Tabla de contenidos para Dec/Jan 2024/2025 en Tuis

By ’n onlangse familietroue sê een van die nefies met die groetslag: “So, wanneer sal ons nou weer die hele familie bymekaarhê?” En antwoord sy eie vraag met: “Sien julle by die volgende troue!” Uit die hoek van die vyftigplussers kom ’n effens meer ontnugterende antwoord: “Of begrafnis.” Ons lag, want die gees is goed en die troue was ’n ware bruilof. Van ver het die mense gekom, en teen dagbreek was die jongeres, die bruid en bruidegom inkluis, saam met die laaste kanniedoods aan die kuier in die boma, gesellig saam om ’n vuur – sy steeds in haar trourok, asemrowende sleep en al. Feesvierend tot die laaste oomblik, ’n heildronk nie net op hulle troubeloftes nie, maar op die oomblik: die saamlag, ook die saamverlang. Want so is…

Stuur dekor- en leefstylnuus na johane.neilson@tuis.co.za. # 1 Opsetlik besig In Engels word dié trend beskryf as “intentional clutter”. Dis die nuwe benadering tot voller vertrekke waar jy jou omring met items wat vir jou sentimentele waarde het. Skep dwarsdeur die huis fokuspunte van visuele plesier met klein uitstallings van jou gunsteling-goed. Hou dit elegant deur nie alles op ’n hoop uit te pak nie, maar genoeg oop ruimte tussen die versamelings te los. Pineapple House Boutique Hotel is bekend vir sy kontemporêre interieurs vol interessante detail. In die sentrale kombuis kontrasteer geïntegreerde houthandvatsels in die donker kaste pragtig met die ligte fabrieksvervaardigde klip van die kombuiseiland. Die smaraggroen teëls is prettig, maar ook klassiek en die hout van die uitstalkas verskaf warmte. ’n Groot venster agter die opwasbak raam…

RAAD E-pos jou vrae na kenners@tuis.co.za. ’n Kampioen-ontwerp! In ons Maart | April 2024-uitgawe kon Milestone Kitchens-eenhede van R100 000 gewen word in ons jaarlikse Dream Design -kompetisie. Lesers is genooi om hul perfekte kombuis te konseptualiseer, die mate te neem en daarvolgens hul gunsteling-items te kies by milestonekitchens.co.za – en dan weg te spring met ’n ontwerp. Marileen Dirkse van Schalkwyk woon op ’n plaas 35 km van Willowmore in die Oos-Kaap. Haar motivering vir waarom ’n kombuisopknap met losstaande eenhede van Milestone Kitchens die perfekte oplossing sou wees vir haar gesin is aangewys as die wenner – en so ontvang sy afslag van R100 000 op haar droomkombuis! Marileen skryf Ek is ’n stadsmeisie wat verlief geraak het op die Klein-Karoo en die stadige, eenvoudige leefstyl wat dit…

WENBRIEF Elke liewe Tuis Yvette Dumas van Ceres skryf Ek bekyk al sedert 2022 my vaal stuk agterplaas en ek het geweet, hier wil ek nog eendag iets doen! Ek bêre elke liewe Tuis en ek het toe begin om deur al die jare se uitgawes te blaai. Oral het ek idees gekry vir teëls, dakke, stene, tuine, binneversiering, ens. Ek het begin planne teken en ’n kosteberekening gedoen. Aan die begin van 2023 het ek my man oorreed om geld op ons huisverband te leen. Hy het ingestem en so het die projek begin! Die wasgoeddraad moes eers geskuif word en die fondament kon in Februarie vanjaar gegooi word. Die projek was stadig en uitmergelend aangesien ons baie van die binnewerk self gedoen het. Op 1 September was ons…

WIE WOON HIER? Michael en Raquel Calamas met hul kinders, Flavia (6) en Eros (2), en die Goldendoodle CrushWAAR Umdloti, KZNGROOTTE 350 m² Van kleintyd af het Michael en Raquel Calamas al twee daarvan gedroom om eendag naby die strand te woon – en ’n leefstyl te skep wat soos vakansie voel. Nadat hulle hul lewe lank in Johannesburg gewoon het, is hul droom uiteindelik in 2023 bewaarheid: Hulle het verhuis na die klein seedorpie Umdloti aan die noordkus van KwaZulu-Natal. “Toe ek ’n kind was, het ons elke Desember hierheen gekom,” sê Raquel. “My ouers het selfs ’n woonstel hier gekoop toe ek 18 was, so ek was nog altyd mal oor die plek.” “Umdloti is ’n rustige plek geleë in die Sibaya-kusbosreservaat, wat dit beskerm teen die groeiende…

DIE PRYSE Die wenner van elke kategorie ontvang R25 000. Die naaswenner van elke kategorie ontvang R5 000. Een gunsteling, gebaseer op leserstemme, ontvang R5 000. B&V’s geld – lees dit aanlyn by fixit.tuis.co.za Hier is ons finaliste in elke kategorie (in geen spesifieke orde nie): 1 SELF GEDOEN WIE Dehan en Monique OppermanWAAR NapierWAT Kombuis WIE Fanie en Petro KrugerWAAR KaapstadWAT Opwaskamer WIE Michael en Nelleke ElstonWAAR GeorgeWAT Stoep 2 UIT DIE BOKS WIE Rossouw en Franè LabuschagneWAAR SedgefieldWAT Kothuis WIE Theresa WidlakeWAAR FranschhoekWAT Gasteverblyf WIE Fanie en Petro KrugerWAAR KaapstadWAT Buitekuier-area 3 O SO MOOI! WIE Simon en Anna-Lize MenssinkWAAR PretoriaWAT Woonstel WIE Craig en Elizabeth ForssmanWAAR PretoriaWAT Kombuis WIE Karin CronjéWAAR FranschhoekWAT Hele huis 4 VOLHOUBAARHEID WIE Hannes en Maret MoutonWAAR PortervilleWAT Gasteverblyf WIE Perry en Melani…

Saamgestel deur Beatrice Moore-Nöthnagel Kirchhoffs ‘Bush Bennings Green Tint’ Squash (vanaf R32), is ’n liggroen erfenispampoen wat maklik is om te kweek, en Raw ‘Bloomsdale’ Spinach (vanaf R44), is ’n erfenisvariëteit met soet, neuterige blare, by verskeie kleinhandelaars Katoenbuitekussings (tweepak) R329, Woolworths VERSKAFFERS Babylonstoren shop.babylonstoren.com Cielo cielo.co.za Keter za.keter.com Kirchhoffs kirchhoffs.co.za K.Light klight.co.za Raw rawliving.co.za Superbalist superbalist.com Woolworths woolworths.co.za Yuppiechef yuppiechef.com…

WIE WOON HIER? Christo en Suretha van HeerdenWAAR Villa Avianto, Quaggafontein, BloemfonteinGROOTTE VAN EIENDOM 4,5 ha, waarvan die roos- en blomtuin 1,5 ha beslaanGRONDTIPE Rooi sand- en kleigrondOUDERDOM VAN TUIN 20 jaar Wanneer ’n mens opstap na Christo en Suretha van Heerden se huis, kry jy ’n plattelandse gevoel, al is hul kleinhoewe net buite Bloemfontein geleë. Die Van Heerdens woon al sedert Mei 2004 hier. Hulle het eers die huis verander en daarna die tuin stuk-stuk aangepak en vernuwe. Die huis is teen ’n tipiese Vrystaatse koppie geleë en so beplan dat die water van die somerreënstorms met buitetrappe weggevoer word na die onderkant van die tuin waar ’n dam met swane en eende wag. “Die grootste gedeelte van die kleinhoewe was met ons intrek net oop veld. Aan…

Tzatziki met bros sterre Dié Griekse doopsous is ’n weelderige, maar ligte afskop vir ’n feesmaaltyd. Genoeg vir 6 as voorgereg • Voorbereiding: 10 minute, plus oornag hangtyd • Gaarmaaktyd: 7 minute • 6 groot volgraan-tortillas • olie vir diepbraai TZATZIKI • 500 g dubbelroom-jogurt • 1 groot komkommer, geskil en pitte verwyder • 15 ml gekapte vars ment • 5 ml gekapte dille of vinkelblaartjies • ½ toontjie knoffel, fyngerasper • 1 klein suurlemoen, sap en skil • 15 ml suiwer olyfolie 1 Spoel ’n moeseliendoek in kookwater, druk die oortollige vog uit en laat afkoel. Skep die jogurt in die middel van die doek en bind die punte toe met ’n stukkie tou. Sit die pakkie in ’n sif of vergiettes oor ’n mengbak in die yskas en…

EK WIL OOK EEN HÊ… DIe Instant Vortex VersaZone-lugbraaier (R4 999, bash.com) is toegerus met ClearCook-tegnologie wat jou in staat stel om die vordering van jou maaltyd te monitor sonder om die braaisiklus te onderbreek. TOMA handgemaakte frambooslikeur (500 ml) R339, yuppiechef.com Steek aan die vuur! Die bekkroonde sjef en restaurateur Reuben Riffel se nuwe boek, boek, Braai (R495, Quivertree), vier die eenvoud en vreugde van kosmaak oor die kole – daarom is dit die perfekte geskenk vir liefhebbers van daardie kenmerkende rookgeurtjie! “Wanneer jy verby iemand se huis stap en jy ruik hulle braai, is dit soos ’n lusmaker om self ook te gaan ontspan by jou vuur,” sê hy. HIEP, HIEP, HIBISKUS! Cathedral Cellar word dié somer geïnspireer deur die hibiskus, ’n blom wat bekend is vir sy…

Die blou van onthou Heeljaar se droom van son en sand en see word vasgevang in dié strandhuis se delikate mengsel van blou en wit wat die see en die sand se skakerings eggo. Dit was die droom van die moderedakteur Deborah Brett en haar skrywer/regisseur-man, Tom Edmunds. “Ons wou die tipiese Nantucket-tipe dekorstyl vermy en eerder iets meer verbleik en afgeleef hê met natuurlike teksture en aardse elemente,” verduidelik Deborah. Hulle het saamgewerk met die Londen-gebaseerde interieurontwerper Hubert Zandberg. Sy kinderdae in Suid-Afrika het hom ’n instinktiewe aanvoeling gegee vir die growwe teksture en natuurlike elemene wat hulle wou hê. Hubert het gehou by ’n monochromatiese blou tema en dit baie suksesvol gepaar met rou bakstene, klip, tou, leer, rottang en strooi. In enige ander inkarnasie sou soveel patrone…

LESERHUIS WIE WOON HIER?Nan en Alan DayWAAR Bryanston, JohannesburgGROOTTE 87 m² oe Nan en Alan Day die huis waar hulle 23 jaar gewoon het, in die mark sit, het dit baie gouer verkoop as wat hulle verwag het. “Dit klink dalk soos goeie nuus, maar my gesondheid was destyds toe ons alles moes oppak, nie na wense nie. En ons het nie eens geweet waar ons gaan woon nie,” onthou Nan. Gelukkig het dié eenslaapkamereenheid in ’n lieflike aftreekompleks beskikbaar geraak. “Dit was nie presies waarna ons gesoek het nie en daar was so te sê geen tuin nie, maar dit het net reg gevoel. Ons het geweet ons sou dit by ons leefstyl kon aanpas,” sê Alan. Daarna het dinge vinnig gebeur. Hulle het hul meubels in bewaring gesit…

RAAD E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n R500-geskenkbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science waar kundige winkelassistente jou sal help om die regte keuse te maak. Dis tyd om die basiese noodhulp gereed te kry in geval van onverwagse siektes of beserings wat jou troeteldier kan tref noudat hulle weer meer gereeld buite baljaar. Dis belangrik om jou veearts se nommer byderhand te hou. Maak ook seker dat jou noodhulpkissie alles bevat wat nodig is vir allergieë, insekbyte, snye en kneusings. Onthou ook verbande, antiseptiese middels, weggooibare handskoene, salf, ’n haartangetjie en ’n koorspen. Besoek jou naaste Petshop Science-winkel vir ’n wye verskeidenheid, onder meer Terramycin Wound Spray…

In 2019 het die Tuis | Home-span met die blink gedagte vorendag gekom om ’n platform te skep waar lesers met hul gunsteling-ruimtes in hul huise kan spog sodat ander dit ook kan geniet. Ons het dit die Rookie Stylist-kompetisie genoem en jaar ná jaar duisende inspirerende inskrywings ontvang. Nou is die kompetisie terug met ’n nuwe vennoot: Fired Earthverf. En ons kon geen beter pasmaat gevra het nie! Soos ons almal weet, is ’n mooi gestileerde ruimte een ding, maar die agtergrond kan dit maak of breek. ’n Leksel Fired Earth-verf kan die perfekte toon aangee vir ’n asemrowende vertrek. Welkom by die nuwe Fired Earth Rookie Stylist Challenge ! Fired Earth, eksklusief beskikbaar by Builders, bied ’n groot verskeidenheid kleure en teksture wat die sintuie sal behaag. Maak…

WIE WOON HIER? Lara en Justin Sage en hul kinders, Oliver (18) en Scarlett (15)WAAR Domaine Des Anges, FranschhoekGROOTTE VAN TUIN Sowat 800 m2, buiten die wingerd en olyfbomeOUDERDOM VAN TUIN 15 jaarGRONDTIPE Sanderige grond van swak gehalte, wat elke jaar kompos en bobemesting nodig het Lara beskryf haar tuin as “eenvoudig” en ja, die ongekunstelde ontwerp spreek voorwaar van ’n ongedwonge formaliteit wat perfek by sy verruklike omgewing aansluit. Met die Franschhoekberge in die agtergrond is Domaine des Anges (“plek van engele”), die landgoed waar die Sage-gesin woon, niks minder as hemels nie. Die argitektuur word gekenmerk deur Frans Provensaalse invloede soos growwe pleisterafwerking buite. Hier het Lara die perfekte balans tussen formele en sagter, minder gestruktureerde elemente geskep. Kleure, hoogtes en teksture is mildelik gebruik om ’n deurlopende…

Steak met witwynsous Koste onder R160 • Genoeg vir 4 Voorbereiding: 35 minute • Gaarmaaktyd: 30 minute • 2 groot kruisskyf-steaks • 15-30 ml olyfolie • 30 ml botter • 1 groot ui, gekap • 2 selderystingels, gekap • 3 knoffelhuisies, gekap • 1 lourierblaar • 5 ml gedroogde rissievlokkies • 250 ml witwyn • 15 ml tamatiepasta • 200 ml vleisaftreksel • ’n strooisel pietersielie • aartappelskyfies en Portugese rolletjies vir voorsit 1 Sny enige oortollige vet van die steaks af en kap in klein blokkies. Geur die steaks goed met sout en peper en hou eenkant. Braai die blokkies vet tot bros. Skep die kaiings uit die pan en braai die steak in die uitgebraaide vet wat agtergebly het tot goudbruin. Skep die vleis uit en laat rus…

AGTERBLAD Jaar op jaar gebeur dit: Ek maak pligsgetrou ’n lys van Nuwejaarsvoornemens. En dan begin die jaar en ek raak besig. En ek vergeet. Kom Krismistyd en ek staan diep in gedagte voor die Frozen Desserts-rak in Woolies, hoor ek ineens Die Lys van iewers af roep. “Jy daar! Jy’t toe weer weinig sukses gehad,” roep hy bo die waansinnige geklingel van Jingle Bells uit. “Ek sien jy’t ook g’n gram gewig verloor nie!” (Hy lyk vir my ’n bietjie soos ’n Kinderbybelprent van ’n woes-woedende Moses wat met die Tien Gebooie onder die arm daar uit die goddelike newels van berg Sinai neerdaal, net om die sondige Israeliete midde-in ’n vreeslike jollie gefuif te betrap.) My lys is nou wel nie so grandioos soos Moses s’n nie –…