Tabla de contenidos para Feb/Mar 2024 en Tuis

In die doodsnikke van Desember stuur ons dié uitgawe drukkers toe, net voor almal in al die windrigtings spat vir ’n welverdiende somervakansie. Ek stel my redakteursbrief uit, want ná 12 maande van dink, is my woorde op. Maar teen middagete van sakdag, met al die ander blaaie in die fabriek, kan ek nie langer uitstel nie. Skryf moet ek skryf. Die brief moet boonop nog vertaal word. Enkele nagte tevore het ek ’n droom. Ek het ’n valskerm op my rug, want iemand het my ’n gat in die kop gepraat om te skydive. Ek onthou hoe benoud ek is, ek hou nie eers van vlieg nie, wat nog van uit ’n vliegtuig spring, selfs mét ’n valskerm? Voor my is die ander springers in hulle element – hulle…

SWART EN WIT Design Team se nuwe swart-en-wit materiaalreeks van suiwer organiese katoen (vanaf R1 295/m, designteamfabrics.co.za) is geskik vir binne en buite. Hier is (van bo) Arrow, Spikkel en Strelitzia; ook te kry in kussings vir buitegebruik. Eksotiese prentjie Die Belgiese maatskappy Masureel vervaardig muurbedekkings van topgehalte. Hul Havana Habana Rose-plakpapier kom in verskeie subtiele kleure. Die ontwerp sluit boë en hoë palmbome met tropiese plante daaronder in, afgerond met ’n krakeluur-effek – eksklusief van Hertex. Asemrowend! Muurblomme Akashic, ’n klein teëlmaatskappy van Knysna, maak muurkuns met teëls wat sorgvuldig deur geskoolde vakmanne geskep word. Ons hou van die nuwe ‘Amongst the Wildflowers’-ontwerp, hier in Terracotta en Medium White (85 x 55 mm elk; vanaf R4 140/m², akashictiles.co.za). OP DIE PLANKE Incanda stel bekend: hul nuwe matreeks, van neutraal…

Reënwater vloei van die dak af na twee JoJo-tenks van 3 500 liter aan die suidekant (sien die planne oorkant); dit word gebruik om die tuin nat te lei, en sal later in ’n warmwaterstelsel geïntegreer word. ’n Gryswaterstelsel pomp water van die stort, bad en wasmasjien na die tuin. KONTAKTE & VERSKAFFERS Andrew Sutherland andrewsutherland.me Bowhome bowhome.co.za Bruce Meissner instagram.com/brucehere Builders builders.co.za Cath Hutton-Squire instagram.com/chameleoncupcake Country Feeling countryfeeling.co.za Creative Cables creative-cables.co.za Creative Metals 082 695 5594 Creative Timber Mouldings 041 451 1280 Douglas Jones douglasjones.co.za Floradale Nurseries floradale.co.za Grant Botten Designs grantbottendesigns.co.za Groen Bespoke Wallpaper groenjan.co.za H&M Home at Superbalist superbalist.com House of Tiles houseoftiles.co.za Jacobs Joinery 082 255 4410 James Mudge Furniture Studio jamesmudge.com Jane Valken janevalken.com Mr Price Home mrphome.com Mullins Construction facebook.com/MullinsConstructionPE Mungo mungo.co.za Plumblink plumblink.co.za…

E-pos jou opknap na kenners@tuis.co.za. WIE WOON HIER?Dan Stillerman WAAR Norwood, Johannesburg GROOTTE 49 m² Terwyl Covid-19 talle mense se lewens omvergegooi het, was Dan Stillerman gelukkig om voordeel daaruit te trek. “Ek het in die grendeltyd van die huis af gewerk en meer tyd tuis deurgebring,” vertel Dan, stigter van die Excel Academy wat mense leer om die Excel-spreibladprogram slimmer te gebruik. Soos baie mense wat destyds tuis moes bly, wou Dan sy 49 m²-woonstel meer funksioneel maak sodat dit beter vir hom kon werk. “Ek stel baie belang in die mikrohuis-beweging, en het al na heelparty YouTube-video’s daaroor gekyk. Ek was verstom oor hoe mense in stede soos New York en Sydney ’n piepklein ruimte inrig deur middel van elemente wat wegvou of uitskuif sodat dit in ’n…

AGTERBLAD Nee, sê ’n ou skoolvriend uit die platteland toe ek uitvra, die Kaapse wegbreek was maar kort. Blerrie kort. Nou hoe só, vra ek verbaas, jy was dan so opgewonde. My skoon gebel om te vertel: Vyf dae in daardie vyfsterhotel, in ’n luukse suite met ’n aparte sitkamer en dubbele balkonne en uitsigte oor die see. En ’n spa met jacuzzi’s en ’n bekroonde restaurant en goed. Jy was skoon koorsig. In jou dag des lewens, het jy gesê, sou jy nooit-ooit-ooit so-iets kon bekostig nie. Die geleentheid het gekom deur sy vrou se skatryk broer wat hom onverwags vanuit sy hospitaalbed bel en die plek aanbied. Die vyfdagvakansie was bedoel om sy vrou vir hul goue bruilofsviering te verras. Hy’t bitter lank daarvoor gespaar. Maar toe lol…

WIE Aretha VisserWAAR ErmeloBESIGHEID The Green Willow Light CompanyHAAR WERK Die grafiese kunstenaar Aretha Visser eksperimenteer nou al ’n dekade lank met lasersnywerk en het The Green Willow Light Company in 2022 begin met lasergesnyde lampskerms in ontwerpe soos die GW028 (op foto, 300 mm H x 365 mm D, R745). Dié skerms, tans gesny uit Supawood, kom in die natuurlike en meer as 30 verfkleure wat in enige vertrek sal pas. “Ons het opwindende nuwe planne, soos muurdekor en ’n reeks vir kinders; ek ondersoek ook ander materiale.” Loer en bestel by greenwillowlightco.co.za. Die Indienne-versameling van Thibaut is nou eksklusief beskikbaar by St Leger and Viney! Hier is die Maggie Stripeplakpapier en ’n Harper-bank met ’n geplooide romp van Indienne Jacobean- bedrukte materiaal in Raspberry en Teal, onderlangs afgerond…

#1 TRENDY PIENK EN ORANJE Doreen de Waal se dapper kleurkeuses het ons nog altyd geïnspireer en ons is dol oor hoe sy onlangs ’n slaapkamer opgekikker het in vars skakerings van pienk en oranje. “Ek het nog altyd van pienk gehou, toe dog ek: hoekom nie?” vertel Doreen, eienaar van inAWEstays. “Noudat my dogter in Nederland woon, was haar slaapkamer die perfekte ruimte om te verfris. Die oranje gee die pienk meer woema en maak dit interessant. Ek hou van hoe vrolik dit is.” En haar gaste se reaksie? Party is sprakeloos, ander is versot daarop! DOREEN SE TOPWENKE • Met soveel pienk skakerings beskikbaar, van sag tot sterk fuchsia, is daar een vir elke styl. • Moenie huiwer om pienk met ander kleure, of selfs verskillende kleure pienk,…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. Versekering en beurtkrag Adéle Jameson van Durban skryf Ek verneem dat korttermynversekeringsmaatskappye deesdae skade weens ’n algehele onklaarraking van die kragnetwerk uitsluit. Wanneer is ek dus gedek, en wanneer nie? Theunis Smal van TS Insurance Brokers antwoord Hoewel dit verskil van een versekeringsmaatskappy na ’n volgende, sien ons wel ’n neiging dat dekking uitgesluit word in die geval van onderbrekings in die kragnetwerk. Wat die bewoording in ’n polis betref, verwys “onklaarraking van” of “onderbreking in” die kragnetwerk (Electricity Grid Failure of Interruption) na enige voorval wat lei tot ’n…

Bros hoender op klapperrys Onder R130• Genoeg vir 4• Voorbereiding: 30 minute Gaarmaaktyd: 25 minute • 250 ml jasmynrys• 250 ml kookwater• 125 ml klappermelk• 3 ml sout• 5 ml geroosterde sesamsaad• 600 g minikrummelhoenderfilette• 300 ml bevrore ertjies• 100 g vars ertjiepeule• ’n hand vol vars spinasie, gesnipper• 1 eetlepel gekapte koljander (opsioneel)• sojasous• sprietuie en suurlemoen (opsioneel) 1 Sit die rys, kookwater, klappermelk en sout in ’n kastrol en verhit tot kookpunt. Sit die deksel op sodra dit goed kook, stel die hitte op sy laagste en laat prut vir 12 minute. Haal die kastrol van die hitte af en laat staan nog 10 minute met die deksel op. Gebruik nou ’n spaan of vurk om die ryskorrels deurmekaar te krap. Die resultaat is ’n geurige, klewerige rys…

VARS IDEES Groen skerms Nell en Kevin Harris het ’n stil hoekie aan die agterkant van hul wegbreekplek op Stilbaai geskep – uit die wind en weg van die geroesemoes op die strand. “Ons moes die keermuur bou omdat ons teen ’n duin gebou het,” verduidelik Nell. James Fisk van The Pink Geranium-kwekery het waterwys Green Wall-panele alkant van die betonbank aangebring. “ ’n Ingeboude netwerk van druppers wat deur ’n geoutomatiseerde stasie beheer word, lewer die korrekte hoeveelheid water na gelang van die seisoen. Dis ’n volhoubare ontwerp wat verseker dat niks vermors word nie,” sê James. Die hoekie is afgerond met sagte grasse. Bielie van ’n baksteenbraai! Een opknapprojek lei maklik tot ’n volgende – daarvan kan Tuis se artikelredakteur, Beatrice Moore-Nöthnagel, getuig. Want nadat die Nöthnagels hul…

LESERHUIS WIE WOON HIER?Donné Putter en haar dogters, Eva (10) en Ingrid (6), asook hulle aanneemhond Trix, ’n Jack Russell-steekhaarterriër WAAR Walmer, GqeberhaGROOTTE 105 m² In 2019 het die argitek Donné Putter en haar ouers begin uitkyk vir ’n woonplek wat drie generasies kan deel. ’n Landelike Tuinroete-eiendom met twee wonings was op hulle wenslys, maar toe die Covid-19-grendeltyd aanbreek, het hulle gou besef dat Donné se ouerhuis reeds aan al hulle vereistes voldoen. “Toe die epidemie in 2020 toeslaan, is ek en my gesin van Kaapstad na Gqeberha, waar ons die volgende paar weke in my ouers se 100 jaar oue Walmer-huis sou deurbring. Ons het saam aangesit vir etes, ek het die kinders tuis onderrig en van die huis af gewerk,” onthou Donné. “Dit was in hierdie onseker…

WIE WOON HIER?Jana en Christian Scriba en hulle katte, Matisse en CezanneGROOTTE 175 m² op ’n erf van 312 m²WAAR Mowbray, Kaapstad Ons lyk miskien soos argitekte, maar ons is eintlik maanligkontrakteurs,” spot Christian oor die huis waaraan hy en Jana nagte, naweke en alle ledige ure werskaf sedert hulle dit in 2020 gekoop het. Dis die argitek-egpaar se eerste huis saam, en ’n opknapstorie wat met ’n troue begin. “Die huis is nou 125 jaar oud,” vertel Jana. “Die houtvloere en mure was bruikbaar maar die dak was deurgeroes, die uitleg donker en onprakties, die badkamer so goed soos buite met toegang deur ’n onderdakbinnehof, en die agtertuin en berguitsig was agter mure versteek.” Vir hulle het dit alles die belofte ingehou van ’n wonderlike kreatiewe uitlaatklep en probleem-oplossings.…

DIE PRYSE Die wenner van elke kategorie kry R25 000.Die naaswenner in elke kategorie kry R5 000.Een gunsteling, gekies op grond van leserstemme, kry R5 000. DIE ROOM VAN DIE OES Dis nou al 15 jaar dat ons Regruk met Flair-kompetisie telkens ’n viering van styl, vernuf en pure harde werk is – en elke jaar oortref die inskrywings ons verwagtinge. Die 2023-kompetisie, weer in vennootskap met JoJo, was geen uitsondering nie. Ons het reeds van die huise en ander ruimtes in Tuis gewys, want ons kon nie wag om dit met ons lesers te deel nie. Maar hier is nou die amptelike lys van 2023 se wenners en naaswenners. Al dié huiseienaars kan trots wees op wat hulle vermag het, en ons gaan hul prestasies in Februarie by ’n…

E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n geskenkbewys ter waarde van R500 van Petshop Science. Dié winkel hou alles aan wat troeteldiereienaars kan vra – van snoepgoed tot speelgoed en bykomstighede. Rig jou dieremaat se hoekie so in dat dit pragtig deel vorm van jou dekor. Begin met ’n ankerstuk soos dié knus Pet Shop Oxford Dog Bed en voltooi die prentjie met bykomstighede soos speelgoed, muurkuns, ’n mat en kosbakke. Petshop Science verskaf ’n reeks troeteldierbeddens in helder én gedempte kleure wat by enige dekor pas. Stuur jou foto’s (minstens 2MB elk) en kontakbesonderhede na troeteldiere@tuis.co.za – jou troeteldier kan ook ’n wenner wees! Sien ons kompetisiereëls op bl. 128. V&A Stuipe by honde Nina Shaw van Durban skryf…

’N KOEL NUWE GEUR Geniet die somer met Dairymaid se nuwe Country Fresh Lemon Cream Flavoured Ice Cream (vanaf R79,99, kleinhandelaars landwyd). Besoek dairymaid.co.za. MENG ’N PAS Nuwe Bobbin-kershouers (R420 elk, thelittlehaus.co.za) kom in agt hoëglanskleure en word een-een of in pare verkoop. Gebruik dit liefs met drupvrye kerse en skep ’n feestelike prentjie. VIR DIE VERSAMELAAR The Test Kitchen (R1 500, Penguin Random House) is ’n hardebandboek met 520 bladsye, die eerste uit die pen van die bekroonde sjef Luke Dale-Roberts. Hy brei daarin uit oor sy persoonlike kulinêre filosofie, hoe The Test Kitchen ontstaan het, en die inspirasie agter heelparty van dié restaurant se besonderse geregte. Gedurende die 11 jaar van sy bestaan is The Test Kitchen geprys vir die nuwe wêreld van geur en tekstuur wat op…