant. Ek val in die Smartie-groep. Die lewe mag nie saai wees nie! Daarvan getuig selfs die brandhout by ons vuurherd. Die winter is verby en die brandhout gaan hierdie somer prettige gesprekke uitlok. Dis ’n passie! Angelique de Vries van Eersterivier skryf As binneversierder wil ek graag my liefde en passie…

LESERHUIS WIE WOON HIER? Hennie en Jolanda Aggenbach, hul dogter Yanke (12), die honde Dory en Bella, en die katte Maximus en Basil WAAR Struisbaai, Wes-Kaap GROOTTE 550 m² Toe Hennie en Jolanda Aggenbach in 2022 begin huis bou op ’n skoongemaakte erf in ’n ou deel van Struisbaai, het hulle die inwoners taamlik aan die kopkrap gehad. Die vier argitektoniese boë by die stoepe voor het party mense laat wonder of hier dalk ’n moskee aan die verrys was. “Met daardie 27 trappe na die voordeur toe het ander weer gedink dis dalk ’n wynkelder,” vertel Jolanda. Sy en Hennie lag te lekker as hulle dié stories vertel oor hul nuwe permanente tuiste op dié gewilde kusdorp. Maar ’n moskee of wynkelder was dit allermins. Ná verskeie suksesvolle opknapprojekte…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. Hou dit wettig Elma Deysel van Johannesburg skryf Ek het ’n tameletjie in my kombuis: My gas-kookplaat en my ooghoogte-oond is langs mekaar. Die vlamme van die gasbranders brand die houtpaneel regs wat die oond omhul. Wat kan ek teen die houtpaneel vassit sodat die oop vlamme dit nie beskadig nie? Sal vlekvrye staal werk, of gaan dit te warm word? Op die oomblik plaas ek ’n teël tussenin, maar dit het reeks gekraak. Willemien Kruger van Niche Design Studio in Bloemfontein antwoord Let eerstens op die regulasies vir…

Nuut! JoJo Monitor Tank Level en selfoon- app R4 999, verskeie verskaffers Mal hieroor! Sought After Seedlings se erfenissaad wat jy hierdie seisoen kan plant, sluit in: Oda Sweet Pepper (R28), Red Pear Oxheart Tomato (R25) en Watermelon Crimson Sweet (R43,99). Die saad is nie geneties gemodifiseer nie – dis gesondheid uit die grond uit! VERSKAFFERS JoJo jojo.co.za Mr Price Home mrphome.com Poetry poetrystores.co.za Sought After Seedlings soughtafterseedlings.co.za Woolworths woolworths.co.za Yuppiechef yuppiechef.com…

Wit is een van die opvallendste kleure in ’n tuin en gee ’n rustige, koel en klassieke gevoel aan ’n bedding. “Wit lyk in al vier seisoene mooi en is baie sigbaar,” sê Pietman Diener, tuin- en plantkenner van Stellenbosch. Volg sy wenke vir die gebruik van dié kleur in jou tuin: “Skep kontras deur dit saam met groen blaarplante te groepeer; of kies ’n plant in sagte grys, soos kooigoed (Helichrysum petiolare), en blomme in dowwe skakerings daarmee saam vir ’n rustige voorkoms. Selfs blomme in kontrasterende kleure soos rooi of blou is pragtig saam met wit. Dink byvoorbeeld aan ’n bedding vol wit engelvlerkies met enkele rooi papawers of dahlias tussenin, of ’n blou salie wat tussen die blomme kop uitsteek. Die bietjie kleur daarby gee die bedding…

JOU EIE MOUTERBAAIK Checkers se nuwe speelding sal die kleinspan laat wiel! Dié skopfiets (R399, uitgesoekte Checkers-supermarkte) lyk net soos hul Sixty60-bestelfietse, kompleet met ’n afleweringskas wat kan oop- en toemaak én ’n aanpasbare nommerplaat! Die fietse word in Kaapstad gemaak en is geskik vir kinders van 3 tot 10. Groot verrassing! Wat begin het as ’n ongelukkige ontmoeting in die kelder tussen ’n tenk edellaatoesrooiwyn en brandewynspiritus, het ontpop in Blaauwklippen se bes bewaarde “mistykie”: Before & After. Dié aperitief kom met al die sinlike geure van Kersspeserye (stel jou dit voor saam met ’n gorgonzola-en-peerkaaskoek!) in ’n treffende bottel. Dis net op die landgoed te koop teen R440 elk. Vind meer uit by blaauwklippen.com. ONTHOU JY NOG? Nostalgie (R360, Penguin Random House) is Herman Lensing se sewende kookboek…

Rokkies wil sy dra ... Laura Hau, gebore en getoë in Londen, stel van kleins af belang in interieurs en die kuns van beligting. Haar inspirasie? Die helder kleure en sterk patrone van die huise waarin sy grootgeword het. Toe sy van die VK na Kaapstad verhuis, het dit haar die geleentheid gegee om ’n onmiskenbaar Engelse karakter in hul gesinswoning hier te skep. “Ek het heelwat kleur in die huis ingebring en dit gekombineer met patroonstoffering. Ons het ’n paar mooi antieke meubelstukke wat ek graag saam met die gestoffeerde stukke gebruik,” vertel Laura, die eienaar van The Little Haus, wat pragtige lampe in ’n Engelse styl vervaardig met die hulp van plaaslike vakmanne. In haar leefvertrek strek ’n vars groen skakering oor die hele ruimte, ingeboude kas en…

LESERHUIS WIE WOON HIER? Chloe Buckland, haar man, Roland Williams en hul dogter Zara (9) WAAR Oranjezicht, Kaapstad GROOTTE 650 m² Om in ’n huis met soveel familiegeskiedenis te woon bied aan Chloe Buckland, haar man, Roland, en hul dogter, Zara, ’n stewige fondament vir hul bedrywige lewens – Chloe werk in die modekleinhandel en Roland in die fietsbedryf. Hul band met hierdie Victoriaanse dubbelverdieping in Oranjezicht, Kaapstad, strek oor jare, aangesien die huis eers aan Chloe se ouers, Jane en Aidie, behoort het. Hoewel Chloe 20 jaar oud was en reeds haar vlerke gesprei het toe die ouer Bucklands die eiendom gekoop het, het sy en Roland gereeld hier gekuier terwyl hulle uitgegaan het en later ook as getroude paartjie. Jane, ’n entoesiastiese versamelaar en ewig kreatiewe siel, was…

E-pos jou vrae na troeteldiere@tuis.co.za. Oulikheid vanself Wie kan nou Rusty se gevreetjie weerstaan? – Christine Theron, Cramond, KZN Toe, maak gou! Cupcake wil weet of dit nog nie tyd is vir ’n blaaskans nie. – Sunette Meissenheimer, De Doorns Op die uitkyk Maya en Zara bespied die veld. – Mareli Venter, Bloemfontein Sag, met ’n angel “En wat kyk jy miskien?” vra Karabina. – Doria Cucciolillo, Parklands Hier kom ons! Dié spannetjie sien kans vir die wye wêreld daarbuite. – Francel Rabie, Robertson Koning in my kasteel Whisky regeer alles en almal vanuit sy unieke, handgemaakte troon. – Anza du Plessis, Kaapstad Warm kopie! Die Puppy Love Pet Collection van Rialheim sluit ontwerper-eetware vir jou wolhaarmaters in. Dié handgemaakte Porkchop Combo Pet Bowl van keramiek (R399, rialheim.co.za) is nie…

ANTIPASTI-PROEBORD Antipasto is tradisioneel die eerste gang in ’n formele Italiaanse maal, maar antipasti (meervoud) word ook wyd voorgesit as kuierkos. Dit kan so eenvoudig wees soos ’n bakkie olywe, of so rojaal soos dié proebord. Hier is drie idees: 1 Kouevleis is altyd ’n wenner. Hou die opdiening interessant en maak salami-rosies. Gebruik ’n sopieglas. Vou die eerste salamiskyfie halflyf oor die rand van die glas. Oorvleuel die volgende skyfie effens oor die eerste een en voeg nog “blare” by totdat die roos mooi vol is. Keer versigtig uit op die palm van jou hand; herhaal om soveel blomme te maak soos jy wil. Gebruik verskillende geure en kleure salami en ander kouevleise. Jy kan skyfies gerookte ham met ’n koekiedrukker in sirkels sny vir kleur- en geurvariasie in…