Tabla de contenidos para April 2016 en WegRy

Ons hou van vars slaai by ons etes en kry jy nie altyd vars slaai in die bos nie. Omdat ek my eie waterkultuurtuintjie (“hydroponic garden”) by die huis het, het ek besluit om van die gekweekte slaaie saam te neem met vakansie. Vir dié wat nie weet nie: In ’n waterkultuurtuin hang die wortels van die plante in ’n oplossing van voedingstowwe. Die belangrikste is dat die plante in die water is en dat dit nie kan uitstort of die houer kan omval nie. Ek het twee komme gebruik wat in mekaar pas (foto 1). MAAK SO: Sit die twee komme in mekaar (foto 2). Meet die verskil in hoogte tussen die twee komme. In my geval was die verskil 18mm. Dit beteken dat ek die onderste kom met…

Johan Rothmann, ’n entoesiastiese 4x4-reisiger, het ná sy aftrede ’n Toyota Hilux gekoop en toegerus om ten volle selfversorgend te reis. Einde verlede jaar, net voor ’n toer na KwaZulu-Natal en Lesotho, het hy en sy vrou by hulle dogter in Pretoria oorgebly. “Vrydag 6 November het ons die laaste inkopies gaan doen. Die bakkie was reg sodat ons die volgende oggend net kon opstaan en ry. “Ek het die Vrydagaand voor die motorhuis geparkeer, in ons kinders se toegeboude erf in die rustige voorstad Die Wilgers, Pretoria. ’n Swaar veiligheidshek op ’n staalspoor versper toegang na die erf en ’n buurtwag doen gereeld patrollies.” Toe Johan egter die Saterdagoggend om 05:55 die motorhuisdeur van binne oopmaak, was daar net ’n stuk leë plaveisel waar sy bakkie gestaan het. “Met…

Wanneer ek terugdink aan die TV-advertensie van die Toyota Hilux in die tagtigs, onthou ek ’n bakkie wat uitgebeeld is as ’n taai werksvoertuig – hardebaardmanne met bale en konkas op die laaibak of êrens tussen die landerye in ’n kamikaze-stormloop met ’n Brahmaan-bul. Maar deur die jare het die boerebaarde en kakiehoede plek gemaak vir skoongeskeerde gesigte en netjiese kraaghemde. Daar was onlangs “selfs” ’n vrou agter die stuur in ’n lowergroen voorstad, ’n pratende bokserhond en fietse op die bak. Maar die jongste Hilux-advertensie, wat ons by die plaaslike bekendstelling gesien het, vat die evolusie van dié bakkie dalk die beste saam: Drie seuntjies sit ná skool en spog oor wie se pa se Hilux die sterkste is. Húlle pa’s sleep nie watertenks of vragsleepwaens nie, maar eerder…

WANNEER? 1-11 Augustus 2016 HOE LANK IS DIE TOER? 11 dae, 10 nagte WAARVANDAAN VERTREK DIE TOER? Dit vertrek van buite Grootfontein af. WAT MOET EK BRING? • Jou voertuig en brandstof • Matras en/of kampbed, slaapsak en kussing • Jou eie kampstoel • Drankies en versnaperinge • Mediese versekering • Geld vir grensfooie en padbelasting WAAR GAAN EK SLAAP? Tente. EN KOS? Ons ervare bossjef berei drie etes per dag. HOEVEEL KOS DIT? R12 650 per persoon (kinders jonger as 10 betaal halfprys) DIE TOERPRYS SLUIT IN: • Alle kampgeld • Alle ingangsgeld by parke • Alle geadverteerde aktiwiteite • Drie etes per dag en koffie/tee in die kamp • Tente, eetgerei en breekware WAT NOG? Jy het ’n 4x4 met goeie grondvryhoogte en laestrek nodig, asook bande vir…

Die Swartberge is deel van die Kaapse plooigordel en strek oor sowat 230 km vanaf Laingsburg in die suide tot by Willowmore (wes) en Uniondale (oos). Die bergreeks word in twee gedeel deur die Gamkarivier. Die Klein Swartberg lê na die weste en die Groot Swartberg na die ooste. Dit vorm min of meer ’n grens tussen die Klein-Karoo en die Groot-Karoo en is die langste en hoogste bergreeks in die Wes-Kaap. Die hoogste pieke in die Swartberge is die Seweweekspoort (2 325 m) en Towerkop (2 189 m)…

Die Rebellie-wildplaas is al jare lank een van die top-roetebestemmings in Suid-Afrika. En dit is nie net as gevolg van die 4x4-uitdagings nie, maar ook vanweë die goeie verblyf en pragtige uitsigte. Die wildplaas is binne maklike bereik vanaf Gauteng, maar as jy eers die roete aandurf, sal die woord “maklik” nie sommer gou weer oor jou lippe kom nie. Op die berg Teen 2 200 m bo seevlak is die Rebelliebergroete een van die hoogstes ter wêreld. Kort ná my aankoms op die plaas het ek in die pad geval. Lucas het saamgery as my gids en om te help pad bou. (Gidse soos Lucas is beskikbaar as jy vooraf reël.) Die bergpad is ’n heen-en-terug-roete en begin naby aan die plaasingang. Die roete begin onmiddellik ná die afdraai…

FOTO VAN DIE MAAND KLEURRYK Simonet de Villiers Canon 60D en Canon 24-205 mm-lens (verstellings: f/4.5, 1/500 sec, ISO 100) “Ek is gek oor die bos en neem graag natuurfoto’s, maar geniet dit vreeslik om Afrika se mense af te neem – veral kinders. Ons het naby Sitoti in Zambië op hierdie pragtige meisie met haar kleurvolle klere en die mango’s op die kop afgekom. Sy het in die perfekte posisie gestaan en ek het sommer dié foto uit die motor geneem.” VILLIERS SÊ:  Mense is soms makliker om af te neem as diere. Jy kan vra dat hulle glimlag en selfs óm hulle beweeg vir beter beligting. Maar ’n puik skoot soos hierdie, waar die persoon 100% natuurlik lyk, is nie kinderspeletjies nie. KLEURE EN KLERE Afrika se mense…

Berge toe Hoekom dié deel van Suider-Afrika? As jy een maal in die Sederberge was, gaan jy altyd verlang na die ruwe sandsteenrotse, die afsondering tussen die klowe, die kraakvars lug en die skoon bergpoele. En jy gaan heeltyd planne beraam om terug te kom. Wat was die hoogtepunt van die reis? Om die pad te vat Algeria se kant toe en kilometer vir kilometer te voel hoe ons verdwyn. En om tussen Matjiesfontein, Eselbank en Wuppertal te wéét ons het verdwyn. En die laagtepunte of probleme? My vriend Pieter se stywe lip nadat ons amper in die vol Doringrivier weggespoel het. Die water het bo-oor ons voete binne-in die bakkie geloop. Maar sy preek, waarin hy my aangesê het om “op te hou om in situasies in te f*k”,…

Hoe werk dit? Alkohol onderdruk die sentrale senuweestelsel. In klein hoeveelhede – ons praat van 'n bier of twee – word jou inhibisiesentrum (die deel van jou brein wat vir jou sê “my 4x2-bakkie kan nie ’n graad 5-roete ry nie”) effens onderdruk en begin jy lekker gesels. In groter hoeveelhede begin jy koördinasie verloor en al hoe minder rasioneel dink: “Hmm, dalk kan my 4x2-bakkie tóg daai graad 5-roete doen!” Drink jy nóg meer, begin die probleme. Jy kan uiteindelik in ’n koma beland en selfs asemhalingsprobleme ervaar. (En nou praat ons nie van daai snork ná middernag nie. – Jaco) Daarom meng alkohol en 4x4-ry glad nie. ’n Kombinasie van verskeie faktore Fisies speel dehidrasie en min slaap (alkohol veroorsaak slaapprobleme) ’n rol. Die Wêreldgesondheidsorganisasie (WGO) sê dat…

Leon, ’n elektrisiën van Krugersdorp, se liefde vir padvat het hom al verskeie kere deur Suider-Afrika gelei. “Ons het al van Johannesburg deur die Kalahari, Namakwaland en verby Addo na die Gariepdam gery. Ons is al drie keer Richtersveld toe, waar my skoonma haar 70ste verjaarsdag gevier het en ons lekker potkoek geëet het,” vertel hy. Benewens dit het Ou Grote hulle al deur Botswana, die Kaokoland in Namibië, na die Victoriawaterval en teen Sanipas opgeneem. “Ek hou van die boslewe, want dit neem jou weg van die stad se gejaag. En daar is ook dikwels geen selfoonopvangs wat jou lewe beheer nie!” sê Leon. Ou Grote is natuurlik onontbeerlik vir die egpaar wanneer hulle toer. Dis hoekom Leon dié Cruiser ordentlik aangepas het om hulle huis op die langpad…

Met kilometers en kilometers van ongerepte natuurskoon, rivierdeltas, panne en parke bied Botswana oneindig baie aan toeriste. Jy het nog nie ’n leeu gesien voor jy nie ’n Kalaharimaanhaar gesien het nie, en in Mabuasehube lê jy sommer in jou daktent en kyk hoe die diere water op die pan kom drink – dis nou as hulle nie sommer by jóú in die kamp kom kuier nie. Die Tuliblok op die oostelike grens van die land is weer bekend vir sy rotsformasies en ’n paradys vir voëlkykers, terwyl jy in Chobe vanaf ’n rivierboot die rivierreuse kan sien. Suid-Afrikaners het net paspoorte nodig vir toegang tot Botswana, maar burgers van ander lande mag visums nodig hê. Die land het goeie teerpaaie, maar as jy Kubu-eiland en die Makgadikgadi-panne wil besoek,…

Die ouens skerts altyd dat as jy nie self ’n wenas het nie, moet jy sorg dat jy met iemand saamry wat wel een het. En dit is nie om dowe neute nie. ’n Wenas is ’n baie handige stuk toerusting om te hê as jy herwin moet word, mits jy weet hoe om dit te gebruik – en die regte een vir jou toepassing het. In hierdie artikel gaan ons die raaiwerk uit wenas-koop en -gebruik haal. HOE WERK ’N WENAS? ’n Wenas is basies ’n spoel om ’n as wat ’n kabel daarom opwen. (Dis ook waar die naam vandaan kom.) Die spoel word deur ratte aangedryf wat deur ’n elektriese motor gedraai word. Die elektriese motor kry gewoonlik sy krag van jou voertuig se battery af. HOEKOM…

55 LITER Beskrywing: Enkelkompartement-ys/ vrieskas. Prys: R9 700 (aluminium) of R10 250 (vlekvrye staal, sluit drie mandjies in) Isolasie: oraloor 60 mm in die sywande. Batterybeskerming: Hoog, medium en laag. Kragverrigting:12 Vgs, 24 Vgs en 100 tot 240 Vws. Gewig: 22,4 kg (aluminium) of 26,6 kg (vlekvrye staal). Opsionele ekstras: Mandjies en oortreksel. *Gemiddelde kragverbruik: 27,343 Amps @ 12 VDC. *Gemeet oor ’n tydperk van 24 uur teen drie verskillende buitetemperature (onderskeidelik 21ºC, 32ºC en 43ºC) en met die eenheid op ’n konstante ­10ºC. 60 LITER Beskrywing: Dubbelkompartement-ys/ vrieskas met onafhanklike termostate. Prys: R10 500 (aluminium) of R11 950 (vlekvrye staal, vyf mandjies ingesluit) Isolasie: sywande van 42 mm rondom die yskaskompartement, en 60 mm rondom die vrieskas. Batterybeskerming: Hoog, medium en laag. Kragverrigting: 12 Vgs, 24 Vgs en 100…

HOEKOM MOET EK GAAN? Lekker roetes, goeie verblyf, en ’n pragtige omgewing. 4x4 roetes: Bergroete: 12 km (2,5 tot 3,5 uur); Kloofroete: 10 km (4 5 uur). Maksimum getal voertuie: Geen beperking. Kry ek ’n kaart: Ja. Sal my voertuig gekrap word? Dis onwaar skynlik. Moet ek my treeplanke afhaal? Ja. Moet ek ’n kompressor saamneem? Ja, maar daar is ook ’n kompressor by Ontvangs. Kan ons langs die pad braai? Net by die piekniekplek op die Kloofroete. Kan ek halfpad omdraai? Ja, dis moontlik. Sal ek wild sien? Ja, daar is heelwat wild soos swartwildebeeste, elande, sebras, springbokke, blesbokke, jakkalse en bobbejane. RONDOM DIE ROETE Beste tyd om te gaan: Enige tyd van die jaar. Die omgewing is mooier in die somer, maar jy gaan klippe kou op die…

Onlangs sien ek ’n video van ’n springbokooi wat ’n jagluiperd bestorm en met haar horings bykom. Sy het haar lyf roofdier gehou omdat die jagluiperd te na aan haar lammer gekom het. Want as die adrenalien pomp, doen diere snaakse dinge. Mense ook. Soos die twee manne wat ek in die kleedkamer by die Mopani-ruskamp in die Krugerwildtuin aangetref het. Dis ’n warm somersdag en ons ry Mopani binne. Ek klim uit die motor en stap na die manstoilette. Die nood het gedruk en tot my verligting tref ek net een kêrel daarbinne aan wat by ’n urinaal staan en fluit. Vinnig neem ek stelling langs hom in. Hy het ’n helderblou broek, goudgeel hemp en bloedrooi skoene aan. In al twee ore dra hy goue oorbelle en sy…

DIE AMAROK IS ’N WOLF IN SKAAPSKLERE In antwoord op Kobus Erasmus se brief in Wegry #79, “Is die Amarok ’n ‘sagte 4x4’?” net die volgende. Ek het ’n 2014 Amarok-agt-spoed-4x4. Ek het reeds 77 000 probleemvrye kilometers gery, wat insluit sleepwerk en graad 3- en 4-roetes. My Amarok het Seikel se “field and forest”-vering. Dit het die grondvryhoogte onder die pensplaat tot 218 mm gelig. Ek het ook die 255/60R18 Pirelli-ATRbande op 60 000 km vervang met Hankook se 265/65R18- Dynapro-ATM-bande. Nou is my grondvryhoogte ’n hele 237 mm. Verder is my Amarok standaard-toegerus. Ek vind die stabiliteit op ’n grondpad so goed dat ek bitter min die “off-road”- knoppie aktiveer. Met Kobus se verwysing na die Amarokagtspoed-4x4 as ’n sagte 4x4, wil ek net sê: Gaan kyk na…

Die nuwe generasie Ford Ranger (T6 PX) is ’n lekker bakkie. Dit het egter, soos die meeste rygoed, ’n nuk of twee, veral wanneer jy sy vering gelig het. Ons ervaring is dat die rukkerigheid veroorsaak word deur die hoek waarteen die agterste dryfas werk. Laat ek verduidelik. Enkel of dubbel? Die Ranger het ’n tweestukagterdryfas met drie U-koppelpunte ( universal joints of U-joints). Die een word gekoppel aan die ratkasflens, die een in die middel en die een aan die einde van die ewenaarflens. Die dryfas is met ’n rubberstuk aan die onderstel geheg, net voor die middelste U-koppelstuk. Die meeste voertuie het net ’n enkelstuk-dryfas met twee U-koppelstukke. Maar (soos die geval is met die meeste hedendaagse bakkies) beteken die lengte van die Ranger se dryfas dat dit…

ONDER DIE ENJINKAP Enjin: 3 liter, in gelid viersilinder, turbodiesel Krag: 130 kW @ 3 600 r/min Wringkrag: 380 Nm @ 1800 2800 r/min Transmissie: 5 gang outomaties Topsnelheid: nie beskikbaar nie 0-100km/h: nie beskikbaar nie Brandstofverbruik: 7,9 liter/100 km VELDRYFEITE Onderstel: Leerraam Aandrywing: Deel tydse vierwielaandrywing, hoë en laestrek, ewenaarslot, elektroniese stabiliteitsbeheer Vering: Onafhanklik voor, vaste as met bladvere agter Bande: 255/65 R17 AT Brandstoftenk: 80 liter Grondvryhoogte: 220 mm Dompeldiepte: 600 mm Gewig: 1 920 kg EIENAARSKAP Diensinterval: 1 jaar/15 000 km Diensplan: 5 jaar/90 000 km Waarborg: 5 jaar/120 000 km Prys: R563 500…

DÍS WAT JY KAN VERWAG: DAG 1 Ons ontmoet mekaar 55km noord van Grootfontein en slaap in ’n boskamp naby ’n Boesman-gemeenskap. Ons toergids vertel ons meer oor wat voorlê terwyl die groep weglê aan ’n lekker ete. DAG 2 Ná ontbyt gaan stap ons saam met Boesmans uit die plaaslike gemeenskap om te leer hoe hulle leef. Dan ry ons en kom uiteindelik met ’n sandpaadjie by Sekereti uit – ons kampplek in die Khaudum Nasionale Park. Dis ’n eenvoudige kamp, sonder heinings, maar met ’n toilet en storte. DAG 3 EN 4 Ons ry na die Khaudum-kamp waar ons vir die volgende twee aande slaap. Deur die dag gaan ons op wildritte na verskeie watergate, waar ons die olifante, voëllewe en mooi omgewing geniet. Die Khaudum het ook…

JEAN PIERRE DE VILLIERS: Enige van die panne in die Mabuasehubedeel van die Kgalagadi – Bosobogolo, Mabuasehube, Lesholoago, Mpayathutlwa, Monamodi of Khiding. JAN VORSTER: Die Makgadikgadipanne, veral as jy daar kan in- en uitkom sonder om vas te sit. Dis die beste uitsig oor die Melkweg ooit en die sonsopkoms is ewe mooi. PIETER SCHOEMAN: Elephant Sands is ook baie lekker, en erg rustig. DION DU PLESSIS: Guma Lagoon. WALTER EN MARTHA SÜLLWALD: Guma Lagoon-kamp. Dis soos ’n oase in dié sanderige wêreld. Ons is lief vir fotografie en die uitsig oor die Okavango-delta, veral met sonsopkoms, is baie mooi.…

CANGO MOUNTAIN RESORT www.cangomountain.caravanparks.co.za Info@cangomountainresort.co.za 044 272 6075 OU TOLHUIS, BOTHASHOEK-HUT, GAMKASKLOOF COTTAGES EN DIE SWARTBERG-4X4-ROETE moet deur Cape Nature bespreek wordwww.capenature.co.za044 203 6300 KREDOUW-OLYFPLAAS EN COTTAGES www.kredouwfarm.com admin@kredouwfarm.com 0766130535 WELTEVREDE-VYEPLAAS EN VERBLYF www.figfarm.co.za weltevrede@figfarm.co.za 023 5411229 KRUISRIVIER-GASTEPLAAS www.kruisrivier.co.za 044 213 3788 MATJIESVLEI-VERBLYF EN 4X4-ROETE www.matjiesvlei.co.za matjiesvlei@telkomsa.net 073 174 1028 ARISTATA-KAMP IN DIE SEWEWEEKSPOORT www.7weeks.co.za bookings@7weeks.co.za 083 611 0645 BOSCH LUYS-KLOOF-LODGE, RESTAURANT EN 4X4-ROETES www.boschluyskloof.co.za boschkloofpnr@telkomsa.net 023 581 5046 GAMKAPOORTDAM-COTTAGES www.gamkapoortdam.co.za gamkapoortdam@gmail.com 072 925 8421 WAGENDRIFT LODGE EN 4X4-ROETES www.wagendriftlodge.co.za info@wagendriftlodge.co.za 082 373 7370 THE COUNTRY GARDEN GUEST FARM (NABY TOWERKOP) www.thecountrygarden.co.za reception@thecountrygarden.co.za 028 551 2076 KOEDOESKLOOF COUNTRY LODGE EN RESTAURANT www.koedoeskloof.co.za koedoeskloof@wispernet.co.za 082 331 3648…

Zimbabwe vereis dat die weerkaatsers op voertuie almal van die byekorf- of diamant-soort moet wees. Zimbabwe beskou alle bakkies en dubbelkajuitbakkies as handelsvoertuie. Agterop jou bakkie moet jy dus ’n rooi weerkaatser langs byna die hele lengte van die bakwerk hê wat nie minder as 400 mm van die kante af mag wees nie. Op die voorkant moet jy ook twee wit weerkaatsers van 60 x 50 mm of groter aanbring. Ons het dit op ons Navara bokant die misligte geplak. Alle nie-handelsvoertuie moet ook twee van dié weerkaatsers voor aanbring en twee rooi weerkaatsers (ook 60 x 50 mm) links en regs op die agterkant van die voertuig. Alle voertuie moet ’n spaarwiel, domkrag, wielsleutel en twee driehoeke (die diamant-soort) hê. ’n Brandblusser van een kilogram is ook ’n…

DIE VRAAG Ek het ’n paar vrae oor veerstelsels. Eerstens: Hoe verskil dit as jy jou “vering lig”, teenoor wanneer jy jou “bakwerk lig”? Tweedens: Ek hoor mense sê ’n 4x4 se grondvryhoogte verbeter nie as jy die vering lig nie. Hoekom doen ’n mens dit dan? Derdens: Sommige maatskappye bied veringpakkette, van lig-, tot medium-en swaardiensstelsels. As ek besluit om dit te installeer, watter een moet ek vir my Hilux kies? En laastens: Watter fabrikaat maak die beste vering? DIE ANTWOORD KOM ONS BEGIN BY JOU EERSTE VRAAG: Hoe verskil dit as jy jou vering lig, teenoor wanneer jy jou bakwerk lig? Oor die algemeen verwys die lig van vering (ook ’n suspension lift genoem) na enige modifikasies aan die veringstelsel wat die grondvryhoogte verbeter. ’n Voorbeeld hiervan is…

A STAAN VIR ALLES A-Z PLEKNAME VAN SUID-AFRIKA Deur Ann Gadd UITGEWER: MAPSTUDIO PRYS: R250 Ek en my vrou (daai tyd nog net my “spesiale vriendin”) het een keer saam met my pa en sý vrou op ’n 4x4-toer deur die Transkei gegaan. Die lekkerste was om dit in sy Patrol te doen. Maar amper net so lekker was ’n pleknaamboek wat my stiefma saamgeneem het. Terwyl ons ry, kon sy die kilometers korter maak met allerhande interessante feite en staaltjies oor die plekke waarlangs ons gery het. Het jy byvoorbeeld geweet Lusikisiki kry sy naam van die klank wat die gras maak as die wind daar waai? A-Z Plekname van Suid-Afrika is ook so ’n boek. Die skrywer, Ann Gadd, het met groot sorg en ’n fyn oog inligting…