Tabla de contenidos para January - February 2017 en WegRy

Ek was 17 toe dié foto’s geneem is, en langsaan my staan my pêl Stanley Webb. Julle moet net sien hoe ek deesdae op 85 lyk – ’n taamlike verskil! Ek was ’n tweedejaar-vakleerling by Sydney Close, wat deesdae McCarthy’s genoem word, en Stanley was ’n vakleerling by William Hunt Auto Electrical. Daardie dae was daar net twee soorte driewielvoertuie. Die gewildste was ’n B.S.A, wat ’n voorwiel gehad het. Die een op die foto was myne. Dit was ’n 1000 JAP-aluminium met ’n lugverkoelde enjin, ’n ratkierie op die paneelbord, dryfas en ewenaarslot met agterwielaandrywing. Ons het besluit om via Heidelberg (in die Wes-Kaap) na Kaapstad te ry, waar my oom ’n onderneming met die naam Bastie and Son Engineers gehad het. Hulle is vandag nog oop. Die teer-pad…

Ivan Brits, ’n afgetrede elektriese kontrakteur van Durbanville in die Wes-Kaap, se 2007-Land Cruiser 105 GX 4.5 EFI petrol lyk op die oog af heel onskuldig, maar onder die enjinkap skuil ’n allemintige bondel krag. “Wanneer die turbo boost, kry ek 300,9 kW en 645 Nm wringkrag teen 3971 r/min,” sê Ivan met ’n glimlag. “Dis heel moontlik die sterkste Cruiser in die land!” Ivan en sy vrou toer gereeld met die Cruiser. “Ek is al deur Kaokoland in Namibië met hom en ’n keer of wat na die Noorde toe, maar ek wil ook nog Botswana toe gaan,” vertel hy. Maar Ivan gebruik ook die Cruiser vir naweekpret. Ons het hom tydens die voorbereiding vir die Atlantis Fun Day in die duine buite Kaapstad ontmoet om sy monsterwa van…

1 BESOEK DIE ROTSFORMASIES Die sandsteenformasies van die Sederberge is die streek se bekendste baken. Algeria se inligtingskantoor is die beste plek om uit te vind oor die verskillende dagroetes en om permitte in die hande te kry. 2 BEWONDER DIE STERRERUIM Op die meeste Saterdagaande (afhangend van die weer) kan jy verniet sterre kyk by die sterrewag op Dwarsrivier. In die berg met min ligbesoedeling is dit een van die beste plekke in die land daarvoor. Besoek www.cederbergobs.org.za vir meer inligting. 3 KOEL AF IN ROTSPOELE BY ESELBANK In die somer kan dit bloedig warm raak in die Sederberge, veral bo-op die berg tussen Matjiesrivier en Wuppertal. Gelukkig is daar pragtige rotspoele net buite Eselbank waar jy ’n blaaskans kan vat. 4 KOOP VELLIES IN WUPPERTAL Maak ’n draai…

DAG 1 Ons ontmoet mekaar d-e nam-ddag by d-e Ruacana Eha Lodge en k-es koers na d-e Kunene R-ner Lodge. Langs d-e pad sal ons by d-e Ruacana-nalle st-lhou (as d-e tyd ons toelaat) en d-e Ruacana-kragstas-e besoek, wat ’n beteken-snolle terre-n tydens d-e Bosoorlog was. DAG 2 & 3 Ná ’n nerpl-gte ne-l-ghe-dsnergader-ng eet ons ’n stew-ge ontbyt. Vandag ry ons al langs d-e Kunener-n-er af tot by d-e Epupa-nalle, waar ons twee dae gaan deurbr-ng en ook ’n H-mba-stat gaan besoek. DAG 4 Ons dag beg-n met ’n lekker ontbyt, en daarna -s Okangwat-, d-e hartland nan d-e Kaokoland, op d-e spyskaart. Ons slaap d-e nag aan d-e noet nan Van Zylspas, en bere- ná ’n ordentl-ke aandete noor n-r d-e nolgende dag se stamper-ge pad tot -n…

Ons sustertydskrif Weg het in die aanloop tot Nasionale Melktertdag (op 27 Februarie) ’n kompetisie gehou om uit te vind by watter padstal of tuisnywerheid mense al die lekkerste melktert geëet het. Weg se mense het toe self die benoemde padstalle besoek om te proe en kuier. Wie s’n was die lekkerste? Die antwoorde is in die Maartuitgawe van Weg. En in die Februarie-uitgawe kry jy ’n versameling liplekker resepte waarin botter koning kraai. Want kyk, geen ordentlike melktert kan sonder botter gemaak word nie. Die resep langsaan is ’n voorsmakie van wat jy in die Februarie-uitgawe kan verwag. Moenie dit misloop nie! Nasionale Melktertdag word aangebied in samewerking met: Melktertroomystoebroodjie Genoeg vir 8 Bereidingstyd 20 minute Rustyd 6 uur Jy het nie ’n roomysmasjien nodig om hierdie roomys te…

LISE BEYERS BOSKOS ( BL. 94 ) Lise Beyers het ’n jaar lank elke dag gebraai. Dus, as sy resepte vir die kampvuur uitdeel, sit ons kiertsregop. Wat is jou eerste toerherinnering? Ek was seker so drie jaar oud en het saam met my ouers en twee broers (toe 1 en 6 jaar oud) in ’n 1969-Volla van Kaapstad na Koffiebaai in die Transkei getoer. Die lekkerste plek in die bos waar jy al vantevore was? ’n Bosslaap bo-op ’n Kalahari-duin naby Gochas, Namibië – met net IVAN BRITS MY RYDING ( BL. 28 ) Ivan Brits is ’n man wat sommer baie hou van toer. Hy wys sy wiele in vandeesmaand se My Ryding. Wat is jou eerste toerherinnering? Baie jare gelede, ek skat so rondom 1972, is ek…

JANUARIE KAAPSTADMOTORSKOU Waar: GrandWest-arena Wanneer: 27 tot 29 Januarie Hoekom jy moet gaan: Hier is vier uitstal-areas met alles wat ’n petrolkop se hart begeer: van sportmotors, motorfietse, klassieke voertuie en ’n 4x4-afdeling. Meer inligting: www.capetownmotorshow.co.za FEBRUARIE VKB-BIELIEMIELIEFEES Waar: Reitz Wanneer: 16 tot 19 Februarie Hoekom jy moet gaan: Daar is hope vermaak vir die hele familie en groot kunstenaars soos Francois Van Coke en Schalk Bezuidenhout wat optree. En dan is daar hope stalletjies. Met mielies, natuurlik. Meer inligting: www.bieliemielie.co.za KYKNET-BUITE-EKSPO Waar: 17 tot 19 Februarie Wanneer: Môresonplaas, Malmesbury Hoekom jy moet gaan: By hierdie ekspo is daar honderde uitstallings en demonstrasies van buitelewemaatskappye, helikopterritte, ’n braaikompetisie, musiekvertonings en ’n 4x4-hinder-nisbaan. As jy wil skouers skuur met die kykNET-celebs en sepiesterre, is dit die plek om te wees. Meer…

Die Sederbergreeks is miljoene jare gelede deur die beweging van tektoniese plate opgedruk en deur die jare het wind- en watererosie die skouspelagtige sandsteenrotsformasies uitgekerf. Daar word geskat dat die formasies alleen tussen 500 en 350 miljoen jaar gelede gevorm is en daar is al 450 miljoen jaar oue fossiele van primitiewe visse hier gevind. Die bekendste formasies is die Wolfbergskeure, Wolfbergboog, Stadsaal-grotte, Maltese Kruis en Truitjieskraal. Die hoogste pieke is Sneeuberg (2 027 m) en Tafelberg (1969 m).…

Die Oos-Kaap is ryk aan geskiedenis, natuur en interessante agterpaaie. Hier is ons lys van die lekkerste dinge om hier te doen en te beleef. 1 BESOEK DIE VALLEI VAN VERLATENHEID Van hier af het jy ’n wye uitsig oor Graaff Reinet en die omliggende Karoo vlaktes. Stap die Crag Lizard roete (1 uur) aan die bo kant van die berg vir die beste uitsigpunte, en moenie jou kamera vergeet nie. 2 BESOEK DIE UILHUIS Maak ’n draai by die voormalige tuiste van die kunstenaar Helen Martins op Nieu Bethesda en sien haar unieke kunswerke. Buiten die Uilhuis is daar ook ander kunsgalerye, koffiewinkels en selfs ’n mikro brouery om te besoek. 3 TAKEL ’N BERGPAS Die drie hoof grondpadpasse op hierdie roete, in stygende orde van moeilikheid, is die…

Ek, my familie en ons vriende is gereeld op soek na kort wegbreekplekke wat ons vir ’n naweek met ons 4x4’s kan verken. Want as ’n mens nog nie gelukkig genoeg is om jouself ’n pensioenaris te kan noem nie, is verlof mos ’n skaars ding. Só het ons onlangs besluit om die omgewing rondom Barberton in Mpumalanga te gaan bekyk. Die groepie wat hierdie ontdekkingstog aangepak het, het bestaan uit ek en my vrou, Glynnis, en ons seuns, Andrew (15), Shaun (11) en Eckard (10) in ons Fortuner 4x4-diesel-handrat; Annas Botha (die TJM 4x4-koning van Middelburg) en sy vrou, Rinalda, met hulle kinders, Ri-Ann (15) en Annas Junior (14), in hulle Amarok 4x4-diesel-handrat; asook Chrisjan, my seun, in sy Defender 110 saam met sy vriende, Stefan Henriet en Natalie…

55 LITER Beskrywing: Enkelkompartement-ys/ vrieskas. Prys: R9 700 (aluminium) of R10 250 (vlekvrye staal, sluit drie mandjies in) Isolasie: oraloor 60 mm in die sywande. Batterybeskerming: Hoog, medium en laag. Kragverrigting:12 Vgs, 24 Vgs en 100 tot 240 Vws. Gewig: 22,4 kg (aluminium) of 26,6 kg (vlekvrye staal). Opsionele ekstras: Mandjies en oortreksel. *Gemiddelde kragverbruik: 27,343 Amps @ 12 VDC. *Gemeet oor ’n tydperk van 24 uur teen drie verskillende buitetemperature (onderskeidelik 21ºC, 32ºC en 43ºC) en met die eenheid op ’n konstante -10ºC. 60 LITER Beskrywing: Dubbelkompartement-ys/ vrieskas met onafhanklike termostate. Prys: R10 500 (aluminium) of R11 950 (vlekvrye staal, vyf mandjies ingesluit) Isolasie: sywande van 42 mm rondom die yskaskompartement, en 60 mm rondom die vrieskas. Batterybeskerming: Hoog, medium en laag. Kragverrigting: 12 Vgs, 24 Vgs en 100…

DAG 1 Ons ontmoet mekaar laat Vrydagmiddag by Imperanigastehuis in Ficksburg, skaars drie uur se ry uit Gauteng. Hier kuier ons die aand saam en leer mekaar bietjie ken. Bhejane se gids verduidelik dan mooi wat die volgende dag in Lesotho op ons wag, waarna ons weglê aan die eerste van ’n klomp van die gastehuis se heerlike etes. DAG 2 Ná ’n groot Engelse ontbyt ry ons na die Lesotho-grens, steek die Caledonrivier oor en gaan die Bergkoninkryk binne. Jy het natuurlik ’n geldige paspoort nodig, maar die grensoorgang hier gebeur in ’n japtrap. Ons roete is heeldag teer en as die weer- en padtoestande dit toelaat, ry ons die indrukwekkende Mothengpas uit. Ons kronkel uiteindelik tot by 3 000 meter bo seevlak, en dis op dié hoogte waar…

Bambisana-sendingstasie lê diep in die pragtige Pondoland, ongeveer 20km vanaf Lusikisiki. Die stasie lê hoog in die heuwels, tussen die diep klowe en digte bosse rondom die Umzimvubuen Ntafufu-rivier. In dié wêreld kan dit goed reën in die warm somermaande. En dan verander die grondpaaie teen die hoogtes in ’n swart modder-pappery wat ’n groot uitdaging vir enige 4x4-bestuurder bied. Wyle dominee Piet Kamfer het hierdie ou NG Kerk-sendingstasie in 1959 gestig en baie jare lank daar as sendeling gewerk. In 1964 gaan werk dr. Pierre Greyling, vandag afgetree op Uitenhage, in Bambisana se sendinghospitaal. Die volgende jaar se somer kom kuier die dokter se familie uit Pretoria vir hom, en dit begin te reën. Ná ’n week se onophoudelike reën sê die mense hulle wil nou huis toe gaan.…

Ons sit mos dikwels met oorskiet-braaivleis opgeskeep. Dis asof daardie onverwagte gaste enige oomblik oor die vlakte aangestrompel gaan kom, sterwend van die honger – en jy seker wil maak daar sal genoeg kos wees. Party mense sê mos hulle hou nie van oorskietkos nie en dan word daar maar weer van vooraf (onnodig) kos gemaak. Maar met ’n klein bietjie verbeelding kan jy baie met die oorskiet-braaivleis uitrig. So lig ’n bietjie die deksel van jou braaibak op en kyk wat van gisteraand se braaivleis oorgebly het. Jy kan dit maklik omskep in iets waaraan selfs die siniese “netvars-braaivleis-vir-my-asseblief”-snobs sal weglê. Die meeste van hierdie resepte is genoeg om vier mense kos te gee, na gelang van hoeveel oorskietbraaivleis jy gebruik. As jy meer mense wil kosgee, moet jy…

SKRYF VIR ONS EN WEN! Ronnie Clarke wen ’n sitplek-organiseerder ter waarde van R400! Moeg vir die los goed wat in die motor rondlê? Die sitplek-organiseerder het afsonderlike sakkies waarin jy alles en nog wat kan byderhand hou. Dis van 100% katoenseil en pas agter alle sitplekke. As jy jaloers is op Ronnie, kan jy dit koop by winkel.weg.co.za SKRYF AAN REDAKTEUR@WEGRY.CO.ZA  OF WEGRY, POSBUS 740, KAAPSTAD 8000. JY KEN DIE STORIE: GEE ASSEBLIEF JOU VOORNAAM, VAN ÉN TUISDORP. WegRy behou hom die reg voor om briewe te redigeer vir bondigheid en duidelikheid. Briewe wat aan WegRy gestuur word, kan ook moontlik in ons susterpublika sies Weg, Go!, WegSleep en Platteland asook op ons webwerwe gebruik word. As jy ’n vryskut artikel instuur vir oorweging, merk dit asb.…

In reaksie op een van die Oeps-oomblikke wat ons op Facebook gepubliseer het, het Otto Raap hierdie kostelike storie gedeel. Baie jare gelede het die treinspoor tussen Swakopmund en Walvisbaai baie naby aan die see verbygeloop. My swaer en my ouers was met die 4x4 en ’n klomp visstokke in die omgewing. Maar daar sit hulle toe vas, met die gety wat inkom. Hulle het gekarring en vetgegee, maar die 4x4 het ál dieper vasgeval. Later het water by die vensters begin instroom. Die volgende oomblik hoor my pa die trein. Omdat dit al sterk skemer was, het hy die masjinis se aandag getrek. Die trein gooi toe ankers, en die treindrywer vra wat fout is. Baie verleë vertel my pa dat hy vassit. Die masjinis dink toe dit is…

Ek het onlangs ’n private bewaringsorganisasie raadgegee oor duur voertuigprobleme wat hulle in Noord-Tanzanië ondervind het. Die Oos-Afrika-dieremigrasie is al jare lank op my emmerskoplys, en ek het die uitnodiging om agt dae in die Serengeti deur te bring met graagte aanvaar. Ter wille van ’n bietjie agtergrond, verskeie welgestelde filantrope huur bewaringsgrond van Afrika-regerings. In ruil vir die eksklusiewe gebruik van die grond, vestig hulle bewaringsorganisasies en verblyfoorde, en bied hulle teenstroping- en gemeenskapsprogramme in hierdie bewaringsgebiede aan. Hiervoor moet hulle voertuie hard werk. Die organisasie wat ek besoek het, gebruik Land Cruiser 79-enkel- en dubbelkajuite as teenstropingsvoertuie en werkesels, en die 78-reeks Troopies as hulle mense moet rondry. Vir “deftiger” wildbesigtingsritte, gebruik hulle Land Rover Defenders. Hoekom die slytasie? Dit was duidelik dat die rygoed, veral die Land…

Ons weet die bakkiemark is taai en vervaardigers probeer hard om iets te vind wat mededingers gaan ore aansit. Daarom het ons gewoond geraak aan inkrementele verbeteringe: ’n Suiniger enjin hier, ’n slim ratkas daar en dalk ’n vars voorkoms. Maar die nuwe Nissan Navara is nie net luukser, en met ’n beter enjin-/ratkas-kombinasie as sy voorganger nie, sy vering – en spesifiek sy kronkelvere agter – plaas sy hantering in ’n ander klas as enige ander bakkie op die mark. Sommige lesers sal weet dat die nuwe Navara al amper ’n jaar lank in ander markte te koop is. Heelwat van ons het dus gewonder hoekom dit nie vroeër hier te koop was nie. Die redes is eenvoudig: Suid-Afrikaanse Navaras het ’n ander spesifikasievlak as dié wat in Europa…

Voordat jy ewenaarslotte begin aanskakel, voertuie aan mekaar vashaak of die handdoek ingooi en te voet vir hulp gaan soek, moet jy kyk of jou banddruk reg is. Trouens, dis die eerste ding wat jy moet doen as jy van die teer af klim, want kenners is dit eens dat die regte banddruk in baie gevalle die verskil tussen deurluier en vassit beteken. Daarom het ons vandeesmaand 16 banddrukmeters getoets om te kyk presies hoe akkuraat hulle is. DIE TOETS Die meters wat getoets is, is die mees algemeen beskikbare produkte in Suid-Afrika. Hulle kom van verskeie vervaardigers, maar waar een vervaardiger twee algemeen beskikbare modelle het, het ons albei getoets. 1st Allignment Centre in Stikland, Kaapstad, was ons laboratorium, waar Johann “Tyres” Viljoen ons bygestaan het. By dié werkswinkel…

DIE VRAAG Ek het ’n 4x4 met ’n turbodiesel gekoop omdat hulle so lekker baie wringkrag het. Maar nou het iemand my vertel ek moenie te gou en teen te lae revolusies ratte oorskakel nie. Dit maak nie vir my sin nie. Is dit dan nie die voordeel van turbodiesels nie? DIE ANTWOORD Die meeste van ons wat rygoed met turbodiesels het, is baie erg oor die groot hoeveelhede wringkrag wat sulke enjins ontwikkel. Deesdae is dit nie ongehoord vir ’n turbodiesel in die meeste 4x4’s om in die omgewing van 400Nm of meer wringkrag te ontwikkel nie. Wanneer jy dus iets moet sleep of teen ’n steil opdraande uitry, is dit lekker om te voel hoe jou ryding se wringkrag daarmee klaarspeel. Maar terselfdertyd is dit ook gevaarlik om…

“Goeie gehalte veelterreinbande wat lekker vastrap bied en die band op gruispaaie beskerm, behoort die ding te doen.” Die meeste 4x4-eienaars kan in een van vyf groepe verdeel word. As jy soos ek is, is die kans goed dat jy in meer as een van die groepe is, met ’n paar eienskappe wat duideliker in die een groep as in die ander voorkom. Maar die volgende groepe (wat nie te ernstig opgeneem moet word nie), definieer 4x4-gebruikers . . . PENDELAARS Dis waarskynlik die grootste groep 4x4-eienaars – diegene wat ’n 4x4 het, maar dit nooit in die veld gaan gebruik nie. In baie gevalle is die ryding gekoop met die bedoeling dat hulle die boendoes wil invaar, maar as die pendelaars ’n vakansie bespreek, kies hulle maar weer ’n…

LAAT BRAAI, MERAAI GUNSTELING BRAAIRESEPTE SAAMGESTEL DEUR CLOVER SA UITGEWER: LAPA PRYS: R149,99 Hoef ’n mens enigiets meer oor ’n resepteboek met ’n titel soos dié te skryf? Die woord “braairesepte” is al amper reeds genoeg rede om Clover se braaiversameling, Gunsteling Braairesepte, te koop sonder om dit deur te blaai. Maar daar is ’n hele paar ander redes om dit te koop, want as jy dié boek oopmaak, besef jy gou die geregte is nie sommer net nóg ’n klomp idees vir tjops en wors nie. Die brein agter Gunsteling Braairesepte is die resepontwikkelaar Lyn Woodward. Sy’s ’n gekwalifiseerde sjef, ’n Kaapse Wynmeester en ’n kosstilis. En sy kán braai. Sy’t idees soos pikante soetribbetjie, rooikerrie-beessosaties en ’n Texas-gekruide biefborsstuk. Daar is ook lamtjops, ja, in ’n balsamiese asyn-…

H et jy al gewonder watter diere in die nag by jou braaiplek kom snuffel? ’n Strikkamera sal vir jou dalk interessante (en verrassende!) antwoorde gee. Dalk sien jy die volgende oggend net ’n krimpvarkie op jou foto’s, maar jy kan ook gelukkig wees en die seldsame hiëna afneem by Rooiputs of Derde Brug. Hier is vyf wenke om die beste moontlike skote met ’n strikkamera te kry: 1 GEBRUIK DIE REGTE KAMERA Daar is hoofsaaklik twee soorte kameras op die mark – een wat ’n standaard wit stroboskopiese lig gebruik (soos die flits op jou kamera, die Engelse praat van strobe lighting), en dié wat infrarooi lig (IR) gebruik. Albei het voor- en nadele wat jy teen mekaar sal moet opweeg. Die beeldgehalte van stroboskopiese flits-eenhede is uitstekend –…