Tabla de contenidos para Sep/Oct 2024 en Tuis

Dit het als begin met die flentermop wat my huishulp, die onvolprese Margaret Goba, eendag onderstebo in die hoek by die wasgoedlyn geparkeer het, met ’n bestelling vir ’n nuwe een. Ek kon sien waarom. Daar in die hoekie van my piepklein agterjaart het die mop op sy steel gestaan. ’n Lewensmoeë rocker kon nie slegter lyk nie, die mop se hare in toiings wat na benede drup soos was van ’n brandende kers. Natuurlik het die bestelling vir ’n nuwe mop my ontgaan, meestal omdat ek deesdae een van Daai Mense is wat als laat aanry op Sixty60, en ’n mop kry jy (nog) nie op die app nie. Daarvoor moet ek in die kar klim, parkeerplek soek en self een gaan uitsoek. Maar ek bly in Kaapstad. “Parkeerplek…

Uitgestal Die Haldane Martinontwerpateljee is bekend vir hul reeks buitemeubels van topgehalte. Besoekers aan die indrukwekkende nuwe toonlokaal by Soutrivierweg 57 in Soutrivier, Kaapstad, kan die ontwerpe eerstehands ervaar in ’n groot, ligdeurdrenkte ruimte. Besoek haldane.co.za. vir nog inligting. NATUURLIKE OPSIE Die plaaslik vervaardigde Oakland Wood-teëls word gemaak van ekovriendelike materiale en eggo die natuurlike voorkoms van hout met ’n mat afwerking. Vir ekstra veiligheid bied die Naturalopsie ’n glybestande tekstuur. Ons hou van die mat Oakland Wood Natural-teël met skerp rande (220 x 89 5mm; R269/m2, italtile.co.za). SWART EN WIT! Woolworths spog met ’n nuwe reeks gestreepte tekstiele en buitemeubels. Ons hou van die gestreepte strandhanddoek van 100% katoen, uitvou-dekstoel van beukehout met sy bleikbestande katoenkussing en die sjiek strandsambreel met UVB30-materiaal en verlengbare paal wat kan kantel. Besoek…

PROJEKGIDS Harde werk 5/10 Vaardigheidsvlak 5/10 Tyd nodig 1-2 uur Maak twee kassies vir ± R5 000: Wit melamien R850, beukelaaghout R2 050, 18 mm-MDF R860, laaispore R240, skroewe R40, wiele R680, Annie Sloan Dark Wax R240 Wat jy nodig het INKOPIELYS (VIR TWEE KASSIES) • 16 mm- wit melamienbord, gesaag in die volgende panele: vier 464 x 375 mm-panele (sye, kasraam) vier 375 x 332 mm-panele (bo- en onderkante, kasraam) twee 438 x 332 mm (kas-rugkante) agt 273 x 150 mm (laai-voor- en -agterkante) agt 350 x 150 mm (laaisye) vier 318 x 273 mm (laaibodems) • 18 mm-beukelaaghout, gesaag in die volgende panele: vier 464 x 400 mm (buitepanele, kas) vier 400 x 400 mm (bo- en onderpanele, kas) • 18 mm-MDF, gesaag in die volgende panele: vier…

TOPWENK Die meeste saad het lig nodig om te ontkiem. Plaas jou saadkassies op ’n warm, sonnige plek. Of jy saad saai of eenjariges plant, behoorlike beplanning is die eerste stap om jou doelwitte vir ’n lentetuin te bereik: • Watter soort plantparadys het jy in gedagte? ’n Blombedding wat dwarsdeur die seisoene ’n kleurespel bied? ’n Blaarryke pottetuin? Of dalk ’n wonderlike mengsel van al twee? As jy weet wat jou doelwitte is, sal dit jou help om die perfekte plante vir jou plek te kies. • Suid-Afrika is ’n land van sonskyndiversiteit, hou dus jou plaaslike toestande in gedagte. Kies sonliewende supersterre soos afrikaners, gazanias, en selfs sekere vetplantsoorte soos die blouaalwyn (Aloe striata) as jy in die Wes-Kaap woon. In KwaZulu-Natal kan jy plante kies wat hou…

E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n R500-geskenkbewys van Petshop Science (petshopscience.co.za). Kry alles wat jou troeteldiere nodig het onder een dak by Petshop Science waar kundige winkelassistente jou sal help om die regte keuse te maak. Enige troeteldier is lief vir ’n lekker happie. Dis ideaal om goeie gedrag mee te beloon, kan tandgesondheids- en voedingsvoordele inhou en is natuurlik wonderlik as jy sommer net bietjie ekstra liefde wil gee. Maar moenie te veel gee nie, want dit kan tot vetsug en ander gesondheidsprobleme lei. Petshop Science bied ’n reeks smaaklike happies, soos HealthyBites (65 g; R89.99) wat katte se tande help skoon hou, Montego Bags O’ Wags Mighty Treats Crunchies (1 kg; R89.99) en Small Batch Chicken Jerky…

Gepiekelde varktjops met harissa Dié heerlike tjops word gemarineer in ’n sout-suikerpekel wat verseker die vleis is sag, sappig en goed gegeur. ’n Tomahawk-varktjop is ’n groot lendetjop met ’n stukkie rib aan die lang been. Genoeg vir 4 • Voorbereiding: 20 minute, plus marineertyd • Braaityd: 20 minute • 4 tomahawk-varktjops (2 cm dik), vel verwyder• 30 ml harissasmeer• 30 ml olyfolie PEKEL • 500 ml kookwater• 60 ml suiker• 60 ml kosjersout (of growwe sout)• 1 stuk sterasys• 5 ml pekelspeserye (koljander, komyn, lourierblaar en mosterdsaadjies) Om mee te begin: Maak die pekel deur al die bestanddele saam te roer sodat die sout en suiker kan oplos. Laat heeltemal afkoel. 1 Sit die vleis in ’n vlak metaal- of glasbak en bedek met die koue pekel. Laat marineer vir minstens…

Twee jaar gelede het hulle hier aangekom. Uit die bloute neergedaal, letterlik. Soos twee moeë engele het hulle in die voortuin neergestryk, tussen die gesiggies in. Eers met die een oog en toe met ’n ander vir mekaar gekyk. Hulle vaal ou vlerke gedweë agter hulle rûe ingevou en oor die sekelsnawels om hulle rondgekyk – na die gesiggies en viooltjies uitbundig in die bedding en die tollende bondels bloureën wat oor die veranda by die voordeur rank. Hul plat, plegtige gevrete was vol moeë meerwaardigheid vir al dié vals ligsinnigheid. Toe word daar skouers opgehaal en begin met werk. Die lang, krom snawels wat eers delikaat, en dan met meer drif en selfs innige venyn die klam grond binneklief en begeesterd daar in die donker digtheid rondwroet. En klokslag…

WENBRIEF Retoesj wat?! Chrissie Laubscher van Meyerton skryf Die eerste twee dinge wat ek doen wanneer ek my Tuis oopmaak, is om voor die redakteursbrief te lees en dan agtertoe te blaai na Karen Brynard se rubriek. Want sien, ek lief die hele Tuis. Maar ek is ook baie lief vir my taal en trots om Afrikaans te wees. Ek het al menigmaal geproes of ’n traan gepink oor iedereen van Wicus of Karin se bydraes. Lekker, in Afrikaans! Só lees ek weer die redakteursbrief eerste in die Junie/Julie-uitgawe en my oog vang die woord “retoesjeerders”. Onmiddellik Google ek “retoesjeer”, want nog nóóit het ek dié woord gehoor nie. En daar ontdek ek nog ’n vonds in Afrikaans! Op Maroela Media se webtuiste staan: “Ons almal is waarskynlik bekend met…

WIE WOON HIER? Marcus en Maryke Viljoen en hulle honde, Anna Pavlova, Romeo en CindyWAAR Vishoek, KaapstadGROOTTE 374 m² Toe Maryke en Marcus Viljoen rondom 2018 hulle eerste blyplek saam wou koop, was hulle soos menige Kapenaar ontnugter deur huispryse. “Ek dink toe, maar hoekom koop ons nie net ’n erf en laat bou ons eie vraghouerhuis nie?” vertel Marcus. “Dit sou minder kos as ’n bestaande huis wat opgeknap moet word. Vraghouers is nes Legoblokkies; dis ’n modulêre boumetode en ’n mens kan heerlik rondspeel met die uitleg.” Boonop bruis die kreatiwiteit sterk in Marcus en Maryke se are. Marcus is ’n joga-instrukteur en kunstenaar; Maryke, wat fotografie en kuns studeer het, is sosialemediabestuurder van ’n Amerikaanse maatskappy en het ’n illustrasie-onderneming. ’n Erf teen die hang van die…

WIE WOON HIER? Yulande RoxWAAR PringlebaaiGROOTTE 20 m² As mikrohuise en hoe om elke sentimeter te laat tel, jou besigheid is, maak dit seker sin om self in een te woon, of hoe? Dit is presies Yulande Rox se filosofie. Sy het Tinyhome Africa in 2020 gestig en woon by tye in die eerste prototipe wat sy gebou het. Sedert dié een in Pringlebaai staangemaak is, het sy en haar span al byna 50 mikrohuise opgerig. “Ons was die afgelope vier jaar op ’n ongelooflike reis van leer en ontdekking,” vertel Yulande. “Ek geniet op die oomblik die voorreg om in my eie mikrohuis te woon wanneer ek in Suid-Afrika is. Ek is besig om ’n retreat te bou in Rooi-Els hier naby en dié huisie sal soontoe trek as…

Top-tekstiele wat hou Lenore Schroeder se pad as tekstielontwerper het haar geleer ’n besondere stuk materiaal is meer as net mooi; dit het te make met die keuse van ru-materiale, die manier van vervaardiging en die aandag aan detail en duursaamheid. “Die kleure en styl is net die kersie op die koek!” sê sy. “Deesdae word die meeste van die wêreld se tekstiele op ’n reuseskaal op hoëspoedweeframe gemaak. Die koste van die produkte word afgebring deur die gebruik van minderwaardige weefdraad, dun materiaal en min sprake van ontwerpverskeidenheid of identiteit. “By Mungo respekteer ons die tekstiel deur tyd, kreatiwiteit en ru-stowwe van goeie gehalte in te span om ’n pragtige produk te verseker wat sal hou.” LENORE SE TOPWENKE Kombers of oorgooideken? Albei gee warmte en gerief, maar hulle…

Nelly Poonyane se belangstelling in blomme het begin terwyl sy in Bloemfontein in die funksiebedryf gewerk het. “Ek was by die beplanning, stilering en dekor vir geleenthede soos troues en partytjies betrokke. ’n Groot deel van die begroting het gegaan aan blomme en blommerangskikkings, wat uitgekontrakteer was. Ek het besef ek kon koste besnoei en winste verhoog as ek die blomme aankoop en self rangskik,” onthou sy. Met dié doel voor oë het sy in Johannesburg gaan leer blomme rangskik. “Ek het dit só geniet dat ek teruggegaan het vir ’n gevorderde kursus,” vertel sy. Die leerplan het ’n besoek aan die blommemark in City Deep ingesluit waar sy geleer het hoe om blomme uit te soek, van die kwekers ontmoet het en die verwikkeldhede van ’n blomveiling ervaar het.…

Hoenderslaai met pesto-jogurt Onder R110 • Genoeg vir 4 as ligte ete Voorbereiding 20 minute • Gaarmaaktyd 10 minute • 400 g mini-hoenderfilette• 30 ml olyfolie• 1 panini, in skyfies gesny• ’n groot klont botter• 60 ml ongegeurde jogurt• 30 ml pesto, jou gunsteling• 100 g sagte, sappige, gemengde blaarslaai• 1 klein komkommer, in skyfies gesny• 2 ryp avokado’s, geskil en in skywe gesny• 8 eiers, gekook, afgedop en deurgesny• ’n strooisel vars basilie vir garnering 1 Meng die hoender met die helfte van die olyfolie, sout en swartpeper na smaak. Braai in ’n dikboompan tot goudbruin en gaar; skep uit om effens af te koel. 2 Smeer die paniniskywe met die botter, sny die skywe in blokkies en braai in die oorblywende olie in dieselfde pan as die hoender tot bruin en bros. Geur…

WIE WOON HIER? Sarah Jane (Janey) en Cecil Bosman en hul kinders, Louis (11), Josephine-Rose (6) en Iris Margot (2)WAAR Simonstad, Kaapse SkiereilandGROOTTE 150 m² Jy sal vergewe word as jy dink jy is op ’n klein Griekse eiland wanneer jy Janey en Cecil Bosman se varswit huis met sy ontspanne gevoel, ongelooflike uitsig oor die Atlantiese Oseaan en pragtige patrone en gedrukte materiale sien. Met drie kinders tussen twee en 11 en ’n skare troeteldiere is dié Simonstadse huis ’n warboel van aktiwiteit. Die gesin se ander lede is die honde Rajah, Diggi en Rupi, ’n kat genaamd Pondecherry en ’n skool vissies by name Pop, Pa en Dom! Miskien is dit juis vanweë hierdie besige huishouding dat Janey in die eerste plek ’n rustige wit “skilderdoek” gekies het.…

DIE EIENAARS Mark Thomas en Heidi Facey-ThomasWAAR Rosebank, KaapstadGROOTTE Amper-amper 24 m2 Die solderbed is baie spesiaal – jy voel asof jy tussen die bome slaap, en soggens is die voëllewe absoluut ongelooflik. – Anna Thomas Die verhaal van die houtkajuit wat die argitek Mark Thomas tussen hoë bome in sy agterplaas gebou het, begin by ’n pragtige stel kiaatmotorhuisdeure wat telkens wanneer hy ’n draai maak by die pakplek langs sy huis, blykbaar vir hom “gefluister” het. Dit was rondom 2008, en Mark het oorspronklik ’n ruimte van 2,8 x 5m (14 m2) ontwerp, wat deur die mates van daardie einste motorhuisdeure bepaal is. “Die ontwerp van die struktuur was ook ’n impulsiewe reaksie op my behoefte aan my eie ateljee,” verduidelik Mark. “Ek wou ’n klein, kompakte en…

KOMBUIS Die nuwe oopplankombuis is op die boonste vloer. Iets waarvoor hulle baie komplimente van hul gaste kry, is die wit poeierbedekte metaalrame (oorkant). Dit is ontwerp deur Anna-Tina en haar inspirasie was industriële winkelafwerkings. Dit word hier ingespan as ’n balustrade vir die trappe wat na die onderste vloer lei en baken die kombuis af sonder die nodigheid van ’n soliede muur. Ander pasgemaakte elemente is die industriële ligte bo die kombuiseiland met die treffende kaal gloeilampe en elektriese koord wat om ’n swart poeierbedekte staalstang gedraai is. Die kombuiseenhede met hul oorspronklike 1950’s-kassies (nou swart geverf) gemeng met nuwe elemente is almal hoër as standaard gebou om Andreas se lengte te akkommodeer. LEEFAREA Versamelings en groeperings van foto’s, skilderye, dekoratiewe en natuurlike objekte in ’n hoek van die…

WAAR Kamala Karoo Sanctuary, BarrydaleGROOTTE VAN TUIN 5 300 m²OUDERDOM VAN TUIN Voortuin drie jaar, agtertuin 20 jaarGRONDTIPE Kleigrond met leiklip Met moed en baie geesdrif het Terry de Vries ’n oorgroeide tuin op Barrydale in die Klein-Karoo in ’n lushof omskep. Dit is hier waar sy haar retreat, Kamala Karoo Sanctuary, in die hart van die dorp bedryf. Kyk mens na die foto’s op hierdie bladsye kan jy nie glo wat alles eers uitgehaal moes word uit die ou tuin nie. En wat ingesit is nie, soos die 20 ton kompos wat met ’n ghrop ingedolwe is. Dié oudjoernalis het ’n hand met ’n plant. Ons het haar tuin by haar woonhuis hoog teen die voet van die Warmwaterberg in Barrydale laasjaar in die Februarie/Maart-uitgawe gewys (“Goed vir die siel”;…

Vir jou dagboek Tuindag is ’n jaarlikse viering wanneer tuiniers familie en vriende oornooi om die vrugte van hul arbeid te kom geniet. Jy is ook genooi om op Sondag, 20 Oktober deel te wees van Suid-Afrika se grootste tuinparty – op jou eie werf! Nooi jou geliefdes vir ’n oggendtee of ’n langtafel-ete of ’n luilekker piekniek – en moenie die blomkrone, Tuindag se amptelike simbool, vergeet nie. Is jy lus om iets soets voor te sit? Bak dan gerus sjef Mynhardt Joubert se papawersaadkoek. Besoek netwerk24.com/tuis vir die resep. Kry nog inspirasie by tuindag.co.za. Op die 20ste kan jy julle spesiale oomblikke en stories op sosiale media deel. Gebruik #GardenDaySA. VREESLOSE VERSNIT Dié wyn kry sy naam van die uitdagende bergfietsroete op die plaas Canetsfontein buite Wellington. Proe…