Tabla de contenidos para June 2016 en WegRy

JUNIE CALITZDORP-PORTEN-WYN-FEES Waar: Calitzdorp, Klein-Karoo Wanneer: 16 tot 19 Junie Hoekom moet jy gaan: Die dorp word beskou as Suid-Afrika se porthoofstad en die agt kelders op die dorp span saam om die fees aan te bied. Boonop is dit in die hartjie van die Klein-Karoo se 4x4-wêreld met passe soos die Seweweekspoort, Swart-berg en Gamkaskloof slegs ’n klipgooi ver. Meer inligting: www.calitzdorpwinterfestival.co.za KIRKWOOD-WILDSFEES Waar: Kirkwood, Oos-Kaap Wanneer: 24-26 Junie Hoekom moet jy gaan: Met ’n wildveiling en ’n 4x4-ekspo het jy nou ’n rede om ’n draai op Kirkwood te maak. Meer inligting: Besoek die Facebook-blad “Kirkwood Wildsfees”. JULIE KNYSNA-OESTERFEES Waar: Knysna, Suid-Kaap Wanneer: 1 tot 10 Julie Hoekom moet jy gaan: Heelwat geleenthede vir fietsryers en drawwers, en dan is daar natuurlik ook die legendariese oesters. Gebruik die…

Toyota Hilux 2.8 GD-6 4x4 Raider outo KRAG: 130 kW @ 3 400 r/min WRINGKRAG: 450 Nm @ 1600-2400 r/min VRAGDRAVERMOË: 810 kg SLEEPVERMOË: 750 kg ongerem, 3 500 kg gerem PRYS: R547 900 VW Amarok 2.0 BiTDI Highline 4Motion outo KRAG: 132 kW @ 4 000 r/min WRINGKRAG: 420 Nm @ 1 750 r/ min VRAGDRAVERMOË: 837 kg SLEEPVERMOË: 3 200 kg gerem, ongerem nie beskikbaar PRYS: R558 200 Ford Ranger XLT 3.2 TDCi 4x4 outo KRAG: 147 kw @ 3 000 r/min WRINGKRAG: 470 Nm @ 1 500-2750 r/min VRAGDRAVERMOË: 938 kg SLEEPVERMOË: 750 kg ongerem, 3 500 kg gerem PRYS: R567 900 Isuzu KB300 D-TEQ LX 4x4 outo KRAG: 130 kW @ 3 600 r/min WRINGKRAG: 380 Nm @ 1 800-2 800 r/min VRAGDRAVERMOË: 1 021 kg…

My bene staan stokstyf teen die vloermat en my hande hou krampagtig vas aan die deurhandvatsel terwyl ek myself in die passasiersitplek probeer stut. Oor ’n bonkige wynrooi-enjinkap sien ek net-net ’n groep toeskouers se koppe wat boontoe kyk. Hulle lyk piepklein, want die stuk aarde waarop hulle staan, lê ver onder die een waarteen ons afry. Ek sit in ene Chris Boegman se Nissan Patrol, omtrent halfpad ondertoe teen Koos se Klip, die laaste hindernis op die Moegatle-4x4-roete naby Brits. Maar sit is eintlik die verkeerde woord, want ek staan byna kiertsregop in my sitplek. Wat doen ek hier? dink ek terwyl die bande teen die skuinste van 430 afskuur. Grrrr, grrrr. Ek’s veronderstel om in Swaziland te wees man, teen hierdie tyd van die dag verkieslik êrens met…

OP DIE ROETE Hoe lank is die roete? Roete 1 – 15 km, 3 4 uur (graad 3). Maksimum getal voertuie: 15 Kry ek ’n kaart? Ja. Sal my ryding gekrap word? Nee. Moet ek my treeplanke afhaal? Nee. Moet ek ’n kompressor saamneem? Dit word aanbeveel, maar meestal net as ’n voorsorg maatreël. Kan ek langs die pad braai? Net by die kampterrein. Kan ek wild sien? Nee. OM DIE ROETE Beste tyd om te gaan? Enige tyd. Die paaie kan egter baie nat word in die wintermaande (Mei tot Augustus). Kan ek my gesin saamneem? Ja. Net vir die dag of vir die naweek? Albei. Is daar ablusiegeriewe vir dagbesoekers? Ja, by die kampterrein. Die naaste dorp? Villiersdorp is 14 km van daar af. Die naaste petrolstasie? Villersdorp,…

As jy sommige ouens moet glo, is al wat jy regtig vir die veld nodig het, ’n stewige kinetiese tou, ’n hoogligdomkrag en ’n goeie dosis waagmoed. Maar iets wat baie min mense besef, is dat ’n kompressor een van die belangrikste stukke veiligheidstoerusting is wat jy kan inlaai. Want die regte banddruk het die grootste enkele invloed op jou voertuig se vastrapvermoë. HOE WERK ’N KOMPRESSOR? As jy fietspompe ken, sal jy maklik verstaan hoe ’n kompressor werk. Kompressors het ’n metaalsilinder met ’n suier wat op en af beweeg. Wanneer dit beweeg, suig dit lug aan die een kant in en dwing dit deur ’n pyp aan die anderkant tot in jou band uit. Die “trrrrr” wat jy hoor, is die elektriese motor. Kompressors se verrigting word aangedui…

PIETER OOSTHUIZEN BAKKIE-UITKLOPTOETS Pieter sê hy was “nog net” in 20 Afrika-lande. Hy het al ’n rits ekspedisies en safari’s voltooi, dikwels as logistieke bestuurder, op roetes van 5 000 tot 8 000 km. Vandeesmaand gooi hy ’n stuiwer in die armbeurs in die bakkietoets. Wat is jou eerste toerherinnering? In my pa se wit Valiant, gehaak voor ’n swaar, tuisgemaakte sleepwa. Ons het van Alexanderbaai gereis na wat gevoel het soos die ander kant van die planeet – die Victoria-waterval. Jou gunstelingplek in die bos? Enige plek in Afrika se miombobosveld, waar die naguiltjie (nightjar) jou aan die slaap sus. Wat is die beste reiswenk wat jy ooit gekry het? Hou altyd ’n ekstra jerrykan vol skoon drinkwater op toer, vir iemand wat siek word of wanneer iemand anders…

Ek weier deesdae om mense te help wat in die sand vasgeval het omdat ek nou al my les geleer het. Gewoonlik begin die bestuurder in die vasgevalde voertuig pleit: “Het jy ’n tou? Kan jy ons uithelp, asseblief?” My eerste reaksie is om eers te gaan kyk watter pogings al in daardie stadium aangewend is om die voertuig uit die gat te kry – en gewoonlik is daar nog net ’n swaar regtervoet op die pedaal neergesit. Dan, in my oorgretigheid om die arme mense uit hulle penarie te help, spring ek weg en wys ek hulle wat gedoen moet word. Net om later agter te kom ek het feitlik al die werk gedoen. Simpel ek. Nou vou ek my arms en verduidelik ek net hoe die bestuurder moet…

DAG 1. Die groep kom in Swakopmund bymekaar waar ons mekaar oor aande-e rondom die vuur leer ken. DAG 2. Ons verken Swakopmund mesy eiesoor-ige Dui-se argi-ek-uur en ’n groo- verskeidenheid avon-uurak-iwi-ei-e – van vryval, sandbord- en kwadfie-sry -odolfyne en walvisse kyk. (Die avon-uurak-iwi-ei-e is nie by die -oerprys ingesluinie.) DAG 3. Ná on-by- ver-rek ons na die robkolonie by Seal Poin-. Op pad daarheen hou ons ’n piekniekmiddage-e. Me- ons aankoms by die Brandberg sal die span al die kamp opgeslaan hê en sal die kospo--e reeds pru-. DAG 4. Ons doen ’n begeleide -oer na die Brandberg en sy bekende Wi-Vrou en ander Boesman-ekeninge. Dan ry ons -erug na die kamp vir ’n laaon-by- en ’n rus-ige middag. La-er sal jy die woes-ynsonsondergang van die voe-heuwels van die…

Vervaardigers beskryf dikwels hulle bande as veelterrein, of “ All-Terrain ” (AT) . Ongelukkig is hierdie begrip nie altyd duidelik nie, en selfs effens misleidend. Vastrapvermoë, oftewel traksie, is belangrik vir enige veldryband, maar wanneer laas het jy ’n 4x4 gesien wat beheer verloor en begin tol het omdat die bande se loopvlakpatroon nie goed ontwerp is nie? Laat ek raai … nog nooit nie? Hoekom? Want die meeste bande bied ’n taamlike mate van vastrapvermoë op ’n verskeidenheid van oppervlakke, met die uitsondering van modder. Wat die vraag laat ontstaan: Wat maak ’n veldryband ’n ware veldryband? Ek glo die antwoord is eenvoudig: sy sterkte of duursaamheid. Hoewel daar baie sogenaamde veelterreinbande op die mark is, is baie min van hulle regtig veldryprodukte wat betref hulle konstruksie, die hoeveelheid…

LEKKER STORIES VIR LEKKER LAG ROBBIE SE BROER SE ROER EN ANDER JAGSTORIES Deur Pienkes du Plessis UITGEWER: HUMAN & ROUSSEAU PRYS: R190 Pienkes du Plessis is terug met ’n splinternuwe bundel vol lekkerlag-kortverhale, Robbie se broer se roer en ander jagstories. Nou voordat jou streng vegetariese niggie met die los katoenbroeke dié boek ook in die vuur gooi, laat haar eers een of twee van Pienkes se stories lees, want sy skryftalente strek baie verder as staaltjies oor mans wat jag of vir kwaadgeld in die veld rondhang. Sy kan sommer met die eerste storie, “Oupa gaan hemel toe”, begin. Ek wed jou R10 sy sal net so lekker lag oor Pienkes se beskrywings van die foltering wat ’n oupa moet deurgaan om sy woelige kleinseuns in die veld…

Die nuwe Hilux is hier, en watter opskudding het dit nie veroorsaak nie! Die vorige generasie was sedert 2005 met ons en het net hier en daar ’n effense facelift langs die pad gekry. Entoesiaste het hulle asems opgehou vir die groot oomblik – 11 jaar is lank om so te sê dieselfde voertuig op die mark te hê. Maar ek haal my hoed af vir Toyota, die vorige Hilux was tot op die einde ’n topverkoper. Dit wil gedoen wees! Ek het ’n paar bekendstellings in verskillende dele van die land bygewoon en het met ’n paar 4x4-entoesiaste, boere, boswagters, vlooteienaars, plattelandse polisiebeamptes, gesinne, huidige Hilux-eienaars en ander bakkie-eienaars gesels. Die meeste van hulle is – soos ek – baie beïndruk met die nuwe model. ’n Paar het gedink…

Wat is KPR? Kardiopulmonêre resussitasie, algemeen bekend as KPR, is ’n noodprosedure wat gedoen word om breinfunksie te bewaar tot verdere behandeling toegepas kan word om spontane bloedsomloop en asemhaling in ’n persoon te herstel. Wanneer doen ons KPR? Dit word gebruik wanneeer iemand geen asemhaling het nie, of abnormale asemhaling het, sonder ’n tasbare polsslag. Hoe werk KPR? As jy weet hoe ’n kar se enjin werk, behoort jy die volgende te kan verstaan. Die hart is ’n spier met vier kamers, en daar is are wat daaraan verbind is wat bloed na die hart toe bring en weer vanaf die hart wegvoer na jou liggaam. Die hart sit skuins agter die borsbeen en die idee is dat wanneer jy die borsbeen teen die hart druk (m.a.w. kompressie toepas),…

PIETER OOSTHUIZEN Nie een bakkie het regtig teleurgestel nie. Die Hilux het met sy klimwerk teen steiltes, grondpad-gedrag en keuse tussen ekonomie en krag beïndruk, maar daar is niks subtiel aan sy klaende afdraandremhulp nie. Die Ranger se afgeronde veelsydigheid in alle toestande was die opvallendste, terwyl die luukse Amarok en amper minimalistiese Isuzu steeds goeie vlagskepe is. As ’n titel-boksgeveg gelykop eindig, behou die kampioen sy kroon. Só was dit met WegRy se soektog na die beste outomatiese 4x4-dubbelkajut, waarin die nuwe Hilux nie beter as die Ranger was nie. Maar die Hilux ding nou op gelyke voet met die Ford mee. CHARLES THOMPSON Die nuwe 2.8 GD-6 enjin is ’n ander perd as sy voorganger, die 3.0 D-4D. Dit ontwikkel 130 kW, basies dieselfde as die Amarok en…

Kroonland-4x4 is die ideale roete waar jy jou 4x4-tande kan sny as jy in en om Kaapstad woon. Dit is net ’n uur se ry buite Kaapstad en is ’n goeie graad 3-roete – dit is dus nie té tegnies nie en jy hoef nie jou oë toe te knyp vir skade aan jou voertuig nie. Dit is pragtig en behoort nie jou skoonma se tande uit haar mond te skud nie. Die roete is geleë in ’n pragtige vallei genaamd Kaaimansgat, ’n gemeenskap van appelboere sowat 14 km buite Villiersdorp. Die vallei word omring deur berghange en fynbos. Nadat jy regs afgedraai het, begin die 4x4-roete 500 meter van Kroonland se ontvangskantoor af. Van hier af loop ’n tweespoorpad, wat met 4x4-padborde aangedui word. Die roete is duidelik uitgemerk…

IRONMAN 4X4 TRAVEL MASTER MULTI-ROD EN MULTI-REEL MacGyver se visvangstok Die Travel Master Multi-Rod is soos die mesmoertang van visstokke, want met hierdie slim visvangstel kan jy 9 verskillende visstokke in 36 kombinasies aanmekaarsit. Of jy dus tiervis wil stoei in die Zambezi of êrens op ’n Mosambiekse strand die Indiese Oseaan se grotes wil uithaal, jy sal die regte soort visstok kan maak uit dié stel. Dit word van koolstofvesel gemaak en is lig maar taai, en die stokke sit vinnig aan mekaar met maklike koppelstukke. Die hele boksemdaais pas netjies in ’n buisvormige drasak wat jy sommer oor jou skouer kan gooi. Jy kan ook ’n Travel Master Multi-Reel koop en met ’n enkele katrol die blinklywe byna enige plek gaan haak. Die Multi-Reel is pasgemaak vir die…

Dit het alles in 1990 begin, toe ’n Suid-Afrikaanse ingenieursfirma ’n tender vir ’n projek vir die Wêreldgesondheidsorganisasie (WGO) ingedien het. Die WGO was op soek na sonkrag-yskaste wat vir ’n mediese inentingsveldtog in Afrika gebruik kan word, en National Luna het sy hand opgesteek. Daardie tyd het National Luna nog net boorgatpompe en 12 V-buisligte vervaardig, maar die maatskappy het nietemin die kans aangegryp. National Luna se prototipe vir ’n 12 V-yskas was die enigste een wat aan die WGO se streng vereistes voldoen het. Die inentingsveldtog is egter om politieke redes laat vaar, en National Luna was opgeskeep met ’n projek vir ’n draagbare yskas ter waarde van R3 000 000. (Altesaam R3 miljoen is in die ontwikkeling van die prototipe-yskas belê, wat omtrent R10 miljoen in vandag…

Om na die Victoria-waterval te ry is nie uniek nie: Baie mense het dit al gedoen. Sommige het op eie stoom daar gekom in hulle 4x4’s, ander het in hulle plat Duitse sedans, of in hulle ou studentekarretjies, op hulle motorfietse, of selfs op hulle trapfietse daar gekom. Die verskil is dat hierdie my avontuur is: Ander mense het dit al gedoen, maar ek het nog nie met die Jimny oor die grens na die Victoria-val gery nie. In my droom ry ons nie reguit soontoe nie – ons het oorgenoeg tyd om eers ’n wye draai deur Namibië en terug deur Botswana te ry. Miskien pas ons ook ’n ballonrit oor Sossusvlei se duine in, eet ’n steak in Windhoek, neem ’n “selfie” in Swakopmund, gaan op ’n wildrit…

Kan ons by julle koek en tee kry? het ek gevra. Ek dink nie dit was ’n onredelike versoek nie. In Namibië, waar die Duitse invloed deeglik in hul kook-en koekkuns ingeburger is, is dit nie vreemd om ’n gebakte peuseldingetjie saam met jou laatoggend-tee te wil geniet nie. Maar die vroutjie agter die ontvangstoonbank by Gastehuis Sentraal in Keetmanshoop se wenkbroue is dun potloodstrepies. Die twee swart-gekryte halfmaantjies laat haar gesig die heeltyd verbaas lyk. Sy kyk na my. Verbaas. Ons het nie koek nie, seg sy. Maar ons kan oorkant die pad by die supermark vir julle gaan haal. Plastiekerige winkelkoek met room soos tandepasta in krulletjies uitgedruk? Ek het apfelstrüdel met vet rosyne en ’n kaneelkors verwag. Of swartwoudsjokoladekoek met ’n brosbroodlagie en vier verdiepings room, sjokoladeskerwe…

Die winter is hier en my gemoed sak sommer, want ek is nie eintlik lus vir die koue weer nie. Maar wat my moed gee, is die gedagte aan die lang, lekker maaltye wat jy in die winter kan geniet. En die eerste ding waaraan ek dink, is bredies wat lank en stadig prut terwyl jy langs die vuur sit en luister hoe die pot net so effens praat. Bredies is hartskos. Dit laat jou dink aan oupas en oumas, ma’s en pa’s. Ek dink só aan my een oupa se tamatiebredie met sy kenmerkende speserye, my ma se waterblommetjiebredie of afvalpot. My ma het ons graag van haar Ierse pa se eenvoudige Ierse bredies vertel. En só koester ons almal net die mooiste herinneringe aan bredies. En laat ek…