Tabla de contenidos para Sept/Oct 2025 en Tuis

Ek is nie wat ’n mens sal noem ’n “early adopter” as dit kom by tegnologie nie. Dis nie oor ek skrik vir tegnologie nie, allermins! Maar ek hou daarvan om die kat uit die boom te kyk. Soos met die iPod, destyds. Klein diskoteek op jou bo-arm as jy die soort is wat vertonerig draf op die Seepuntse promenade, maar hoe lank was dit voor slimfone presies gedoen het wat die iPod net ’n vervlietende oomblik kon en is dié klein toestelletjie die vergetelheid ingestuur? Ek is bly ek het nie my geld daarop uitgegee nie. Maar nou is ons in die greep van KI, amper drie jaar meelewend in ons alledaagse bestaan. Ek gebruik dit byna elke dag, maar net laasweek word ek die byspeler in ’n bisarre…

Stuur dekor- en leefstylnuus na johane.neilson@tuis.co.za. SKEP, VERNUWE! WIE Jennifer BorrieroWAAR GqeberhaHAAR WERK Jennifer noem haar skulpkuns Sienna on the Shore na aanleiding van haar dogter wat van kleins af saam met haar ma ’n regte strandlopertjie was. Haar kleurryke Tutti Frutti en Monochrome Ombre Grids is groot gunstelinge en word in huise dwarsdeur Suid-Afrika en ook oorsee gesien. “My liefde vir skulpe het ontwikkel in kuns wat wys watter ongelooflike verskeidenheid en kleure ons pragtige kuslyn bied,” sê Jennifer. “Ek versamel klein hoeveelhede op ’n etiese manier (heelwat minder as die beperkings vir persoonlike gebruik) en enige skulp wie se inwonertjie nog binne woon, word teruggevat see toe. Ek speel graag met kleurkontraste om die skoonheid van elke skulp te beklemtoon.” Bekyk Jennifer se kuns by instagram.com/Sienna_on_the_shore of e-pos…

WIE WOON HIER? Astrid McLeodWAAR Riebeek-KasteelGROOTTE 62 m² Op die stertkant van ’n grondpad net langs Hoofstraat in die bekoorlike dorpie Riebeek-Kasteel staan ’n kompakte, modulêre houtraamhuis. Dié huis van 62 m² wat in 2024 hier opgerig is, is volhoubaar gebou en minimalisties. Astrid McLeod, eienaar en kurator van die RK Contemporary kunsgalery, sê die sirkel is nou voltooi nadat sy 13 jaar gelede hierheen verhuis het. “Ek het my eerste huis, wat ek in 2011 gekoop en in 2012 opgeknap het, omskep in ’n gastekothuis genaamd Bloemendal,” sê sy. Die gastehuis en haar nuwe huis, Nook Living, wat ook op Airbnb te huur is, is in dieselfde straat. “In 2021 was ek so gelukkig om ’n erf van 540 m² in die hande te kry,” sê Astrid. “Gegewe die…

WIE WOON HIER? Ilze en Jan-Willem Boonzaaier en hul kinders, Izak (10), Reine (8) en Anna (6)WAAR WellingtonGROOTTE 338 m² EETKAMER Ilze se eetkamertafel is al ouer as tien jaar. Die stoele het sy onlangs by Coricraft gekoop. Die opdienkabinet langs die eetkamertafel is ou kombuiskaste wat nuwe handvatsels gekry het. Kuns bo kabinet van Cindy Pretorius; lamp van Superbalist SITKAMER Sy hou van skoon lyne en aardse elemente, sê Ilze. Omdat die vertrek ruim is, moes die lampskerm se skaal daarby pas. “ ’n Kleiner een sou vreemd lyk hier.” Wit lampskerm van Glo Lighting Toe hulle verlede Maart op Wellington aanland, het dié Bolandse dorpie met sy ryk geskiedenis Ilze en Jan-Willem Boonzaaier heeltemal oorrompel. Nadat ’n werkgeleentheid hier vir Jan-Willem opgeduik het, het die paartjie en hul…

Stuur tuininligting en -vrae na tuine@tuis.co.za. September is die begin van die groeiseisoen regoor Suid-Afrika en dit is die ideale tyd om jou tuin voor te berei vir sukses op ’n manier wat mooi is én beter vir die planeet. Van die plant van bolle en bloeiselbome tot die vernuwing van moeë grasperke en die voeding van nuwe groei, is daar baie om te doen, te plant en voor te berei vir ’n kleurvolle, klimaatvriendelike lente. Begin deur enige plante wat deur ryp of andersins beskadig is, uit te haal. Hier is nog take: • Snoei rose en lenteblommende struike sodra hul blomme begin verwelk. • Snoei vormstruike soos Australiese jamboes (Syzygium paniculatum) en maak hoogstamstruike skoon om hul vorm te behou tydens die lentegroei. • Stut slap meerjarige plante…

Genoeg vir 24 • Bereidingstyd: 30 minute, plus rustyd • Baktyd: 20-25 minute • Oondtemperatuur: 180 °C 2 koppies (500 ml) koekmeel 7,5 ml bakpoeier 45 ml strooisuiker ’n knippie sout 125 g botter, kamertemperatuur 3 ekstra groot eiers, geskei 45 ml yswater 5 ml vanieljegeursel (of gerasperde suurlemoenskil of knippie neutmuskaat) sowat 200 ml gladde appelkooskonfyt,bessiekonfyt of geblikte karamel 3 ml vars suurlemoensap 250 ml witsuiker 500 ml fyn klapper Variasies: 5 ml vanieljegeursel, roosstroop of kakao 1 Sif die meel, bakpoeier, suiker en sout saam en vryf die botter in totdat dit soos droë broodkrummels lyk. Meng die eiergele en yswater by, sowel as die vanielje, suurlemoenskil of knippie neutmuskaat as jy wil. 2 Druk alles saam en knie liggies tot ’n sagte deeg vorm. Druk die deeg…

Een van die vreemdste dinge wat ek onlangs moes doen, was om in die Sederberge saam met ’n groep vreemdelinge na ’n rosyntjie te probeer luister. En dit in absolute stilte. Maar hier sit ek op ’n betaalde stilteverblyf (oftewel retraite) diép in die berge, rigting Tankwa-Karoo, en ek doen maar skaapagtig mee. Dis vier dae van volslae stilte, ver buite foon-, Wi-Fi- of selfs posduifbereik. Alle afleidingsmateriaal soos boeke, fone of breiwerk moet jy ingee. En jy praat nie, selfs nie met ’n handgebaar of wenkbrouwikkel nie. Jy sonder jou af, ook binne die groep. Jou mond op slot. Soos nou, met die rosyn. Ons sit aan die etenstafel en wag op ons eerste maaltyd saam. Elkeen kry ’n rosyn wat jy deeglik moet bekyk en beruik en tussen…

Kompetisie vir leke? Chris Botha van Centurion skryf Ek het ons sitkamer in die eerste ses maande van vanjaar vasgevat en alles self gedoen – selfs panele en ’n spieël opgesit. Dit het my laat dink: Kan julle nie in elke uitgawe van Tuis dalk voor- en ná-foto’s plaas van werk wat lesers as selfdoenamateurs aangepak het nie? En kan dit nie ’n kompetisie word waar die jaarlikse wenner ’n interieurkursus wen nie? Iets uit niets Erna Jorgensen van Pretoria skryf Ek is ’n baie getroue intekenaar van Tuis (deur Netwerk24) en sien altyd geweldig baie uit na elke uitgawe! Natuurlik stel ek in dekor en ontwerp belang. So kyk ek al vir ’n paar jaar hoedat my neef Dieter Lombard, wat in Amerika woon, sy beeldskone AirBnb in Portland…

WIE WOON HIER? Jenny en Mark Parsons en hul honde, Oscar en RoxyWAAR Nuweland, KaapstadGROOTTE 450 m² Terwyl baie mense die stad verruil vir die stadiger pas van ’n klein dorpie, was dit vir Jenny en Mark Parsons andersom. Einde 2020 het hulle Riebeek-Wes gegroet en teruggetrek na Kaapstad. “Ons het sewe baie gelukkige jare in die Riebeekvallei beleef, maar ons het die energie van die stad gemis,” sê Jenny, ’n kunstenaar en kleurkunstenaar. “Toe ons huis gouer verkoop is as wat verwag is, moes ons haastig na nuwe plekke begin kyk.” Met sy oorvloedige groenigheid en nabyheid aan die stad was Nuweland die perfekte voorstad vir hul nuwe begin. “Ons het baie ‘beige bokse’ bekyk – almal in perfekte toestand, maar net nie vir ons nie,” sê Jenny. Uiteindelik…

1 Laag op laag “Ek is ’n dapper ontwerper; ek skrik nie vir kleure en patrone nie,” sê die binne-ontwerper Alison Reynolds van The Painted Door Design Co. En dis presies hoekom ons so baie hou van haar en haar interieurs, wat ons dikwels in Tuis wys. “Ek versamel interessante items en materiale waar ek ook al gaan,” voeg sy by. “My sukses lê in die laag-op-laag-estetika.” Kopstuk deur Moorgas & Sons; bedkassie van Block & Chisel; kunswerke deur Lené Ehlers; muurvase deur Michael Chandler; bedlampe deur Artefact; deken van Babylonstoren; ottoman van Coricraft 2 PATROON OP PATROON Die plakpapier is die groot aandagtrekker in Alison se slaapkamer in haar Seepunt-woonstel. “Ek hou baie van die Britse ontwerper Kit Kemp se ontwerpe – die kleure is altyd pragtig en weldeurdag,”…

E-pos jou vrae na kenners@tuis.co.za. Ontmoet die ontwerper Wonderlike hout! Hy het grootgeword in die bloeitydperk van die maak van meubels uit soliede hout in Knysna. Kleintyd het James Mudge in sy pa se fabriek rondgehardloop en speelgoedbootjies gemaak. “Ons voorman, Raymond, het altyd gesê ‘pasop vir jou vingers!’” vertel James. Vandag is hy die trotse eienaar, ontwerper en vervaardiger van James Mudge Furniture Studio. “Ek het 18 jaar gelede in Kaapstad begin meubels maak – een kliënt op ’n slag,” sê James. “My argitektuurstudie het my ’n baie goeie begrip van ontwerp gegee en bygedra tot my kennis. Dit is belangrik om ontwerpvaardighede en tegniese kennis te hê wanneer dit kom by hout, veral soliede hout.” V&A MET JAMES 1 As mens net een ontwerperstuk kan bekostig, wat kies…

Bamboes vir buite Die draagbare Bob To Go-bamboeslamp (30 cm H x 32 cm D; R4 720, shopmoodmakers.com) is perfek vir buitekuierplekke wat baie son kry. Dit kan in die son gelaai word of met ’n USB-kabel. Spogstuk! Die Sunny-sonkrag-staanlamp (162.3 cm B x 48 cm D x 164-184 cm H; R9 990, monexteriors.com) het ’n verstelbare arm met twee hoogtestellings, drie ligstellings en gee 12 uur lank lig as dit volgelaai is. Dis gemaak van poeierbedekte aluminium in Mocha en Teak en is ideaal vir buite kuier en eet.…

Hoender-en-kruie-pasta Onder R120 • Genoeg vir 4 • Bereidingstyd: 30 minute Gaarmaaktyd: 20 minute 2 hoenderborsfilette, in blokkies gesny 30 ml olyfolie 4 groot murgpampoentjies, gekap 250 ml room 400 g linguini 80 g basilieblare 60 ml geroosterde amandels, gekap 1 ansjovisfilet, gekap 30 ml gerasperde parmesaan 60 ml olyfolie gerasperde skil van 1 suurlemoen 1 Meng die hoender met die olyfolie en geur ruim met sout en peper. Braai in ’n groot dikboompan tot die blokkies goudbruin en gaar is. Skep uit en braai in dieselfde pan die murgpampoentjies tot gaar en sag. 2 Giet die room by sodra die murgpampoentjies mooi kleur het. Kook intussen die pasta in soutwater tot al dente. 3 Verwerk die basilie, amandels, ansjovis, kaas en olie saam met ’n ruim skeutjie pastawater tot…

Vis uit die water Met vier perde, vier katte en sewe honde, om nie eens te praat van die voëls nie, is dit ’n eufemisme om die Morris-familie van Beaulieu, Johannesburg, as diereliefhebbers te beskryf! Die argitek Adrian Morris van Morris & Co en sy vrou, Daniela, het hul droomgesinshuis op ’n perdelandgoed gebou en hul liefde vir die buitelewe en die natuur om elke hoek en draai beklemtoon. Die swembad was ’n laat toevoeging nadat die huis voltooi is. “Aanvanklik het ons net gras hier gehad, maar dit het swak gevaar, veral in die winter. Daarom het ons die stuk om die swembad herontwerp om ’n ‘buitekamer’ te skep met struike, gruis, ’n vuurput en visbeeldjies,” sê Daniela. Nou kan die honde op die gruis hardloop sonder dat die…

WIE WOON HIER? Adrian en Daniela Morris, hul kinders, Gabriel (18) en Olivia (15), vier perde, vier katte en sewe hondeWAAR Beaulieu, JohannesburgGROOTTE 600 m² (huis); 10 000 m² (eiendom) Dit het die argitek Adrian Morris en sy vrou, Daniela, twee jaar geneem om die perfekte eiendom te kry waar hulle hul droomhuis kon bou. “Daniela se ouers het sowat 35 jaar op hierdie perdelandgoed gewoon en wou afskaal. Ons, aan die ander kant, het ’n groeiende gesin gehad en wou ’n plek van ons eie bou,” verduidelik Adrian. “Ons is mal oor die omgewing en Daniela en die kinders is ywerige perderuiters, so dit sou natuurlik gerieflik wees om op ’n landgoed te woon waar ons ons perde kon aanhou – én ons al die voordele van ’n plattelandse…

Moeg van jou afgeleefde kombuis, die gesukkel met ’n beknopte, onpraktiese badkamer, jaloers op jou buurman se stoep of net klaar met werk by die eetkamertafel? Ruk dit reg! Met flair – en Gelmar… Gelmar is een van Suid-Afrika se vooraanstaande huisverbeteringswinkels. Hulle bied ’n wye reeks topgehalte-produkte wat funksionaliteit en ontwerp kombineer om jou praktiese oplossings te gee vir jou huisopknap. Die beste van alles? Die afwerkings is indrukwekkend en die pryse bekostigbaar. Of jy ’n huiseienaar is wat ’n naweekprojek wil aanpak of ’n professionele kontrakteur wat groot restourasies doen, kies Gelmar. Met meer as 90 jaar ervaring, ’n toewyding aan gehalte en ’n passie om klante te help met hul huisverbeteringsdrome, is Gelmar meer as net ’n winkel – dis ’n vennoot op jou pad na transformasie.…

WEN! Die eienaars van die diere op die foto’s wen elk ’n geskenkbewys van R500 van Petshop Science (petshopscience.co.za). Of jy ’n vinnige uitstappie of ’n vakansie beplan, maak seker jou troeteldier is reg vir die pad. VetCare Calmcare Stress Relief Tablets for Dogs & Cats (R229.99) verlig angstigheid op lang reise of tydens besoeke aan die veearts of in vreemde vakansieverblyf. The Daro Small Plastic Pet Carrier (R449.99) is ’n kompakte, knus opsie vir kleiner diere en het baie openings aan alle kante wat optimale lugvloei en onbelemmerde uitsig gee. Vir ekstra beskerming en om te keer dat die bestuurder se aandag afgetrek word, maak jou troeteldier vas met die Rogz Safety Belt Clip (R69). Kry dit alles en meer vir troeteldierreise by jou naaste Petshop Science-winkel of laat…

Aarbei-en-beetslaai met gekrummelde bokkaas-balletjies Dié besonderse happies kan ook as deel van ’n kaasbord voorgesit word. Moenie skrik vir die lang bestanddelelys nie, dit is eintlik baie eenvoudig en jy kan selfs gekoopte slaaisous gebruik as jy ’n gunsteling het. Genoeg vir 4-6 as bykos • Bereidingstyd: 30 minute Gaarmaaktyd: 10 minute BOKKAASBALLETJIES 2 rolletjies (100 g elk) sagte Chevin bokmelkkaas (jou gunsteling-geur) sowat 125 ml koekmeel 2 eiers, geklits sowat 250 ml panko-broodkrummels canola-olie vir braai HEUNINGSLAAISOUS 125 ml olyfolie 15 ml heuning (of meer na smaak) 10 ml korrelmosterd 60 ml rooiwynasyn ’n knippie droë knoffel ’n knippie droë rissievlokkies SLAAI 80 g wilde (of gewone) roketblare ½ rooi ui, fyngekap 8 aarbeie, in skyfies gesny 8 gaar baba-bete, gehalveer 80 g eetbare blommetjies, of ekstra slaaiblare 1…

Kuns in ’n bottel Die 2024 Pierneef Sauvignon Blanc (R180) is ’n verfynde aptytwekker wat die perfekte pasmaat vir seekos en vars slaai is. Die mineraal-ondertoon laat dit ook goed werk saam met geure wat moeilik is om te komplementeer soos tamaties en sterk gekruide kos. Besoek la-motte.com. Lentepatrone Dek ’n vrolike lentetafel met ’n nuwe blokgedrukte tafeldoek van 100% katoen (groottes begin by 150 x 230 cm; van R795, indiaink.co.za) in Floral Orchid Mustard (bo) of Delicate Paisley Blue (links). PROPVOL GEUR Yotam Ottolenghi, wat bekend is vir sy geurkombinasies en Midde-Oosterse en Mediterreense kookkuns, bied nou van sy mees ikoniese geurprofiele in ’n nuwe reeks pastasouse, pesto en smeersouse. Die Pomegranate, Rose & Preserved Lemon Harissa (R129.99 vir 170 g, woolworths.co.za) se soet en pikante geur is heerlik…