Tabla de contenidos para August 2016 en WegRy

D it het my ’n rukkie gevat om gewoond te raak aan al die elektroniese hulpmiddels waarmee die hedendaagse 4x4’s as standaardtoerusting toegerus is. Tot taamlik onlangs was ek heilig oortuig jy kan enige plek ry solank jy net ’n ewenaarslot het. Maar op ’n onlangse 4x4-reis het ek van oortuiging verander – elektroniese hulpmiddels op 4x4’s is byna noodsaaklik, om ’n verskeidenheid redes. Veiligheid eerste As ’n veldry-entoesias glo ek twee dinge is baie belangrik vir enige 4x4-aktiwiteit. Die eerste ding is veiligheid – vir jouself, jou passasiers, ander padgebruikers en voetgangers. Dit is die belangrikste ding. Maar om ’n roete of die omgewing te verniel sodat jy ’n paar minute van plesier kan hê, is onaanvaarbaar. ’n Avontuurreis moet dus ook ekologies veilig wees. Boonop is ’n roete…

ONDER DIE ENJINKAP Enjin: 1999cc viersilinder, petrolturbo Krag: 180 kW @ 5 500r/min Wringkrag: 370 Nm @ 1300 4000 r/min Transmissie: 9 gang outomaties Topsnelheid: 235 km/h 0-100km/h: 6,5 sek Brandstofverbruik: 7,6 liter/100 km VELDRYFEITE Onderstel: Buisromp Aandrywing: Voltydse vierwielaandrywing Vering: Onafhanklike, verstelbare lugdempers Bande: 245/45R20 Brandstoftenk: 66 liter Grondvryhoogte: 181 mm Dompeldiepte: 300 mm Gewig: 1 852 kg EIENAARSKAP Diensinterval: Elke 12 000 tot 20 000 km, bepaal deur die voertuigrekenaar Diensplan: 6 jaar/100 000 km Waarborg: 2 jaar/onbeperkte km Prys: R866 100 (soos getoets, R700 000 standaard)…

KAN EK HIERDIE ROETE OP MY EIE DOEN? Alhoewel ons amptelike paaie gebruik het, het Live the Journey spesiale vergunning vir sekere dele (soos kampeerplekke) op hierdie roete. Daarom sal jy nie hierdie presiese roete kan herhaal nie. ’n Alternatiewe roete is moontlik. WAAR HET JULLE GEKAMP? Buiten Flamingo Lodge het ons wild gekamp. Live the Journey het spesiale toestemming van plaaslike sobas (stamhoofde) om dié kampeerplekke te gebruik. Kontak Flamingo Lodge by flamingo@aasafaris.com. MOET EK PORTUGEES KAN PRAAT? Nee, maar dit sal kommunikasie aansienlik makliker maak as minstens een persoon in jou groep ’n basiese begrip van Portugees het. Ons het byna niemand teëgekom wat Engels behoorlik verstaan nie en alles word in Portugees geskryf. HET EK ’N VISUM NODIG? Ja. ’n Toeristevisum vir Angola kos R1 500 per…

WAARMEE HET JY GERY? ’n Chevrolet Trail blazer LTZ 2.8 liter Duramax diesel. Hier en daar op hierdie roete, soos rondom Zingela, is ’n 4x4 verkieslik, veral in die somermaande as dit reën. Kontak die Colenso Club, 036 422 2508, vir inligting oor die agterpaaie rondom Colenso. HOEVEEL TYD HET EK NODIG? Vat minstens ’n week om die gebied te verken, maar werk ekstra dae by as jy van die roetes in die Konin klike Natalse Nasionale Park wil stap. WANNEER IS DIE BESTE TYD? Heeljaar. Dit reën in die somer, dus is die riviere vol en die wêreld groen. In die winter is dit kouer, maar droog en die Tugela laag genoeg om die Shu Shu warmbronne bloot te lê. WAAR HET JY GEBLY? Verblyf in die self sorgeenhede…

Hobby Park 4x4 in Krugersdorp het al verskeie name in die verlede gehad. As jy na Protea-4x4 of Bosvark-4x4 op soek is, is jy op die regte plek. Hobby Park is naby aan Robert Broom-rylaan in Krugersdorp, wat dit ’n maklike uitstappie vanaf Johannesburg of Pretoria maak. Maar met 17 hindernisse is dit ’n lekker plek vir 4x4-pret en om jou vaardighede ’n bietjie te slyp as jy verroes is. En dit sonder dat jy ure lank hoef te ry nét om daar te kom.Trouens, jy kan ná jou oggendkoffie van enige plek in Gauteng wegspring en by Hobby Park aankom voordat die son hoog sit. Daar is ook ’n inkopiesentrum en koffiewinkel oorkant die pad, as jy dalk gou iets wou hap voordat jy wegtrek. Dis ’n bestemming wat…

Sonder skokbrekers sou jy waarskynlik daagliks jou stopsels uitgeskud het as jy oor verfstrepe ry. Maar wat maak een skokbreker anders as die res? Ons het gaan kyk na die verskillende skokbrekers op die mark, asook na wat die verskillende begrippe eintlik beteken. WAT DOEN ’N SKOKBREKER? Die vere van jou voertuig (kronkel-, bladvere of wringstawe) is van metaal en hou die wiele of asse ’n vasgestelde afstand van die bakwerk of onderstel af. Omdat dit metaal onder spanning is, het dit ’n natuurlike veerkrag, of resonansie (dink aan ’n kitaar se snaar). Om te keer dat jou wiele aanhou hop ná ’n bultjie in die pad, het jy skokbrekers nodig wat die heen-en-weer-beweging van die metaal se resonansie absorbeer en die wiel weer terug in sy normale posisie kry.…

DUITSE INGENIEURSWERK Bilstein word nie met sy eie vere verkoop nie. Sedert die maatskappy in 1954 gestig is, het dit al in verskeie toepassings toekennings gekry, van motorsport tot privaat gebruik. BILSTEIN B6 OFF-ROAD SUIERDEURSNEE: 46 mm SKOKBREKERDEURSNEE: 50 mm STAAFDIKTE: 18 mm STAAFSAMESTELLING: Staal met verharde chroom SLAGLENGTE (STROKE LENGTH): 235 mm OLIEKAPASITEIT: 381 ml SUIERSAMESTELLING: Twee-deel gesinterde metaal GAS- OF SKUIMRUBBERSEL: Stikstofgas ENKEL- OF DUBBELBUIS: Enkelbuis BESKIKBAAR VIR: Die meeste 4x4’s VERVAARDIG IN: Duitsland WAARBORG: 3 jaar/onbeperkte km PRYS PER SKOKBREKER (AGTER): R1585 (BTW uitgesluit) PRYS VIR VOLLEDIGE VERING: Nie van toepassing nie KONTAK: Imcomex Centurion 012 661 0110; Mikem Suspensions 011 493 5181…

DIE YSTER VAN OZ Al vervaardig Ironman deesdae byna alles, van vering tot visstokke, is dit met vering wat hulle aanvanklik naam gemaak het. En hierdie tegnologie het oor die laaste paar jaar van krag tot krag gegaan. Die Foam Cell Pro-reeks se suiers en seëls kan vervang word as dit uitgeleef is. IRONMAN 4X4 NITRO GAS RESPONSE SUIERDEURSNEE: 36 mm SKOKBREKERDEURSNEE: 54 mm STAAFDIKTE: 16 mm STAAFSAMESTELLING: Staal met dubbelverharde chroom SLAGLENGTE ( STROKE LENGTH): 249 mm OLIEKAPASITEIT: 300 ml SUIERSAMESTELLING: Gesinterde metaal met Teflon-skuifring GAS- OF SKUIMRUBBERSEL: Stikstofgas ENKEL- OF DUBBELBUIS: Dubbelbuis ONBESKIKBAAR VIR: Sommige Indiese en Chinese bakkies VERVAARDIG IN: China WAARBORG: 3 jaar/60 000 km PRYS PER SKOKBREKER (AGTER): R1 850 PRYS VIR VOLLEDIGE VERING: R21 160 KONTAK: 1st Outdoor & 4x4 Kaapstad 021 948 2006;…

DIE AUSSIE WAT KAN Hierdie is nog ’n produk wat sy wortels in Australië het. EFS is een van daai vervaardigers wat stil-stil die ding doen, sonder om ’n groot bohaai op te skop. Dit is ’n ten volle geïntegreerde stelsel met vere en is spesifiek ontwerp om ’n volgelaaide 4x4 veilig onder beheer te hou. EFS XTR SUIERDEURSNEE: 40 mm SKOKBREKERDEURSNEE: 65 mm STAAFDIKTE: 20 mm STAAFSAMESTELLING: Staal met verharde chroom SLAGLENGTE ( STROKE LENGTH): 250 mm OLIEKAPASITEIT: Nie beskikbaar nie SUIERSAMESTELLING: Nie beskikbaar nie GAS- OF SKUIMRUBBERSEL: Stikstofgas ENKEL- OF DUBBELBUIS: Dubbelbuis BESKIKBAAR VIR: Die meeste 4x4’s VERVAARDIG IN: Nie beskikbaar nie WAARBORG: 3 jaar/100 000 km PRYS PER SKOKBREKER (AGTER): R2 480 (belasting uitgesluit) PRYS VIR VOLLEDIGE VERING: R21 840 (belasting uitgesluit) KONTAK: EFS Africa 011 397…

PLANNE VIR AFRIKA 4X4 TRAVEL GUIDE: EASTERN AFRICA DEUR MAUREEN DAY UITGEWER: PENGUIN/RANDOM HOUSE PRYS: R230 Zambië, Malawi, Tanzanië, Uganda, Kenia en Etiopië. Hierdie reisgids dek álmal van hulle. Dis ’n uitstekende hulpbron vir 4x4-reisigers wat ’n toer na hierdie lande beplan, want dié gids is gegrond op eerstehandse ondervinding in elkeen van hulle. Trouens, die skrywer Maureen Day is in Zambië gebore en sy en haar man reis kranig in Afrika. Die boek begin met waardevolle inligting en raad oor jou reisprogram, wat om saam te neem en wat om te los, padtoestande en waar jy brandstof behoort te kry. Let wel: Ek skryf “behoort” en nie “kan” nie, want hierdie is die minder bekende dele van die vasteland en dinge, wel, verander. Jy sal ook kan oplees oor…

CYRIL KLOPPER GS TROPHY BL. 46 Cyril Klopper het op sy ysterperd gaan toer. Sy eindpunt was die nasionale kwalifiserende ronde van die BMW GS Trophy in KwaZulu-Natal, maar eers het hy ’n draai deur Lesotho gaan ry. Wat is jou eerste toerherinnering? Toe ek drie was het ons by Mtunzini, KwaZulu-Natal gekamp. Ek onthou die miljoene krappe by John Dunn se Poel, maar nie veel meer nie. Die lekkerste plek in die bos? Diep in die Knysnawoud. Ek het stoksielalleen daar oornag en die grillerige bosgeluide het my heelnag wakker gehou. Dit sal my altyd bybly. Wat is die beste reiswenk wat jy ooit gekry het? Bêre soortgelyke items saam in Ziplock-sakkies. En onthou die witgoud! Toer jy blindelings, of beplan jy jou reis? Toe ek jonger was,…

Ek moet julle komplimenteer met die artikel “Hilux vs die res” (WegRy #83)! Dis baie meer insiggewend en interessanter as ander motortydskrifte se soortgelyke toetse! Dankie vir die moeite, voornemende kopers behoort hierdie WegRy-artikel te lees! Dit sou nogal interessant gewees het as die “ou” Nissan Navara 3L V6 Dci saam met hierdie bulle in die toets kon gewees het. Dit sou ook ’n perd van ’n ander kleur wees as die bakkies elkeen met ’n 1 ton-sleepwa vanaf Durban na Johannesburg getoets kn word.…

AUGUSTUS THABAZIMBI-APIESDORING-KARNAVAL Waar: Thabazimbi, Limpopo Wanneer: 6 Augustus Hoekom jy moet gaan: Dié karnaval, wat deur die Hervormde kerk aangebied word, lok jaarliks duisende besoekers na Thabazimbi. Dis ’n kerkbasaar op steroïede met allerlei stalletjies, gaskunstenaars en, natuurlik, wildsvleis. Die Marakele Nasionale Park is net buite die dorp en as jy hou van jag, is jy op die regte plek, want feitlik die hele streek bestaan uit wildsplase. Meer inligting by: www.apiesdoringkarnaval.co.za DUST CHALLENGE SERIES – MUD & GRIME Waar: Dirt & Dust – Durban-ville Wanneer: 13 Augustus 2016 Hoekom jy moet gaan: Die derde ronde van die Dust Challenge Series keer ’n bietjie terug na ’n tradisionele 4x4-dag en -uitdagings. Die eerste drie plekke kwalifiseer ook vir die reeks se eindronde, die Tankwa Dust Challenge, wat in November plaasvind.…

Ek het 'n paar jaar gelede rygoed met ’n medemotorjoernalis bespreek toe ek dit aan hom gestel het dat ’n dubbelkajuit die perfekte voertuig is. Hy was effens uit die veld geslaan, aangesien die meeste van sy werk die ry van padvoertuie behels het. Goed soos Merc AMG’s, BMW M’s, Ford Mustangs en ’n Porsche nou en dan. Maar daai waens het ’n beperkte aanwending in die regte lewe, het ek gesê. Want nie net kan 95% van alle mense dit nie bekostig nie, maar die harde vering en laeprofielbande werk eintlik net op goeie teerpaie. En dan praat ons nie eens van die feit dat ons paaie oorvol is en vervuil is met roekelose, onbevoegde bestuurders nie. Dis byna ’n selfmoordsending om vinnig te ry. Dubbelkajuitbakkies, aan die ander…

1 KALAHARI/KGALAGADI DATUM: 27 Jan. tot 3 Feb. 2017 Blyplek: Tente Koste: R10950 per persoon Besoek Mabenyani a Kalahari (“Juweel van die Kalahari”), die konsessiegebied van 4 miljoen hektaar in Botswana, en Mabuasehube in die Kgalagadi-oorgrenspark. Neem ’n leeu af nadat jy die diere saam met Boesmanspoorsnyers opgespoor het. Bring ook jou verkyker en geniet die Kgalagadi se voëlrykdom, soos breëkop-, roof- en swartborsslangarende, berghane, en migrerende roofvoëls soos die dwergarend, bruinjakkalsvoël en die seldsame gevlekte arend. 2 LESOTHO-BAKENS DATUM: 24 Feb. tot 1 Mar. 2017 Blyplek: Lodge en gastehuis Koste: R7950 per persoon Hierdie bergavontuur strek oor 6 dae en neem jou van oos na wes deur Lesotho. Beleef die Sanipas, die hoogste grondpad, grootste dam en hoogste ononderbroke waterval in Suider-Afrika, asook ’n besoek aan die geboorteplek van…

OP DIE ROETE Hoe lank is die roete? Omtrent 3 km, met altesaam 17 hindernisse (water, modder, asknopers, klippe). Maksimum getal voertuie: Geen beperking nie. Hobby Park kan groot groepe met gemak hanteer. Kry ek ’n kaart? Ja. Hoe lank sal ek ry? Omtrent 2 ½ uur. Sal my voertuig gekrap word? Nee. Moet ek my treeplanke verwyder? Dis nie nodig nie. Moet ek ’n kompressor saamneem? Ja, as deel van jou standaard toerusting. Kan ons langs die pad braai? Ja, daar is verskeie braaiplekke langs die pad. Sal ek wild sien? Nee. OM DIE ROETE Beste tyd om te gaan: Hobby Park is die hele jaar deur oop en word nie deur slegte weer geaffekteer nie. Jy kan enige tyd hier kom litte losmaak. Kan ek my gesin saamneem?…

DIÉ BRAK HET BYT Opposite Lock se twee skokbrekers het al heelwat pryse in Australië gewen, en die relatiewe kort tydjie wat hulle al in Suid-Afrika is, het hulle goeie reputasie net verder verbeter. Daar is twee verskillende modelle, die “Foamcell” en die “Adjustable”. TOUGH DOG 41MM FOAMCELL SUIERDEURSNEE: 41 mm SKOKBREKERDEURSNEE: 60 mm STAAFDIKTE: 19 mm STAAFSAMESTELLING: Staal met verharde chroom SLAGLENGTE ( STROKE LENGTH): 263 mm OLIEKAPASITEIT: Nie beskikbaar nie SUIERSAMESTELLING: Gesinterde metaal GAS- OF SKUIMRUBBERSEL: Skuimrubber ENKEL- OF DUBBELBUIS: Dubbelbuis BESKIKBAAR VIR: Die meeste 4x4’s VERVAARDIG IN: VSA en Australië WAARBORG: 3 jaar/100 000 km PRYS PER SKOKBREKER (AGTER): R2 395 PRYS VIR VOLLEDIGE VERING: R26 735 KONTAK: Opposite Lock Suid-Afrika 011 607 0001 TOUGH DOG 40 MM ADJUSTABLE SUIERDEURSNEE: 40 mm SKOKBREKERDEURSNEE: 60 mm STAAFDIKTE: 19…

SO MOOI IN ROOI Pedders het in die 1950’s hulle deure in Australië oopgemaak en is nog nie lank in SA nie. Die handelsmerk begin egter sy stem dikmaak. ’n Voordeel van die voorste kronkelveer-oor-skokbrekerkombinasie is dat dit reeds aanmekaargesit is as dit verkoop word, wat die installasie vergemaklik. PEDDERS TRAK RYDER FOAM CELL SUIERDEURSNEE: 40 mm SKOKBREKERDEURSNEE: 60 mm STAAFDIKTE: 16 mm STAAFSAMESTELLING: Individueel gemasjineerde chroom-staaf SLAGLENGTE (STROKE LENGTH): 238 mm OLIEKAPASITEIT: Nie beskikbaar nie SUIERSAMESTELLING: Gesinterde metaal met Teflon-skuifring GAS- OF SKUIMRUBBERSEL: Skuimrubbersel ENKEL- OF DUBBELBUIS: Dubbelbuis BESKIKBAAR VIR: Die meeste 4x4’s VERVAAARDIG IN: Asië WAARBORG: 3 jaar/60 000 km PRYS PER SKOKBREKER (AGTER): R1 500 PRYS VIR VOLLEDIGE VERING: R22 000 KONTAK: Pedders Suid-Afrika 011 803 3373…

NÓG ’N PLAASLIKE PIET AmadaXtreme maak aanspraak daarop dat hulle van die beste skokbrekers in die land het. Dit is egter nie vir ons om daaroor te besluit nie, maar op die oog af lyk die gehalte nie te sleg nie. Een swak punt is wel dat hulle reeks baie beperk is. Geen Ford-, Mitsubishi-, Nissan-, Volkswagen- of Isuzuprodukte is op hulle boeke nie. AMADAXTREME ADVENTURE SERIES SUIERDEURSNEE: 40 mm SKOKBREKERDEURSNEE: 57 mm STAAFDIKTE: 20 mm STAAFSAMESTELLING: Staal met verharde chroom SLAGLENGTE ( STROKE LENGTH): 249 mm OLIEKAPASITEIT: 490 ml SUIERSAMESTELLING: Gesinterde metaal met Teflon-skuifring GAS- OF SKUIMRUBBERSEL: Olie en lug ENKEL- OF DUBBELBUIS: Dubbelbuis BESKIKBAAR VIR: Chevrolet, Jeep, Land Rover, Mahindra, Suzuki en Toyota. VERVAARDIG IN: Thailand WAARBORG: 2 jaar/onbeperk PRYS PER SKOKBREKER (AGTER): R1737,50 PRYS VIR VOLLEDIGE VERING:…

DIE STIL AUSSIE Soos die meeste van die ander vervaardigers, is TJM ook ’n Australiese handelsmerk. Hulle skokbrekers word vervaardig om so na as moontlik aan die voertuig se oorspronklike ritgemak te bly. Dit is egter nie die gewildste een op plaaslike bodem nie, maar dit is nie omdat die gehalte swakker is nie. Dis maar net die voorkeur van verbruikers. TJM XGS GOLD EDITION SUIERDEURSNEE: 36 mm SKOKBREKERDEURSNEE: 60 mm STAAFDIKTE: 18 mm STAAFSAMESTELLING: Staal met verharde chroom SLAGLENGTE ( STROKE LENGTH): 630 mm OLIEKAPASITEIT: Nie beskikbaar nie SUIERSAMESTELLING: Gesweisde staal GAS- OF SKUIMRUBBERSEL: Stikstofgas ENKEL- OF DUBBELBUIS: Dubbelbuis BESKIKBAAR VIR: Die meeste 4x4’s VERVAARDIG IN: China en Thailand WAARBORG: 3 jaar/60 000 km PRYS PER SKOKBREKER (AGTER): R1 795 PRYS VIR VOLLEDIGE VERING: R22 300 KONTAK: Safari Centre-hoofkantoor…

Die onderwerp van verlaagde banddruk is verrassend omstrede. Mense stem selde ooreen oor hoeveel die banddruk verlaag word, en ek het al selfs van 4x4-akademies gehoor wat mense afraai om dit te doen! Kom ons begin eers met die 4 belangrikste redes waarom jy jou bande moet afblaas. 1 Dood of besering Ek erken, dit klink baie dramaties. Maar hier is die formule: Verlaagde banddruk = Traksie = Beheer = Veiligheid = Lewe. Dis die wetenskap daarvan. Om dit duidelik te maak – en dis waar die misverstande intree – jy maak nie jou band breër deur dit af te blaas nie, jy maak die kontakarea van jou wiel langer. Die ander omstrede onderwerp is dié van lugdruk, en om te weet watter syfer is die beste vir elke terreinsoort.…

Dankie vir ’n baie interessante bakkietoets (“Hilux vs. die res, in WegRy #83). Ek het die artikel ’n paar keer gelees, want ek kon nie glo wat ek sien nie! Ek was verstom dat my bakkie – my droombakkie! – nie onder die eerste twee plekke val nie. Nou wonder ek: Hoe is dit moontlik? En toe begin ek my eie verklarings daarvoor vind! (Laat ek eers noem: Ek werk nie vir Volkswagen nie. Ek het net ’n passie vir hierdie formidabele bakkies. Ek het al Isuzu’s, Nissans en Fords ook besit, maar die Volkswagen is my gunsteling.) • Kom ons begin by die 300kg sand. Wanneer jy die sand laai, “neutraliseer” jy in ’n groot mate die werking van die vering – dit is hoekom die Hilux goeie grondpadgedrag…

Ek wil net amen sê op die redakteursbrief in WegRy #84, “Jou ryding sê eintlik niks nie”. Ek is al jare doenig met 4x4-veldryvoer-tuie en dit is die beste uiteensetting van die situasie wat ek nog gelees het. Jare gelede het Andrew St. Pierre White ook ’n artikel geskryf oor “The psyche of a 4x4 owner”. Dit het baie sin gemaak in die middel to laat 90’s. Ek het in dié tyd by ’n baie prominente 4x4-organisasie aangesluit waar een spesifieke handelsmerk deur rofweg 99,9% van die lede besit is. Ek wil nou nie die geykte handelsmerkdebat aan die brand kry nie, maar ek dink daar was miskien vyf lede in die organisasie wat dieselfde handelsmerk as ek bestuur het. Die een ding wat egter telkens die deurslag in die…

Praat met ’n paar mense om die kampvuur en jy sal gou agterkom die meeste van hulle het al ’n noue ontkoming met ’n dier in die pad gehad of een getref. En waarskynlik groot skade gely. Die Namibiese skrywer en reisiger Johan Snyman is een van hulle. Dis nie ’n oordrywing om te sê Johan ry nogal baie nie. Hy het elkeen van die paaie in sy boeke Kaokoland en Damaraland self gery – 39 000 km vir Kaokoland en 23 000 km vir Damaraland, meestal sand, grond en klip. “In die tyd wat ek en Adri, my oorlede vrou, saam was (1992 tot 2015), het ons nagenoeg 930 000 km gery,” vertel hy. “Ek was anderdag in die noorde van die land vir my volgende boek oor Noordoos-Namibië.…

Ek sit op die stoep van die Katwitwigrenspos tussen Namibië en Angola se kantoor en werk deur die blaaie van Bill Bryson se bondige geskiedenis van die heelal, A Short History of Nearly Everything. In ’n hoofstuk wat die Aarde se kors beskryf, verduidelik hy dat die vastelande elke jaar met sowat 2cm beweeg. Baie interessant, dink ek en wonder of Bryson weet dat hierdie grens ’n uitstekende maatstaf is vir sulke stadige snelhede. Smaak my die vastelande skuif effens vinniger as wat dit hier neem om ’n stempel in jou paspoort te kry. Ná ’n kort ewigheid is die toergroep se papierwerk afgehandel en ons word in die land toegelaat. En ook nie ’n oomblik te vroeg nie, want ons voete jeuk om ons twee week lange Faces of…

LEON LOMBARD Kempton Park Leon was mal oor die ou BMW GS Challenge, maar het belangstel ling verloor toe die oorspronklike konsep na die BMW Eco Chal lenge verander is, en later na die BMW Bikefest. As BMW by die huidige konsep hou, sal hy terugkom. JASON EN BRIGID CHALMERS Johannesburg Ek het hierdie paartjie ’n paar keer tydens die GS Trophy raakgeloop. Met Jason aan die stuur en Brigid op die agtersitplek, het hulle van sonop tot sononder elke kleur roete op die lys gery. Hierdie was hulle tweede BMW byeenkoms saam en hulle sal beslis volgende jaar weer gaan. JACO LOMBARD Pretoria Jaco werk die afgelope ses jaar vir BMW on Call en is baie trots op sy werk. As hy nie deel is van die span wat…

DIE LOCAL OU LA Sport se eie reeks skokbrekers is nou so bietjie minder as twee jaar in die land. Volgens LA Sport se spesifikasies, word dit deur die Profender-maatskappy in Thailand vervaardig. Profender is al 40 jaar lank in Thailand gevestig, so hulle verstaan darem ’n ding of twee van skokbrekers. LAS PROFENDER 40 MM BORE SUIERDEURSNEE: 40 mm SKOKBREKERDEURSNEE: 58 mm STAAFDIKTE: 20 mm STAAFSAMESTELLING: Staal met verharde chroom SLAGLENGTE ( STROKE LENGTH): 240 mm OLIEKAPASITEIT: Nie beskikbaar nie SUIERSAMESTELLING: Gesinterde suier met ’n Teflon-skuifring GAS- OF SKUIMRUBBERSEL: Stikstofgas ENKEL- OF DUBBELBUIS: Dubbelbuis BESKIKBAAR VIR: Die meeste 4x4’s, behalwe die VW Amarok VERVAARDIG IN: Thailand WAARBORG: 3 jaar/onbeperkte km PRYS PER SKOKBREKER (AGTER): R1 550 PRYS VIR VOLLEDIGE VERING: R18 350 KONTAK: Maniac 4x4 (Kaapstad) 021 555 2790.…

AMERIKA SE BESTE Fox-skokbrekers is byna sinoniem met ernstige veldry. Die hele skokbreker word in Amerika vervaardig en is versienbaar. As iets die gees gee, kan dit oopgemaak en gediens word, in plaas daarvan om die hele skokbreker te vervang. Die hope veldrytitels in die Fox-trofeekas getuig van die puik verrigting. FOX 2.5 FACTORY SERIES SUIERDEURSNEE: 57 mm SKOKBREKERDEURSNEE: 65 mm STAAFDIKTE: 22,225 mm STAAF: Verharde allooi-chroomstaaf SLAGLENGTE ( STROKE LENGTH): 230 mm OLIEKAPASITEIT: 1 070 ml SUIER: Allooi met ’n bronsskuifring GAS- OF SKUIMRUBBERSEL: Stikstofgas ENKEL- OF DUBBELBUIS: Enkelbuis BESKIKBAAR VIR: Die meeste 4x4’s, behalwe die VW Volkswagen Amarok en Mitsubishi Pajero (word tans ontwikkel) VERVAARDIG IN: VSA WAARBORG: 1 jaar beperkte waarborg PRYS PER SKOKBREKER (AGTER): R12 337 (belasting uitgesluit) PRYS VIR VOLLEDIGE VERING: R63 641,16 sonder bladvere…

ALMAL KEN HOM Die naam Gabriel en skokbrekers loop saam soos bladvere en vaste asse. Dit word algemeen gebruik, van jou neef se 1960-Mini tot jou buurman se nuwe Fortuner. Gabriel maak tans net skokbrekers, maar dit kan binnekort verander. GABRIEL SAFARI SUIERDEURSNEE: 32 mm SKOKBREKERDEURSNEE: 55,6 mm STAAFDIKTE: 14 mm STAAFSAMESTELLING: Staal met verharde chroom SLAGLENGTE ( STROKE LENGTH): 243,5 mm Oliekapasiteit: 450 ml SUIERSAMESTELLING: Gesinterde metaal met Teflon-skuifring GAS- OF SKUIMRUBBERSEL: Stikstofgas ENKEL- OF DUBBELBUIS: Dubbelbuis ONBESKIKBAAR VIR: Geen VERVAARDIG IN: Suid-Afrika WAARBORG: 3 jaar/onbeperk PRYS PER SKOKBREKER (AGTER): Nie beskikbaar – Gabriel stel nie ’n prys vas nie PRYS VIR VOLLEDIGE VERING: Nie van toepassing nie KONTAK: Gabriel Suid-Afrika www.torreparts.co.za GABRIEL SAFARI HDP SUIERDEURSNEE: 41 mm SKOKBREKERDEURSNEE: 60,3 mm STAAFDIKTE: 17 mm STAAFSAMESTELLING: Staal met verharde chroom…

DIE GEEL GROENTJIE Raw 4x4 se vering word in Australië ontwikkel. Dit is ’n relatiewe groentjie op die plaaslike mark, maar is reeds vir 32 jaar in Australië beskikbaar. Beide die skokbrekers word ontwikkel om in uitsonderlike hitte te werk sonder dat die verrigting afneem. RAW PREDATOR SUIERDEURSNEE: 46 mm SKOKBREKERDEURSNEE: 50 mm STAAFDIKTE: 14 mm STAAFSAMESTELLING: Staal met verharde chroom SLAGLENGTE (STROKE LENGTH): 226 mm OLIEKAPASITEIT: 330 ml SUIERSAMESTELLING: Gesinterde metaal GAS- OF SKUIMRUBBERSEL: Stikstofgas ENKEL- OF DUBBELBUIS: Enkelbuis BESKIKBAAR VIR: Die meeste 4x4’s, behalwe sagte veldryers VERVAARDIG IN: Australië WAARBORG: 2 jaar/150 000 km PRYS PER SKOKBREKER (AGTER): R3 064,53 (belasting uitgesluit) PRYS VIR VOLLEDIGE VERING: R23 129,16 (belasting uitgesluit) KONTAK: Raw 4x4 Suspensions Kaapstad 021 701 0148 RAW NITRO MAX SUIERDEURSNEE: 41 mm SKOKBREKERDEURSNEE: 70 mm STAAFDIKTE:…

Wat het dus verander? Hoekom het die mark vir avontuurreisprodukte nóú juis in die VSA vlamgevat? Dis dalk meer ’n sneeubaleffek: Die bedryf het momentum gekry en aansienlik in grootte toegeneem, en daarom het die bedryf sy tipping point bereik – daardie oomblik wanneer genoeg mense dit doen sodat dit ’n neiging word, en die mark daarom vinniger groei. Dieselfde het ’n paar jaar gelede in Suid-Afrika gebeur. Die mark vir 4x4-ontspanningsvoertuie het in die 1970’s ontstaan, maar eers in die laat 90’s en vroeë 2000’s behoorlik vlamgevat, en toe moontlik in 2010 sy piek bereik. Danksy hierdie tydperk van vinnige groei was daar ’n vinnige toename in boswavervaardigers in Suid-Afrika, wat almal ’n deel van hierdie mark wou inpalm. Daar was, om die waarheid te sê, bittermin produkte by…

MOENIE SKAAM WEES OM UIT TE ZOEM NIE Ek is seker Danie het ook ’n paar goeie nabyfoto’s van hierdie buffel in die water geneem. Die lig was perfek en daar is selfs ’n paar kringe op die water – alles wat jy nodig het vir ’n uitstekende portretfoto. En op 400 mm sou hy sekerlik naby genoeg kon kom. Maar Danie het kopgehou en heeltemal uitgezoem (tot by 100 mm) en ’n foto van die buffel in sy natuurlike omgewing geneem. Die komposisie van die foto laat dit uitstaan. In plaas van ’n horisontale foto (wat die meeste mense op instink neem), het Danie die kamera vertikaal gedraai. Dit het hom in staat gestel om die yslike vyeboom en selfs ’n bietjie blou lug in die raam vas te…

Toe ons die Bosveld begin verken het, het ’n gids op ’n slag gesê dis die slegte vakansies wat vir die onvergeetlikste herinneringe sorg. En toe het hy ons met ’n groot glimlag verseker dat hy sy bes gaan doen om vir ons presies so ’n ervaring te gee. Het ons toe ’n slegte ervaring gehad? En hoe?! Maar in ons herinneringe is dit steeds een van ons beste vakansies ooit. Ons is saam met ’n groep op ’n dag lange wildbesigtigingsrit – in die middel van Desember – op die warmste deel van die somer in Zoeloeland. Dit was net vir ’n paar van ons beskore, en ons het die verste hoek van ’n wildreservaat gaan verken. Maar teen die tyd dat ons die terugrit begin het, was ons…