Tabla de contenidos para August 2024 en Tuis

Dis ’n besondere groep mense wat steeds tydskrifte lees. Dis ’n gemeenskap van eendersdenkendes. Met ’n gedeelde liefde vir iets tasbaars vashou in jou hand – papier onder jou vingerpunte, die gewig van ’n tydskrif propvol mooi inhoud in jou hand. Onlangs het twee voorvalle my weer herinner waarom ek so sê. Riekie Kruger stuur vir my ’n brief oor ’n tapisserie wat sy by ’n tweedehandswinkel raakgeloop en toe daarvan ’n strooikussing gemaak het. En kan jy glo, nadat ons dit op die brieweblad in die Oktober/November 2023-uitgawe van Tuis geplaas het, laat weet Yvonne Millar dat sy die tapisserie herken: Dit was haar ma s’n. Toe hulle na ’n kleiner plekkie moes trek, het sy die meeste van haar ma se tapisserieë vir ’n hospieswinkel gegee. En dis…

KOL-KOL Luiperdpatrone vat weer die mode en dekor oor – en Design Team se Leopard Spot bly ’n topverkoper. Lap agter in Leopard Spot Pink (R1 295/m) met kussings (R1 350 elk) in Camel (onder) en Blue (bo). Gaan na designteamfabrics.co.za ELKE HOND… Ons het Mervyn Dragsund se oulike kreatuurtjies van polihars aanlyn ontdek en is verlief op sy hondjies! Besoek compositedecor.co.za om nog te sien en jou bestelling te plaas. Oranje en swart worshonde (2.4 kg; 500 mm L x 320 mm H x 150 mm B) R1 500 elk BESTE BÊREPLEK Popstrukt se nuwe Bon Bon Double Locker (R10 999, popstrukt.com) bied ruim bêreplek met laaie en verstelbare rakke. Aanlyn beskikbaar in Soft White (op foto) of Moss Grey. Dit is ideaal vir jou huis én kantoor. MOOISTE…

WIE WOON HIER? Alison en Chris ReynoldsWAAR Napier, OverbergGROOTTE 168 m2 Wanneer ’n mens op ’n grondpad in Napier na ’n kothuis genaamd Barncroft ry, verwag jy beslis nie ’n dapper kombinasie van sitruskleure en helderpienk skakerings nie. En nes jou oë wil-wil rustig raak, sien jy ’n magdom patrone is ook na hierdie wilde partytjie genooi. “Ek floreer op kleur; ek kan my nie my lewe in ’n steriele roomkleurige of wit omgewing indink nie,” sê Alison, wat haar interieurontwerp-onderneming, The Painted Door Design Co., 30 jaar gelede in Kaapstad gestig het. Alison en haar man, Chris, het hulle harte in September 2020 op die kothuis verloor, maar hulle soektog na die perfekte naweekhuis was geen seepgladde proses nie. “Dit moes niks meer as twee uur se ry uit…

BALKON Die ruim balkon van 60 m 2 is verdeel in ’n buite-eet- en -sitarea en ’n sonkamer wat as Anna-Lize se tuiskantoor dien. Tydens die opknapprojek is groot stapeldeure tussen die kombuis en balkon geïnstalleer. “Dis ongelooflik romanties om tydens aandete oor die stadsliggies uit te kyk,” sê Simon. “Die donderstorms is asemrowend!” Kunsgras van Eurotrend, tafel en stoele van Decofurn Furniture, tafellopers van Design Team KOMBUIS ’n Swart-en-wit palet is regdeur die woonstel te sien, maar net die kombuis en Simon se kantoor het swart mure. “Dis die natuurlike lig wat dit laat werk; daarsonder kan swart baie leweloos lyk,” sê Anna-Lize. ’n Strukturele latei is swart geverf om die sitkamer van die kombuis te skei en die hoë dak te aksentueer. WIE WOON HIER? Simon en…

VERSKAFFERS Babylonstoren shop.babylonstoren.com Garden Bleu gardenbleu.shop India Ink indiaink.co.za K.Light klight.co.za Mr Price Home mrphome.com Patio Warehouse patiowarehouse.co.za Superbalist superbalist.com Yuppiechef yuppiechef.com…

Ham-en-kaas-spaghetti Onder R110 • Genoeg vir 4 • Voorbereiding: 10 minute Gaarmaaktyd: 8 minute • 400 g spaghetti• 15 ml olyfolie• 80 ml botter• 2 vet knoffelhuisies, dun gesny• 300 g gerookte ham, in repies gesny• 125 ml gerasperde parmesaan 1 Kook die spaghetti in soutwater tot al dente. 2 Verhit die olie en botter saam in ’n groot pan terwyl die pasta kook en braai die knoffel oor lae hitte tot dit net begin verkleur. Roer die ham by en braai vir nog ’n paar minute. 3 Sodra die pasta gaar is, skep dit so bietjie nat oor in die pan met die botter, voeg die helfte van die parmesaan by en vou alles saam. Skud die pan. Jy kan dit ook soos ’n pannekoek in die lug gooi…

WENBRIEF Blessie en Isadora Sorita Stofberg van Wellington in die Wes-Kaap skryf Na aanleiding van die wenbrief in Tuis van Mei vanjaar (Storie van ’n buffeltrofee), wil ek graag vertel hoe Blessie Isadora geword het. Toe ek ’n ruk gelede by ’n vriendin inloer, is haar man en seun besig om hulle motorhuis uit te pak. Ek sien ’n opgestopte blesbokkop agterop die bakkie lê, reg om vullisgate toe te gaan. Ek vra of ek asseblief die bok kan red – ek kon my nie indink dat hy daar tussen die vullis moes gaan lê nie! Pa en seun kon nie glo dat ek die bok wou hê nie, want hy was erg gehawend. Tuis het ek hom skoongemaak en toe is ek winkel toe om ’n skeermasjien te gaan…

1 Dramatiese boog “Ek is lief vir boë en gebruik dit oral waar ek kan,” sê Tammy Holmes van Ivy Décor & Design. “Die een op die foto bring drama en ’n gevoel van weelde terwyl dit ook praktiese pakplek bied.” Die fokusmuur agter die bad was die ideale plek vir ’n boog. Outydse muurpapier is verwyder en vervang met geseëlde sparre van soliede eikehout. Dit gee ’n heel nuwe, vars voorkoms aan die badkamer. PATRONE Patroonvloerteëls gee persoonlikheid aan ’n badkamer, veral as die ander toebehore meer ernstig en gedemp is. “Dié geometriese teëls in drie kleure werk veral goed omdat jy die patroon anders kan lê in ander badkamerareas soos ’n aparte toilet en stort, terwyl die voorkoms en gevoel konsekwent bly,” sê Tammy. HORTJIES Hortjies skep ’n…

E-pos jou vrae na kenners@tuis.co.za Ontmoet die ontwerper Bêre dit mooi Adriaan Louw se droom toe hy Popstrukt sewe jaar gelede begin het, was om ’n eenvoudige, pragtige meubelreeks te skep. Vandag is Popstrukt bekend vir sy kleurryke, kontemporêre staalkabinette, wat ook onlangs in Nederland bekendgestel is. Hier is sy topwenke as dit kom by praktiese bêreoplossings: Hou dit prakties Wanneer jy meubels kies, lê klem op dié wat doeltreffende bêreplek bied. Soek ontwerpe met praktiese kenmerke soos verstelbare rakke, openings waardeur kabels kan pas, relings vir hangplek en laaie om jou vertrekke georganiseer en sonder rondlêgoed te hou. Kies meubels wat die maksimum bêreplek bied sonder om styl of funksionaliteit prys te gee. Ontwerp Neem jou huisversiering na die volgende vlak met meubels waar funksie en vorm ewe belangrik…

Oe la la-biefbredie Franse Bœuf Bourguignon gemaak met knopiesampioene, gerookte spek, rooiwyn en knoffel word stadig gaargemaak om uiteindelik jou tafelgenote se harte warm te maak. Genoeg vir 6Voorbereiding: 1 uurGaarmaaktyd: 3 uur 15 minuteOondtemperatuur: 160 °C • 15 ml olyfolie• 200 g dik spekrepe, in stukkies gesny• 1,5 kg kortribskywe, oor die been gesny (nie saam met die been nie)• 1 vet wortel, geskil en grof gekap• 1 ui, gehalveer en dun gesny• 30 ml meel• 750 ml droë rooiwyn• 500 ml biefaftreksel• 15 ml tamatiepasta• 5 takkies tiemie• 3 lourierblare, gekneus (jy kan ook gedroog gebruik)• 30 ml botter• 18 klein uitjies, geskil• 500 g knopiesampioene• 4 knoffelhuisies, gekap• 60 ml platblaar-pietersielie, gekap 1 Verhit die olie in ’n diep, oondvaste kastrol en braai die spek tot mooi…

Dis droomland dié Die hoofslaapkamer in The Manor House by Le Jardin in Stellenbosch wys dat die idee van speelse vertrekke nooit verouder nie. Hier word ’n wonderwêreld geskep deur ’n gesofistikeerde vermenging van ’n koninggrootte donkerhoutbed, weelderige linne en treffende muurpapier. Die eienaars, Sue en Bernard Fontannaz, het hul erfenishuis omskep in ’n eksklusiewe villa wat gesinne kan huur om saam te ontspan. “Ons het African Sketchbook Fine Art Fabrics vir die gordyne en muurpapier gebruik omdat hulle alles met die hand doen en werk skep in die omliggende gemeenskap. Ons wou dié vertrek vul met die oorvloed van Afrika sodat jy voel asof jy diep in ’n woud vol blomme en vriendelike diere slaap,” sê Sue. Wie skrik vir kleur? Kinders reageer goed op primêre kleure en wanneer…

WIE WOON HIER? Tina en Matthew le Cordeur en hul twee kleutersWAAR KaapstadGROOTTE 350 m² Huis soek sit nie in elkeen se broek nie, maar die kunskonsultant Tina le Cordeur geniet die proses. Trouens, een van haar gunsteling-aktiwiteite is om dop te hou waar huise op die mark kom, ewig hoopvol dat sy eendag “net die regte een” sal raakloop. En hét die soektog nie vrugte afgewerp nie! Want ná die soveelste huis wat hulle bekyk het, was daar uiteindelik ’n kolskoot. Toe Tina en manlief Matthew vyf jaar gelede die voorhekkie van dié pragplek in Tamboerskloof oopswaai, was hulle skoon betower deur die fabelagtige lushof wat hulle verwelkom het. ’n Geplaveide paadjie het gelei deur ’n fraai feetjietuin na bo waar die boerpot gewag het: ’n indrukwekkende Victoriaanse stadswoning…

Al die beste bykomstighede MOOI SKOON Teëlkuns FINALE AFRONDING VERSKAFFERS Antjies antjies.com Decobella decobella.co.za Hertex Haus hertexhaus.co.za Italtile italtile.co.za Jeeves jeeves.co.za Leroy Merlin leroymerlin.co.za Pedersen + Lennard pedersenlennard.co.za Room Service Homeware roomservicehomeware.co.za Stiles stiles.co.za Yuppiechef yuppiechef.com…

Stuur tuininligting en -vrae na tuine@tuis.co.za Vertikale tuinmaak gaan oor plante wat af- of opgroei – teen heinings, mure, balkonrelings, terrasplantbakke, vertikale plantbakke of herwinde geute. Daar is voordele ook, want omdat lugsirkulasie om die blare beter is, is daar minder swamsiektes en dis makliker om die plant water te gee sonder dat die blare nat word. Omdat vrugte nie op die grond lê nie, keer dit ook dat dit vrot. VIR TRALIES, HEININGS, OBELISKE, EN DRIEHOEK-RANKSTAANDERS Kweek groente wat geneig is om teen stutte op te rank. Voorbeelde hiervan is rankboontjies, tuinertjies, suikerertjies, komkommers, skorsies en botterskorsie. Ranktamaties klou nie vanself nie, maar kan wel aan tralies of pale vasgebind word waarteen hulle dan sal oprank. Probeer dié variëteite Rankboontjies ‘White Emergo’, rank-ertjies ‘Sugar Snap’, komkommer ‘Sweet Burpless’, skorsie…

E-pos jou vrae na troeteldiere@tuis.co.za Randfiguur Pasop vir die afgrond, Gemmer! – Wanda Meyer, Montagu Piekniektyd! Dié vier vriende gaan bietjie uitspan. – Mariëtte Lombard, Dealesville En dié? “Moet ek hom jaag?” vra Winston. – Marucelle Marais, Bloemfontein Ek’s ’n dapper muis! Lilly bly snoesig in haar muishuisie. – Marilize Nel, Brackenfell Kyk hoe kyk hy vir my Custard Bun is diep in gedagte. – Christelle Bekker, Somerset-Wes Sy kyk met ’n houtoog Gabby hou wag. – Claudette Neil, Gqeberha WEN! Die eienaars van die diere op die foto’s wen elk ’n R500-geskenkbewys van Petshop Science (petshopscience.co.za). Kry alles wat jou troeteldiere nodig het onder een dak by Petshop Science waar kundige winkelassistente jou sal help om die regte keuse te maak. Wanneer die koue winterweer dit vir troeteldiere moeilik…

Genoeg vir 12 porsies • Voorbereiding: 20 minute • Baktyd: 30 minute • Oondtemperatuur: 180 ºC • 250 g medjool-dadels, ontpit en gekap• 5 ml koeksoda• 250 ml kookwater• 125 ml botter, sag• 180 ml ligte bruinsuiker• 3 groot eiers• 5 ml vanieljegeursel (of 10 ml brandewyn)• 375 ml bruismeel, gesif• gerasperde skil van 1 lemoen• 60 ml gekapte gekristalliseerde gemmer SOUS • 250 ml sagte bruinsuiker• 80 ml botter• 250 ml dubbeldik room• 3 ml vanieljegeursel 1 Meng die dadels en die koeksoda met kookwater. Roer tot gemeng en plaas eenkant vir 30 minute. Maak fyn met ’n staafmenger. 2 Voorverhit die oond. Klits die sagte botter en bruinsuiker saam tot lig en donsig. Klits die eiers een vir een by. As dit lyk of die mengsel skif, moenie…

Bespreek nou! Die Kaapstadse seekosrestaurant Galjoen bied ’n winterspyskaart vir ’n middagete met verskeie gange tot einde Augustus teen R550 per persoon. Die eienaars en sjefs Neil Swart en Anouchka Horn het tesame met die hoofsjef Isca Stoltz ’n opwindende spyskaart bedink met vars seekos wat hulle volhoubaar verkry. Bespeek jou tafel by galjoencpt.co.za. Njam, afval! Woolworths se nuwe moeitelose, stadiggaargemaakte beesafval (R149, woolworths.co.za) is binne net 30 minute gereed! Vir ’n kinkel in die tradisionele resep gaan kyk by woolworths.co.za na die kerrieafval wat die senior produkontwikkelaar Sharon Mbonambi (bo) maak. JAPTRAP-KOS Ons hou baie van die nuwe Foodie!-reeks van Checkers: gerieflike klaargaar-etes, verhiten-eet-soppe, vars souse en smere. Ons het die Baked Loaded Mac & Cheese (900 g; R159.99, checkers.co.za) geproe – te lekker! WYN VIR DIE KAGGEL…

AGTERBLAD My ouma het haar laaste jare in ’n kamer in ’n ouetehuis op Calvinia deurgebring. Daar was plek vir haar naaimasjien, die ou rottangstoel waarin sy graag gesit het en, langsaan, ’n rakkie vir haar Bybel en die radio. Haar venster het uitgekyk op ’n treurgroen peperboom in ’n kaalgeharkte agterjaart. En ’n stukkie van die Hantamberge. Sy was tevrede, my ouma. My herinnering aan die kamer is vaag – meer indruk as presies. Ek onthou die warm reuk van kraaknuwe lap wat sy heen en weer, zirrrr, onder haar naaimasjien se sigsagvoetjie stoot, stofrafels wat lui in die sonlig dans en die goue lig wat laatmiddag oor haar rottangstoel val. Maar nou en dan duik daar tog ’n helder moment uit die newels op, onthou ek ineens iets…