Tabla de contenidos para September 2016 en WegRy

Ek was, met die laaste telslag, al in 31 lande op ses vastelande. Daarom kan ek met sekerheid sê dat Suider-Afrika nie die monopolie op pragtige bestemmings het nie. Maar wat ons stukkie aarde wel anders maak, is die groot geografiese verskeidenheid. As jy enigiets soortgelyk elders soek, moet jy waarskynlik na Noord-Amerika reis, waar jy duisende kilometers moet reis om dieselfde veranderings te sien waarvoor ons hier op die uiterste ’n paar honderd kilometer, soms heelwat minder, moet ry. Ons besef nie altyd watter groot voorreg dit is nie. Een so ’n plek is die Richtersveld, daai stuk klipbesaaide wêreld in die noordwestelike hoek van die land, teenaan die Oranjerivier. Deur die jare het ek dit al ’n paar keer besoek. En as ek dalk nou ’n paar dae…

Kom kyk (gratis) hoe lyk ’n blommetapyt Waar: Weskus Wanneer: Die hele September! As jy nog nie planne vir September het nie, kies koers Weskus toe. Feitlik die hele streek is in die lente met blomme oortrek en hierdie maand is gewoonlik die beste tyd om hulle op hulle mooiste te sien. As jou tydsberekening reg is, kan jy selfs gratis by die nasionale parke inkom waar die blomme pryk, want dis Nasionale Parkeweek van 12 tot 16 September. Die gewildste plek vir blomme kyk is die Namakwa Nasionale Park (hy’s ongelukkig nie deel van Parkeweek nie), maar daar is verskeie ander plekke wat ewe mooi is. Die Weskus Nasionale Park buite Langebaan se Postberg-gebied, met die park se beste blommevertoning, is slegs in Augustus en September oop. Dis ’n…

Die meeste mense sien hulle GPS as ’n navigasiehulpmiddel terwyl hulle bestuur, maar jy kan ook heelwat voordeel daaruit trek terwyl jy loop, mits jy ’n paar truuks ken. Die eerste voorval waaraan ek dink, is ’n keer op ons reis in die Kafue Nasionale Park. Ons boot se battery het die gees gegee en ons het vergeefs gesukkel om dit aan die gang te kry. Ons was gestrand. Ons het deur die loop van die week net een ander boot gesien en daar was geen selfoonontvangs nie. Ons het toe besluit dat een van die ouens sal terugloop kamp toe en ’n ander boot gaan haal om ons te help. GPS tot die redding Danksy die GPS kon ons eerstens akkuraat vasstel waar ons is. Ons het dus geweet…

ONDER DIE ENJINKAP Enjin: 1997cc, inlyn viersilinder, dubbel turbo dieselenjin Krag: 170 kW @ 4 400 r/min Wringkrag: 500 Nm @ 1 500 3 000 r/min Ratkas: 8 spoed outomaties Topsnelheid: 220 km/h 0-100km/h 7,7 sek Brandstofverbruik: 5,6 l/100 km (gekombineerd) VELDRYFEITE Onderstel: Buisraam Aandrywing: Voltydse vierwielaandrywing, elektroniese vastrapbeheer Vering: Onafhanklik, elektronies beheerde, verstelbare demping Bande: 275/40 R20 (voor), 315/35 R20 (agter) Brandstoftenk: 85 liter Grondvryhoogte: 209 mm Dompeldiepte: 500 mm Gewig: 2 040 EIENAARSKAP Diensinterval: Een jaar/aanboord rekenaar afhanklik Diensplan: 5 jaar/100 000 km Waarborg: 2 jaar/onbeperkte km Prys: R1 013 700 (bereken volgens opsionele ekstras)…

BESTE TYD OM TE GAAN? Zimbabwe se droogste maande is Mei tot Oktober, maar die bos kan teen Junie nog ruig wees. Hoe lyk die paaie? Behalwe die stuk tussen Kariba en Binga ry jy op teer of goeie grond pad. HET EK ’N 4X4 NODIG? ’n 4x2 met goeie grondvryhoogte sal deug (die Daihatsu Terios in ons konvooi het geen probleme gehad nie). HOEVEEL KOS DIT EN WANNEER KAN EK GAAN? Bhejane se toer kos R17 650 per persoon (kinders onder 10 jaar halfprys); 5 tot 17 Junie 2017. WAAR BLY ONS? Tente wat Bhejane se span elke dag vir jou opslaan. KONTAK: Dennis Carlisle 044 535 9257, info@bhejane.com ONTHOU: Kontant is tans skaars in Zimbabwe en kaarte word nie oral aanvaar nie. Vat ge noeg Amerikaanse dollar vir…

SENDELINGSDRIF Die park se hoofkamp het tien chalets, vier met vier beddens elk en ses met twee bed dens elk. Elke eenheid het krag, lugversorging, ’n toegeruste kombuis en ’n stoep met ’n braaiplek wat oor die Oranjerivier uitkyk. Hier is ook ’n grenspos waarmee jy met ’n pont na Namibië kan oorkruis. POTJIESPRAM Hier is agtien kampplekke met ablusie, storte (slegs koue water) en braaiplekke, sowel as hope skadubome. DE HOOP Dié gewilde uitspanplek het twaalf kampplek ke met ablusiegeriewe en koue storte op die oewer van die Oranjerivier. Die uitsig oor die rivier is van die beste in die park, maar daar is net ’n handjievol bome wat skaduwee bied. TATASBERG Op die oewer van die Oranjerivier is vier chalets van hout en riet. Elkeen het twee bed…

Ons Kaokolandavontuur het met ’n terugslag of twee begin, en ons het eers ná vyfuur die middag by ons kampterrein, Oppikoppi in Kamanjab, aangekom. Dit was dalk ’n teken van wat op ons gewag het. Voor ons uit Windhoek kon vertrek, moes ons eers seker maak die gehuurde 4x4 is veldgereed, laaste inkopies doen (met voertuie waarvan die dakrakke te hoog was vir die parkeerterreine) en OTM’e opspoor waar ons groot bedrae kontant kon onttrek. Toe, omtrent ’n uur buite Kamanjab, het een van die rygoed simptome van ’n brandstoftoevoerprobleem begin toon. En ons was nog nie eens in Kaokoland nie! Ons groep het bestaan uit Rodger Hart, ’n afgetrede geoloog en nou beeldhouer; Nira Sklair, ’n fotograaf, gim-instrukteur en dosent; Derek en Toni Manne, eienaars van ’n drukkery in…

1 Skoon hande Voordat jy enige toerusting hanteer, trek eers jou handskoene aan. Daar is twee redes hiervoor. Eerstens beskerm dit jou hande as jy met toerusting soos ’n hoogligdomkrag, skakels, wenas-kabels en wielmoersleutels werk. ’n Metaaldraadjie van ’n wenaskabel wat uitrafel, kan jou hand lelik seermaak. Tweedens hou dit jou hande skoon, veral as jy in modder of stof werk. Jy wil nie hê jou tjoppie moet vanaand na sand of ghries proe nie. KRY VIR JOU Varkleerhandskoene is die gewildste vir hierdie taak, maar dit maak ook jou vingers dom. ’n Goeie alternatief – veral as jou vingers fyn takies moet verrig (soos daai klein moertjie vir die soveelste keer probeer optel) is loodgieterhandskoene. Dit pas soos ’n, uhm, handskoen en pla minder as jy jou vingers vir…

• JOU VOERTUIG het die regte herwinningspunte of hoogligdomkragpunte om herwinningstoerusting te gebruik. • DIE TOERUSTING wat jy koop is gemaak vir die doel waarvoor jy dit wil gebruik. Sekere goed, soos ’n hoogligdomkrag en ’n sleeptou, het meer as een gebruik. • DIE GRADERING van die toerusting is voldoende vir jou voertuig. Daar is geen reëls daaroor nie, omdat die kragte wat in ’n herwinning uitgewerk word verskil van voertuig tot voertuig en van herwinning tot herwinning. ’n Veilige beginsel is egter dat die maksimum breekkrag van ’n stuk gereedskap sowat 4 maal die gewig van jou volgelaaide voertuig is (jy weet, daai een waarmee jy weegbrûe misry omdat jy weet dat dit oorlaai is).…

GOEIE GENADE, GENIS! 101 KRUGER TALES Deur Jeff Gordon UITGEWER: PENGUIN/RANDOM HOUSE PRYS: R250 Suid-Afrikaners spot dikwels dat oorsese toeriste dink ons land is so wild die leeus loop nog in die strate rond. Miskien is dit omdat hulle êrens Jeff Gordon se 101 Kruger Tales in die hande gekry het. Dié boek is ’n versameling verstommende stories uit die land se bekendste nasionale park. En van die stories is amper te goed om waar te wees. Daar’s oom Dillon wat eenkeer ’n hiëna deur die gesig geklap het toe dié ’n lamsboud uit sy chalet by Skukuza wou steel; en die bobbejaan wat vir homself ’n “teddiebeer” gekry het – wat toe eintlik ’n luiperdwelpie was. Dan’s daar ’n mamba wat ’n lift gevang het in ’n baie verbaasde…

Op skool is ek geleer taal is die wonderlikste ding. Dit maak sinvolle kommunikasie moontlik en is die enigste medium waardeur jy jou stories aan ander mense kan oordra, het die onnie gesê. Maar taal is ook die ding wat aanleiding gee tot die meeste misverstande – veral wanneer twee mense dink hulle praat dieselfde een. My oupa was sy lewe lank oortuig dat “yes”, “no” en “bogger jou” die enigste Engels is wat jy nodig het. Wanneer hy Engels móés praat, veral in die teenwoordigheid van mense met aansien, het hy dus maar sy eie dialek gekomponeer. Met ’n sterk Afrikaanse aksent het hy dan sy rede gevoer, vol stampe en stote, met direkte vertalings en Afrikaanse invoegsels. Toe ek byvoorbeeld nog ’n jong seun was, moes hy een…

ETIENNE ERASMUS STOFPADSTORIES, BL. 97 Etienne Erasmus van Sasolburg het sy eie onderneming, Go Direct, en is ook ’n deeltydse predikant. Hy en sy vrou, Engela, droom daarvan om eendag voltyds “reisende boemelaars” te word. Wat is jou eerste toerherinnering? Toe ek vyf was, het ons gesin van Jan Kempdorp in die Noord-Kaap deur die Vrystaat tot ver anderkant Hibberdene gereis. Dit was die dae wat ons nog langs die pad by sementtafels en -stoeltjies kon stop en koue aartappels, hoenderboudjies en toebroodjies uit Ouma se rottangpiekniekmandjie kon eet. Die lekkerste plek in die bos waar jy al was? Tsendze-kamp in die Krugerwildtuin. Die stilte saans, met sy kenmerkende naggeluide, is terapie vir my siel. Wat is die beste reiswenk wat jy ooit gekry het? Moenie jaag om by…

Wanneer ek ook al dink aan sleepwaens wat oor die pad swaai, dink ek terug aan ’n voorval toe ek nog ’n laaitie was. Ons het op ’n grondpad ’n woonwa met ons ou Ford Ranchero gesleep. Niemand in ons gesin weet presies wat gebeur het nie, maar die woonwa het skielik die bakkie probeer verbysteek en die volgende oomblik het die woonwa ons tussen die mielielande ingesleep. Dinge het sedertdien nogal baie verander! Ek het onlangs iets soortgelyks op ’n winderige dag in die Karoo gesien, maar die einde was baie verskillend. ’n Ford Ranger wat ’n groot Jurgens-boswoonwa gesleep het, het ’n vragmotor op ’n normale en veilige manier verbygesteek. Toe die bakkie en die woonwa egter uit die windskaduwee voor die vragmotor beweeg, het ’n onverwagse rukwind…

Om al die padreëls en -regulasies in sommige van ons buurlande na te kom, voel soms asof jy ’n albaster in ’n Coke-bottel probeer gooi – met die bottel op ’n hondsdol eekhoring se rug vasgemaak! Op ’n toer in Zimbabwe in Junie vanjaar het ons konvooi deur tientalle padblokkades gery, en alhoewel ons omtrent net by ’n kwart van hulle afgetrek is, moes ons nogtans afkoopboetes betaal vir dinge wat niemand geweet het oortredings is nie. ’n Mens kan dit pro-beer afmaak as korrupsie, maar met ’n bietjie navorsing het ek, met die uitsondering van een boete, gevind dat al daardie oortredings wel in hulle padreëls bestaan. Die (duur) les, dus: Met ’n paar uur se ekstra voorbereiding sou ons heel moontlik die meeste van die boetes kon vryspring.…

1 DIE TOON ’n Indrukwekkende rotsformasie wat bo die Kokerboomkloof uittoring lyk so waar soos die toon van ’n reus wat in die lug steek. Stap ’n draai in die omliggende heuwels en jou verbeelding sal nog vele vorms in die unieke formasies uitken. 2 GOD SE HAND In die noorde van die park, tussen Potjiespram en De Hoop, lê die Hand van God rots. Dis ’n foto werd, en die geologie in die omliggende heuwels is ook die moeite werd om van nader te bestudeer. 3 SPAN UIT BY DIE ORANJERIVIER Die rivier is ’n lewensaar in hierdie dorre streek en sal vir jou ook ’n oase wees ná ’n lang dag se ry. Die waters en oewers is vol voëllewe en al is jy nie ’n voëlkyker nie,…

In die dae van Jan van Riebeeck is prospekteerders vanuit die Kaap noord waarts gestuur en sommige het hulle in die Pofadder area gevestig. Dié mans kom in kontak met die plaaslike Khoi gemeenskappe en kort voor lank is die eerste gemengderas kinders gebore. Deur die jare het die getalle van hierdie mense, later as “Basters” gedoop, gegroei tot ’n eie gemeenskap hoofsaaklik bestaande uit trekboere en plaasarbeiders. Hulle is nooit grondeienaarskap, eie kerke of skole toegelaat nie. Teen die vroeë 1900’s is die gebied uiteindelik oral in plase opgedeel en die eens nomadiese Basters het saam op die plaas Bo Sluis beland. Sonder water en weiding vir hul vee het die gemeenskap in armoede verval en teen die 1940’s was die druk groot op hulle om die gebied te…

Ou Trekpad se geskiedenis loop terug tot die 1700’s. Die plaas De Kleine Zoute, waar dit geleë is, het in die 18de eeu tot stand gekom as ’n jag- en weidingspos vir die Hollandse Oos-Indiese Kompanjie. Die plaas het in die laat 1800’s die bynaam “Vaatjie” gekry, toe een van die eienaars, ene mnr. Schietekat, ’n fontein gegrawe het by ’n oornagkampplek op die transportroete wat oor die plaas geloop het. Hy het ’n wynvaatjie gebruik om te keer dat die sand die fontein toewaai. Daarna het besoekers hoog en laag gesweer dat die fontein se water soet smaak, soos die knertsie waarvoor Schietekat so lief was.…

Terwyl die 140 spanne en 407 deelnemers tans elkeen besig is om die laaste dingetjies voor die 5de WegRy-Bull Run in Oktober te fine-tune, het ons span ’n belangrike toevoeging gekry: die bandereus General Tires. General Tires gaan ons help om hierdie byeenkoms die beste ooit te maak! En General Tire is net so opgewonde oor hulle verbintenis met die Bull Run. “General Tire is ’n toekomsgerigte en opwindende handelsmerk met diep wortels in Suid-Afrika,” sê Neil Langer, bemarkingsbestuurder van Continental Tyre Suid-Afrika. “Dit het ’n baie goeie reputasie in die mark vir veelterreinbande, terwyl dit terselfdertyd besig is om ’n ál hoe groter markaandeel in die passasiersmark te verkry. “Daarom kyk ons heeltyd na geleenthede waar ons deel kan wees van projekte wat die gees van innovasie en entoesiasme…

HOEKOM ’N DAKRAK OPSIT? Dit laat jou toe om jou toerusting soos ekstra bande en jerrykanne beter te organiseer. Boonop het dit plek vir allerhande monteerpunte vir goed soos buitelugstorte, fietsrakke, driepootpotte, skadu-afdakke (awnings) en daktente. Dit kan ook ’n sleepwa oorbodig help maak. Parkering is ook baie makliker as met ’n sleepwa. Dit beteken natuurlik dat dit boonop nie meer nodig is om ’n duur sleepstang op jou ryding aan te bring nie. Om nie eens te praat van die bykomende koste van lisensiëring, berging en onderhoud van so ’n sleepwa nie. WAARVOOR MOET JY VERSIGTIG WEES? Wanneer jy ’n dakrak laai, moet jy eerste veiligheid in gedagte hou. Daarom is dit logies om jouself altyd af te vra watter tipe paaie jy gaan ry en watter snelhede jy…

“Wat ’n swak band!” Jy hoor dít dikwels, gewoonlik ’n paar dae nadat die persoon herstel het van sy noue ontkoming met ’n band wat gebars het. Baie mense glo die enigste rede waarom ’n band bars, is omdat dit van swak gehalte is. Hulle vergeet gerieflik dat 99% van alle padgebruikers nie hulle bande in stand hou nie en dat die bandbedryf verskeie gehaltebeheermaatreëls ingestel het om ’n oog hieroor te hou. Ghmf, dit is onmoontlik om ’n teddiebeer in Europa te verkoop sonder dat dit deur ’n duisend veiligheidstoetse gesit word, maar die paaie is kamtag vrot van swak gehalte bande … Versorg jy jou bande? Ek sê nie daar is geen defektiewe bande op die mark nie, maar dit is nie naastenby so algemeen soos die publiek…

Ja, ons is almal lief vir hamburgers. Maar daar is so baie ander lekkerhede wat in ’n broodjie toegemaak kan word dat ’n mens nie by burgers hoef vas te haak nie. Daar is deesdae boonop ’n wye verskeidenheid brode beskikbaar waarmee jy allerhande vleis-en-broodkombinasies kan maak. Dink maar aan pita- en platbrood, wrapsen Indiese naanof Franse brioche. En moet ook nie vergeet van ’n goeie ou roosterkoek om die kampvuur nie! Brood is die perfekte pasmaat vir ’n vleis-, seekos- of groentevulsel. En dis maklik om voor te berei in selfs die mees basiese kampkombuis. GRIEKSE KEBABS MET PLATBROOD (6 PORSIES) Dié kebab is so Grieks as kan kom. (Kugkug, onthou ’n sosatie is iets met Maleisiese speserye.) Trouens, as jy nie pasop nie, gaan mense ouzo begin soek…

VAT HULLE AAN – OP DIE BAAN! Ek het die redakteursbrief in WegRy #84 geniet, want Jaco slaan die spyker op sy kop. Ja, van ons is maar nydig en wil altyd die ander ou se ryding afkraak. Dit gebeur gewoonlik wanneer die manne te veel “lemonade” gedrink het (soos Breyton Paulse altyd op Toks en Tjops sê). Ek het al ’n paar keer die ouens uitgedaag dat ons na die 4x4-baan gaan om die saak te besleg. Net twee het die uitdaging aanvaar, en albei het verloor. Om ’n ou dus stil te kry, daag hom uit. So bietjie meer as ’n jaar gelede het iemand hier in die Wesrand ’n uitdaging gehou en verskillende rygoed teen mekaar laat ry. Hulle het net een fout gemaak, en dit was…

SEPTEMBER DUST CHALLENGE SERIES – WEEKEND Waar: Weskus en Sederberge Wanneer: 17 en 18 September Hoekom jy moet gaan: Die laaste ronde van die Dust Challenge Series gaan ’n naweek vol 4x4-roetes, navigasie en baie grondpad behels. Dit is die laaste kans om te kwalifiseer vir die Tankwa Dust Challenge, die reeks se eindronde wat in November in die Tankwa-Karoo plaasvind. Meer inligting by: www.dustmedia.co.za; gerrie@dust-media.co.za; 082 374 4193 WILDEBEEST 4X4 CHALLENGE Waar: Malmesburyskouterrein Wanneer: 24 September Hoekom jy moet gaan: Dié byeenkoms is deel van ’n reeks 4x4-uitdagings deur die jaar. Daar is verskeie klasse wat standaardvoertuie, aangepaste voertuie en selfs pypkarre insluit. As jy die kennisgewings vir “valhelms verpligtend” sien, wéét jy daar gaan aksie wees. Meer inligting by: www.4x4wcc.co.za KYKNET-BUITE-EKSPO Waar: Mbizi Game Lodge, Limpopo Wanneer: 30…

Zimbabwe se toerisme-owerheid het ’n plan bewerkstellig om een van Suider-Afrika se nagmerriegrensposte – Beitbrug – makliker te maak vir toeriste. Weg se reisredakteur, Toast Coetzer, het dit onlangs beproef en sê dit werk soos ’n bom. Die owerheid het nou ’n groep beamptes op bystand naby die grens. Jy kontak hulle ’n dag voor jy beplan om deur die grens te gaan, en dan weer wanneer jy daar is. Dan ontmoet een van die beamptes jou en vergesel jou deur. Skakel die areabestuurder, Bertha Mutowembwa by 00263 286 23640/1, 00263 772 344 317, 00263 712 320 428 of per e pos berthamu to@gmail.com. Probeer ook die bemarkingskon sultant Lindarose Ntuli 00263 772 409 373; lindarosentuli@gmail.com. Die diens is gratis, maar daar is ’n paar kansvat ters wat maak asof…

Toe ons Zimbabwe by die Plumtreegrenspos binnegaan, wag niemand anders nie as die land se Minister van Minerale vir ons by die hek. Wel, dis hoe hy homself voorstel toe hy ’n gehawende beursie met die een of ander ID-kaart deur ons dubbelkajuit-Hilux se venster druk. Rooijan Seforo, ’n lid van die logistieke span van Bhejane 4x4 Adventures, sit op die agtersitplek langs my kameras, kleresak en ’n paar bokse. Die “minister” hou nie hiervan nie en ons kry ’n boete “omdat ons goedere en passasiers saam op die agtersitplek vervoer”, verduidelik hy. Ek kners op my tande en los die onderhandelinge wat volg vir Cronjé Wessels, Bhejane se gids op hierdie Zim-toer. Dis ’n vriendelike transaksie, moet ek byvoeg, en aan die einde daarvan is ons net $10 en…

Dit maak nie saak of jy al ’n ou hand met kampeer is en of jy ’n nuweling is nie, Camp Master het ’n groot reeks noodsaaklike kampeertoerusting waar jy alles kan kry wat jy ooit in die bos nodig sal hê. Of jy nou op soek is na iets om jou kampeertoerusting en kombuisware te organiseer, ’n koelhouer om jou eeten drinkgoed koud te hou wanneer jy ’n wildrit geniet, of net ’n gemaklike stoel waarop jy om die kampvuur kan kuier, Camp Master het iets vir jou. Al die produkte wat ons hier vertoon het ’n eenjaarwaarborg wat jou gemoedsrus sal gee. AIR TECH SAFARI-TENT BESKIKBAAR BY Camp Master het onlangs die room van sy tente – die Airtech Safari-koepeltent – bekendgestel. Die hele tent is van seil,…

OP DIE ROETE Hoe lank is die roetes? Kleine Zoute tot by Sandput: 4,1 km, 30 min, Graad 3 Jakkalsdraai: 2,9 km, 20 min, Graad 3 Donkergat: 8,2 km, 1,5 uur, Graad 3 Fi-oulaas-ompad: 2,1 km, 15 min, Graad 3 Hoe lank sal ek ry? 20,5 km (sowat 3 uur) in totaal Maksimum getal voertuie? 50 Kry ek ’n kaart? Ja Sal my voertuig gekrap word? Nee Kan ek halfpad omdraai? Al die roetes is sirkelroetes. Dit word dus nie aanbeveel nie. Kan ek langs die pad braai? Ja Is daar ablusiegeriewe vir dagbesoekers? Ja Moet ek my treeplanke afhaal? Nee Moet ek ’n kompressor saamneem? Daar is een by die terrein. Sal ek wild sien? Daar is baie voëls, en ook sebras, steenbokke, duikers, rooikatte, bakoorjakkalse, krimpvarkies, skilpaaie en…