Tabla de contenidos para Feb 2025 en Tuis

Pieter Malan, die gerekende rubriekskrywer, skryf nou een Sondag in Rapport:“Kids word nou groot in ’n reënboog, die keuses is soveel meer.” En dan later: “[Die wêreld] is nie meer beige nie, dis chaoties.” Dieselfde week het ons ’n beplanningsvergadering en ons praat oor kleur-trends en wat dit is wat mense nou eintlik wil sien. Want die trend tans is beslis meer neutrale kleure, so sê (sommige) kenners, maar as ek sien wat lesers in hul huise doen, is ek nie aldag seker nie. Want daar is steeds baie kleur en baie patrone, maar ja, ons sien ook meer salige naaswitte, en sagte groene, en pastelpienke… Gaan kyk maar na Duram se Habitat-reeks, die een kleur so sag op die oog soos die volgende! Ek verkyk my. Ons kosredakteur, Johané,…

Clarke & Clarke se nuwe Alfresco-reeks tekstiele vir binne en buite is son- en vlekbestand met antimikrobiese en antibakteriële kenmerke om die groei van muf te verhoed. Die reeks met sy tropiese palet is perfek vir oortreksels, kussings en blindings. Kies uit patrone, chevron- en dekstoelstrepe en ’n bypassende effekleur. Gaan kyk by hertex.co.za. IN AFRIKA Daily, gestig deur die ontwerper Joey Khuvutlu in Johannesburg, is trots op sy Afrika-wortels, maar sy ontwerp-perspektief is internasionaal. Ons hou van die fokus op meubels en huisware van hoë gehalte wat volhoubaarheid balanseer met duursaamheid. Die Dakalo-eetkamerstoel in verskillende afwerkings (R5 450, daily.store) is getekstureerd en gesofistikeerd. PLAFONKUNS Die oorgroot Tundra-plafonwaaier met ’n dempbare LED-lig (183 cm W x 53.5 cm H; R5 999.99, elevenpast.co.za) het ses spoedstelllings en is baie stylvol. Beskikbaar…

WIE WOON HIER? Theresa en Allan WidlakeWAAR FranschhoekGROOTTE 48 m² Dis moeilik om te glo hierdie indrukwekkende suite bo Theresa Widlake se motorhuis in die skilderagtige Franschhoek was voorheen ’n klein gastekamer met ’n balkon wat niemand gebruik het nie. Die ruimte was beknop, met ’n klein badkamer en nog kleiner kombuishoekie. Maar toe kom Theresa met die idee vorendag om die balkon toe te bou, wat die blyplek uiteindelik met 21 m² onder dak vergroot en sodoende ’n gemaklike oopplan-leefarea geskep het. “Ons het ons huis vyf jaar gelede laat bou. Die oop balkon bo die motorhuis het egter bloedig warm geraak in die somer, met die gevolg dat nie ons óf ons gaste dit ooit gebruik het nie,” vertel Theresa. “Ons het begin dink oor hoe ons dit…

PROJEKNOTAS • Voor jy begin verf, skuur eers die kaste af en vul enige holtes of lelike plekkies met ’n goeie klaargemengde vuller. Skuur weer af. • Fired Earth Universal Undercoat, Gloss Enamel en Trendy Floor is oliebasisprodukte; maak seker jy het lakverdunner byderhand om jou kwaste skoon te maak. Jy benodig INKOPIELYS • Fired Earth Universal Undercoat• Fired Earth Gloss Enamel in White• Fired Earth Wood Primer• Fired Earth Multi Grip Primer • Fired Earth Cabinet & Furniture in Grime Slime• Fired Earth Galvprep & Clean• Fired Earth Trendy Floor in Dynamo• suikerseep GEREEDSKAP • skuurpapier (100-grint; 60- tot 80-grint)• lap• verfkwaste• klein sponsrollertjie, bokhaarroller en verfbak• handskoene DIE MUUR 1 Skuur die hout af met 100-grint-skuurpapier sodat die verf vatplek het. Gebruik ’n droë lap of borsel om…

Stuur tuininligting en -vrae na tuine@tuis.co.za. Teen die tyd dat Februarie aanbreek, smag ons na skaduwee, koel drankies en enige rede om die son te vermy. Maar wat van jou tuin? Terwyl jy in lugverkoelde vertrekke skuil, trotseer jou plante die hitte en smag hulle na bietjie aandag. So hou jy jou tuin aan die gang: PLANT SLIM Wanneer dit kom by tuinmaak in die laatsomer kan nie alle plante hulle man staan nie. Soek dié wat hitte- en droogtebestand is en wat natuurlik gehard is vir ons somerklimaat. Oorweeg vetplante, salvias en inheemse plante soos agapante en gousblomme – hulle kan hitte verduur en soek nie baie aandag nie. As jy jou eie groente kweek, kies nou tamaties, soetrissies en patats wat son verwelkom en beter dra wanneer die…

Steurgarnaalpilaf met saffraan Die bekende Britse sjef Rick Stein het hierdie spoggerige eenpan-seekosfees met sy aroma van speserye en saffraan geïnspireer. Die aftreksel maak dit ekstra spesiaal, maar as jy minder moeite wil doen, kan jy afgedopte steurgarnaalsterte en gewone aftreksel gebruik. Genoeg vir 4 ruim porsies • Voorbereidin g: 1 uur • Gaarmaaktyd: 35 minute • 800 g steurgarnale, derm verwyder• 30 ml botter• 1 ui, gekap• 1 wortel, gekap• 1 selderystingel, gekap• 2 suurlemoenblare• 15 ml tamatiepasta• 1 liter hoenderaftreksel• 15 ml olyfolie• 1 klein ui, fyngekap• 1 knoffelhuisie, baie fyngekap• 3 kardemompeule, gekneus• 1 kaneelstokkie• 3 ml vinkelsaad• 375 ml basmatirys• ’n knippie saffraan, geweek in 10 ml kookwater• 15 ml gekapte pietersielie (of koljande as jy verkies)• 3 vet pruimtamaties, in blokkies gesny• vars suurlemoensap na smaak…

Februariemaande op Stellenbosch wil ek altyd vlug. Na waters waar rus is, om die bekende Psalm 23 aan te haal. Maar daar hoef nie soseer waters te wees nie. Daar moet net rus wees. Want hier waar ek woon, gaan dit woelig. Te woelig. Die dorp se tientalle skole is vol op gang en duisende studente stroom die dorp binne, met mammies en pappies uit verre dele van die land wat kinders kom aflaai en in woonstelle of koshuise installeer. En dis skolesport en karnaval en die strate en die sportvelde pomp met musiek en ’n gejil. En dan is daar die vlaag op vlaag somertoeriste en die verkeer sit in ewigdurende konstipasie. Ek wil trek na ’n plek ontdaan van mense. Die platteland, want dis hoe my hart staan.…

Stuur ’n e-pos na redakteur@tuis.co.za en skryf in die onderwerpreël: Brieweblad. Gesels saam by tuis.co.za of facebook.com/tuistydskrif, of volg ons op Instagram by @TuisHomeMag. Verstrek asseblief jou naam en van, asook die naam van jou dorp, wanneer jy aan ons skryf. WENBRIEF Seuntjiekamer met ’n verskil Jolani Novais van Pongola in KZN skryf Ek het onlangs vir ons babaseuntjie sy eie kamer ge-“DIY”. Dit het vir my baie anders as ’n tradisionele babakamer uitgekom, moet ek sê. Ek het die strepe onderom die mure self geverf, die swaan het my ma geteken en aanmekaargesit en die perdjie het ek op Facebook Marketplace gekry – my broer het dit gerestoureer. Ek dink nie ons baba sal die kamer gou ontgroei nie! Van niets tot iets Lizbé Mocké van Pretoria skryf Mens…

WIE WOON HIER? Armand en Sean Aucamp-van Noordwyk GROOTTE 250 m²WAAR? Rawsonville, Breëriviervallei, Wes-Kaap Die huis is net bééldskoon, dis hoekom ons dit gekoop het,” sê Armand oor die skuif wat hy en sy man, Sean, van ’n Seepunt-huurwoonstel na die plattelandse rustigheid van ’n huis uit die jare veertig op Rawsonville gemaak het. Die akteurspaar het in Desember 2023 hier getrou, maar Sean het sy hart lank gelede reeds op dié dorp verloor toe ’n episode van die televisieprogram “Platteland toe”, wat hy aanbied, hier verfilm is. Dis hy wat Rawsonville in sy huissoekfilters gehad het en die huis raakgesien het. Toe dit blyk die einste huis behoort aan ’n goeie vriend se ouers, kon hulle ophou soek. In Julie 2024, nadat hulle die sleutels gekry het, het hulle…

Wanneer dit kom by kleure kies vir jou huis, is die opsies onbeperk. Besoek net die verfafdeling van jou ysterwarewinkel en verkyk jou aan die magdom skakerings. Die maklike deel is om te kies tussen wit en neutraal of helder en sterk – die meeste van ons weet of ons lief is vir ’n lewendige, opbeurende palet of eerder ’n gedempte palet wat sielstrelend is. Die eintlike uitdaging is om die perfekte skakering van jou gunsteling-kleur te kies. Wit is byvoorbeeld nie net wit nie. En as jy ’n dieper, aardse kleur wil inbring in jou dekor, wat is die verskil tussen terracotta, rooibos en masala? Ons het by die kenners gaan aanklop – en dit wil klink asof 2025 regtig gaan oor dit wat jou as individu gelukkig maak…

1 LAAT JOU STRANDHUIS VIR JOU WERK Shelly Bergh het ’n klomp van haar slim idees en verftegnieke ingespan om nuwe lewe te blaas in die Plettenbergbaai-huis wat sy en haar sibbe by hul ouers geërf het. Nou word dit met groot sukses verhuur wanneer hulle dit nie self gebruik nie. 2 ‘RAMHOK’ WORD KNUS WOONSTEL VIR GASTE By haar vorige huis in Parow-Noord het ons teksredakteur, Elna van der Merwe, ’n gerieflike Airbnbeenheid geskep in die snoekerkamer wat haar seuns ontgroei het. Na die ombouing spog dit met sy eie ingang, stort en kombuisie. Airbnb-gaste kan nie glo tienerseuns het tevore hier rondgehang nie. 3 VAN MOTORHUIS TOT GASTEHUIS Die French-gesin se pragtige opknapprojek in Irene (Tuis, Desember 2024 | Januarie 2025-uitgawe) is aangewys as die wenner in die…

E-pos jou vrae na kenners@tuis.co.za. Ontmoet die ontwerpers Unieke teëls Elke teël moet ’n unieke skepping met ’n eie lewe en vol beweging wees. Só glo Nikhil Tricam en Nindya Bucktowar, die stigters en eienaars van Kalki Ceramic. Dis waarom hul handgesnyde en handgeglasuurde teëls so gewild is in Suid-Afrika en verskeie pryse die afgelope paar jaar ingepalm het. Nadat hulle argitektuur aan die Nelson Mandela-universiteit in Gqeberha studeer het, het die kunstige paartjie na Durban verhuis waar hulle in Junie 2020 Kalki Ceramics gestig en hul produkontwerpfirma, Studio Kalki, op die been gebring het. Die twee spesialiseer in unieke glasure, pasgemaakte oppervlakke en tydlose kleure. “Geen twee oppervlakke is dieselfde nie omdat elke teël met die hand gesny en geglaseer word vir ’n topklas-afwerking wat nie op ’n ander…

Genoeg vir 1 x 25 cm-koek • Voorbereiding: 30 minute • Baktyd: 20 minute • Oondtemperatuur: 180 °C 4 eiers, geskei VULSEL 200 ml fyn bessiekonfyt (of jou gunsteling-konfyt) 1 Voorverhit die oond. Klits die eierwitte tot sagte punte vorm. Gebruik dieselfde klitser om in ’n tweede bak die eiergele en suiker saam te klits tot lig en dik, sowat 5 minute. Klits die water en vanieljegeursel by die eiergele. 2 Vou die meel, sout en die helfte van die eierwitte by die eiergeelbeslag in tot gemeng. Vou laaste die res van die eierwitte in. Probeer om soveel lug as moontlik in die mengsel te hou. 3 Smeer die beslag gelyk in ’n bakplaat van 39 x 27 cm wat met bakpapier uitgevoer is en bak vir 20 minute of…

Pylreguit sterre toe The Manor House by Le Grand Jardin in Stellenbosch bied ’n wonderlike wegbreekplek vir gesinne – en die kindersuite is pure plesier! Die beroemde avonturier Tintin en sy getroue hond, Snowy, oorheers die badkamer totaal! Die muurprent was die idee van die eienaars, Sue en Bernard Fontannaz, en is met die hand op die muur geverf. Die heldergeel bad laat lyk die klassieke ontwerp lekker byderwets. Muurprent deur Robin Sprong Tekstuur is die ding Die tropiese klimaat in Umdloti, Kwazulu-Natal, is die rede dat die Armstrong-gesin groot deure, houtskuifskerms en hortjies dwarsdeur die huis laat aanbring het sodat hulle die seebries en natuurlike lig maksimaal kan benut terwyl hulle steeds hul privaatheid behou. ’n Spesiaalgemaakte staalraamdeur met ondeursigtige glas in die en suitebadkamer laat sagte lig deur…

WIE WOON HIER? Stacey Rehbock en haar honde, Riley die Jack Russell en Skittles, ’n borderkollie/Corgi-kruisingWAAR Harfield Village, KaapstadGROOTTE 233 m² Klein, maar ’n kragtoer.” Dis hoe Stacey Rehbock, ’n bemarkingsbestuurder in die luuksereisbedryf, haar kleurryke kothuis beskryf. “Dis ’n goeie voorbeeld van wat jy met verf en muurpapier in ’n klein ruimte kan verrig.” Sewe jaar gelede toe Stacey besluit het dis nou tyd dat sy huiskoop, was sy baie in haar skik om dié eiendom in die historiese Harfield Village raak te loop. “Ek het destyds in ’n klein woonstelletjie gewoon en was reg vir die volgende stap: ’n regte huis met ’n tuin vir my honde.” Harfield Village, met sy lewendige gemeenskapslewe, lê half versteek tussen Claremont en Kenilworth in Kaapstad en is ’n oulike buurt met…

DIE PRYSE Die wenner in elke kategorie ontvang R25 000. Die naaswenner in elke kategorie ontvang R5 000. Een leser-gunsteling ontvang R5 000. V&B’s geld; lees dit by fixit.tuis.co.za. Sestien jaar lank al plaas ons lesers se innoverende planne en harde werk in die kollig met ons jaarlikse Regruk met flair-kompetisie – en 2024 het weer sy kwota indrukwekkende en inspirerende inskrywings opgelewer. Die kompetisie, wat weer saam met JoJo aangebied is, wys dat Tuis-lesers ’n slag het met huise opknap. Ons het reeds ’n paar van die beste projekte in Tuis gewys, want ons kon nie wag om dit met julle te deel nie. Maar hier is die amptelike wennerslys van vanjaar se kompetisie. Al dié huiseienaars kan trots wees op wat hulle bereik het en die wenners en…

E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n geskenkbewys ter waarde van R500 van Petshop Science (petshopscience.co.za). Kry alles wat jou troeteldiere nodig het onder een dak by hul winkels, waar kundige assistente jou sal help om die regte produkte te kies. Die nuwe jaar is net die regte tyd om te fokus op goeie gesondheid – maar onthou om jou dieremaats deel te maak hiervan! Begin deur hulle te beskerm teen wurms en enige ander ingewandsprobleme. Of jy ’n organiese, smeer- of vloeibare oplossing soek, Petshop Science bied ’n reeks ontwurmingsmiddels wat pas by jou troeteldier se behoeftes. Natuurlike oplossings soos Vondi’s Diatomaceous Earth Dog & Cat Dewormer (200 g vir R99.99) of enkelpil-behandelings soos die Milbemax Chewable Deworming Tablet…

VERSKAFFERS Babylonstoren shop.babylonstoren.com elevenpast elevenpast.co.za Italtile italtile.co.za Mr Price Home mrphome.com Patio Warehouse patiowarehouse.co.za Poetry poetrystores.co.za Takealot takealot.com Woolworths woolworths.co.za Yuppiechef yuppiechef.com…

WIE WOON HIER? Hannes en Chrislén KoornhofWAAR StellenboschGROOTTE VAN AGTERTUIN 250 m2OUDERDOM VAN TUIN 15 jaarGRONDTIPE Kleigrond In ’n groot tuin hou ek van massa-aanplanting, maar in ’n kleiner tuin is drie tot vyf van ’n plant genoeg. Ek hou ook van verrassings soos ’n enkele papawer of iris wat die oog vang. In ’n klein tuin sien jy dit dadelik raak!– Chrislén Vir Chrislén Koornhof is haar tuin soos ’n doek wat sy skilder. Dit ontwikkel saam met die tyd en aandag wat sy daaraan gee. “Ek hou van verrassings,” sê sy. “Al beplan ek hoe my tuin moet lyk, steek ’n plant sy kop iewers uit en dan lyk die prentjie anders. Ek los die papawers en kappertjies wat van saad in die beddings en paadjies opkom net…

Murgpampoentjiepasta Onder R100 • Genoeg vir 4 Voorbereiding: 20 minute • Gaarmaaktyd: 15 minute • 60 ml goeie olyfolie• 200 g murgpampoentjies, helfte dun gesny, res fyngekap• 3 toontjies knoffel, fyngekap• 200 g kersietamaties• 15 ml kappertjiesaad• 2 ansjovisfilette, gekap• 15 ml rooiwynasyn• 300 g pennepasta• 125 ml gerasperde parmesaan• ’n strooisel vars basilieblare 1 Verhit die helfte van die olie in ’n pan en braai die murgpampoentjies saam tot gaar en sag, 5 minute. Roer die knoffel, kersietamaties, kappertjiesaad en ansjovis by en panbraai verder vir nog 5 minute, of tot die tamaties begin bars. Roer die asyn by en draai die hitte laer. 2 Kook intussen die pasta in soutwater tot al dente, sowat 8 minute. Skep die pasta sodra dit gaar is saam met ’n skeutjie pastawater…

Lê weg! The Table: The Heartbeat of the Home (R400, Penguin Random House) deur die koskenner Elmarie Berry kombineer die geure van Suid-Afrikaanse kookkuns met geliefde resepte wat kom van haar Libanese ouma. Beïndruk jou gaste en skep onvergeetlike eetervarings met dié maklike en heerlike resepte. PLESIERBIER Jack Black Super Crush Cherry Ale (R500 per kis, jackblackbeer.com) spog met ’n ryk vrugtige smaak en vars vonkel. REG VIR BRAAI Die nuwe Mungo Grill Apron (100 x 72 cm; R1 180, mungo.co.za) van 100% katoen is beskikbaar in drie kleure. Dit kan gebruik word om warm borde vas te hou, jou hande te beskerm, oppervlakke skoon te vee en jou hande aan af te vee terwyl jy braai. Ryk en rooi Die merkwaardige Glen Carlou Gravel Quarry Cabernet Sauvignon 2021 (R530,…