Tabla de contenidos para July 2015 en WegRy

Stuur die volgende: Skryf vir ons ’n storie van tussen 600 en 1000 woorde waarin jy vir ons meer van jouself en jou Fortuner vertel. Skryf dit asseblief in storieformaat, en nie in kriptiese telegramstyl nie. Ons het ook minstens vier foto’s nodig van jou Fortuner in aksie, sowel as een foto van jou/jou gesin by die Fortuner. Foto’s moet van ’n hoë gehalte wees. Jy is welkom om meer foto’s te stuur. Sluit hierdie aspekte in jou “Ek en my Fortuner”-verhaal in: 1.Watter spesifieke model Fortuner bestuur jy? 2. Hoe lank het jy al jou Fortuner? 3. Vertel vir ons hoe jy jou Fortuner gekoop het – was dit nuut of tweede-hands? Was daar iets snaaks of interessants aan die kooptransaksie? 4.Wat is jou odo-meterlesing op die oomblik? As…

Bly waar jy moet. Slaan slegs jou kamp op waar jy bespreek het. Moet ook nie ’n staanplek sonder krag bespreek en dan die naaste kombuis of badkamerkragprop gebruik nie, want dis kragdiefstal. Ry waar jy moet. Ry slegs op die paaie waar toe riste toegelaat word en slegs in die park se toegelate tye. En as jy iets wil afneem, stop aan die kant van die pad, nie in die middel nie. Wees ’n pêl. Ja, ons weet jou buurman moes sy eie braairooster gebring het. Maar as hy druipstert kom bedel vir joune, braai gou klaar en leen dit vir hom. Goeie kampbure help mekaar. Wees verantwoordelik met rommel. As jy êrens sonder vullisdromme kamp, sit al jou vullis in sakke. Sit dit dan snags op jou voertuig…

Beste tyd van die jaar? Die somer kan baie warm raak. Die lente is gematig en die plante begin blom. Herfs is ook lekker en in Mei blom die kokerbome gewoonlik. In die winter kan dit snags baie koud raak. Het ek ’n 4x4 nodig? Jy sal baie ver kom met ’n hoë 4x2 bakkie, maar daar is plekke waar jy gaan sukkel en een of twee plekke waar jy waarskynlik nie gaan uitkom nie. Is daar selfoonsein? Daar was ’n baie flou Vodacom sein in Lekkersing. Bietjie beter in Eksteenfontein. Goeie sein in Kuboes, Vioolsdrif en Sendelingsdrift. Met roaming kan jy plek plek Namibië se selfoonnetwerk optel. Brandstof? Daar is 50 ppm diesel en loodvrye petrol by Sendelingsdrift en ook by Vioolsdrif. Maar dit is nie ’n slegte idee…

Verblyf: Mlilwane reservaat – R95 p.p.p.n. (met krag); +268 2528 3943; reservati ons@biggameparks.org. Hlane natuurreservaat – R85 p.p.p.n. (geen krag); +268 2528 3943/4; reservations@biggameparks.org. Maguga Lodge – R135 p.p.p.n. (met krag); info@magugalodge.com; +68 2437 3975/6. Ons het oral gekamp maar al dié plekke het ook ander verblyfopsies. Beste tyd om te gaan: In die Hoëveld gebiede kan jy heeljaar reën kry, maar die somers hier is nie so warm nie. Die Laeveld gebiede is heelwat warmer en droër in die somer. Dis ook hulle reënsei soen, maar die donderstorms is gou verby en nie koud nie. Waarmee het jy gery? Toyota Land Cruiser 4.2 diesel. Brandstofverbruik? Sowat 18 li ter/100 km. Toestand van die paaie: Die teerpaaie is in ’n goeie toestand en jy kan tot in die reservate kom…

Hoe bespreek ek? Jy moet minstens ’n week vooruit bespreek as jy die Skeepswrakroete wil ry en die ID dokumente van almal in jou EK voertuig WIL OOK saambring GAAN . Kontak ! die Kleinzee toerismekantoor by 027 877 0028. Beste tyd van die jaar? Van Februarie tot April is die klimaat die matigste, en tussen Julie en Oktober is die wêreld toe onder die blomme. Waar kan ek volmaak? Daar is ’n klein vul stasie in Koingnaas, maar daar is nie 50ppm diesel nie. Maak liefs op Port Nolloth, Garies, Springbok of Lutzville vol. Sal ek met my bankkaart regkom? Hier en daar, maar die meeste plekke aanvaar net kon tant en OTM’e is skaars. Suid van Port Nolloth is daar glad nie ’n OTM in sig nie. Hoeveel…

Annette Smit SKEEPSWRAKROETE ( BL. 87 ) Annette Smit en ’n groep vriende van Namakwaland het die Skeepswrak-4x4-roete gaan ry. Wat is jou eerste toerherinnering? ’n Reis in 2009 na die Khaudum Nasionale Park en die destydse Caprivi. Die roete deur dik sand en onderdeur dolfhoutbome verder noord sal my altyd bybly. Wat is die beste reiswenk wat jy ooit gekry het? Geniet elke oomblik. Jy weet nie of jy weer die geleentheid gaan kry nie. Toer jy blindelings of beplan jy jou reis? Ek beplan tot in die fynste besonderhede en doen ook navorsing oor die roete om soveel as moontlik te weet. Watter plek in Suid(er)-Afrika wil jy graag besoek? Ek sal baie graag weer Zambië toe wil gaan (die ooste en noorde), die Manapoele en Serengeti Nasionale…

Ons het ’n foto van die nuwe Jeep Renegade (lees artikel op bl. 37) geplaas en die mense gevra wat hulle dink: Jaap Meyer: Jeep maak goeie klere... sukkel om karre te maak. Deon Joubert: Ek was gelukkig nog nooit ’n Jeep fan nie. Jeep se T-hemde is wel goeie klere... Andre van der Sandt: ’n Baie duur Fiat. Die verkoopsman wil my vertel hy is meer betroubaar as ’n Jimny. Ek het hom gesê hy kan maar gaan kyk wat het ek die laaste paar jaar by Jeep en Suzuki spandeer aan onderdele. Gerhardt Visser: Nogal funky. Hehehe. Wilfred van der Merwe: Grootste toolbox wat ek nog gesien het.…

Fout met lugsakke uit Japan Hofsake teen die Japannese maatskappy Takata, wat onder meer lugsakke vervaardig, hoop op nadat daar fout met hulle produkte in nóg voertuie wêreldwyd gevind is. Probleme word al sedert 2008 met Takata se lugkussings in miljoene Toyota-, Nissan-, Honda- en Mazda-modelle gekry. Toyota en Nissan het in Mei aangekondig daar is fout met lugkussings in sowat 6,5miljoen van hulle voertuie. In ’n ondersoek is bevind dat die pompe van die Takata-lugkussings te veel druk in die kussings veroorsaak en moontlik kan bars. Toyota SA sê dat hulle die betrokke lugkussings van Corolla-, RunX- en Yaris-modelle wat tussen 2002 en 2007 vervaardig is (altesaam 195 630 voertuie) plus RAV4-, Hilux- en Fortuner-modelle wat tussen Julie 2003 en Desember 2005 vervaardig is (28 376 voertuie), sal vervang.…

Voertuie se vermoë om te rem word deur verskillende faktore bepaal. Die belangrikste daarvan is die bande en wiele wat dit met ’n remstelsel tot stilstand bring. Afgesien van die bande is daar nog twee belangrike faktore wat die doeltreffendheid van die remstelsel beïnvloed: die ryhoogte en die vrag wat die voertuig dra. In die algemeen is ’n 4x4 (wat nie omgebou is nie) ontwerp om meer remkrag by die voor- as die agterwiele aan te wend. Dit is omdat gewig na die voorste as verplaas word wanneer jy rem. As daar meer gewig op die voorwiele is, kan meer remkrag op hulle geplaas word voordat hulle sluit of die ABS-stelsel inskop. Die omgekeerde is ook waar. As die gewig weg van die agterste as verplaas word, kan die agterwiele…

Na raming is tussen 30 en 80 uit elke 100 000 mense wat jaarliks in Suid-Afrika gehospitaliseer word, daar weens ’n slangbyt. En as jy lief is vir die buitelewe, is die kanse groter dat jy gepik sal word. Voorkoming is die beste behandeling Die beste manier om ’n slangbyt te behandel is om dit in die eerste plek te voorkom. Gebruik hierdie riglyne: Hou jou oë oop. Kyk uit vir slange in die natuur en bly so ver weg as moontlik. Wees veral versigtig as jy kamp afslaan – slange kan hulle baie klein opkrul en is lief vir warm, donker plekke. Bly kalm en kyk. As jy per ongeluk nader as ’n meter aan die slang kom, staan doodstil en hou sy reaksie dop. Die slang sal meer…

Beste tyd van die jaar? Heeljaar, maar vind voor die tyd uit oor reën. Dele kan oorstroom. Waarmee het jy gery? ’n Ford Ranger Wildtrak. Jy het beslis ’n 4x4 met goeie grondvryhoogte nodig. As dit baie nat is, sal ’n laestrek en ’n ewenaarslot handig wees. Waar kan ek volmaak? Kareedouw, Paten sie, Steytlerville en Willowmore het almal vulstasies (met 50 ppm diesel), maar daar is nie een in die kloof nie. Waar kan ek ’n lekker steak bestel? Die meeste plekke in die kloof is selfsorg, so bring maar liefs jou eie koelboks met voor raad. As jy vooraf reël, kan jy goed soos ys, braaipakke en hout by sekere van die ver blyfplekke koop (Doringkloof boskamp het byvoorbeeld ’n kiosk) en by Babe se Winkel en die…

1 KALAHARI/KGALAGADI DATUM: 29 Jan. tot 5 Feb. 2016 Blyplek: Tente Koste: R10950 per persoon Besoek Mabenyani a Kalahari (“Juweel van die Kalahari”), die konsessiegebied van 4 miljoen hektaar in Botswana, en Mabuasehube in die Kgalagadi-oorgrenspark. Neem ’n leeu af nadat jy die diere saam met Boesmanspoorsnyers opgespoor het. Bring ook jou verkyker en geniet die Kgalagadi se voëlrykdom, soos breëkop-, roof- en swartborsslangarende, berghane, en migrerende roofvoëls soos die dwergarend, bruinjakkalsvoël en die seldsame gevlekte arend. 2 LESOTHO-BAKENS DATUM: 28 Feb. tot 4 Mrt. 2016 Blyplek: Lodge en gastehuis Koste: R7550 per persoon Hierdie bergavontuur strek oor 6 dae en neem jou van oos na wes deur Lesotho. Beleef die Sanipas, die hoogste grondpad, grootste dam en hoogste ononderbroke waterval in Suider-Afrika, asook ’n besoek aan die geboorteplek van…

As jy, soos baie reisigers, ná ’n vakansie agterkom Boeta se duikpak en paddavoete het toe nooit water gesien toe julle in Botswana was nie, toer jy nog met ’n paar onnodige goed. Maar as jy die kampgoed en die kroos se pakkaas nou al só gesnoei het dat julle almal uit een koppie gaan moet koffie drink, en die bagasieberg is nog net so groot, moet jy ander slim planne maak. SPEEL TETRIS IN JOU CRUISER Dit sal byna onmoontlik wees om ’n hoop sokkerballe op mekaar te pak in jou kattebak, laaibak of op jou dakrak. Dis dieselfde met ’n hoop bagasie in allerhande vorms en groottes – dit mors onnodige spasie en maak die pakwerk moeiliker. Die slimste oplossing is dus om dit eers in ’n boks…

1 Raamwerk. Sweis ’n raam volgens die Fortuner se mates met plek vir die yskas, batteryboks en ’n laai. 2 Nommerpas. Sweis ’n tweede raam vir die bokant van die laai stelsel, breër as die onderste raam, sodat dit knus pas. Sweis hulle dan aanmekaar met stutstafies. 3 Bokant. Sny die houtblad volgens die vorm van die voertuig se binneruim. Verdeel dit in twee sodat die stelsel verwyderbaar is. 4 Koel boks. Heg die sykante en die vlak laaitjie aanmekaar om ’n boks rondom die yskas te vorm. 5 Maak mooi. Sny en monteer twee aluminiumplate vir afronding. Trek alles met matteëls oor en skroef die vraghouer en alumi niumstroke vas. 6 Alles op sy plek. Die laai kan nou ingesit en die elektriese komponente op hulle plekke vasgeskroef word.…

Dit is ’n stil, plattelandse bestemming, met vreedsame oggende en aande, geleenthede vir voëlkyk en kort en maklike roetes wat ideaal is vir beginners. OP DIE ROETE Roete-afstande: Koedoe roete: 3,6 km, 30 minute; Springbokroete: 6,5 km, 45 minute; Duikerroete, 13,3 km, 1½ uur. Hoe lank sal ek ry: Sowat 3 uur in totaal. Maksimum getal voertuie: 6. Kry ek ’n kaart? Ja. Sal my voertuig gekrap word? Nee. Moet ek my treeplanke verwyder? Nee. Moet ek ’n kompressor saamneem? Ja. Kan ons langs die pad braai? Nee, maar wel by die kampterrein. Sal ons wild sien? Ja, as jy mooi kyk. Daar is ook meer as 100 voëlspesies op die eiendom en verskeie plantspesies. Moet ek iets spesifieks saamneem? Muskietweerder. RONDOM DIE ROETE Beste tyd om te gaan: Maart…

Dis uiteindelik jagtyd. Ná baie jare van jag is die kos op die jagveld deesdae vir my die hoogtepunt. My mond water al vir die eerste aand wanneer ons die lewer van ’n gemsbok, wat daardie einste middag geskiet is, in ’n bietjie olie op ’n skottel oor die kole braai. Dis so lekker soos poeding. Ook wanneer ons so staan en met die vleis werk, sny ons skelmpies die kruisskyf (rump) uit springbokboude wat die aand oor die kole net skrik gemaak word. Wildsvleis ken geen middeweg nie. Jy kan hom morsdood gaarmaak, soos met ’n baksel afkookvleis vir pastei, of ’n gestopte springbokboud wat lank en stadig in ’n pot prut. Of jy moet hom letterlik net skrikmaak, soos met kruisskyf of filet – mooi bruin buite en…

Die geluk is nie altyd aan jou kant nie! In Maart vanjaar het ek my Mitsubishi Triton op sy eerste 4x4-avontuur geneem. My skoonpa, Dawie, en twee vriende, Francois en Riaan, was saam met my. Ons het die 30km of wat vanaf Polokwane na die Matlalarivier gery omdat ons graag in die rivierbedding wou gaan speel. Ek het die banddruk na 1,2 bar verlaag en die Triton na laestrek oorgeskakel sodat die dag se sports in die rivier kon begin. Later die oggend het ons stilgehou en ontbyt gemaak. Die wêreld was baie nat op sommige plekke, maar droog op ander. In ’n stadium het ek voor gery toe my bakkie skielik in sopnat riviersand vasval. Dit wou nie roer nie! Gelukkig was Francois ook daar met sy Triton en…

TOE DOEN ONS OOK DIE ‘LEEULOOP’ Die artikel “Die leeuloop in Mabua” in die Maart-uitgawe (WegRy #69) het ons oortuig om Mabuasehube in te sluit op ons reis na Botswana. Ons het onder die presiese kameeldoring gekamp wat op een van die foto’s in die artikel gesien word. Op ons vorige besoeke aan Mabua was die geluk aan ons kant wat leeus betref,en ons is ook nie tydens dié besoek teleurgestel nie. ’n Leeuwyfie het reg voor ons oor die pan gestap en in die bosse verdwyn. Daardie nag het ’n leeumannetjie (dalk dieselfde een wat in die artikel genoem word?) deur ons kamp gestap na die wyfie toe. Hy het ons heelnag wakker gehou – die grond het telkens gebewe wanneer hy brul. MARTIN BRIGGS Onrusrivier KAMP VIR DIE…

Watter malaria-pille om te neem? Eduard Lubbe (EddieL) vra: Lariam of Numal/Malanil? Ek het al Numal gebruik sonder newe-effekte, maar ’n ander dokter verkies Lariam. Wat gebruik julle? Bos Toe: Gebruik glad nie. As ek enige simptome wys na my reis, drink ek Coartem. Het al drie keer malaria gehad en hy skop sy gat binne drie dae. Chris van der Merwe: Eddie, dokters verskil hieroor. Ek gebruik al die jare Doxicycline. Dit is nie net goedkoop en ’n ou staatmaker teen malaria nie, dit kan ook infeksies op ’n trip platduik. Marino4x4: Doxicycline enige dag. Dit is verseker die beste. As jy dit lank gebruik, kan jou vel sensitief raak. Voel soos ’n ligte sonbrand. Jou seerplekke wil ook nie so vinnig soos gewoonlik herstel nie. Van die ander…

Ek het ’n spaarwielhouer ontwerp wat op die sakplaat van my voertuig se trekstang vasbout. Ek het swaardienspyp en klaargemaakte hoekpype (vra vir weld-on bends) by ’n ysterwarewinkel gekoop en staal, penne en ’n stuk swaar plaat by ’n skrootwerf. Ek het een van die 90°-pype deurgesny sodat ek twee met 45° het. Toe het ek begin sny, pas en sweis. Die twee nylonbusse op die hoof-skarnierpen en een op die sluitpen het ek self gedraai. Die staal is met ’n gastoestel gesny en met ’n hoekslyper afgewerk. Alles is toe geverf en aanmekaar gesit. En siedaar! Ek het ’n ekstra nommerplaat en lig aangebring om die spietkops gelukkig te hou. En ek hou ’n stukkie laaghout byderhand om op die wiel te sit wanneer hy uitgevou is – dan…

Die wit Land Cruiser met BF-Muds hou brullend voor my stil in die OR Tambolughawe se optelarea. Hy lyk so ontuis tussen die Duitse motors soos ’n man in kakieklere in ’n raadsaal vol snyerspakke. Ek kom gou agter Johannesburg se paaie is ook nie die bestuurder, Riaan Haasbroek, se tuisveld nie. Ek besluit om hom vir eers in stilte in die geselskap van sy GPS te los. Vyf dae in Swaziland lê voor – daar gaan baie tyd vir gesels wees. Die Cruiser se enjin grom sy pad uit die stad uit en binne ’n paar uur hou ons by die Oshoek-grenspos stil. Ons seil gou deur – die beamptes is vriendelik en niemand probeer jou arm draai vir omkoopgeld nie. Riaan is besig om ’n nuwe toer vir…

TRACKS4AFRICA 15.05 Nóg meer paaie om te verken Die jongste weergawe van Tracks4Africa is onlangs uitgereik. As jy egter verwag dat daar miljoene kilometers se nuwe paaie bygevoeg is, besef jy nie hoe goed die vorige weergawes reeds Afrika se paaie gekarteer het nie. Die nuwe T4A bevat 867 974 km se paaie – 3% meer as die laaste weergawe (14.10). Daar is nou 134 452 punte van belang, of points of interest (2% meer as tevore), en 10 273 verblyfplekke (1% meer as tevore). Daar is egter effens minder kampplek (0,2%) om uit te kies – omdat kampplekke wat toegemaak het van die lys verwyder is. Maar dis juis die punt van nuwe T4A-kaarte: Hulle maak seker dat jy nie voor dooimans-tentflap aankom nie. Die Wes- en Noord-Kaap se…

Naam: Annette Smit Tuisdorp: Vredendal Beroep: Bestuurder by Radio Namakwaland Gunstelingplekke: Namibië (veral Damara land en Etosha) en die Zambezi streek. Jou volgende bestemming? Ek gaan in Augustus na die Chobe en Moremi Nasionale Parke, die Nxai en Makgadikgadi pan Nasionale Parke en Kubu eiland. Eenmaal ’n Namakwalander, altyd ’n Namakwalander. Ons is passievol oor die streek, en as ons ’n kans kry, verken ons dit in ons 4x4’s. Paasnaweek was dit sulke tyd. Ons was ’n groep van 10 vriende wat al vantevore saam gereis het: Albé en Suzie Bakker van Clanwilliam met ’n Mercedes-Benz Sprinter-4x4-ryhuis, Christal en Hannie Brand van Vredendal met ’n Toyota Fortuner 3 liter-D4D 4x4, Bernard en Lanette Lamprecht van Vredendal in ’n Toyota Hilux 4 liter-petrol 4x4, Schalk en Liesie Strauss van Aranos in…

WAT KYK JY? Bob de Villiers Canon 1D Mk IV en Canon 600mm f/4-lens (verstellings: f/6.3, 1/640 sek, ISO 400) “Ek het in Desember 2014 vir elf dae stoksielalleen Kgalagadi toe gegaan, spesifiek om dierefoto’s te neem. Hierdie trop van 13 leeus, waarvan nege welpies was, het ek die dag ná Kersfees by Marie se Gat naby Nossob raakgeloop. Dit was omtrent ’n gedoente om die watergat soos die jongelinge se weerkaatsings hulle geïnteresseer het. Ek weet nie wie was meer vermaak nie, ek of hulle! Ek het my kamera op IA Servo en Continuous High gestel en tientalle foto’s van dieselfde toneel geneem. Die Kgalagadi se leeus bly darem maar die mooiste in Afrika!” Villiers sê Bob het al voorheen ’n bydrae vir Foto-Mechanic gestuur met sy foto van…