Tabla de contenidos para July 2016 en WegRy

Swaziland het ons verras! Ons het op ’n Saterdagmiddag in perfekte somerweer in die Ndlovu-kamp van die Hlane-park aangekom en verblyf in ’n ruim rondawel gekry. Terwyl ons vir ’n buffetete aangesit het, het ons ’n paar seekoeie in die watergat oorkant die restaurant gesien. Die paraffienlampe wat saans aangesteek word, skep ’n heerlike atmosfeer. Dis eintlik heeltemal romanties so sonder elektrisiteit, en ons het tot laataand buite gesit en kuier. Die Sondag het ons gaan kyk hoe die dorpie Symonyane lyk, en ons was verbaas om ’n winkelkompleks en gholfbaan aan te tref. Ons het goeie vleis daar gekry vir ons Sondagmiddagbraai. In ons uur lange wildrit het ons twee olifante, vyf leeus, ’n renoster, ’n jakkals, waterbok, rooibokke en twee njalas gesien. Orals waar ons gekom het, was…

DIE AGTERGROND “Die arm man se Prado” en vele ander beskrywings is deur die jare gebruik om met die Fortuner te spot. Maar dit was ’n spot met deernis en dalk selfs teësinnige respek, want net ’n dwaas het ontken hoe gewild die voertuig is. Die Fortuner het boonop eiehandig ’n nuwe voertuigsegment in Suid-Afrika begin – dié van ’n sportsnutsvoertuig wat gegrond is op die onderstel van ’n bakkie. Ja, Nissan het dit jare tevore met die Sani probeer, maar dit was ’n ombouing en nie regtig ’n produksievoertuig nie. Die Fortuner het wel sekere tekortkominge gehad. Die ontwerp van die agtervering het tot gevolg gehad dat sy stert los kon raak op ’n sinkplaatpad. In ’n sekere mate was hy ook ’n slagoffer van sy eie sukses: Daar…

GLO DIT of nie, ek woon al byna ’n dekade lank in die Wes-Kaap, maar het voor hierdie storie nog nooit die Montague-of Prins Alfred-pas gery nie. Sonde, ek weet. Ek het al soveel keer daar verbygery, maar daar was net altyd ’n kat, ’n girlfriend of ’n vroeë oggend op kantoor wat my moes laat verbyjaag. En soos seker die meeste Suid-Afrikaners wat al Kringe in ’n Bos gelees het, is Saul se geheime boswêreld iets waaroor ek al jare lank wonder elke keer as ek Knysna toe kom. Toe ’n geleentheid hom dus voordoen om die passe rondom George en Knysna te gaan verken, en boonop ’n unieke toer diep in die bos mee te maak, was my hand eerste in die lug. Toe ek egter een Vrydagmiddag…

AI-AIS/RICHTERSVELD-OORGRENSPARK Die park lê oor die grens tussen Suid-Afrika en Namibië en is die eerste park wat jy sal kry as jy Namibië vanuit die suide binnery. Die bekende Visrivier-canyon lê ook gedeeltelik in dié park. Waar moet ek ry? Al oornag jy nie in die park nie, maak beslis ’n draai by die Ai-Aiswarmbronne, aan die suidekant van die canyon. Hier is ook ’n vulstasie en restaurant. Hoe lyk die paaie? Hierdie deel van die wêreld kry so min as 50 mm reën per jaar. Maak jou dus reg vir stowwerige grondpaaie. Die omgewing is egter meestal plat en die grondpaaie in ’n goeie toe-stand. Waar kan ek bly? Daar is ’n hoop kampeerplekke aan die Suid-Afrikaanse kant, en aan die Namibiese kant kan jy by Ai-Ais Hot Springs…

Daar is ’n paar luukses waarsonder ’n mens nie op vakansie kan klaarkom nie, en soms is daar nie 220V-kragpunte beskikbaar nie, veral nie in die Sentraal-Kalahari of diep in die Namib nie. Dan moet jy maar jou yskas of kampeerligte met jou motorbattery laat werk – wat weer die gevaar skep dat jou ryding se battery oornag kan pap word. En dan sit jy gestrand totdat iemand met jumper leads tot jou redding kom. Maar daar is ’n oplossing: ’n dubbelbatterystelsel. BELANGRIKE DUBBELBATTERYFEITE 1 Daar is twee soorte batterye, wat volgens hulle gebruik onderskei word. Jy kry gewone voertuigbatterye (in Engels praat hulle van ’n starter battery omdat een van sy hooffunksies is om ’n voertuig se aansitter van krag te voorsien) en diepsiklusbatterye. Hierdie batterye lewer hulle krag…

DÍS WAT JY KAN VERWAG Het jy al gewonder hoe dit moet voel om diep in die bos se geilgroen ondeurdringbaarheid te wees? Die wêreld van Dalene Matthee se stories, reuse geelhoutbome en geil mosse, varings en houtkappers? Wel, jy kan. Sanparke het Bhejane 4x4 Adventures die eksklusiewe reg gegee om begeleide dagtoere deur die besonderse boswêreld aan te bied. Op dié daguitstappie kan jy enorme geelhout- en stinkhoutbome, varings, ligene, mosse, blouduikers, bosbokke en loeries met jou eie oë sien. En wie weet, miskien selfs ’n Knysna-olifant ... Maar dis nie net ’n ry-en-kyk-toer hierdie nie. Jy sal ook leer van die Bos se eiesoortige fauna en flora, die ontberings van Italiaanse nedersetters en houtkappers, en ook van verlore reisigers. Ons kry mekaar by die Sasol-vulstasie in Harkerville, langs…

DAG 1 Ons begin in die Mlilwane-natuurreservaat, waar die Riley-familie die grondslag vir Swaziland se natuurbewaring gelê het. Ons skop nes, verken die kamp en geniet ons eerste Bhejane-aandete om die kampvuur. DAG 2 Ons verken die Mlilwane-natuurreservaat en die omliggende Ezulwini-vallei. Ons volg ’n 4x4-roete in die heuwels rondom Nyonyaneberg en besoek Execution Rock. Ná ’n stewige brunch besoek ons toerisme-aantreklikhede en kan jy handgemaakte kerse, geweefde matte, mandjies en pragtige handgemaakte kunswerke in die omgewing koop. DAG 3 Ná ontbyt besoek ons ’n plaaslike stat en ervaar die vriendelike Swazi-kultuur en tradisionele leefstyl. Dan ry ons ooswaarts na die Laeveld-streek van Swaziland. Hier sal die Hlane Koninklike Nasionale Park vir twee nagte ons tuiste wees. DAG 4 Ons spandeer tyd in Hlane en ervaar die bos, wild en…

Dinge roer by Mercedes-Benz. Nie net stel die vervaardiger ’n string nuwe voertuie bekend nie, hy’t ook sy modelbenamings hersien. Die sportnutsvoertuigweergawe van die C-klas is byvoorbeeld die GLC en die E-klas se grondpadbroer die GLE (voorheen die ML). Merc se sewesitplek-nutsvoertuig, die GL, is ook opgeknap met ’n nuwe naam, die GLS. En dis dié wa wat die maatskappy onlangs bekendgestel het. Op die oog af Die GLS is gróót – 5,13 m lank, byna 2 m breed en 1,85 m hoog, met ’n asafstand van net meer as 3 m. Die nuwe model kry ’n vergrote driepuntster op die neus, dik chroominsetsels voor, agter en oor die dakrakke, asook reuse sierwiele wat seker maak jy kan dié Merc nie miskyk as hy by jou verbyseil nie. Binnelangs Die…

Johann Viljoen van Bellville is al só lank in die motorbedryf dat hy beter bekend is as “Johann Tyres”, ’n bynaam wat hy met dekades se ondervinding in die bandebedryf verdien het. “Ek het jare vir Goodyear gewerk voordat ek 12 jaar gelede my eie besigheid, 1st Alignment Centre, begin het. En nou het ons ook 1st Outdoor oopgemaak, spesifiek vir 4x4-bykomstighede,” vertel hy. So waarmee toer ’n man wat alles van 4x4’s weet wat daar te wete is? “Ek het ’n 2002-model Toyota Land Cruiser 100 GX met 218 000km op,” vertel Johann. En die oorgrote meerderheid van daai afstand is toermyle, want dié Cruiser is net vir die langpad bedoel en staan permanent gereed. As ek ooit ’n probleem soos ’n waterkruising moet teëkom, het ek ’n ordentlike…

Met ’n lekker vroeë wegspring in Centurion is ons uiteindelik op koers na Namibië. Ek, my vrou, Chantéle, en ons kinders, Anushka en Anke, is in ons Jeep Wrangler 3.6 Unlimited, wat ’n Jurgens Safari Xcellboswoonwa sleep. Die Vissers (Hennie, Natasja, Ruan en Kaylin), ry saam in hulle Jeep Wrangler 3.6 Unlimited. Hulle sleep ’n Bushlapa-miskruier. Ons wou nie verbode kos oor die grens neem nie en hoop om by die Spar in Karasburg reg te kom. Maar dis Sondagmiddag kort voor een en die dorp is morsdood. Die Shoprite U Save is darem oop en hier is baie voorraad, solank jy net in bevrore hoender belangstel. Hier’s nie ’n krieseltjie bees, vark of enige ander vleis nie. Ek koop ook toe sommer hulle laaste twee eenliter-bottels water. Die laaste…

VRAAG Ek was baie lus om ’n LED-ligstaaf vir my Jeep se dakrak te koop, maar toe hoor ek stories dat sommige ingevoerde produkte se ligte flikker, dof word of heeltemal doodgaan. Hoe voel jy oor LED-ligstawe? Is dit net ’n mode, en moet ek die mode volg, of liewer gewone kolligte op my Jeep se buffer laat installeer? ANTWOORD Jy is heeltemal reg. Baie van die ligte se vervaardigers belowe jou ongelooflike lumens, maar dis ’n geval van rou lumens versus effektiewe lumens. Die een is ’n teoretiese syfer, terwyl die ander een die werklike uitset weerspieël. Ongelukkig noem verskeie vervaardigers die rou lumens van hulle produk, en dit is altyd hoër as die werklike syfer, oftewel die effektiewe lumen-meting. DINK AAN KLANKSTELSELS, waar die vervaardigers van die versterker…

Ek en my vriende gaan speel gereeld met ons 4x4’s in die Mogolrivier by Lephalale (Ellisras), want daar is lekker skoon water en skoon sand. Tydens een so ’n uitstappie was ’n goeie vriend van my, Pieter van Wyk, en sy Land Cruiser 4500 EFI-bakkie (gelukkig!) saam. Daar is twee brûe oor die Mogol. Ek is nie seker hoe ver hulle uitmekaar is nie, maar dis ’n hele entjie. Ons het van die een brug na die ander een probeer ry die dag dat ek ’n walletjie in die rivier onderskat het. En daar laat sit ek die Jeep op sy pens oor die einste walletjie. Pieter het my vorentoe probeer uittrek met ’n kinetiese tou, maar toe self vasgeval! Gelukkig het ek ’n wenas. Ons het dié toe tussen…

Noord-Namibië het sowaar begin kielie op plekke wat ons julle nie kan vertel nie… alles te danke aan die kommentaar van WegRy-lesers en hulle avonture die afgelope jare. Ons het al ’n argief opgebou van artikels uit WegRy wat strek van SA tot by die verste punt in Afrika, want waar kry jy nou ’n beter getuigskrif van wat ’n reis inhou as ’n medereisiger se werklike belewenis? En net soos Johan Pretorius in Maart geskryf het (WegRy #80) van hulle terugkeer ná tien jaar na Noord-Namibië, gaan ons ook ’n dekade later weer Namibië toe. En ek weet Namibië gaan ook op ons kom sit soos ’n “klipkedis” op die basaltkoppe van Kaokoland! Ons het Afrika al deurkruis op kamp-ekspedisies en het altyd voorkeur gegee aan enige adrenalienervaring. Daai…

“Die beste bly maar om gereeld stil te hou en enige gras onder jou voertuig te verwyder.” “As jy voor in ’n konvooi ry, wees ekstra versigtig. Die voorste voertuie skep uiteraard meer hoë gras . . .” Diep in die Namibwoestyn lê die wrak van ’n Toyota Prado. Hy’t jare gelede daar uitgebrand saam met nóg ’n Prado, wat intussen verwyder is. As jy al ooit op die toermaatskappy Live the Journey se Faces of the Namib-toer was, of ’n gesprek oor 4x4’s wat aan die brand slaan op 4x4-forums gevolg het, sou jy seker al van dié voertuie gehoor het. Hulle is ’n angswekkende herinnering aan ’n gevaar wat talle bestuurders al gesien, of (dalk nog erger) geruik het – die gevaar van gras onder ’n vuurwarm voertuig.…

MOTORSAKE Nissan koop aandeel in Mitsubishi Mitsubishi is die jongste motorvervaardiger wat, nes VW ’n paar maande gelede, betrokke is by ’n skandaal oor foutiewe uitlaatgassyfers. Noem ons sinies, maar ons dink nie dat hulle die enigste skuldiges is nie. Hulle is net uitgevang. Die resultaat was egter ’n 50% daling in Mitsubishi se aandeelprys en ’n gulde geleentheid vir Renault/ Nissan se Carlos Goshn om toe te slaan en ’n 34% belang in Mitsubishi teen ’n groot afslag te verkry. Dit maak Nissan die grootste enkele aandeelhouer in die maatskappy. Hulle het in elk geval die laaste paar jaar nou saamgewerk, met Mitsubishi wat Nissan se klein motors verskaf het en Nissan wat weer sommige sedans aan Mitsubishi verskaf het. In Suidoos­Asië is Mitsubishi baie sterk en sal Nissan…

Met die eerste oogopslag dink ’n mens daar’s ’n paar foute in die boekie vir die nuwe Volvo XC90 T8 Twin Engine. Maar dis slim ingenieurswese wat sy indrukwekkende krag-, brandstofverbruik- en verrigtingsyfers lewer, nie glipse op die sleutelbord nie. Op die oog af Buitelangs is daar nie veel verskil tussen die hibriede T8, die vlagskip in die XC90-reeks, en die res van die modelle nie. Waarskynlik die mees opvallende is die afwesigheid van misligte op die neus. Dié moes plek maak vir komponente van die elektriese stelsel in die enjinruim. Binnelangs Die mees opvallende verandering binne is ’n blinknuwe rathefboom. Dis suiwer weelde – ’n kristalhefboom word individueel vir elke T8 deur die Sweedse kristalmaker Orrefors gesny. Die res van die kajuit is ook Volvoweelde en dis omtrent net…

DIE REUK van dood hang in die lug. Dit kom van rob- en seevoëlkarkasse wat hier en daar tussen bamboese en stukke dryfhout lê en vrot. Die strand is besaai met wit vlekke: die verbleikte beendere van land- en seediere. ’n Skoorsoekerige suidoostewind en yskoue Atlantiese oseaan rond die onheilspellende prentjie af. Dis ’n plek van uiterste afsondering, waar min wesens oorleef, of jy nou hier gebore word of van elders hier aanland. En as ek die beendere om my so bekyk, lyk dit of baie van die inkommers nooit weer die Skedelkus verlaat het nie. Noordwaarts met die soutpad Vroeg op ’n Maandagoggend ontmoet ek my toergroep by ’n vulstasie in Swakopmund. Ek ry in die Hilux van ons gids, Simon Wearne van Live the Journey. Die Kunene-riviermond, soos…

Ongeag of jy jou tentpenne in Etosha inkap, wil wildkyk in Moremi of die sterre in jou agterplaas wil lê en bewonder, ’n gesinsvakansie in die buitelug skep onvergeetlike herinneringe. Met Camp Master se kinderreeks wag die avontuur van ’n leeftyd op jou, terwyl almal warm en knus bly in die koue. Maak seker jou kinders kry ’n goeie nagrus met ons matrasse. Of jy soek na ’n opblaasmatras vir die harde grond van Kaokoland, of ’n opvoubare skuimrubbermatras vir die jongklomp se oorslaappartytjies, ons het ’n groot verskeidenheid soorte en kleure om van te kies. Jou kinders sal dol wees daaroor. Moenie vergeet om ook die regte grootte slaapsak vir die kroos te koop nie, want dit sal verseker dat hulle deur die nag warm bly. Noudat jy die…

20 Moet-ervaardinge in Namibië TOAST COETZER REISREDAKTEUR, WEG-TYDSKRIF HAUCHABFONTEIN Die swempoel by Hauchabfontein is ’n wonderwerk. Soos jy naderstap oor die dorre aarde, sal jy wonder: wat de hel? By die poel(e) aangekom lyk dit asof iemand dit met sement en spoelklippe gebou het. Dis diep, tot 15 meter lank, koel en skoon (as jy nie omgee om tussen die waterplante te swem nie). Dieselfde rivier – die Tsauchab – is die een wat al die pad Sossusvlei toe loop in jare van vloed. Hier by Hauchabfontein dam dit op in perfekte swemgate. Jy kan hier kampeer, maar ook net kom swem (R30 p.p.). Dis langs die D854 tussen Sesriem en Büllsport. GPS S24.51599 E16.07523 MIRABIB Mirabib in die Namib-Naukluft Nasionale Park is ’n inselberg (“eilandberg” in Duits) soos Spitzkoppe…

SEAT SAINT SUV-SITPLEKKUSSING Hoe ry die Boere? Sit-sit sag! Seat Saint het pas ’n nuwe model van hulle gemaklike kar-/ bakkiesitplek-kussing bekend gestel. Dié een is ’n bietjie breër en platter en, soos die naam aandui, gemik op sportnutsvoertuie. Hy werk egter puik in my Navara-bakkie, so ek reken hy sal in enige moderne 4x4 werk. Sy profiel is laer as dié van die kar-/bakkiesitplek-model, maar dit beteken nie dat hy minder gerieflik is nie. ’n Slim ankerpunt en rubberstroke aan sy onderkant help dat hy nie op jou motor se sitplek rondskuif nie. Ongelukkig sal jy steeds nou en dan moet stilhou om die tenk vol te maak en water af te slaan. PRYS: R1 050 KONTAK: motoweb.co.za T4A GPS-KAART V16.05 Moenie die pad byster raak nie Tracks4Africa reik…