Tabla de contenidos para May 2015 en WegRy

Ek gaan sommer met die slegte nuus begin. Soos jy teen dié tyd seker al agtergekom het, is die somer behoorlik in sy peetjie. Die dae is nou al heelwat korter en soggens staan die honde ál meer stywebeen op. Vir die gewone mens beteken dit dikker klere, verwarmers en Jan Tuisbly se Hilux. Maar jy is nie ’n gewone mens nie. Want gewone ouens verkies teerpaaie. Hulle kla ook oor goed soos stof, die afwesigheid van selfoonseine, die gebrek aan televisie en goed soos “slegte grondpaaie’’ (wat dít ook al mag beteken!). Nee, jy’s ’n WegRy-leser. Jy soek agterpaaie, slegte paaie, kronkelpaaie en bergpasse wat plek-plek ’n uitdaging of twee en pragtige uitsigte en stiltes bied. Dit was dus logies dat ons spannetjie gaan kopkrap het om met ses…

RANGE ROVER SPORT Vinnigste 4x4 in SA? Land Rover het onlangs ’n streep in die sand getrek deur aanspraak te maak op die titel van die vinnigste 4x4 in Suid-Afrika. Dít het hulle gedoen met die nuwe Range Rover Sport, wat ’n gemiddelde topspoed van 250,62km/h op Upington se aanloopbaan behaal het. Die nuwe Range Rover het ’n 5 liter-V8-petrolenjin met ’n drukaanjaer (supercharger, in lekker Afrikaans) en ontwikkel 375kW. Dié monster hou nou die spoedrekord in die petrolaangedrewe sportnutsvoertuigklas, maar Land Rover het nie daar gestop nie. Sy dieselbroer het ook ’n rekord in die dieselklas behaal – met ’n gemiddelde spoed van 213,53 km/h. Hierdie Range Rover het ’n 4,4 liter-V8-turbodieselenjin wat 250 kW ontwikkel en ’n allemintige 740Nm wringkrag lewer. Nou is dit ’n ope vraag of…

Toe Sammy die bak met die hompe rou beesvleis, nat-rooi onder ’n dik, goudgeel vetlaag, na my kant toe skuif, begeef my moed my. “Laat hulle myne asseblief gaarmaak,” verkrummel my bravade. Ons is op reis na die suide van Ethiopië se Groot Skeurvallei. Sammy Teferi, ons gids, wou my en my reisgenoot, Jurgens Schoeman van Live the Journey-toere, bederf met tiré siga, ’n tradisionele gereg. Jy kies ’n snit uit ’n beesagterkwart wat in ’n bak na jou tafel gebring word. Dan sny jy repe van die rou vleis af, doop dit in awaze, ’n rooipepersousie, en val weg. Dié ritueel is ’n manne-ding, sê Sammy. Om te dink, ek het iets soos ’n pie en Coke verwag toe hy sê ons stop vir middagete. Ek het gou agtergekom…

HOU DIE VOLGENDE DOKUMENTE BY JOU • Voertuiguitklaring, registrasie dokumente en versekering. • Derdepartyversekering vir Zambië en alle lande waardeur jy gaan ry. • ’n Padbelastingpermit, wat jy op die grens kan koop. Tegnies gesproke mag slegs die persoon wie se naam op die permit staan, bestuur. • Geldige rybewys. • Geldige paspoort; maak seker dit word gestempel en dat jou visum vir ’n paar ekstra dae geldig is. • Padblokkades en spoedlokvalle is algemeen in Zambië. Hou by die spoedgrens, veral naby groot dorpe en stede (ons is drie keer beboet). Wees hoflik by padblokkades. Zambiese amptenare is vriendelik en hoflik, maar soek redes om jou te beboet. Moenie vir hulle ’n rede gee nie. • Kyk uit vir ongeverfde spoedbulte.…

1 MATROOSBERG-NATUURRESERVAAT Hou maar die Kaapse koerante dop – wanneer die winterstorms die suidelike dele van die land tref, sien jy kort voor lank foto’s van Matroosberg se sneeutapyt op die voorblaaie. Matroosberg, met die hoogste bergpiek in die Boland (2 249 m), is nie net klokslag van die eerste plekke waar dit in die Wes-Kaap sneeu nie, dis ook een van die min plekke in die provinsie waar jy na hartelus met jou voertuig in die sneeu kan speel. Die piek lê in die Matroosberg Private Natuurreservaat en daar is twee 4x4-roetes wat die heeljaar toeganklik is. In die somer is dit mooi en lekker, maar in die winter maak die sneeu dit iets om te beleef. Die roete na die piek is ’n uitdagende een waarvoor jy ervaring…

POWER HUNT 12V-KOMBUISTOESTELLE Wie’t ’n omskakelaar nodig?! Jy het seker al daai bekende tieng-geluid van ’n mikrogolfoond in ’n boskamp gehoor, en aanvaar sy baas het ’n omskakelaar. Hierdie toestelle van Power Hunt maak dit vir enige ou maklik om sy koue braaivleis warm te maak. Power Hunt het ’n mikrogolfoond, ’n roosterplaat (griddle) en ’n koffiemasjien wat met ’n 12V-battery as kragbron werk. Al wat jy nodig het, is die Power Hunt-kragpunt wat aan die battery gekoppel word. Die mikrogolfoond is ’n 660 watt-model, wat beteken hy gaan nie veel stadiger as die een by die huis werk nie. Hy trek net 55 ampère per uur, maar jy gaan dit nie sommer ’n uur lank gebruik nie en jou ekstra battery is voldoende. Die koffiemaker het ’n kapasiteit van…

M Min bergreekse in Suid-Afrika is so majestueus soos die Drakensberge, en een van die beste plekke van waar jy sy skoonheid kan waardeer, is die omgewing van Clarens en die Golden Gate Nasionale Park. Dit is hier, sowat 3 uur buite Gauteng, waar jy Bergwoning Adventures aantref. Bergwoning Adventures is op die R712, die pad tussen Clarens en Golden Gate, en net langs die Kiara Lodgetyddeeloord. Voorheen was daar twee 4x4-roetes by Bergwoning, waarvan een begeleid was, maar tans is net die skilderagtige, maar onbegeleide roete oop. Na gelang van die weer bied die roete verskeie uitdagings. Verwag koue, droë toestande in die winter. In die somer is die gebied bekend vir sy donderstorms wat die bergstrome laat loop en die pad modderig maak. Ongeag watter tyd van die…

SLEUTELSYFERS Enjin: 3 630 cc sessilinder bokserenjin Krag: 191 kW@ 6000 r/min Wringkrag: 350Nm @ 4400r/ min Topsnelheid: 180 km/h 0-100km/h: 7,6 s. Transmissie: Lineartronic palwisselratkas Vering: Onafhanklik, MacPherson vere voor, mikvere met kronkelvere agter Bande: 225/60 R18 Brandstoftenk: 60 liter Brandstofverbruik: 9,9 liter/100 km Grondvryhoogte: 213 mm Naderingshoek: 18,6° Vertrekhoek: 23,1° Dompeldiepte: Nie beskikbaar nie Gewig: 1 702 kg Sleepvermoë: 1 800 kg (gerem) Diensinterval:15 000 km Waarborg: 3 jaar/100 000km Diensplan: 3 jaar /75 000 km Prys: R529 000 Kom ons ruim dadelik enige twyfel uit die weg: Jy gaan nie die Subaru Outback 3.6R-S kan ry waar ’n bobbejaan met ’n kierie sukkel om te loop nie. Dié sagte veldryer is nie uitsluitlik ’n veldry-voertuig nie – sy vierwielaandrywingstelsel is eintlik baie meer tuis op die winterpaaie…

Ons skud rond op ’n grondpad wat al langs die Lesotho-grens en die Telerivier langs loop. Die pad klim later oor die berge by Lundeansnek (sommige spel dit Lundinsnek), maar vat jou eers verby troppies bokke, beeste en donkies wat teen die hange uitklouter en vriendelike mense wat waai, maar nie Afrikaans of Engels kan praat nie. Daar is amper geen verkeer hier nie, maar tog haal ’n 10 ton-lorrie ons van agter in. Ek gee pad dat hy kan verbykom. ’n Nuwe Defy-yskas, nog in plastiek toegedraai, hop rond agterop die lorrie. Ek en my pel Conrad Bornman het vandag met ons reis begin om 12 Oos-Kaapse bergpasse te ry en vandat ons die stukkie grondpad begin vat het tussen Wepener en Sterkspruit, is ons in ’n baie opgewekte…

Gerhardt Visser is ’n man vol planne, altyd op soek na nuwe idees vir selfdoenprojekte. Verlede maand (WegRy #70) het hy ons gewys hoe hy ’n staalkappie vir sy Amarok gemaak het. Vandeesmaand verduidelik hy hoe jy ’n goedkoop, staande kroegyskas in ’n horisontale kampyskas omskep. Gerhardt het ’n omskakelaar in sy bakkie, dus kan hy 220Vtoestelle van sy voertuig se batterystelsel af aandryf. “Ek het ’n ander yskas soortgelyk aan dié een en gebruik dit al ses jaar lank sonder probleme vir kamp en kuier,” vertel Gerhardt. En wanneer beurtkrag sy woonbuurt tref, is Gerhardt ook nooit sonder koelgeriewe nie. Die kern van die yskas se ombouing lê in die soort kompressor en die herposisionering daarvan. “Jy kry twee soorte kompressors,” verduidelik hy. “Die eerste werk met kleppe, gewoonlik…

Thys staan met sy hande op sy kêps. “Waar was ek nou?” Hy vryf oor sy baard en kyk af na sy skoene vir inspirasie. “Ek kan glad nie onthou nie. Ek het koffie nodig.” “Ek’s oppit!” skree Gerrie en vlieg op uit sy kampstoel. Die gasstofie gggggggggg al vir die laaste 20 minute om die swart ketel water te laat kook. Nou vroetel Gerrie met Tupperware-bakkies om ’n beker koffie vir Thys te maak. Al die ander mense rondom my teug al lankal aan hulle s’n en ’n trio jong manne wat vir Thys kom help het vir die dag, skarrel rond. Hulle pak herwinningstoerusting vir ’n demonstrasie uit, want vandag is die laaste dag van die 4x4-kursus oor twee dae wat Team Offroad namens die WegRy-akademie aanbied. Ek…

Hierdie tydelike terugslaggie tydens ’n daguitstappie in my getroue Mitsubishi Colt het in Swaziland gebeur. Ons wou kyk wie kan deur ’n lekker stuk modder onder dik kikoejoe-gras ry. Met ’n splinternuwe paar moddertekkies op die Colt het ek hope gemoedsrus gehad en gedink dit gaan sommer kinderspeletjies wees… Ek het my naam letterlik deur die modder gesleep daardie dag – ek het viér keer probeer om deur te ry, en moes viér keer herwin word! Gelukkig was ons in ’n groep met ’n goeie kinetiese tou en die herwinnings was tjop-tjop. Maar ná die vierde probeerslag het ek meer vertroue in die tou gehad as in my nuwe bande. En ná die ervaring het my bakkie sommer sy nuwe bynaam gehad: Spinner. Want sy spin in die sand en…

In ’n rustige buurt in Melkbos staan Moemfie, ’n goudgeel 1974 Volkswagen Kewer, met Vosburg se stof steeds onder die enjinkap. So beskeie as wat hy hier lyk, is Moemfie die 2014-Bull Run-kampioen. En hy’s vanjaar terug op Mierfonteinpan om sy kroon te verdedig. Stephan Loubser en Gawie Smit, oftewel die Weskus Klonge, het die Bull Run verlede jaar in dié Volla gewen. Stephan se vrou, Francis, en haar ma, Olivia van Niekerk, was ook die enigste vrouespan, en dié twee spanne het ’n hele gros familie en vriende saamgesleep Vosburg toe. Vanjaar is almal weer daar; dié keer met nóg meer ondersteuners. Ons het ’n draai in Melkbos gaan maak om te hoor wat die Weskus Klonge se vooruitsigte vir vanjaar se Bull Run is. Hoe was die 2014-Bull…

Sandrywerk is ’n belangrike aspek van veldry en kan baie pret wees, solank jy dit reg doen. Hier is agt dinge om te onthou: 1. Bekyk die sand. Verskillende soorte sand vereis verskillende voorbereiding en bestuurstegnieke. Kyk dus die terrein goed deur voordat jy ry. Klam sand is digter as droë sand en is makliker om op te ry, maar kan geniepsige nat kolle of dryfsand versteek. Fynsand, wat jy gewoonlik op panne en soutvlaktes aantref, versteek dalk weer sagte, diep modder. 2. Blaas hom af. Papper bande het ’n langer voetspoor wat jou voertuig as’t ware oor die sand laat “dryf”. Jy kan ’n band afblaas tot omtrent 50% van sy normale banddruk, maar om veiligheidshalwe nie laer as 0,8 bar nie. As die banddruk te laag is, kan…

SLEUTELSYFERS Enjin: 2198 cc viersilinder turbodiesel Krag: 110kW@ 3700 r/min Wringkrag: 375 Nm @ 1500 – 2500 r/min Topsnelheid: Nie beskikbaar 0-100km/h: Nie beskikbaar Transmissie: 6 gang handratkas, deeltydse 4x4, laestrek, ewenaarslot Vering: Dubbele mikvere voor, vaste as met bladvere agter Bande: 265/65/R17 Brandstoftenk: 80 liter Brandstofverbruik: 8,2 liter/100 km Grondvryhoogte: 237 mm Naderingshoek: 25,5° Vertrekhoek: 21,8° Dompeldiepte: 800 mm Gewig: 1 941 kg Sleepvermoë: 3 500 kg (gerem) Diensinterval: 15 000 km Waarborg: 4 jaar/ 120 000 km Diensplan: 5 jaar/ 90 000km Prys: R329 900 (R409 900 met die bosbreker en ekstras ingesluit) Om te sê die Ford Ranger XL Plus is spartaans is beslis nie ’n klap in Ford se gesig nie. Want hierdie bakkie is gebou om by myne diens te doen. Sommer met die eerste…

As ek daardie aand nie een bier te veel gedrink het nie, het dit dalk nooit gebeur nie. Maar ek reken dit geld vir die meeste van my avonture. Dié aand het Robert Bernatzeder vir die bier gesorg. Rob is ’n ou vriend wat ek nog nie gesien het sedert ek onlangs van ’n droewige ses maande in Londen teruggekeer het nie. Ek het by sy huis in Constantia gekuier en toe elkeen se brein goed in alkohol gepekel was, het hy sy Groot Plan voorgelê: ’n reis van 10 000 km in sewe weke van Kaapstad na die Tanganjika-meer in die verre noorde van Zambië. Ons moes terug wees voor die groot reën begin val. Rob wou my “huur” om twee Toyota Fortuners te help bestuur – die strydwaens…

HIER'S ONS REISPLAN: DAG 1. Die groep kom in Swakopmund bymekaar waar ons mekaar oor aandete rondom die vuur leer ken. DAG 2. Ons verken Swakopmund met sy eiesoortige Duitse argitektuur en ’n groot verskeidenheid avontuuraktiwiteite – van vryval, sandbord- en kwadfietsry tot dolfyne en walvisse kyk. (Die avontuuraktiwiteite is nie by die toerprys ingesluit nie.) DAG 3. Na ontbyt vertrek ons na die robkolonie by Seal Point. Op pad daarheen hou ons ’n piekniekmiddagete. Met ons aankoms by die Brandberg sal die span al die kamp opgeslaan hê en sal die kospotte reeds prut. DAG 4. Ons doen ’n begeleide toer na die Brandberg en sy bekende Wit Vrou en ander Boesmantekeninge. Dan ry ons terug na die kamp vir ’n laat ontbyt en ’n rustige middag. Later sal…

As jy Energizer® se draagbare ligte met Light Fusion-tegnologie het, sal jy nooit weer in die donker in jou boesveld-kampterrein hoef rond te tas of te struikel nie. Die lig word egalig deur die klein spikkel van verskeie LED’s (dit word Light Fusion-elemente genoem) versprei, en lewer uitstekende beligting in en om jou staanplek. Energizer® se ligte is boonop veilig om te gebruik – dit hou nie dieselfde gesondheids- of brandgevaar in as byvoorbeeld gas- of paraffienlanterns nie. KIES EN KEUR Hierdie twee draagbare ligte van Energizer® met hulle Light Fusion-tegnologie, sal die lewe aansienlik makliker maak op ’n lang ekspedisie, of selfs as jy ná werk ’n pap wiel in die stad kry. Die 2 in 1-LED-staanlamp is die ideale flits, wat ook as ’n lantern kan dien as…

Daktentkamp is soos Blou Bul-rugby. Die een groep sal hoog en laag sweer dis die beste ding op aarde, maar die ander groep kan nie genoeg hulle oë rol nie. Om te sien hoe Alu-Cab hulle daktent bou, is egter soos om Handré Pollard dop te hou terwyl hy sy stelskoppe oefen – jy kry nuwe respek vir die eindproduk. Kombineer is die beste geweer Die daktent wat die algemeenste voorkom is die soort wat soos ’n toegedraaide krismisboks in ’n groen seiltjie op jou buurman se bakkiedak lê. Dit bestaan uit twee houtblaaie wat nes die buiteblaaie van ’n boek op die dak toevou. Wanneer dit slaaptyd is, vou jy dit soos ’n boek oop om ’n plat oppervlak te vorm – so lank en breed soos ’n dubbelbed…