Tabla de contenidos para Mar/Apr 2025 en Tuis

In die laat tagtigs op Goeiemôre Suid-Afrika soggens net voor die 07:00-nuus op TV, was daar ’n satiriese program met die naam Die Nuustak, en die een karakter – ’n uil – het altyd gesê: “Ek wil iets sê, en ek gaan dit sê.” Dis waar ek vandag is. Want op my nuustak hier in Kaapstad, wil ek weet: Wat is dit met Whatsapp en wanneer het dit die nuwe Outlook geword en e-posse vervang? En van wanneer af doen mense besigheid in stemnotas en nie in woorde op skrif nie? Want hoeveel keer moet ek nou nog vir die soveelste keer deur ’n stemboodskap worstel oor iemand in die middel van ’n vyf minute lange “potgooi” die nuwe tyd van ’n ou vergadering bevestig het, maar tussendeur moes ek…

DIE WENSPAN Johann en Lee-Ann Dit was 15 weke van naels kou, maar darem ook hope inspirasie. Want die slim planne wat die “Skoonfamilie”, Johann en Lee-Ann, gemaak het in hul mikro-eenheid in Elgin, maak van dié twee kreatiewes waardige wenners. Selfs al woon jy nie self in ’n mikrohuis nie, is die afwerkings wat Johann en Lee-Ann gekies het slim, nommerpas en trendy. Steel met die oë en doen dieselfde by jou eie huis, en as jy ooit in die Kaap is en hul mikrohuis eerstehands wil ervaar, bespreek direk by Old Mac Daddy, of by een van die besprekingsplatforms soos Booking.com of LekkeSlaap. En ervaar die plesier van ’n “Klein Paradys”. Die maand van amper niks slaap nie en min eet, het die laaste paar dae soos ’n…

DIE HUISEIENAARS Natalie en Thinus Scheepers en hulle kinders Hugo (27) en Coenraad (31) GROOTTE 315 m² WAAR? De Bakke, Mosselbaai As daar ’n boek oor Griekse interieurs byderhand is, is dit waar jy vir Natalie sal kry. Toe sy en Thinus rondom 1997 ’n huis naby Oos-Londen wou bou, sou sy dit Kalimera (Grieks vir goeiemôre) doop, maar vir daardie droom het die lewe helaas meer as twee dekades lank sy vinger ferm op die pouseknoppie gehou. “Ek wou ’n huis hê waar ek gemmerbier drink op ’n ou houtstoel; waar kinders, mense en diere kan leef.” Natalie se Kalimera-droom het voortgeleef, tot die dag in 2023 toe sy haar voor ’n verwaarloosde Mosselbaaise huis uit die 1920’s bevind. “Ek het die huis een keer van buite gesien en…

Elke jaar is ons verstom oor die gehalte van die inskrywings wat ons ontvang in ons gewilde Milestone Kitchens Dream Design-kompetisie. En hier gaan ons weer! Dis nou jou kans om jou ’n droomkombuis te verbeel, dan die ontwerp op papier te sit en dit in te stuur sodat jy ’n kans kan kry om dalk vanjaar die wenner te wees! Kort jy inspirasie? Gaan na milestonekitchens.co.za, klik op “Design Your Own Kitchen” in die “Get a Quote”-afdeling en spring weg! Die leser wat die beste ontwerp en motivering instuur waarom ’n opknap met die asemrowende losstaande eenhede van Milestone Kitchens die perfekte oplossing vir hulle sal wees, kry R100 000 afslag op hul uiteindelike kombuisvernuwing. Onthou: Jou kombuis moet ’n mooi, praktiese ruimte wees waar jy graag tyd wil…

E-pos jou vrae na troeteldiere@tuis.co.za. WEN! Die eienaars van die diere op die foto’s wen elk ’n R500-koopbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science, waar kundige winkelassistente jou sal help om die regte keuse te maak. ’n Belangrike deel van dieregesondheid is jou troeteldiere se versorging. Gereeld was, borsel en knip laat hulle nie net beter lyk nie, dit voorkom ook ongemak en gesondheidsprobleme. Petshop Science bied al die noodsaaklikhede wat jou help om versorging deel van jou troeteldier se roetine te maak en hulle gesond en gelukkig te hou. Die Furminator Undercoat Deshedding Tool (R899.99) verwyder die ondergroei van ’n kat se pels. Met sy ergonomiese ontwerp is die Purl Pet Massage Brush (R109.99) ideaal vir gebruik op…

Ons gee ses ou gunstelinge ’n kinkel Melkbrood met biltongbotter Die geheim van dié Japannese brood se kenmerkende tekstuur en langer raklewe is die “tangzhong” – dit is ’n roux van meel en water wat ekstra vog in die deeg vasvang. As jy ’n deegmenger het, is die resep ekstra maklik, hoewel dit moontlik is om met die hand te knie as jy wil. Genoeg vir 8 rolletjies • Voorbereiding: sowat 3 uur Baktyd: 25-30 minute • Oondtemperatuur: 180 °C TANGZHONG 40 ml broodmeel DEEG 750 ml koekmeel GLASEERSEL • 1 eiergeel en 15 ml melk, geklits• 5 ml sesamsaadjies 1 Maak die tangzhong deur die meel en water saam te meng tot glad. Verhit in ’n pannetjie en roer tot verdik, sowat 3 minute. Skep dadelik uit in ’n…

My kinders wil my wragtag verbied om na die reünie op Botrivier toe te gaan,” sê ’n ouerige vrou in ’n koffiewinkel vir haar vriendin. “Hulle voel sogenaamd nie gemaklik daarmee nie, want hulle hoor dit gaan bietjie ‘wild’ daar.” “Katinka,” sê die vriendin en sit haar cappuccino-beker hard neer, haar rye armbande wat rumoerig saamraas, “ons kinders weet nie wat wild is nie. Al kom sit dit ook op hulle bolip, hulle weet van wild wees niks. Te mak grootgeword. En die kleinkinders, so diep lief as wat ek hulle het, is nog erger.” Hulle deel ’n stuk kaaskoek by ’n tafeltjie naas my. Ek skat albei al goed sewentig, al sou jy dit nie met die eerste kyk sê nie. Dra blou jeans en tekkies en bont juwele,…

WENBRIEF Onthouboom vir Kersfees Ilse Winter van Bospoort, Noordwes, skryf Ek deel ons Kersboom van 2024 graag met julle, want ek is so trots daarop. Ons is ’n groot, hegte familie en almal kan nie altyd Kersfees bymekaar wees nie. Daarom het ek van almal foto’s gevra en toe het ek en my man, Riaan, en dogter, Zanelle, weggespring! Die raam het ons gemaak uit enkelfoto’s van die direkte familie en die binnekant is ingekleur met ons almal se kinders, eggenote en hartsmense. Ons het sowat 120 foto’s gebruik. So kon ons almal “saam” wees oor die Kerstyd! Sal hongerly vir Tuis Antoinette Schoeman van Riebeeckstad skryf Dankie, Tuis, vir so ’n professionele tydskrif. Ek koop dit van dag een af en bewaar dit soos goud, want daar is altyd…

DIE EIENAARS Thor Normann en Christine JohnstonGROOTTE 35 m2WAAR La Bruyere-plaas, Tulbagh, Wes-Kaap 'Asemrowende argitektuur en reis is ons passie, en nadat ons ’n korporatiewe loopbaan in Londen se finansiële sektor vaarwel toegeroep het, was dit net vanselfsprekend dat ons die bouers van ons eie ontwerpe sou word,” sê Thor oor die houtmikrohuisie wat hy en sy lewensmaat, Christine, op die Normann-gesin se plaas La Bruyere gebou het. Die paartjie se twee indrukwekkende koepelkajuit-gaste-eenhede, waarvan een in die Desember 2021| Januarie 2022-uitgawe van Tuis verskyn het, het reeds vir La Bruyere ’n permanente plekkie in die toerismeson van die Tulbagh-omgewing besorg. Hulle nuutste toevoeging het die oorgang van ’n werkende vee-koring-en-hawerplaas na ’n vakansiebestemming voltooi. Die verhaal van The Tiny Cabin, soos Thor en Christine die huisie gedoop het, begin…

Stuur tuininligting en -vrae na tuine@tuis.co.za. Die herfs beteken dalk die einde van die somer se blomme, maar dit beteken ook dis nou tyd om jou tuin voor te berei vir die koue maande wat kom. Benut dié oorgangseisoen met ons topwenke en plantkeuses: MAAK NETJIES, MAAR PASOP VIR OORBOORD GAAN • Snoei uitgeblomde eenjariges en meerjariges terug, maar behou die saadkoppe van byvoorbeeld agapante en Echinacea as kos vir voëls. • Lig en verdeel plante wat kleintjies maak soos agapante en daglelies sodat hulle weer sterk kan groei en só het jy boonop klomp nuwe plante vir die lente. • Hark blare bymekaar en gooi dit op die komposhoop om ryk grond te maak vir die lente se saai- en plantwerk. ’N WARM KOMBERSIE VIR JOU TUIN ’n Deklaag…

WIE HET HIER GEWOON? Marius en Linda Alberts*WAAR Vredehoek, KaapstadGROOTTE 857 m²OUDERDOM VAN TUIN 10 jaarGRONDTIPE Goeie ingeryde tuingrond Met vyf baie groot waaierpalms op die erf en Tafelberg as agtergrond het Linda Alberts tien jaar gelede in die stadskom begin tuinmaak. “Ons het destyds van Melkbosstrand af stad toe verhuis. Vir amper ’n jaar lank het ons ’n huis hier gesoek,” vertel sy. “Ek was later moedeloos en wou tou opgooi, maar Marius het my mooi gevra om aan te hou rondkyk. Toe ek dié huis sien, was ek dadelik verlief daarop, veral op die mooi gewel! “Maar die huis en die tuin was baie verwaarloos. Benewens die groot palms was die erf ongelyk, dreinering ’n probleem, die tuin oorgroei en die gras vaal. My vriendin Michéle Terblanche, ’n…

Romerige kruiefrikkadelle Onder R120 • Genoeg vir 4 • Voorbereiding: 30 minute Gaarmaaktyd: 25 minute • Lugbraaiertemperatuur: 200 °C • 500 g baba-aartappels, gehalveer• 45 ml olyfolie• 500 g maalvleis• 1 eier• 60 ml melk• 60 ml pankobroodkrummels• gerasperde skil van 1 suurlemoen• 30 ml gekapte dille of pietersielie• jou gunsteling-vleisspeserye• 60 ml meel• 30 ml botter• 500 ml aftreksel• 15 ml Worcestersous• 60 ml suurroom• 200 ml gaar ertjies• gestoomde rys vir opdiening 1 Meng die aartappels met 15 ml olie, sout en peper na smaak en lugbraai op 200 °C vir 20 minute. (Jy kan dit ook net kook of mikrogolf tot sag). 2 Meng met nat hande die maalvleis met die eier, melk, broodkrummels, suurlemoenskil, kruie en speserye en rol in klein hapgrootte-frikkadelle; rol in die meel.…

Stuur dekor- en leefstylnuus na johane.neilson@tuis.co.za. ALKANT SELFKANT Die nuwe Smeg Reversable Double Sink (R6 390, italtile.co.za), wat beskikbaar is in swart of grys, word gemaak van saamgestelde materiale van hoë gehalte. Dit is ontwerp vir ingeboude installering sodat dit naatloos integreer met jou toonbankblad. Jy kan self kies of jy die dreinering links of regs wil laat installeer wanneer jy jou kombuis beplan. Vir jou koffietafel Aanhangers van Shea McGee sal bly wees om te hoor haar boek, The Art of Home (R830, poetrystores.co.za) is nou in Suid-Afrika beskikbaar. Deur haar ontwerpbesigheid, Studio McGee, haar gewilde Netflixreeks, Dream Home Makeover, en haar aanlyn gemeenskap van meer as 5 miljoen volgers, het Shea gewys hoe die beginsels van topontwerp in enige huis toegepas kan word. Slim & mooi! Die Blooms…

Die statistiek is ongelooflik: In Kaapstad alleen kan jy kies uit 23 564* Airbnb-blyplekke as jy ’n besoek aan die Moederstad beplan. Dis ’n feit soos ’n koei dat huisverblyf (“home sharing”) in Suid-Afrika ’n bloeiende besigheid is en ander platforms soos Booking.com, LekkeSlaap en Perfect Hideaways groei net so geil. As jy ook wil deel word van dié beweging en ekstra geld wil maak met ’n eiendom wat jy besit of wat jy wil koop en op korttermyn verhuur, moenie die Tuis| Home “Home Sharing” -konferensie misloop wat in April in Kaapstad plaasvind nie. Hier sal ons die fasette van huisverblyf verken en jou help met jou beplanning – van hoe mens te werk gaan om ’n bykomende inkomste te verdien tot hoe jy ’n voltydse gasvryheidsentrepreneur kan word. Met…

Stuur jou vrae na kenners@tuis.co.za. Skep ’n kunstige stillewe Stillewes wat met sorg deurdink word, gee nie net visuele plesier nie, dit verleen persoonlikheid aan jou huis. Ons kreatiewe redakteur, Marian van Wyk, deel haar topwenke hoe om pragtige vignettes te skep wat die oog vang: Hou dit eenvoudig Jou komposisie moenie te besig wees nie; onthou, dit word ’n stil-lewe genoem. Hou jou in: Moenie items byvoeg net omdat hulle byderhand is nie. Laat genoeg ruimte toe sodat elke indviduele item tot sy reg kom en die gesamentlike rangskikking ook. Mik hoog Bou jou stillewe onder ’n skildery of spieël soos in die foto’s hierbo. Verskillende hoogtes is belangrik om ’n gebalanseerde komposisie te verkry. Sukkel jy om dié balans te kry? Plaas bloot ’n item op ’n stapel…

WIE WOON HIER? Julia en Paul LessingWAAR Wakkerstroom, MpumalangaGROOTTE Tuin 6 000 m2; eiendom 6 787 m2GRONDTIPE Katoenklei Julia en Paul Lessing was nooit van plan om op Wakkerstroom eiendom te koop nie, wat nog te sê ’n irisplaas. Maar ’n toevallige ontmoeting met ’n vriendin het die bordjies verhang. Die vriendin se ma, Brenda Dandridge, is oorlede en het haar lieflike huis uit 1901 en Runnymede Irises, die irisplaas wat sy in die 1980’s op die dorp gevestig het, nagelaat. Hul vriendin, wat Julia en Paul se avontuurlike gees maar alte goed ken, het voorgestel dat hulle dit koop. “Dit kan seker nie skade doen om te gaan kyk nie,” het Paul gemeen. Destyds het hy, ’n ingenieur, en Julia in Johannesburg gewoon waar sy haar keramiekbesigheid naby die…

Bordjies om te deel Loer in by Luke Dale Roberts se gewilde The Pot Luck Club in Johannesburg: nou in die bekroonde The Peech Hotel in Melrose. Geniet klein bordjies op die Oosters-geïnspireerde spyskaart – ideaal vir deel. Oop vir middag- en aandete van Dinsdag tot Saterdag. Besoek thepotluckclubjhb.co.za. KIES SUIWEL Bederf jou met ’n First Choice Double Cream Dairy Snack (vanaf R37.99 vir 1 kg en R26.99 vir 6 x 100 g, pnp.co.za). Die geure sluit in Apple Crumble, Chocolate Cheesecake, Tiramisu en Plain. Pak dit in jou kosblik of voeg dit by poedings en smoothies vir ekstra lekkerte. Besoek firstchoice.co.za vir nog inligting. Hou dit koel Die oulike Freestyle-koelsak in Mint (23cmLx16cmHx15cmD; R299.99, elevenpast.co.za) word gemaak van herwinde bottels. Slim! 1 SONSKYN IN ’N BOTTEL Robertson Winery Mimosa…