Tabla de contenidos para Dec/Jan 2023/2024 en Tuis

Sedert 2020 is ons Desember-uitgawe nie meer ’n Kersfees-uitgawe nie, en lesers vra my soms daaroor. Die rede is eenvoudig: Toe ons nog 12 tydskrifte per jaar uitgegee het, was die Desemberuitgawe elke jaar voor Kersfees op die rak, vol Kerskos en huise met presente. Maar noudat ons net 8 uitgawes per jaar het, lê die Desember-uitgawe amper twee maande op die rak, tot diep in die nuwe jaar. En die feit is: Niemand wil ná 25 Desember ’n tydskrif met ’n Kerstema koop nie. Want so lekker soos Kersfees is, as dit verby is, is dit verby. Daarom is die tema deesdae eerder “vakansie”. Want dan kan jy nog lekker lees tot middel Januarie! Ons ken almal daardie dag-na-Kersfees-gevoel: te veel geëet en lui, met ’n yskas vol oorskiet.…

#1 Minimaluuks Dié term is ’n kombinasie van minimalisme en Japandiontwerp en beskryf die gestroopte styl wat sommige glo kenmerkend gaan wees van hierdie dekade. Party mense praat van “diskrete luukses”, waar jy minder koop en eerder in beter gehalte en tydlose styl belê. Glansafwerkings word opsygeskuif vir antieke hout en tekstuurryke klip, en opgaargoed vir eenvoud. Die fokus is op materiale met tekstuur (bouclé, growwe linne, rou hout) en ’n spel tussen glad en grof wat jou huis meer knus laat voel. #2 Uit die natuur “In die nuwe jaar val die kollig op handgemaakte dekor uit die natuur,” sê Louise Vorster, senior trendbestuurder en produkontwikkelaar by@home. “Dié voorkoms sluit organiese vorms, smee-metale en rou teksture in wat terselfdertyd vernuwend en aards is.” Loer na die nuwe seepsteenreeks bakkies,…

WIE WOON HIER? Stephen Benade, Washington Mendes en hul hondekinders, Maia, Bella en HunterWAAR Koringberg, Wes-KaapGROOTTE VAN HUIS 168 m² (soldervertrek en twee woonstelle uitgesluit) Dié storie begin by ’n worshond en gaan draai by ’n dag dat twee stadsjapies ’n huis met ’n werf van een akker in die Swartland koop. Op ’n dorp waarvan hulle nog nooit gehoor het nie. Stephen Benade vertel toe sy ma in 2018 oorlede is en hy haar worshond erf, het ’n woonstel op die agtste verdieping in Seepunt nie meer gedeug nie. Hy en sy lewensmaat, Washington Mendes, het dit verruil vir ’n huis met ’n tuintjie in Observatory, een van Kaapstad se suidelike voorstede. “Hoewel dit goed genoeg was vir die worshond, wou ons albei groter grond gehad het – en…

Muur toe! Om plek te maak vir ’n tafel is die boekrak van die vloer gelig en teen die muur gemonteer met sterk L-stutte. Naatloos Kies kashandvatsels sonder punte wat aan jou klere kan haak of verby die lip van die bankie uitstaan. Sit sag Oorweeg twee kussings langs mekaar, pleks van een lang kussing, as jy dit self maak. Nie net is dit makliker om met kleiner stukke spons en lap en korter ritssluiters te werk nie, maar die sloop sal ook nie so maklik plooie maak wanneer die kleinspan daarop kerjakker nie. Helfte-helfte Omdat die twee elemente – die lessenaar en die venstersitplek – onafhanklik van mekaar is, kan jy dit andersom rangskik indien verkies, of net een bou. Steek weg! Die laai is diep genoeg dat Johané…

RAAD E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n R500-koopbewys van Petshop Science (petshopscience.co.za) – ’n aanlyn winkel met alles wat troeteldiereienaars kort: van snoep- en speelgoed tot bykomstighede. Dis vakansietyd, en of jy nou weggaan of Jan Tuisbly se karretjie ry, daar’s soveel wat jy en jou troeteldiere saam kan doen – soos ’n lang rit per motor of ’n dag op die strand. Kry genoeg eetgoed, asook oor-die-toonbank-kalmeermiddels soos Calmeze Calming Pet Chews om hulle rustig te hou langs die pad. En wat van sonskerm, gesonde kos, reissakke en oulike uitrustings met ’n vakansietema! Besoek petshopscience.co.za vir al jou troeteldierbehoeftes. Stuur jou foto’s (minstens 2MB elk) en kontakbesonderhede na troeteldiere@tuis.co.za – jou vierpootmaat kan ook ’n wenner wees! Sien…

Lamsboud à la Jamie Jamie Oliver se lamsboud gegeur met ansjovis, knoffel en roosmaryn bly ’n treffer. Maak ’n ment- of vleissous daarby en sit jou pronkstuk voor met gestoomde heldergroen groente. Genoeg vir 8-10Voorbereiding: 30 minuteGaarmaaktyd: 1 uur en 10 minuteOondtemperatuur: 200 °C • 1 groot lamsboud (sowat 2,2 kg), heup- en boudbeen verwyder• 3 groot knoffelhuisies, in dun skyfies gesny• 4 vet ansjovisfilette, in dun repies gesny• 2 roosmaryntakkies, blaartjies afges stroop• 15 ml olyfolie• sout en peper• 2 groot uie, geskil en in kwarte gesn• 2 groot wortels, geskil en in groot stukke gesny• 3 selderystingels, grofgekap• 250 ml water• ’n paar lourierblare, tiemietakkies en pietersieliestingels 1 Maak seker die vleis is kamertemperatuur en nie yskaskoud nie. Voorverhit die oond. Maak 12 klein insnydings oral oor die…

Plaaslike smaak Vier ons eie geure met The South African Table, ’n driegangmiddagete en wynparing by Leopard’s Leap in Franschhoek. Laat sjef Christiaan Visser jou weer van voor af bewus maak van ons diverse koskultuur. Beskikbaar van Woensdag tot Saterdag om 13:00; besprekings is noodsaaklik. Besoek leopardsleap.co.za. NUWE JAAR, NUWE JY The South African Vegan Cookbook 2 (R395, NB-Uitgewers) deur Leozette Roode is helder en pragtig, en gee jou 80 verruklike veganistiese resepte wat die beplanning van plantgebaseerde maaltye maklik en smaaklik maak. WARM KOPIE! Banhoek Chilli Oil (vanaf R110, banhoekchillioil.com) word met die hand gemaak in Stellenbosch en het net genoeg rissievuur vir kook, doop en bedruip. Nou ook beskikbaar in geure soos Asian, Chipotle, Garlic, Lemon & Herb, en selfs ’n skootjie CBD. Vloeibare goud Gestook in ekstrahoë…

WIE WOON HIER? Alma Kennedy en haar man, Nico van Niekerk WAAR KalkbaaiGROOTTE 394 m² In een van die boonste strate van die idilliese dorpie Kalkbaai met sy onbelemmerde uitsig oor die hele Valsbaai, staan ’n huis vol kleur en kuns. Hier word voete-op-die-tafelontspanning hoog aanbeveel. ’n Dinamiese kombinasie van mooigoed met keurige kontras in elke hoekie van dié erfenishuis verwelkom gaste met ope arms – en dis presies waarna die Johannesburgse egpaar Alma Kennedy en Nico van Niekerk gemik het. Hul styl is treffend, innoverend, eklekties, en ook prettig en sonder pretensie. Vir hulle gaan dit veel eerder oor ’n mi casa es su casa-gevoel wanneer vriende by hul statige eeu oue wegbreekplek tussen St. James en Vishoek kom kuier. Die “deep South”, noem Kapenaars hierdie deel van die…

tuis REGRUK MET FLAIR Jo Jo FOR WATER FOR LIFEKOMPETISIE DIE PRYSE Die wenner van elke kategorie kry R25 000. Die naaswenner in elke kategorie kry R5 000. Die top-12 deelnemers kry elkeen R1 000. Een gunsteling, gekies op grond van leserstemme, kry R1 000. Bepalings en voorwaardes geld – sien tuis-fixit.netwerk24.com. So lyk ons finaliste in elke kategorie (in geen bepaalde volgorde nie): 1 SELF GEDOEN WIE Drikus en Amber ViviersWAAR DurbanvilleWAT Woonstel WIE Bernie DiedericksWAAR VilliersdorpWAT Hele huis WIE Jana en Christian ScribaWAAR KaapstadWAT Hele huis 2 UIT DIE BOKS WIE Jeremy PurenWAAR SwellendamWAT Ekohuis KYK OP BL. 64 WIE Denise NelWAAR JohannesburgWAT Stoep WIE Ryan en Carla JardineWAAR HopefieldWAT Tuin 3 O, SO MOOI WIE Jacques en An-Mari CoetzeeWAAR OudtshoornWAT Gasteverblyf WIE Ricardo en Chérie LiutWAAR PotchefstroomWAT…

VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. ’n Wenontwerp! Milestone Kitchens het in ons April 2023-uitgawe kombuiskaste ter waarde van R100 000 uitgeloof in hul Dream Design-kompetisie. Lesers is genooi om hul droomkombuis te beplan, mate te neem en hul gunsteling-eenhede aanlyn by milestonekitchens.co.za uit te soek – en dit op papier te sit. Robyn van Niekerk van Sedgefield op die Tuinroete het die beste ontwerp en motivering ingestuur waarom ’n kombuisopknap met Milestone Kitchens se losstaande kaste die perfekte oplossing vir haar gesin sou wees – en daarmee vir hulle afslag van R100 000 op ’n kombuisvernuwing losgeslaan! Robyn skryf Soveel…

Wie ken dit nie? ’n Lang, maer stuk erf wat na niks lyk nie, waarheen die wasgoeddraad, vullisblikke en watertenks gepos word. So was dit ook in die geval van Petra en Schalk Krusche se andersins baie aantreklike huis op die Steenberg-gholflandgoed in die suidelike voorstede van Kaapstad. Hoewel hul agterplaas noord front en dus lieflike son in die winter en skadu in die somer kry, was dit heeltemal onderbenut. Toe kom Covid-19. “Tydens die inperking moes ek my stokperdjies, onder meer pottebakkery, tuis beoefen,” vertel Petra. “Dit was gou duidelik dat die kleistorm en kreatiwiteit liefs nie in die huis moes plaasvind nie. Die onderbenutte agterplaas met sy noordfront-oriëntasie was die enigste plek wat ’n werkruimte kon akkommodeer.” Dit was tyd vir nuut dink. Petra het die argitek Ann-Mari…

VIER FEES! Varkvleispastei Genoeg vir 8 • 1 rol (400 g) blaardeeg• ’n bietjie geklitste eier as glaseersel VULSEL• 15 ml elk botter en olyfolie• 1 ui, gekap• 400 g dwergsampioene, gekap• 2 knoffelhuisies, gekap• 6 salieblare, gekap• 3 ml rissievlokkies• suurlemoensap na smaak• 2 koppies gaar varkvleis, gevlok• sowat 1 koppie vleissous 1 Maak die vulsel Verhit die botter en olie en braai die ui tot glansend en gaar. Skep uit maar behou die olie. Braai die sampioene tot geurig en gaar. Voeg die knoffel, salie en rissie by en roerbraai nog ’n minuut. Geur met sout, peper en suurlemoensap; verwyder van die hitte en meng die gaar uie, vleis en vleissous by. Laat afkoel (’n kouer vulsel is makliker om met deeg te bedek) en skep in ’n…

AGTERBLAD Vroeg Januarie is altyd interessant by die koffiekarretjie in ons buurt. Die kinders is weer op hok en die ouers ruil vakansiestories uit terwyl ons koffie drink. Een jong ma sê hulle Kersvakansie was in die Karoo. Haar swaer boer daar iewers en dié jaar wou hulle kampmaak onder ’n staning doringbome op die plaas, en die hele familie moet kom: Al drie die broers en hulle suster uit Nieu-Seeland en hul krose. Daar’s ’n groot sementdam vir die kinders en hope speelplek onder die bome en in die veld. “Nou’s daar nie WiFi en krag nie, nè? So niks se ge-YouTube of games en sulke goed nie. Die kinders is nog klein man, die oudste is skaars nege. Maar díkbek. Veral skoonsus Magda uit Nieu-Zeeland se tweeling, net-net…

Koel kontras Alma Kennedy en Nico van Niekerk skrik nie vir kleur nie – en het saam met die binneontwerper Sihan Wiid van Mink Design ’n fees vir die oog in hul huis in Kalkbaai geskep! “Ek het kontrasterende patrone gebruik wat mens nie sou dink kan werk nie, tog dra dit by tot die karakter en besonderse styl van dié kunstige huis,” sê Sihan. (Sien Alma en Nico se hele huis op bladsy 22). Geel Wire World-tafel beskikbaar by Mink Design; groen Acapulcostoel van Chair Crazy; matte van India Ink; kanttafel van Esque; vloerteëls van Ceramica Duik in! Ons het al talle projekte deur die Kaapstadse binne-ontwerper Etienne Hanekom gewys. Hierdie swembad in die middestad het hy saam met die beroepsverwer Ilaria Louw van Paintiques omskep in ’n ware…

E-pos jou opknap na kenners@tuis.co.za. WIE WOON HIER? Jeremy Puren en sy hondjie, MiaWAAR Swellendam-omgewing GROOTTE 6,25 m² In die winter van 2020 het Jeremy Puren Kaapstad gegroet, teruggekeer na sy ouers se plaas naby Swellendam, en ’n ongewone belofte aan homself gemaak: Hy sal van Junie tot Augustus elke aand buite in sy tent slaap, ongeag wat die weer vir die nag opdis. “Saam met die grendeltyd het groot veranderings en onsekerheid in my lewe gekom, en ek het tyd nodig gehad om dit te absorbeer,” verduidelik Jeremy. Hy wou só met ’n diep proses van persoonlike heling begin deur nader aan die natuur te leef. “Dit was terselfdertyd ’n donker tyd met min visie van wat voorlê, maar ook ’n mooi tyd van innerlike werk en denke oor…

V: Die leunstoele op bladsy 27 van jul September 2023-uitgawe was vir my baie mooi. Waar kan ek soortgelyke materiaal of stoffeerlap kry? – Alicia Gevelaar, Centurion A: Die materiaal is van Mavromac (mavromacandthegatehouse.co.za). V: Van waar is die hout-kanttafeltjie op die voorblad van die September 2023-uitgawe? – Lizelle van Jaarsveld, Kaapstad A: Dis van Eight Degrees South (eightdegreessouth.com). V: Waar kan ek die strooikussings wat 10 jaar gelede op bladsy 60 van die Mei 2013-uitgawe verskyn het, kry? – Petro Janse van Rensburg, Boksburg A: Ons het die kussingoortreksels destyds as ’n promosie-item vir Tuis laat druk. Daar is deesdae talle aanlyn ondernemings wat kussings of oortreksels kan druk, soos SmartArt (smartart.co.za) en Hope Vol Hoop (hopevolhoop.co.za). V: Ons het onlangs ’n kwotasie van ’n argitek gekry om ’n…

KORTPADKOS Heerlike sjokoladesplinterkoekies Maak 32 koekies• Voorbereiding: 20 minute Baktyd: 12 minute• Oondtemperatuur: 180 °C • 220 g botter by kamertemperatuur• 250 ml (1 koppie) donkerbruinsuiker (“treacle sugar”)• 125 ml (½ koppie) witsuiker• 2 ekstragroot eiers• 5 ml vanieljegeursel• 580 ml (2⅓ koppies) bruismeel• 150 g melksjokolade, grofgekap 1 Voorverhit die oond. Klits die botter en twee soorte suiker saam tot lig en donsig. Klits dan die eiers en vanielje daarby. Roer die meel en sjokolade by en meng deur. 2 Skep teelepels vol van die deeg in hopies op bakplate wat met bakpapier uitgevoer is – nie te na aan mekaar nie, want hulle gaan effens uitsprei. 3 Bak vir 12 minute of tot goudbruin om die rande. Die koekies sal nog effens sag wees as hulle uit die…