Tabla de contenidos para March 2016 en WegRy

As iemand wat 4x4-bykomstighede verkoop en self ’n veldry-entoesias is, kom ek dikwels mense teë wat die betonoerwoud vir die bosveld wil verruil. Hierdie eko-toeriste wil self bestuur in voertuie wat geskik is vir die veld. Maar daar is soveel handelsmerke en inligting beskikbaar (sommige daarvan help jou van die wal af in die sloot), jy kan maklik verward en moedeloos raak. Net soos wat trou en huiskoop groot besluite is, kan dit ook stresvol wees om ’n voertuig te koop omdat niemand ’n fout kan bekostig nie.Tog is ek verras om te sien hoeveel mense is besluiteloos oor die handelsmerk van die motor wat hulle wil koop, laat staan nog die handelsmerk van die bosbreker, wenas of veringstelsel wat hulle wil aanbring. Dis nie maklik om goeie raad oor…

Johann het sewe punte wat hy meen altyd belangrik is, selfs in informele radiokommunikasie op toer: 1. Moenie lank aaneen praat nie. Sê ’n sin, wag ’n oomblik, en sê jou volgende sin. Dit gee iemand anders kans om jou in die rede te val (verkieslik met die woorde “break, break”) as belangriker inligting skielik gedeel moet word. 2. Moenie kru taal gebruik nie. 3. Hou jou boodskappe beskaafd. 4. Moenie musiek oor die radio’s speel nie. Solank as wat jy die PTT-knoppie (push to talk) inhou, kan niemand anders op jou kanaal aanwysings of waarskuwings deel nie. 5. Kinders moenie die radio’s gebruik nie. 6. As jy nie ’n boodskap gehoor het nie, gebruik: “Sê weer, asseblief.” Moenie “herhaal” sê nie. 7. As jy met iemand spesifiek wil praat,…

HOEVEEL TYD HET EK NODIG? Die roete is doenbaar in drie dae, maar die afstande tussen die dorpe is ver. Val soggens vroeg in die pad, of werk ’n ekstra dag in. BESTE TYD OM TE GAAN? Heel jaar, maar hou in gedagte dat die Karoo bloedig warm raak in die somermaande. HET EK ’N 4X4 NODIG? Nee, die paaie is goed genoeg vir ’n sagte veldryer. BRANDSTOF? Brandstof is nie ’n probleem nie en selfs 50 ppm diesel is oral beskikbaar. WAAR HET JY GEBLY? Vyver’s Rus het twee selfsorgkothuise. Die Kliphuis huisves tot 7 mense. Daar is nie elektrisiteit nie, maar daar is ’n gasgeiser, LED ligte en ’n yskas wat met sonkrag werk. Die Veldhuis huisves tot 4 gaste. Dit kos vanaf R295 per persoon per nag.…

Wanneer jy en jou vrou op ’n lang 4x4-vakansie gaan, is ’n tent op die Cruiser se dak, ’n yskas en ’n paar ammokiste onder die kappie seker genoeg. Maar kyk hoe klein word daai Cruiser as jy twee kinders se trek óók moet saamry Chobe toe. Dis dan wanneer ’n bossleepwa na ’n ál beter plan begin lyk. ’n Bossleepwa is egter heelwat meer as net ’n pakplek op wiele. Met die regte toerusting is dit ’n veilige slaapkamer weg van die leeus af (party selfs met ’n hangkas!), ’n gerieflike kombuis, ’n betroubare kragbron en ’n ruim, beskutte kuierplek as die weer pla. Die bossleepwaens op ons lys het almal drie dinge in gemeen: Hulle het slaapplek vir vier mense, meestal in ’n daktent en sytent; hulle kan…

OP DIE ROETE Hoe lank is die roete? 24,5 km Hoeveel tyd het ek nodig? 4 uur Maksimum getal voertuie? 10 Kry ek ’n kaart? Nee Sal my voertuig gekrap word? Nee Moet ek my treeplanke verwyder? Ja Moet ek ’n kompressor saamneem? Ja Kan ons langs die pad braai? Ja, by die kamp terrein by die omdraaipunt. Sal ons wild sien? Dis onwaarskynlik, maar ons het ’n swartarend gesien. RONDOM DIE ROETE Beste tyd om te gaan? Die hele jaar deur. Kan ek my gesin saamneem? Ja Net vir die dag of vir die naweek? Albei Is daar ablusiegeriewe vir dagbesoekers? Ja Die naaste dorp? Barrydale (16 km) Die naaste petrolstasie: Barrydale Hoe kom ek daar? Volg die R62 deur Montagu. Ry in die rigting van Barrydale, en draai…

Foto’s en vriende Hannes Lochner is een van die topnatuurfotograwe ter wêreld. Hy vertel meer oor die voertuig wat hy gebruik om diep in die natuur te kom, waar hy sy foto’s neem. Wat is jou eerste toerherinnering? Junie-vakansies as kind in die Krugerwildtuin, die hele gesin in ons motor ingeprop en ’n Venter-sleepwa wat in die agtergrond sing. My pa het gebraai en natuurlik vir ons verduidelik presies hoe ’n vuur gemaak moet word. Ek skerts nou, maar hy doen dit nog steeds! Die lekkerste plek in die bos waar jy al was? Daar is nie ’n beter plek as die Kalahari nie. Die gebrul van leeus, die sterre en die reuk van die eerste reëns. Die geknetter van ’n vuurtjie, ’n geliefde of die oor van jou beste…

Voor ’n onlangse alleenreis na Sioma Ngwezi in Zambië, het ek ’n Plan B bedink vir as dinge skeefloop. Dit het behels dat ’n satellietsender elke vyf minute my ligging na ’n webwerf sal sein. Ek het ’n vriend in Pretoria gevra om dit dop te hou. As ek ná drie dae nog nie uit die park was nie, moes die vriend hulp uit Lusaka stuur. Die bekende reël – dat jy minstens ’n week se voorraad kos en water moet saamry – geld steeds, want dit kan ’n dag of wat neem voordat die soekgeselskap jou bereik. Maar die belangrikste deel van enige reddingspoging is dat iemand moet weet dat jy in die moeilikheid is – en waar presies hulle na jou moet kom soek. Deesdae is die meeste…

1947 Land Rover konsepmodel by Solihull, Engeland gebou. 1948 Land Rover Series I by Amsterdam-motorskou bekendgestel. 1949 Land Rover Series I word in Suid-Afrika bekendgestel en verkoop. 1950–1953 Die Land Rover fabriek in Blackheath, Kaapstad, word gebou en begin produksie. 1958 Series II bekendstelling by Amsterdam motorskou. 1962 Series IIA-produksie begin. 1972 Series III-produksie begin in SA. 1982 Series IIIS word onder lisensie in SA vervaardig. 1984 Die 110 model vervang die Series IIIS. 1985 Die 90-model bekendgestel en vervaardiging begin. 1990 Land Rover Discovery word bekendgestel, die 90 en 110 word internasionaal herdoop tot die Defender. 1992 Die 90 en 110 word in SA herdoop tot die Defender. 1994 BMW koop Land Rover. 1997 Die Defender 2.8i (BMWpetrolenjin) word slegs in SA vervaardig en verkoop. 2000 Ford koop Land…

DIE VRAAG Kort nadat ek op ’n vakansie na Mosambiek vertrek het, het ek by ’n vulstasie stilgehou om vol te maak. Stel jou my reaksie voor toe ek sien die petroljoggie het diesel in my Patrol se tenk ingegooi! Die voertuig het ’n 4,8 liter-petrolenjin. Ek kon genadiglik die ou stop voordat die hele tenk vol diesel was, maar ek skat so 5 liter het in daardie stadium reeds in my tenk beland. Ek het die res van die tenk met petrol volgemaak en gery, en daar was eintlik nie ’n noemenswaardige verskil in hoe die enjin geloop het nie. Moet ek bekommerd wees dat my Patrol dalk onherstelbaar beskadig is? ’n Werktuigkundige het my onlangs aangeraai om die hele brandstofstelsel te vervang, wat ’n paar duisend rand sal…

ONTDEK NAMIBIË SE GEHEIME DAMARALAND – DISCOVERING THE SECRETS OF NAMIBIA Deur Johan Snyman UITGEWER: JOHAN SNYMAN PRYS: R350 ’n Tweede druk van Johan Snyman se breedvoerige gids oor Damaraland, wat in 2013 verskyn het, het uiteindelik die lig gesien. En as jy al van Damaraland, of sy eerste gids Kaokoland gehoor het, sal jy weet hoekom hierdie tweede druk ’n groot gebeurtenis is. Daar is omtrent meer Namibiese sand as bloed in die man se are en Damaraland is een van die, indien nie dié mees volledige en omvattende gids oor die streek. Elke pad en paadjie wat in die gids gelys word, is roetes wat die skrywer self gery het – al 6 200 km daarvan. As hy dus skryf ’n paadjie is sus of so, kan jy…

“My pa was versot op daai onbetroubare kombi, selfs al het die Engelbrechts soos die Israeliete van ouds gedurig óf met ’n wolkkolom, óf met ’n vuurkolom op ’n plek aangekom.” Ek betrap my pa en broer dat hulle onlangs op ’n parkeerterrein op Hermanus weer met hulle neus teen die ruit van die nuwe model kombi staan. Hulle lyk soos verliefde skoolseuns. My pa was altyd ’n Volksie-man. Die probleem is egter dat my pa mal oor die Volksies was, maar dat die Volksies nooit mal oor my pa was nie. In alle billikheid, met vier kinders in die huis was spoggerige motors nie heeltemal bo-aan die prioriteitslys nie, en die meeste rygoed was al redelik (kug) “ervare” teen die tyd dat hulle ’n staanplek op ons werf gekry…

PROBLEME MET MY GPS Omtrent ’n jaar gelede het ek my eerste GPS gekoop: ’n Oregon 650. Die sagteware is nuut bygewerk via Garmin Express. Ek het die Topo Southern Africa 2013 PRO-kaart en T4A 15.05.03 opgelaai. Moet net een hiervan op ’n slag aktief wees? Ek het gehoor ek kan albei gelyktydig laat hardloop. My probleem is dat die GPS soms die strate aandui wanneer ek in stedelike gebiede is, maar soms nie. Ek het die straatinligting nodig. Ek kon nog nie hierdie probleem oplos nie en julle kundige raad sal waardeer word. Ek oorweeg dit om na die Nüvi oor te skakel ter wille van ’n groter skerm. Ek glo ook die Nüvi is meer gebruiksvriendelik. Wat is julle raad? JOHN FINCHAM BELLVILLE ONS GPS-GHOEROE, JOHANN GROENEWALD, ANTWOORD:…

As jy al ooit op ’n twee weke lange 4x4-toer moes tande kners met ’n idioot wat sy héle Sokkietreffersversameling oor die tweerigtingradio’s speel, sal jy weet hoe irriterend verkeerde radiogebruik kan wees. En as jy al ’n afdraai misgery het, of selfs in ’n ander 4x4 vasgery het omdat ’n grapjas die luggolwe beset het toe iemand jou moes waarsku oor ’n voertuig wat net anderkant ’n duin vassit, sal jy weet swak radio-etiket kan ook meer as net ’n tandeknersery veroorsaak. Dit beteken nie dat jy net in kodewoorde en ’n stem soos ’n Boeing-vlieënier moet praat nie. Informele radiogebruik is nie só streng nie, en selfs op begeleide toere gebruik gidse soms die luggolwe om inligting oor die omgewing te deel. Maar ’n tweerigtingradio is veral daar…

Ek is baie op die pad. Baie daarvan is lang stukke teerpad onderweg na bestemmings waar ek dikwels vir dae lank net grondpad ry. My vuurwa op hierdie reise is gewoonlik ons langtermyn 8-spoed- outomatiese Volkswagen Amarok 2.0 BiTDI Highline 4MOTION. Grootseun Aanvanklik was die grootte van die bakkie intimiderend, veral in ’n parkeerterrein, maar mettertyd het ek dit gewoond geraak en is ek aangenaam verras oor die ratsheid van die bakkie. Die laaibak is die grootste op die mark en pakplek is nooit ’n probleem nie. Die parkeersensor (wat jy nie in hierdie model kan afskakel nie) kan irriterend raak in die veld as dit vir elke tweede grashalmpie lawaai. Dit is egter baie welkom in die stad. Op die langpad is die Amarok die gemaklikste bakkie wat ek…

ONDER DIE ENJINKAP Enjin: 2,2 liter viersilinder turbodieselenjin Krag: 90 kW @ 3 500 r/min Wringkrag: 360 Nm @ 2000 r/min Transmissie: 6 gang handrat Topsnelheid: 145 km/h 0-100km/h: 17sek Brandstofverbruik: 11,1 liter/100 km VELDRYFEITE Onderstel: Leerraam Aandrywing: Voltydse vierwiel aandrywing, hoë en laestrek Vering: Vaste asse voor en agter met kronkelvere Bande: 235/85 R16 Brandstoftenk: 75 liter Grondvryhoogte: 250 mm Dompeldiepte: 500 mm Gewig: 2 125 kg EIENAARSKAP Diensinterval: 20 000 km Diensplan: 5 jaar/100 000 km Waarborg: 3 jaar/100 000 km Prys: R648 500 (90); R714 600 (110)…

WANNEER IS DIE BESTE TYD OM TE GAAN? Heel jaar, maar dit reën gewoonlik in die somer wat sommige roetes nogal uitdagend kan maak. HOEVEEL TYD HET EK NODIG? By Golden Gate en Moolmanshoek het jy minstens ’n naweek vir elk nodig. Voeg ’n ekstra dag of twee by om Clarens te verken. WAAR KAN EK BLY? Daar is hope verblyfopsies in Clarens, van gastehuise en selfsorg eenhede tot hotelle. Besoek www.safarinow.com/Clarens. In die Golden Gate Nasionale Park is daar ook verskeie opsies. In die Glen Reenen ruskamp kos dit tussen R200 en R235 per kampplek vir twee mense en R82 ekstra per persoon tot en met 6 mense. Hier is ook fami liehuise, plaashuise en rondawels wat twee tot ses mense huisves teen ’n basistarief van R800 tot R1615…

KYK AGTER Ek raai 99,9% van dierefoto’s wat op my Facebookblad opduik, het ’n onderwerp in fokus in die voorgrond, omring met ’n mooi dowwe agtergrond. Ons kan amper nie onsself help om dit so af te neem nie – dit kom instinktief. Leon het egter ’n bietjie verder gedink toe sy lang lens hom beperk. In plaas daarvan om die kameelperd heeltemal uit die prentjie te sny, sluit hy hom op ’n baie treffende wyse by die komposisie in. Pragtige goue lig op die kameelperd se vel trek dadelik jou aandag en, hoewel hy uit fokus is, bly die kameelperd ons hoofonderwerp. Ons staan as’t ware langs die langnek en kyk af na die grasvlaktes onder… en dan sien ons die vier asemrowende koedoebulle onder op die vlaktes. Wanneer…

Vir vars seekos het ’n mens nie juis ’n resep nodig nie. Jy maak dit so vinnig as moontlik gaar met net ’n bietjie sout, peper en suurlemoensap. Maar die meeste mense het nie altyd toegang tot vars vis nie en daarom gee ons julle ook ’n paar lekker visgeregte wat jy enige tyd van die jaar kan maak met geblikte of selfs bevrore vis. Maar waar of hoe ook al jy jou seekos in die hande kry, hou by die riglyne van Sassi (SA Sustainable Seafood Initiative). Want as die see aanhoudend geplunder word soos wat tans gebeur, gaan die groot dam vir ons nageslagte net ’n leë dop wees. Swartmossels met ’n byt Haaie is nie die enigste goed in die see wat kan byt nie! Genoeg vir…