Tabla de contenidos para September 2015 en WegRy

Soos met die meerderheid 4x4-toerusting kan jy maklik oorweldig word deur al die inligting oor verskillende produkte en bandhandelsmerke wat beskikbaar is. Ek moes onlangs die bande op my FJ Cruiser vervang en moes behoorlik kopkrap. Ek het besonder baie tyd spandeer om navorsing te doen, bande te vergelyk en met 4x4-bestuurders, -handelaars en -kenners te gesels. En steeds het ek gevoel ek kan nie ’n ingeligte besluit neem nie. Ek het wel tot een gevolgtrekking gekom. Daar is baie opinies oor bande wat geen gronde het nie. En ook, elke handelsmerk of soort band op die mark word iewers baie hóóg en iewers baie láág aangeskryf. Olke-bolke . . . Daar is ’n groot verskeidenheid 4x4’s op die mark, en ’n groter verskeidenheid bande vir elkeen van hulle. Jou…

Rysiekte, wat ook karsiek of seesiek genoem word, is ’n algemene versteuring van die binneoor wat deur beweging veroorsaak word. Almal kan dit kry, maar sommige mense is meer sensitief daarvoor as ander. Rysiekte tref meestal kinders tussen die ouderdomme van 2 en 12 jaar, swanger vroue en mense wat geneig is om skeelhoofpyne te kry. Jy sien dikwels mense oor die kante van ’n boot of skip hang, veral in onstuimige water, maar jy kry dit ook wanneer jy in voertuie of vliegtuie reis, veral tydens ongure weer. Wat veroorsaak rysiekte? Die toestand kom klaarblyklik voor wanneer daar ’n konflik ontstaan tussen dít wat jou oë waarneem en wat jou binneoor (wat vir jou balans verantwoordelik is) ervaar. Terwyl jy beweeg, stoor jou brein details van waar jy is…

Ek is die trotse eienaar van ’n wit 2010-model Fortuner 3.0 D4-D. Ek sit al vyf en ’n half jaar agter haar stuur en is nog baie in my skik met haar. Ek het my Fortuner nuut op Bethlehem gekoop. Daarna is sy gediens en op my naam geregistreer en weer in die vertoonlokaal geparkeer sodat ek haar, soos afgespreek, die Maandag kon kom afhaal. Maar, ai! Die Sondag was daar ’n ongeluk by die kruising reg voor die vertoonlokaal, en het ’n verkeerslig deur die venster gevlieg en op my splinternuwe Fortuner se enjinkap te lande gekom. Ja, ék is die ou wie se Fortuner in ’n ongeluk was voordat hy ’n enkele kilometer op die pad gery het. Gelukkig het Toyota die skade in ’n japtrap herstel en…

Skouspelagtige Lesotho Sien die Sanipas, Katsedam, die Maletsunyane-waterval en Thaba Bosiu op ’n ses dag lange toer agter die stuur van jou eie voertuig, saam met WegRy-toere in samewerking met Bhejane 4x4 Adventures. DAG 1: Ons avontuur begin in Himeville, KwaZulu-Natal, waar ons by die Stone House Café bymekaarkom. Die res van die dag bring ons deur met ’n rit teen die ontsagwekkende Sanipas uit. Nadat ons deur die Suid-Afrikaanse grenspos is, eet ons ’n piekniekmiddagete en wentel op ons tyd teen die pas uit. Op die kruin gaan ons Lesotho binne. Ons blyplek vir die nag is die knusse Sani Mountain Lodge op die rand van die Drakensberge. Die lodge bied verruklike uitsigte oor KwaZulu-Natal. DAG 2: Ons roete na Katsedam neem ons oor die hoogste paaie in Suider-Afrika.…

Kry vooraf ’n permit van Namibië se Departement van Omgewingsake en Toerisme in Walvisbaai of Swakopmund. Hou die getye dop (by www.satides.co.za) en lees die fynskrif van jou EK voertuig WIL OOK se versekeringskontrak GAAN! ! Pak herwinningstoerusting in en sorg dat jy dit kan gebruik. Neem ’n gids. Selfs as jy ’n gesoute 4x4 bestuurder is en gemaklik is met sandry, is dit ’n goeie idee om (veral op jou eerste reis) ’n plaaslike gids saam te neem. Dit klink dalk duur, maar ’n gids in sy eie voertuig het voordele. Om die waarheid te sê, die grootste toeragente in die streek sal nie gidse vir selfry toeriste verskaf nie. Die risiko is net te groot. Dit kos sowat R1 300 vir ’n volle dag, maar jy kan ontspan…

Eric Thorburn SANDWICH HARBOUR, BL. 24 Eric Thorburn, ’n afgetrede tandarts van Sandton, het Sandwich Harbour in Namibië besoek en ’n mooi storie met pragtige foto’s vir ons gestuur. Vertel ons van ’n lekker reiservaring. Die keer wat ek in die Himalajas saam met ’n groep vriende en familie gestap het, was een van my mees onvergeetlike ervarings. Wat is jou gunsteling-bosplek? Ek is baie lief vir die wildernisroete in die iMfolozi-park in KwaZulu-Natal. Jou beste reiswenk? Doen jou huiswerk – lees oor jou bestemming en vra rond. Dit maak jou sommer baie opgewonde oor die reis. Jy beplan dus deeglik? Beslis. Die idee en beplanning van ’n toer en die ondervinding en herinneringe is alles deel van waarom ek so mal is oor reis. Waarheen in Suider-Afrika wil…

Stuur die volgende: Skryf vir ons ’n storie van tussen 600 en 1000 woorde waarin jy vir ons meer van jouself en jou Fortuner vertel. Skryf dit asseblief in storieformaat, en nie in kriptiese telegramstyl nie. Ons het ook minstens vier foto’s nodig van jou Fortuner in aksie, sowel as een foto van jou/jou gesin by die Fortuner. Foto’s moet van ’n hoë gehalte wees. Jy is welkom om meer foto’s te stuur. Sluit hierdie aspekte in jou “Ek en my Fortuner”-verhaal in: 1.Watter spesifieke model Fortuner bestuur jy? 2. Hoe lank het jy al jou Fortuner? 3. Vertel vir ons hoe jy jou Fortuner gekoop het – was dit nuut of tweede-hands? Was daar iets snaaks of interessants aan die kooptransaksie? 4.Wat is jou odo-meterlesing op die oomblik? As…

Jy kan rysiekte probeer voorkom of ten minste van die ergste simptome probeer verlig. Gebruik hierdie wenke wanneer jy op reis is. 1 Eet reg. As jy weet jy gaan in ’n voertuig, boot of vliegtuig reis, eet die aand voor die tyd versigtig (en natuurlik ook tydens die reis). Moenie te veel alkohol drink nie en bly weg van kos wat jou oor die algemeen siek laat voel. Eet ook ’n kleiner porsie as gewoonlik. Swaar, gegeurde of vetterige kos kan jou maag omkrap voor ’n reis en jou rysiekte vererger. 2 Kry vars lug. As dit moontlik is, kry ’n vars bries op jou en vermy kosreuke binne die voertuig – dit sal die naarheid help voorkom. As jy op ’n skip is, moenie te naby aan die…

VOLVO XC90 PLEK VIR MEER. Die ekstra ry sitplekke in die laairuim is nie opsioneel nie, maar dit vou goed genoeg weg dat jy nie pakplek inboet nie. LIG HOM OP. Die lugvering kan hoër gestel word vir rowwe terrein, maar dit sak weer af sodra jy vinniger as 40km/h ry. TEGNOLOGIE VIR AFRIKA... Die IntelliSafe-tegnologie hou die bestuurder, passasiers en ander padgebruikers veilig. VEELSYDIG. Die onderstel van die XC90 is ontwerp om deur die fabriek aangepas te word om vir enige Volvo-model gebruik te word. Dieselfde tegnologie gaan dus in alle Volvo’s beskikbaar wees. Die Swede by Volvo se hoofkantoor was klaarblyklik nie die enigste mense wat opgewonde was oor die koms van die XC90 nie. Die eerste weergawe, wat einde verlede jaar aanlyn bekendgestel is, het binne 47…

Wanneer jy wil braai, kom ’n oondpan net nie die mas op nie. Daar is nou eenmaal iets aan ’n vuur wat die oermens in ’n ou aanwakker. Om nie eens te praat van die lekker atmosfeer en kuier om ’n vuur nhie. Maar om te bepaal watter hout “die beste” is, kan jy net een ding doen: Jy gaan soek hout van regoor Suid-Afrika (houtskool en brikette is nie oorweeg nie, want... sies!) en toets hulle objektief en wetenskaplik. BESKIKBAARHEID EN BEWARING ’n Groot verskeidenheid houtsoorte word elke week in Suid-Afrikaanse braaivleisvure gebruik. Maar al is baie van hulle streeksgebonde, sal dit jou help om te weet watter een gaan werk in die omgewing waar jy jou vorentoe mag bevind. Die agt houtsoorte waarop ons besluit het, is dié…

1 BEGIN BY DIE BEGIN. Die eerste stap is om ’n basislesing van die ryding op ’n dinamo meter te kry. Die Disco se aanvanklike syfers – 142 kW en 370 Nm – was vir my voldoende en ek het nie meer krag en wringkrag nodig geag nie. Die groot doel van die verrigtingskyfie vir my is om die brandstofverbruik te verbeter. Dit is ook ’n algemene versoek van mense wat verrigtingskyfies laat insit: meer kilometers per liter, asseblief. 2 GAS IS BELANGRIK. Die temperatuur van die uitlaatgas en die onverbrande brandstof in dié gas kan vir ’n tegnikus ’n baie goeie idee van die enjin se verrigting gee. ’n Lambda sensor word in die uitlaatpyp gesit om die uitlaatgastemperatuur en hoeveelheid onverbrande brandstof te meet. Dis ook belangrik omdat…

OP DIE ROETE Hoe lank is die roete? 20 km (4 5 uur). Getal voertuie: Minimum 6, maksimum 12. Kry ek ’n kaart? Nee, dis ’n begeleide roete. Sal my voertuig gekrap word? Dis onwaarskynlik. Moet ek my treeplanke verwyder? Ja, veral vir die moeilike roete. Moet ek ’n kompressor saamvat? Ja, jy sal jou banddruk moet verlaag vir die roetes. Kan ek halfpad omdraai? Ja. Kan ons langs die pad braai? Nee, net by die begin en eindpunt. Is daar ablusiegeriewe vir dagbesoekers? Ja. Sal ek wild sien? Ja – koedoes, rooihartebeeste, elande, gemsbokke, swartwildebeeste, rooibokke, springbokke en sebras. RONDOM DIE ROETE Beste tyd om te gaan? Enige tyd van die jaar. Kan ek die gesin saamneem? Ja. Net vir die dag of vir die naweek? Die roete is…

Villiers Steyn Canon 5D MkIII, Canon 70-200 f/2.8-lens en Canon Speedlite 580EX II flits (verstellings: f/3.2, 1/100 sec, ISO 800, flits EV +11/ 3) ’n Wildtuin-trippie sonder ’n groepfoto is soos ’n draairoomys sonder ’n Flake. Want jy kan darem nie terugkom sonder ’n kiekie van die familie en vriende nie, of hoe? Vir my is dit juis hierdie foto’s wat die beste herinnerings terugbring. AS JY DIÉ VIER STAPPE VOLG, SAL JOU GROEPFOTO’S IETS WEES OM MEE TE SPOG: STAP 1: Pasop vir die son Die beste tyd vir ’n groepfoto is skemer. Teen dié tyd sit of staan almal gewoonlik al met ’n dop in die hand en is jou “onderwerpe” lekker ontspanne. Maar dis nie die grootste rede nie. Teen skemer is die lig nie meer so…

Op die afstandmeter? Meer as 277 000 km. Hoeveel daarvan in die veld? Ek skat so 15%. Hoeveel eienaars? Ek is die derde een. Hoeveel het die bakkie jou gekos? Hy was R92 000 in 2014 en het toe sowat 252 000 km afgelê. Hoekom dié Toyota-bakkie? Dit is van die betroubaarste Toyotas – ’n regte ou kanniedood. Het hy ’n bynaam? Ek noem hom die Gentleman. Die bestuurder moet nog net by die naam aanpas! Waarheen het hy al gery? Ek was al in die Sederberge, die Bontebok Nasionale Park, die Weskus en die Karoo Nasionale Park met hom. Jou droombestemming? Ek sal graag met die bakkie in Botswana wil toer. Onklaar? Behalwe vir die kruiskoppeling ( universal joint) wat ek moes vervang, loop die bakkie probleemloos. Herstelwerk tot…

WAARMEE HET JY GERY? ’n Toyota Fortuner 3.0 D4 D 4x4. HOE WAS DIE PAAIE? Ek het die meeste van die tyd nie 4x4 nodig gehad nie, maar die dele tussen Sehlabathebe en Katse, en rondom die Katsedam, vereis dit. In nat toestande is dit definitief nodig, sowel as laestrek. WAAR KAN EK BRANDSTOF INGOOI? Maak vol so na aan die grens as moontlik, want ordentlike vulstasies is skaars in Lesotho. Daar is wel vulstasies in Semonkong, Thaba Tseka en Butha Buthe. WAAR KAN EK KOS KOOP? Ons het al ons kos in Suid Afrika gekoop en geen probleme daarmee by die grensposte gehad nie. In die groter dorpies sal jy egter wel klein kruide nierswarewinkels kry en daar is by elke lodge kos beskikbaar. Tref liefs vooraf reëlings met…

Wanneer? Die Koës Pan Rally vind elke jaar oor die eerste naweek in Julie plaas. Vir meer inligting oor die byeenkoms, of om in te skryf, kontak Hester de Villiers by plaashansa@iway.na; +264 81 275 5498. Waar? Koës is in die suidooste van Namibië, sowat 130 km noordoos van Keetmanshoop. Waarmee het jy gery? Ons het met ons nuwe Volkswagen Amarok 2.0 BiTDi met ’n agtspoed outomatiese ratkas gery. Dis die perfekte voertuig vir só ’n lang pad. Brandstofverbruik? Deurentyd tussen 9 en 10 liter/100 km. Waar kan ek bly? • Die tentedorp van I Dream Africa is ideaal vir diegene wat van ver af kom. Die tent word vir jou opgeslaan en het reeds ’n kampbedjie. Jy moet net jou eie beddegoed bring. Dan is daar ook warmwater ablusie…

GOPRO HERO4 SESSION Die kleinste GoPro nog Kort op die hakke van die GoPro Hero+ het die maatskappy die GoPro Hero4 Session bekend gestel. Die Session is die kleinste GoPro op die mark. Hy is am-per so groot soos twee vuurhoutjieboksies op mekaar en weeg dieselfde as ’n pakkie Two-minute Noodles. Lig in die broek is hy egter nie. Die Hero4 Session skiet video in 1 080 p60, 720p100 of 1 440p30 en neem 8MP-foto’s – in enkelskote, pulse ( bursts) of tydverlope ( time lapse). Dié buksie is ook toegerus met Superview om ultrawye skote te neem, ProTune vir uitstekende beeldgehalte en slim binnegoed vir goeie foto’s en video in swak lig. Jy kan hom beheer met ’n knoppie op die kamera, deur ’n GoPro-app op jou foon of…

1 Meet en pas. Sny die staalplate vir die tenk volgens die mates van jou voertuig. 2 Vloeibrekers. Sweis skotte aan die binnekant van die tenk vas om te verhoed dat die brandstof rondplons. 3 In en uit. Boor gate vir die in- en uitlaatpype, sowel as ’n derde gat vir ’n lugpyp. Sweis die koppelinge vir dié pype in plek. 4 Sit vas. Sweis al die tenk se panele aanmekaar. Toets die tenk se digtheid voor jy dit in die voertuig sit. 5 Kantel. Maak seker die tenk sit teen ’n effense helling sodat die brandstof altyd na die uitlaatpyp toe kantel. 6 Koppel. Heg die inlaatpyp met ringklampe vas, asook die solenoïde op die uitlaatpyp. 7 Voerpyp. Carel het ’n T-koppelstuk op die oorspronklike tenk se lugpyp gesit.…

Dit neem nie die hele dag om ’n verrigtingskyfie te laat installeer nie. Dit neem minder as ’n uur om vir ’n dieselenjin ’n verrigtingskyfie in te sit, en ’n petrolenjin neem gewoonlik so twee uur. Jy kan sommer in die wagkamer sit terwyl jou ryding ’n skop onder die jis kry. ’n Dastek Unichip-skyfie soos dié vir die Land Rover Discovery 1 V8 kos R3 150, installasie en die verstelling ingesluit. Vir ’n Toyota Hilux D-4D of enige soortgelyke bakkie kos dit rondom R5 000 – na gelang van die enjin se blikbrein. Kyk by www.steves.co.za waar jou naaste tak van Steve’s Auto Clinic is.…

Baie mense het al gehoor van Sandwich-hawe in Namibië, maar as jy so na die roete kyk, het min dit nog gery. Dis waarskynlik een van die moeiliks bereikbare terreine in Namibië. Sandwich-hawe lê omtrent 45 km suid van Walvisbaai in die Namib-Naukluft-reservaat, maar die pad is uiters verraderlik. Eintlik, om dit ’n pad te noem, is reeds ’n oordrywing. Enige spore wat jy maak word feitlik oornag deur die genadelose wind en getye uitgewis. Net vir die dapperes Met Walvisbaai – waar die soutpanne druis van die watervoëls – in ons truspieëls, het ons die “pad” na Sandwich-hawe deur die droë riviermond van die Kuisebrivier bereik. Die oppervlak lyk aanvanklik onskuldig, maar moenie jou laat flous nie – daar is oorgenoeg stories van die riviermond wat onverskillige en arrogante…

TAAI KAART VIR ’N LEKKER REIS SLINGSBY SE EXPLORING THE WILD COAST (4DE DRUK) Uitgegee deur Slingsby Maps Beskikbaar by talle boek- en sportwinkels, toerismekantore en op die uitgewer se webwerf ( www.slingsbymaps.com ) Voorgestelde prys: R150 Die Wildekus is een van die mooiste kusstroke in Suid-Afrika, maar nie een van sy maklikste nie. Die toestand van die paaie is dikwels bedenklik, padtekens is skaars en nagsig is ’n nagmerrie. Om dié rede is Peter Slingsby se Wildekuskaart al jare lank ’n soort Bybel vir talle mense wat dié omgewing besoek. Hy’t nie verniet al 14000 van hulle verkoop nie. Die jongste uitgawe, nommer 4, is omtrent ’n derde groter as die vorige een en het heelwat nuttige nuwe inligting. Dit het byvoorbeeld nou ’n lys van meer…

Om ’n stuk vleis suksesvol te braai, behels meer as net kole en vleis. Jy kort goeie geselskap, ’n nat ding vir die keel – en die regte geursel op die vleis, anders proe dit maar bra laf. Kom ons vergeet vir ’n oomblik van al die souse en marinades waarmee sommige mense hulle vleis doodgooi. Want goeie vleis het dit nie nodig nie. Al wat eintlik nodig is, is ’n bietjie sout – en een of twee ander geure. Deur die jare het sout egter begin plek maak vir “braaisout” en ’n magdom ander speserye waarop jy as braaier kan staatmaak. Daar is deesdae meer keuses as ooit tevore. Maar hoe proe hulle? Om daai vraag te beantwoord en jou sommer baie moeite te spaar, het drie van die…