Tabla de contenidos para October 2016 en WegRy

Mense wonder gereeld oor ’n paar koue biere watter invloed sommige modifikasies en toebehore op hulle rygoed se waarborg sal hê. En dis nie ’n simpel vraag nie. Jy kan jou indink wat sou gebeur as jy ’n bosbreker opsit en jou bakkie se agterste ewenaar begin uitmekaarval soos ’n nat stuk beskuit – net om te hoor dat die vervaardiger jou waarborgeis van die hand wys omdat daar “ontoelaatbare modifikasies” aan jou voertuig aangebring is. Daarom het Charles vir vandeesmaand se uitgawe die telefoon warm gebel en met almal gepraat – van vervaardigers en verspreiders van 4x4-toebehore, tot al die groot voertuigvervaardigers in Suid-Afrika. Die antwoorde was eintlik verrassend in terme van hoeveel gesonde verstand daar in die bedryf is. Jy hoef jouself dus nie te bekommer dat jou…

WAAR: Vosburg WANNEER: 6 tot 9 Oktober Vandeesmaand is Vosburg weer in rep en roer wanneer ’n horde bestuurders (in kostuums) en toeskouers op die andersins stil Noord-Kaapse dorpie toesak vir die jaarlikse Bull Run. Dis die vyfde jaar wat die byeenkoms aangebied word, en vanjaar is daar ’n rekordgetal van 140 deelnemende spanne. Inskrywings is maande gelede reeds uitverkoop, maar as toeskouer kan jy net soveel pret hê! Maak jou gereed vir motors met ingeboude storte, kameelperdkoppe en bulhorings wat mekaar in ’n reeks uitdagings die stryd aansê. Daar is nog verblyf op die omliggende dorpe beskikbaar. Meer inligting: www.dustmedia.co.za of www.facebook.com/wegrybullrun.…

MITSUBISHI Jy kan Mitsubishi’s soos die Pajero Sport Shogun en Pajero Legend met veldvering, pensplate, ’n snorkel, dakrak en rotsglystawe van die vertoonvloer af koop. Geen van dié bybehore beïnvloed die voertuig se waarborg nie. Mitsubishi bied ook produkte van ’n klomp vervaardigers wat nie by die Shogun betrokke is nie. “As hierdie vervaardigers ons nader, gee ons vir hulle die voertuigspesifikasies, waarna hulle produkte daarvoor kan ontwikkel. Indien ons tevrede is met die produkte, teken ons dit af. Dit beteken dat daardie vervaardiger die waarborg daarop sal dra, maar dat die produk deur Mitsubishi goedgekeur is,” verduidelik Braam Faul, bemarkingsbestuurder van Mitsubishi SA. Die toebehore waarmee hulle die meeste probleme ervaar, is bosbrekers, groter wiele en vering, sê hy. “Kies jou verskaffer versigtig. Die verkeerde bosbreker belemmer jou lugsakke,…

Renault se 1,5 liter-turbodieselenjin is een van dié maatskappy se suksesstories. Hy’s nie die sterkste of die vinnigste nie, maar met ’n goeie balans tussen krag en brandstofverbruik is dit Renault se topverkoper en tans een van die gewildste enjins ter wêreld. Die 1.5dCi, soos hy bekendstaan, doen diens in die Renault Scenic, Laguna, Duster en Kadjar, asook in die Nissan MP200, Qashqai, en, les bes, Mercedes se A180. Trouens, Renault het al meer as ’n miljoen van hulle vervaardig en een uit elke 85 voertuie wat wêreldwyd verkoop word, het een van dié enjins onder die enjinkap, sê Jeff Allison, Renault se produkbestuurder. Dit was dus net ’n kwessie van tyd voor Renault die dCi-enjin in hulle Captur-model sit. In 'n neutedop Die Captur is nog een van die…

ADDO-HOOFKAMP Die hoofkamp het ’n groot verskeidenheid van verblyfopsies: ’n Gastehuis, rondawels, chalets, kothuise, safaritente en kampeer plekke. Hier is ook ’n vulstasie, ’n winkel met kruideniersware en ’n restaurant. MATYHOLWENI-KAMP Hierdie kamp lê naby die suidelike hek van die park. Dit het nege kothuise wat twee mense elk huisves, en ses familie eenhede wat elkeen drie kan huisves. NARINA-BOSKAMP Dié kamp is in die Zuurberg deel van die park en het vier tente met twee enkelbeddens elk. Hier is nie elektrisiteit nie, maar wel paraffien verhitte storte en ’n gasstoof en yskas. SPEKBOOM-TENTEKAMP Vyf tente, elk met ’n braaiplek, het slaapplek vir twee mense elk. Die kombuis en ablusies word gedeel. KABOUGA In die noordelike deel van die park, Kabouga, is daar twee verblyfopsies. Die Mvubu kampeerterrein het ses…

1 KAMP LANGS DIE ATLANTIESE OSEAAN Daar is nie ’n beter manier om die Weskus se ongerepte skoonheid te waardeer as om ’n nag of twee langs die see te kamp nie. Daar is 9 spogkampplekke in die Namakwa Park wat jy heeljaar kan besoek. 2 BESOEK DIE SPOEGRIVIERGROTTE Dié grotte naby die Spoegriviermond is ’n buitengewone verskynsel teen ’n kuslyn wat skaars ’n heuwel of ’n boom het. In dié boogvormige grotte is die oudste bewyse van skape in Suid-Afrika – beendere van sowat 2 000 jaar oud – gevind. 3 HONDEKLIPBAAI SE STORIES Hierdie klein kusdorpie het ’n ryk geskiedenis en daar is ’n interessante storie om elke draai. Kuier ’n dag of twee hier en laat die inwoners jou vertel van die skeepswrakke, die rooi sand van…

Verlede maand het ons breedvoerig uitgewei oor bandskade, veral bande wat bars. Die punt was dat die meeste bande tot niet gaan omdat hulle nie behoorlik onderhou word nie en teen die verkeerde banddruk gery word. Hierdie maand fokus ons op mangels, en hulle ooreenkomste met bande. Wanneer bande ongelyk afloop en skade opdoen, is bestuurders geneig om die skuld op die bandvervaardiger te pak. Maar dis soos om jou mangels te blameer wanneer hulle ontsteek. Dit is meer dikwels die geval dat jou mangels seer is omdat hulle vir jou iets probeer sê. Dieselfde geld vir jou bande. As jou bande ongelyk afloop, is dit ’n teken dat daar ’n onderliggende probleem is met jou voertuig, jou rystyl of die instandhouding van die bande. Die probleem hou selde met…

ALLES IN EEN EEN – POT, PAN, BAKPLAAT DEUR MARI-LOUIS GUY EN CALLIE MARITZ UITGEWER: HUMAN & ROUSSEAU PRYS: R280 Of dit nou ’n vuurtjie of ’n eenplaatgasstoof is, dit gebeur dikwels dat jy ’n hele ete in een pot maak wanneer jy kamp. Callie Maritz en Mari-Louis Guy se nuwe kookboek, Een – Pot, Pan, Bakplaat, is net die regte resepteboek vir sulke geleenthede. Elkeen van die resepte in hulle kookboek is geskryf om in net een pot, braai- of oondpan te pas. Daar is bees-, hoender- en varkvleisgeregte, asook resepte met wors, spekvleis, ham en frikkadelle. Die vleisgeregte is darem ook nie nét vleis nie – elkeen van hulle het darem groente en stysel by. Maar as al jou vleis by die grens afgeneem is en jy g’n…

LOUAN VAN ROOYEN LESERSTORIE ( BL. 57 ) Louan en sy vrou, Yolandi, het in die Krugerwildtuin begin en op Mosambiek se wit strande geëindig. Hy deel sy avontuur met ons. Wat is jou eerste toerherinnering? ’n Blinde man wat een aand in Pretoriuskop in die Krugerwildtuin per ongeluk bo-oor my gedraf het. Ek was bitter klein. Hy het baie sleg gevoel en ek is amper seker hy sal dit nog onthou. Die lekkerste plek in die bos waar jy al was? Mucheni, Manapoele. Die magtige Zambezi kleur ’n vloedvlakte wat wemel van wild volledig in en dit voel asof ’n mens in ’n skildery lewe. Wat is die beste reiswenk wat jy al gekry het? Moenie net op die GPS staatmaak nie (selfs met Tracks4Africa). Koop ook ’n papierkaart…

As ’n eggenoot en pa is ek heeltyd bewus van voertuigveiligheid wanneer ek op die pad is. En wanneer jy, soos ek, ’n 4x4 met spesialismodifikasies bestuur, hang jou voertuig se veiligheid nie net af van die veiligheidskenmerke wat deur die voertuigvervaardigers ingesluit is nie. Jy moet ook seker maak die modifikasies wat jy aanbring, belemmer nie jou voertuig se veiligheid in ’n noodgeval nie. Ek het al voorheen (WegRy #79) geskryf oor hoe belangrik dit is dat jou bosbreker nie jou lugsakke beïnvloed nie, maar op ’n onlangse reis na Mpumalanga het ek eerstehands ervaar hoe belangrik dit is. En ook hoe belangrik die bosbreker se struktuur en ontwerp is. Die berugte stuk van die N4-hoofweg tussen Witbank en Middelburg het op daardie dag ’n kettingbotsing opgelewer waarin 42…

Jou pêl Piet weet ’n ding of twee van sweiswerk. Hy kan Saterdag ’n bosbreker vir jou bakkie maak, sê hy – twee keer so dik soos enige ander ou s’n teen die helfte van die prys. Maar jou bakkie is nog onder waarborg en jy wonder wat sal die handelaar sê oor jou nuwe buffer. En wat as jy probleme ondervind? Gaan die handelaar net sy kop skud en jou wegstuur? Nie-standaardonderdele en voertuigwaarborge is vir baie voertuigeienaars ’n tameletjie. Dis vanselfsprekend dat ’n mens jou 4x4 wil aanpas vir toer en veldry, maar hoe doen jy dit sonder om die waarborg te verloor? Hier’s ’n paar insigte van mense in die toebehore- en die voertuigbedryf. Sonde met die wiele Met sy eerste ryding, ’n Volkswagen Golf, het hy…

CHARLES THOMPSON As jy die Fiat Fullback langs die volgende geslag Mitsubishi Triton sou parkeer, lyk hulle byna soos ’n tweeling met verskillende haarsnye. Maar die Fullback deel nie Mitsubishi se Super Select II 4x4 stelsel nie. Sy vier wielaandrywing is dieselfde as die meeste ander bakkies s’n, die Hilux inkluis – jy ry in 4x2, 4x4 hoëstrek of 4x4 laestrek. Die Fullback het egter nie vir my so goed soos die Hilux op die hindernisbaan gevaar nie. Sy ratverhouding is eerste rat, laestrek, is nét te hoog om sta dig en versigtig oor die klippe te kan luier. Ek moes dikwels met die koppelaar en die rempedaal speel, of die bakkie sou vrek. En dis iets wat jy veral nie teen ’n steil, klipperige afdraand wil doen nie. Die…

SKILPAD-RUSKAMP Hier is vier selfsorg chalets, elk met twee enkelbeddens en ’n slaapbank. Elkeen het elektrisiteit, ’n toegeruste kombuis, ’n kaggel en ’n braaiplek. KOSTE: R960 vir twee mense KAMPPLEKKE LANGS DIE KUS Daar is 9 basiese kampplekke teen die kus, elk met ’n beskutte braaiplek en toilette, maar nie water of enigiets anders nie. KOSTE: R125 per kampplek vir 6 mense LUIPERDSKLOOF-KOTHUIS Hierdie afgeleë kothuis, 2 tot 3 uur se ry van die Skilpadhek af, kan slegs met ’n 4x4 bereik word. Daar is drie slaapkamers wat ses mense kan huisves. Hier is nie elektrisiteit nie, maar wel ’n gasstoof in ’n toegeruste kombuis en ’n braaiplek. Jy sorg vir jou eie drink en eetgoed, asook vuurmaakhout. KOSTE: R1 000 vir die eenheid (6 mense) DIE BLOMMEKAMPE In Augustus…

WANNEER IS DIE BESTE TYD OM TE GAAN? In die lente is die roete op sy mooiste, maar die park is dan ook op sy besigste. Bespreek min stens 10 maande vooruit vir verblyf gedurende die blommeseisoen. Die park en roete is egter heeljaar oop, maar sekere dele kan ná swaar reëns gesluit word. HET EK ’N 4X4 NODIG? Ja, op die Rooikat ekoroete word slegs 4x4’s toegelaat. Die roete is meestal gemaklik, maar hier en daar langs die kus is gedeeltes waar die spoor deur diep sand loop en jy moontlik laestrek gaan nodig hê. HOEVEEL KOS DIE ROETE? Die roete is gratis, maar ’n daaglikse bewaringstarief (R34 per volwassene en R17 per kind) is betaalbaar. Hoeveel tyd het ek nodig? Afhangende van hoe jy jou roete aanmekaarvleg, is…

Die woorde “Berakah” en “4x4” hoort bymekaar soos “tjops” en “wors”. Die Berakah-4x4-ekoroete lê in die Vredefort-koepel, ’n Unesco-Wêrelderfenisterrein sowat 14 km buite Parys. Miljoene jare gelede het ’n meteoor hier in die Vrystaat met die aarde kennis gemaak, en die koepelvormige rotsformasies is ’n gevolg van die meteoor se impak. Die Vredefort-struktuur word beskou as die grootste en oudste duidelik sigbare impakstruktuur op aarde. En vir diegene wat so gelukkig is om ’n 4x4 te hê, sorg die sirkel van steil formasies in die omliggende heuwels vir hope pret … en uitdagende rywerk! ’n Paar van Berakah se hindernisse is inderdaad baie moeilik, maar hulle word aangedui op ’n kaart wat jy met jou aankoms ontvang. Die roete-eienaar, André Pretorius, is ook meer as bereid om jou raad te…

“Daar is ook flesse met appelkooslekkers, Middelpos se gewilde boerbokkase, en dekor-items uit hakiesdraad geknoop.” Middelpos is die soort plek wat jy nog dink hier iewers om die draai lê, net om skielik te besef dat jy reeds daar aangekom het en besig is om in sy hoofstraat af te ry. Die hele dorp voel eintlik soos iemand se jaart. Of eerder, ’n dorp in iemand se jaart. Daar is ’n kaktustuin in die middel van die pad, ’n peperboom voor Die Hotel en ’n paar dronkerige inwoners voor Die Winkel. Hulle hou vas aan die muur en wag vir die besigheidjie om vir die namiddagskof oop te maak. Die Winkel is ook Die Poskantoor. En dis omtrent al. Oorkant die straat by Die Hotel is daar darem ook ’n…

GEEN RESPEK VIR MABUA Ons was in Augustus vir ons jaarlikse vakansie in Mabuasehube. Dit was weer eens ’n wonderlike belewenis. Die leeus het nie teleurgestel nie en het ons een nag heelnag in ons kampplek wakker gebrul. Die mooiste luiperd het vlak voor ons sy dors by die watergat geles en die ander wild was pragtig. Dit was ook duidelik dat die park genoeg reën gehad het, want die gras het oral welig gestaan. Daar was egter ook skokkende bewyse van mense wat die park besoek en hulle nie aan die parkreëls steur nie. Hulle kamp op plekke waar hulle nie bespreek het nie, en wend geen poging aan om die kamp in dieselfde toestand te los as waarin hulle dit gekry het nie. Dit lyk asof bome met…

OKTOBER BOSRUMOER Waar: Zeerust Wanneer: 7 en 8 Oktober Waarom jy moet gaan: Zeerust is omtrent 250km wes van Pretoria, nie te ver van die Botswana-grens nie, wat hierdie ’n lekker naweekuitstappie, of die begin van ’n reis na die noorde maak. Behalwe die gewone kosstalletjies en musiekkunstenaars, het die fees ook ’n 4x4-uitdaging, sterkmankompetisie, perdry, bergfietsry, ’n motorfietsresies en selfs bosgholf. Vir meer inligting: https://www.facebook.com/bosrumoer.fees/ ATLANTIS-PRETDAG Waar: Atlantis-duine (42km buite Kaapstad) Wanneer: 22 Oktober Waarom jy moet gaan: Hierdie wit duinveld is die beste (en enigste) plek naby aan Kaapstad waar jy wettiglik met jou voertuig in die duine mag speel. Die Atlantis-pretdag is al ’n jaarlikse instelling waar 4x4-entoesiaste teen mekaar kom meeding in ’n reeks sand-uitdagings. Meer inligting: www.4wd-wc.co.za STELLA-BEESFEES Waar: Stella, Noordwes Wanneer: 21 en 22…

1 Kyk uit vir ’n handelsnaam wat sterk is in die bedryf. Jy sal gou op webforums en in tydskrifte uitvind wie dit is. 2 Waar lewensnoodsaaklike (sogenaamde “life and limb”)-bybehore betrokke is, byvoorbeeld bosbrekers en vere, vra vir dokumentasie en sertifikate wat die veiligheid en versoenbaarheid met jou voertuig staaf. 3 Maak seker die werkswinkel wat dit installeer, het ’n goeie reputasie. 4 Kyk wat is op die vertoonvloer. Die bybehore wat jy by die handelaar sien, sal goedgekeurde produkte wees.…

Die Ford Everest-reeks kry binnekort ses nuwe modelle, waarvan almal aangedryf gaan word deur dieselfde 2.2 TDCiturbodiesel wat in die Rangerbakkie gebruik word. Hierdie enjin, wat 118 kW krag en 380 Nm wringkrag ontwikkel, het homself al bewys as ’n gewilde enjin wat goeie verrigting met goeie brandstofverbruiksyfers kombineer. Die nuwe Everest-modelle is ’n meesterskuif deur Ford, aangesien die Toyota Fortuner se 4x4-modelle net met die groter 2.8 GD-6-enjin beskikbaar is en die kleiner 2.4 GD-6 net in die 4x2-Fortu-ner gebruik word. Die ses nuwe 2.2 TDCi Everests sal te kry wees in 4x4- en 4x2-modelle, met handrat sowel as outomatiese ratkaste. Die afwerkings sal die effens laer XLS en XLT-spesifikasievlakke met 17 duim-bande wees. Dis volgens ons ’n baie goeie keuse, want die 3,2 liter-enjin Everest is tans net…

Of jy dit wil erken of nie, outomatiese ratkaste is die toekoms van voertuie, of jy nou elke dag in die stadsverkeer sit en of jy nou die veld wil platry. En soos die tegnologie al hoe goedkoper en beter raak, gaan mense oor ’n paar dekades van nou af kopskud oor hoe mense “in die ou dae” ratte met die hand oorgeskakel het. Amper soos ons nou giggel oor die feit dat ons tot relatief onlangs nog motorruite met slingers afgedraai het. Laat enige persoon ’n 4x4-roete in ’n handratvoertuig ry en laat dieselfde persoon dan dieselfde roete direk daarna herhaal in ’n identiese outomatiese voertuig. Vra hulle dan hulle éérlike opinie. Elkeen wat eerlik met homself is, sal saamstem: ’n Outomatiese voertuig maak dit makliker. Daarom is dit…

Skouspelagtige Lesotho Sien die Sanipas, Katsedam, die Maletsunyane-waterval en Thaba Bosiu op ’n ses dag lange toer agter die stuur van jou eie voertuig, saam met WegRy-toere in samewerking met Bhejane 4x4 Adventures. DAG 1 Ons avontuur begin in Himeville, KwaZulu-Natal, waar ons by die Stone House Café bymekaarkom. Die res van die dag bring ons deur met ’n rit teen die ontsagwekkende Sanipas uit. Nadat ons deur die Suid-Afrikaanse grenspos is, eet ons ’n piekniekmiddagete en wentel op ons tyd teen die pas uit. Op die kruin gaan ons Lesotho binne. Ons blyplek vir die nag is die knusse Sani Mountain Lodge op die rand van die Drakensberge. Die lodge bied verruklike uitsigte oor KwaZulu-Natal. DAG 2 Ons roete na Katsedam neem ons oor die hoogste paaie in Suider-Afrika.…

Hoekom moet ek gaan? Berakah 4x4 is ’n gevestigde roete wat maklik bereik kan word uit Gauteng en die omliggende omgewing. Dis ’n Unesco Wêrelderfenisgebied, met ’n verskeidenheid hinder nisse. Hoe lank is die roete? 15km. Hoe lank sal ek ry? Sowat 6 uur. Maksimum getal voertuie: 40. Kry ek ’n kaart? Ja. Sal my voertuig gekrap word? Nee. Moet ek my treeplanke afhaal? Ja. Moet ek ’n kompressor saamneem? Ja. Kan ek langs die pad braai? Ja. Beste tyd van die jaar: Die hele jaar. OM DIE ROETE Kan ek die gesin saamneem? Beslis. Net vir die dag of vir die naweek? Albei. Is daar ablusiegeriewe vir dagbesoekers? Ja. Naaste dorp: Parys (14 km). HOE KOM EK DAAR? Volg die beton N1 hoofweg suid in die rigting van Kaapstad.…