Tabla de contenidos para April 2017 en WegRy

Ek is ’n getroue WegRy-leser en het veral uitgesien na julle artikel oor 2017 se 4x4’s van die jaar. Omdat ek, my seuns en vriende graag deur Afrika toer, was ek veral geïnteresseerd in die afdeling “Ekspedisie-4x4 van die jaar”. Die keuse van die Toyota Land Cruiser 76 Series V8 as ekspedisie-4x4 van die jaar lyk met die eerste oogopslag na ’n goeie keuse. Ek het egter vinnig van opinie verander toe ek van die “feite” in die artikel oorweeg het. Ons weet dat Toyota oor baie jare ’n reputasie van betroubaarheid in Afrika opgebou het en daarom met reg talle aanhangers het. Maar dis glad nie so ’n ooglopende keuse soos wat in WegRy (#90) beweer word nie. Dit sal ’n fout wees om nie die Patrol in berekening…

APRIL DUST SERIES Waar: Wes-Kaap, Gauteng, Vrystaat en Mpumalanga Wanneer: April tot November Hoekom jy moet gaan: Die Dust Series is ’n 4x4-uitdaagreeks wat vanjaar groter as ooit is en nou 10 kwalifiserende uitdunne in 4 provinsies het. Die eerste uitdagings vind plaas op 1 April in die Wes-Kaap en Gauteng en daaropvolgende rondes vind plaas in Mei, Junie, Julie en September voor die groot finaal van 24 tot 29 November in die Tankwa-Karoo plaasvind. Die reeks sal jou 4x4-vernuf in ’n verskeidenheid terreine en tegniese uitdagings toets. Meer inligting: www.dustmedia.co.za of Dust Media op Face-book. WILDEBEEST 4X4 CHALLENGE SERIES Waar: Wes-Kaap Wanneer: April tot Desember Hoekom jy moet gaan: Die Wildebeest Challenge Club is ’n organisasie sonder winsoogmerk wat deur die jaar ’n reeks 4x4-uitdagings in die Wes-Kaap…

V oeër vanjaar het Ford sekere modelle van die Kuga herroep nadat sowat 40 van dié nutsvoertuie aan die brand geslaan het. Vir maande voor dit was daar berigte, foto’s en video’s in die sosiale en ander media van Kuga-bestuurders wat sê hulle motors het op onverklaarbare wyse aan die brand geslaan. Talle moes hulpeloos langs die pad staan en toekyk hoe hulle rygoed tot op die bakwerk afbrand. Volgens bydraes op die Facebook-groep “Ford Vehicles Burning” het tot 43 Kugas in ’n bietjie langer as ’n jaar in Suid-Afrika aan die brand geslaan. Dit het gelyk asof die meeste van die brande weens ’n enjinverkoelingsprobleem begin het. Kuga-eienaars het gereeld oor enjinoorverhitting gekla en dit het geblyk die brande begin in die enjinruim. Die situasie het uiteindelik ’n krisispunt…

Enjin: 2 776 cc, viersilinder 2.8 liter dieselturbo Krag: 144kW @ 3 600 r/min Wringkrag: 500 Nm @ 2 000 r/min Transmissie: 6 spoed-outomaties 0-100 km/h: 10,4 sekondes Brandstofverbruik: 9,5 l/100 km (gekombineerd) VELDRYFEITE Onderstel: Leerraam-onderstel Aandrywing: Selekteerbare 4WD met laestrek Vering: Onafhanklik voor; vaste as en kronkelvere agtere Bande: 265/60 R18 Petroltenk: 76 liter Grondvryhoogte: 221 mm Dompeldiepte: 800 mm Gewig: 2 084 kg EIENAARSKAP Diensinterval: 12 maande/15 000 km Diensplan: 5 jaar/90 000 km Roeswaarborg: 5 jaar/onbeperkte km Waarborg en padbystand: 5 jaar/120 000 km Prys: R623 200…

HET EK ’N 4X4 NODIG? Die Magoebaskloofpas tussen Tzaneen en Haenertsburg is geteer, maar die meeste van die ander paaie in die gebied is grond paaie. Vir hulle het jy verkieslik ’n 4x4 nodig omdat die paaie modderig is as dit reën. ’n 4x2 word nie aanbeveel nie, want hulle gebrek aan traksie ver weer die paaie wat inwoners daagliks moet gebruik en noodsaak gereelde instandhouding. WANNEER IS DIE BESTE TYD OM TE GAAN? September tot April om koue wintertemperature te vermy, maar onthou dat hierdie gebied ’n somerreënvalstreek is. HOEVEEL TYD HET EK NODIG? Magoebaskloof is sowat 4 uur buite Johannesburg, daarom is dit moontlik om dit oor ’n naweek te besoek. Daar is baie om te doen in die gebied, daarom sal jy minstens ’n week hier moet…

Naaste dorp: Heidelberg, Gauteng. GPS: S26.579330 E28.353287 Hoe lyk die roetes? Die bergroete is ’n klip perige tweespoor wat jou tot op ’n koppie en weer terug na die plaas vat. Dit duur sowat 2 uur om die roete te voltooi. Die ou gruisgat is ’n kombinasie van veldpaadjies en modderhindernisse ná goeie reën. Jy kan egter besluit watter van die hindernisse jy wil takel en as jy nie wil deurry nie, kies jy bloot ’n ander paadjie. Die hindernisbaan is ook ’n kombinasie van hindernisse. Hier sal jy steil bulte, don gas, modder en asknopers teëkom. Het ek ’n 4x4 nodig? Jy sal die veld paadjies om die gruisgat in ’n 4x2 met ’n ewenaarslot kan ry, maar vir die bergroete en hindernisbaan het jy ’n 4x4 met ’n…

“Die pad is vol ontsnaproetes en jy kan dus omtrent 80% daarvan met ’n 4x2-Hi-Rider reguit uit die fabriek ry.” Hubert de Haas bestuur die Hennops-roete. Hennops Off-Road lê ’n skrale 30 km buite Pretoria-Wes. Dis ’n bekende 4x4-roete in Gauteng en gewild vir 4x4-kompetisies en voertuigbekendstellings, wat vir jou iets behoort te sê oor die gehalte van die hindernisse en geriewe. Die 4x4-roete is in ’n groot sirkel uitgelê, wat jou eers deur twee hindernisse – Axle Twister en Rocky Twister – tot bo-op ’n klipkoppie lei. Daarna ry jy vir ’n paar kilometer op die kruin op ’n mooi tweespoorpad deur die veld, met Pelandaba as ’n rigtingwyser op die horison. Daarna volg Vastrap Hill, waarskynlik Hennops se grootste riller. Hier moet jy ’n skerp draai…

Naaste dorp: Hartebeespoort. GPS: S25.669651, E27.946093 Hoe lyk die roetes? Die wildkykroete is meestal ’n maklike tweespoorpad deur die Magaliesberge met hier en daar ’n hindernis wat jy kan ry as jy wil. Die 4x4 baan is ’n reeks uitdagende hindernisse waarvoor jy ’n voertuig met laestrek, agterste ewenaarslot en verkieslik onderstelbeskerming moet hê. Die 4x4 oefenbaan is ’n maklike reeks hindernisse wat van beton gebou is. Hier kan jy opdraandes, afdraandes, asknopers en waterkruisings in ’n veilige, nagemaakte omgewing oefen. Sien dié roete by www.tracks4africa.co.za. Het ek ’n 4x4 nodig? ’n Nutsvoertuig of bakkie met goeie grondvryhoogte sal deug op die wildkykroete, maar jy’t laestrek, ’n agterste ewenaarslot, goeie naderings en vertrekhoeke en senuwees van staal nodig vir die 4x4 baan. Waar kan ek bly? De Wildt 4x4 wildpark…

Baie min dinge is so lekker soos ’n vars skaaptjop wat op lekker warm kole gebraai is. Maar na jou 38ste aand se kampeer kan jy vergewe word as jy dalk smag na iets anders as braaivleis. Om jou toeknyprooster vir ’n eierspaan te verruil is nie ’n skande nie. En as jy eers die lekker disse geproe het wat jy met al die slim gastoestelle en bybehore kan maak, mag daai skaaptjoppie dalk net begin oud word onder in die vrieskas. JA, GAS KAN GEVAARLIK WEES Vloeibare petroleumgas (Liquefied Petroleum Gas of LPG) of kookgas word wêreldwyd gebruik om kos te maak of hitte te verskaf. Hier op eie bodem word dit ook al vir baie jare gebruik – van pannekoek bak by die kerkbasaar tot gasstowe in huise…

Dit was Julie 1973. Ek het pas begin skoolhou toe ’n kollega my vra om saam met hom deur die ou Suidwes-Afrika (Namibië) te gaan toer. Sy pa was ’n afgetrede geoloog van die O’Kiep Copper Company en sou vir ons ’n goeie toerplan help uitwerk. Só vertrek ons vroeg in Julie uit Potchefstroom. Ons toerusting het bestaan uit ’n tweemantent, ’n gasstofie en ’n houer blikkieskos, alles in ’n Toyota Corona 1700 Mk 2 gelaai. Toe ons die blikkieskos gaan koop, het Johan seker gemaak dat daar ’n bottel mayonnaise en ’n groot bottel OBS (dié met die oortjie) by is. Waarvoor het ek nie geweet nie. Met blaaskanse in Upington en Nababeep stop ons ’n paar dae later in Port Nolloth, waar Johan se ouers ’n strandhuisie gehad…

ANDREW JOHNSTONE RICHTERSVELD EN NAMIBIË, BL. 56 Andrew het sy Desember-vakansie op ’n alleenreis deur die Richtersveld en Namibië spandeer. Hy deel sy avontuur, en ’n bietjie selfrefleksie, in ’n reisstorie met ons. Wat is jou eerste toerherinnering? Die kere toe ek in Vic-valle se reënwoude gestap het en op die strand in Beira, Mosambiek, kon baljaar. Die lekkerste plek in die bos waar jy al was? Dit sal onregverdig van my wees om net een te kies, maar die Sperrgebiet wat ek op hierdie reis besoek het, is beslis ’n goeie kandidaat. Wat is die beste reiswenk wat jy nog gekry het? Hou genoeg spasie oop! Te veel goeters is nooit ’n goeie belegging nie. En dit geld eintlik vir afstande, tyd, toerusting, bestemmings en doendinge. Toer jy…

WAAR: Oudtshoorn WANNEER: 8 tot 15 April WegRy gaan oudergewoonte weer ’n veldroete by vanjaar se Klein-Karoo Nasionale Kunstefees ry. Op 9 April kan jy jou voertuig bring en die Klein-Karoo saam met Mpafa Travel en Bhejane 4x4 Adventures verken. Die Swartbergkronkels-uitstappie is geskik vir 4x2-voertuie met ’n goeie grondvryhoogte. Die roete volg die grondpad al langs die suidelike hange van die Swartberg van Calitzdorp af en met die Groenfonteinpad tot by die teerpad naby die Kangogrotte. KOSTE beloop R280 per volwassene en R100 vir kinders onder 16. Dit sluit ’n piekniekmiddagete en gebottelde water in. Almal ontmoet by die Bella de Karoo-padstal langs die R62, sowat 28 km wes van Oudtshoorn op pad na Calitzdorp. Dis ’n daguitstappie wat jou van 08:30 tot 15:00 besig sal hou. MEER INLIGTING:…

1 MAGOEBASKLOOF GETAWAY Hier is 10 staanplekke (10m x 10m), elk met ’n braai, kraan en kragpunt. Sommiges is onder skadubome. Hoekom hier kamp? Daar is twee visvangdamme onder die kampeerterrein vir die eksklusiewe gebruik van inwoners (geen dagbesoekers word toegelaat nie). Meer inligting: www.campingsites.co.za 2 MAGOEBASKLOOF MOUNTAIN LODGE (OOK BEKEND AS DIE RUSKAMP) Hier is ses kampplekke met kragpunte, skadu en gemeenskaplike ablusies. Hoekom hier kamp? Hierdie oord reg langs die hoof-teerpas het ’n swembad, puttputt-baan en ’n restaurant wat dit ’n goeie opsie maak vir die hele familie. Meer inligting: www.magoebaskloofruskamp.co.za 4 CORAL TREE CAMP Hierdie is ’n baie netjiese kampplek wat tot 8 mense kan huisves. Dit het ’n kombuis, ’n binne- en buitebraai, ’n plonspoel en ’n oop badkamer wat oor die woud uitkyk. Hoekom gaan?…

Daar is min dinge wat kan kers vashou by ’n lang ekspedisie na ’n 4x4-bestemming ’n paar dae se reis van die huis af. Maar so ’n toer verg beplanning, ’n goeie verhouding met jou bankbestuurder en, bowenal, baie tyd. Daarom het ons vandeesmaand gaan kyk watter lekker 4x4-dagroetes jy naby die huis kan ry as jy in Gauteng woon. Hier hoef jy nie ’n paar duisend kilometer te ry voordat jy daai laestrekratkas ’n bietjie werk kan gee nie. Hierdie roetes is nie een meer as ’n uur se ry van die stad af nie. En wanneer jy daar tussen die klippe deur kruie, ’n fris bult storm-loop, of die modder van jou voorkop afvee ná ’n uitdagende waterhindernis, sal jy gou besef dat jy eintlik reeds in die…

“Die roete en die plaas is my passie. Ek werk byna elke naweek van die jaar daaraan.” Johan Havenga het die Spookspruit-4x4-roete uitgelê. As jy lus is vir ’n tegniese 4x4-roete wat jou vernuf deeglik kan toets – en jou boonop ook ’n klomp nuwe, gevorderde vaardighede kan leer – moet jy sommer hierdie naweek ’n draai by Spookspruit-4x4 gooi. Dié 4x4-roete naby Balfour is sedert verlede jaar oop en het sy ontstaan te danke aan Johan Havenga, wat al jare lank by die Bridgestone Challenge betrokke is en ook al by hierdie 4x4-kompetisie ’n beampte was. Sakkie Coetzee, ’n bekende by die Challenge, het ook hand bygesit met die ontwerp van sommige hindernisse. En as jy al ooit die Bridgestone Challenge gery het, of ’n toeskouer was, sal…

Naaste dorp: Broederstroom. GPS: S25.791352 E27.980113 Hoe lyk die roete? Hennops se 4x4 roete is vir beginners tot hardebaarde met ’n ver skeidenheid hindernisse en moeilikheids grade. Dis ’n sirkelroete tussen die koppies buite Pretoria met water , modder, klip en asknopers. Sien dié roete by www.tracks4africa.co.za Het ek ’n 4x4 nodig? Hennops se mini mumvereiste is ’n 4x2 met goeie grondvry hoogte en ’n agterste ewenaarslot. Waar kan ek bly? Hennops se kampeerter rein word tans vir stappers gebruik, daarom is die 4x4 roete net ’n dagbesoek. Wat kan ons nog doen? Stap en bergfiets ry is gewild, maar jy moet apart bespreek. Daar is twee staproetes – Krokodilberg en die Sebraroete. Die fietsroete (15 km) is ’n maklike een, meestal ’n tweespoorpad. Koste: R250 per voertuig met 4…

“As mense hierheen kom vir opleiding, is die heel belangrikste vir my dat hulle as bevoegde 4x4-bestuurders hier wegry.” Johan Klopper is n toergids, 4x4-instrukteur en die ontwerper van Kungwini se roetes. Hierdie plaas buite Bronkhorstspruit is waarskynlik een van die veelsydigste 4x4-bestemmings naby Pretoria. Hier is ’n 4x4-beginnersbaan, ’n breedvoerige oefenbaan, nóg ’n hindernisbaan vir meer ervare bestuurders én twee ekoroetes. Johan Klopper, een van die eienaars, wat ook die hindernisse ontwerp het en ons op die plaas rond vergesel het, is ernstig oor 4x4-opleiding. Jy begin by ’n klein 4x4-baan waar hy ’n paar basiese tegniese begrippe en rytegnieke aan nuwelinge op ’n asknoper en steil bulte verduidelik. Daarna neem hy bestuurders na ’n pynlik netjiese opleidingsbaan met 12 hindernisse waar jy byna elke denkbare aspek…

Het jou 4x4 ander vering? As jy jou 4x4 vir veldry gebruik, is die kans goed dat dit het. Hoekom? Omdat die meeste van ons al besef het dat spesialisvering beter is vir swaar vragte as die standaardvering waarmee jou 4x4 van die fabrieksvloer weggery het. Maar wat van die bande? Is hulle ontwerp vir swaar vragte, of moet jou bande ook opgegradeer word vir swaarder vragte? Beslis! Na gelang van die vrag, moet jou bande 10% tot 50% meer lug hê as jy ’n swaar vrag dra. Die meeste van ons gebruik hierdie riglyn as ons op vakansie is of lang afstande ry, maar ons vergeet dit op korter reise. Dan is ons geneig om te diink: “Ag man, dis mos net in die pad af. As ek stadig…

Nie alle tonele kan in een enkele foto vasgevang word nie. Pragtige uitsigte, soos dié by God’s Window of ’n lug vol wolke bo die Makgadikgadi-panne, lyk die mooiste as panoramas, en hiervoor sal jy ’n paar foto’s moet saamlas. ’n Goeie panorama word egter nie agter die rekenaar geskep nie. Die eerste stap is om die regte foto’s met die regte verstellings te neem. Hier is 10 maklike stappe vir die perfekte panoramafoto, vanaf die regte lenskeuse tot hoe om die foto te las. Ek gebruik Adobe Lightroom, een van die beste fotografiesagtewareprogramme wat op die mark beskikbaar is. STAP 1 : Verruil jou lang zoemlens vir ’n korter een. Iets soos jou 18-55 mm-standaardlens of ’n 24-70 mm-lens is perfek. STAP 2 : Skakel oor na Manual Mode…

SKRYF VIR ONS EN WEN! Murray Burger wen ’n sitplek-organiseerder ter waarde van R400! Moeg vir die los goed wat in die motor rondlê? Die sitplek-organiseerder het afsonderlike sakkies waarin jy alles en nog wat kan byderhand hou. Dis van 100% katoenseil en pas agter alle sitplekke. As jy jaloers is op Murray, kan jy dit koop by winkel.weg.co.za WegRy behou hom die reg voor om briewe te redigeer vir bondigheid en duidelikheid. Briewe wat aan WegRy gestuur word, kan ook moontlik in ons susterpublika sies Weg, Go!, WegSleep en Platteland, asook op ons webwerwe gebruik word. As jy ’n vryskut artikel vir oorweging instuur, merk dit asb. duidelik só. Ongelukkig kan ons geen verantwoordelikheid aanvaar vir materiaal wat ingestuur word of dit terugstuur nie.…

“Doen dit liewer oor as wat jy dit oordoen.” Die meeste gesoute toeriste sal vir jou sê dat daar waarskynlik meer dinge is om in die land te geniet as wat jy in ’n leeftyd sal kan inpas. Ek stem beslis hiermee saam. Dit is egter lekker om elke nou en dan oor die grens te ry en die wêreld aan die anderkant te gaan verken. Daarom het ek in die Desember-vakansie my gesin Namibië toe geneem en ook sommer daar by ons verspreider gaan inloer. Te veel is nooit genoeg nie Ek het al baie in die veld gery, maar vreemd genoeg nog nie juis by duine uitgekom nie. Daarom het ek baie na hierdie vakansie uitgesien. Met die permit in die hand, het ek broodnodige raad by Dirk…

1 EET ’N HAENERTSBURGER Daar is ’n hele paar lekker restaurante in Haenertsburg, maar by die Iron Crown Pub is daar ’n maaltyd op die spyskaart wat uit bestanddele uit die streek gemaak word. Stel jouself voor: tuisgemaakte mayonnaise, organiese blaarslaai en kaas van Wegraakbosch, heuning-geroosterde makadamianeute van Tupelo, bessieblatjang van Magriet’s in die dorp en plaaslike avokado op jou keuse van een van ses verskillende tuisgemaakte patties. Voeg ’n Zwakala-bier by en jy het ’n volledige local is lekker-maaltyd! 2 PROBEER VLIEGHENGEL Een van die gewildste doendinge in Magoebaskloof is vlieghengel. Daar is verskeie damme en riviere waar jy kan lyn gooi vir forel en baie van die verblyfplekke het hulle eie viswaters. Dit is meestal ’n vang-en-vrylaat (catch and release)-stelsel sodat daar ’n gesonde visbevolking kan voortbestaan. Permitte…

Magoebaskloof kry sy naam van koning Mamphoku Makgoba, die leier van die Tlou stam wat hier gewoon en in 1894 teen die regering van die ZAR (Zuid Afrikaansche Republiek) gerebelleer het. Teen die laat 1880’s was daar ’n toeloop van goudpros pekteerders na die gebied. Makgoba het later by die regering die bynaam van “die lastige hoofman” gekry weens sy voortdurende teenstand teen die indringers. Heel voorspelbaar het die spanning tussen die nuwe inwoners en die plaaslike stam opgebou en kort voor lank het ’n kommissaris van die plaaslike rege ring geëis dat koning Makgoba belasting moet begin betaal. Makgoba het geweier en geëis dat die Europeërs sy land moet ver laat. Die twee partye kon nie ’n ooreenkoms bereik nie en in November 1888 is Makgoba in hegtenis geneem…

“Al die eienaars van die plaas Lammergeyer, waarop die roete en hindernisse lê,het ’n liefde vir die buitelewe.Wins is nie so belangrik hier nie. Ons wil liewer ’n plek skep waar ander buitelugliefhebbers, 4x4- en veldfietsentoesiaste ’n bietjie pret kan hê.” Henry Dewitt bestuur die Heidelberg-4x4-roete. Heidelberg-4x4 is nie ’n roete wat jy maklik gaan teëkom as jy na naweekplanne op Google soek nie. Al is dié roete al jare lank oop, het die eienaars nog nooit ’n behoefte aan ’n webwerf gehad nie. “Ons wil net ’n plekkie wees waar buitelugliefhebbers uit die stad kan kom en ontspan,” sê Henry Dewitt, “en mense hoor maar by ander buitelugliefhebbers en veldry-entoesiaste van ons.” Heidelberg-4x4 sit net buite dié Gautengse dorp teen die kenmerkende klipperige koppe van die Suikerbosrandomgewing.…

Naaste dorp: Balfour, Mpumalanga. GPS: S26.677038 E28.422493 Hoe lyk die roetes? Spookspruit se hindernisse is min of meer in ’n sirkel oor die plaas uitgelê. Daar is ’n verskeidenheid van hindernisse, van ’n moddergat waar die gids herwinning oefen, tot kwaai asknopers, klipbulte, rivierkruisings en walle waar jy oefen om skuins te ry. Die uitleg herinner sterk aan die soort hindernisse wat jy by ’n 4x4 kompetisie kan verwag. Daar is selfs paaltjies by die ingang en uitgang van som mige van hulle. Het ek ’n 4x4 nodig? Hier is hindernisse vir alle rygoed, van ’n pypkar of ’n Jeep Rubicon met 38 duim bande, tot bakkies. Johan kan die roete na gelang van jou en jou voertuig se vermoëns aanpas, maar moenie opdaag met enigiets makker as ’n 4x4…

Naaste dorp: Bronkhorstspruit. GPS: S25.866263 E28.700692 Hoe lyk die roetes? Die Basic Academy baan is ’n reeks van 12 hindernisse wat tussen graad 2 en 3 gegradeer is. Hulle is re delik uitdagend, maar gemaak om beginners te help oefen. Die Advanced Eco Academy se hindernisse is aansienlik meer uitdagend. Die ekoroetes is baie klipperig, maar nie tegnies moeilik nie. Het ek ’n 4x4 nodig? Slegs 4x4’s met laestrekratte word op die Academy en Eko roetes toegelaat, hoewel dit nie pypkarre insluit nie. Vir die Advanced Eco Academy se hindernisse moet jy ’n 4x4 met goeie grondvryhoogte, veldrybande, goeie nade rings en vertrekhoeke (dus verkieslik een met bosbrekers), herwinningstoerusting en ’n tweede voertuig vir bystand hê. Waar kan ek bly? Hier is ’n ruim, goed versorgde kampterrein met warm water,…

Die debat oor watter stelsel die beste is (solenoïed of GS-tot-GS-laaiers) woed al jare lank. Ongelukkig doen baie verkeerde inligting hieroor die ronde, wat deur geen navorsing ondersteun word nie. Tans is daar geen toetse beskikbaar om te bewys een stelsel is beter as die ander nie. Dit moontlike rede hiervoor is dat daar soveel opsies beskikbaar is. Wat in die een voertuig werk, sal nie noodwendig in ’n ander een werk nie. Die ander is die wanopvatting dat iets noodwendig beter is omdat dit duurder is. Hierdie opvatting word deur die bedryf aangevuur omdat baie sogenaamde kenners duurder toerusting aanbeveel omdat hulle meer wins daarop maak. Dikwels lei dié “kenners” ook verkeerdelik af dat duurder toerusting beter moet wees. National Luna het ’n reeks toetse (op verskeie produkte) in…

ONDER REDAKSIE VAN CHARLES THOMPSON VAN ROOIJAKKALS TOT ROOI-ELS NATUURLEWE VAN SUIDER-AFRIKA ONDER REDAKSIE VAN VINCENT CARRUTHERS UITGEWER: PENGUIN RANDOM HOUSE PRYS: R300 Hierdie veldgids dek byna enige ding wat jy in die natuur gaan raakloop, van die kleinste vlooi tot die grootste ou geelhoutboom. Daar is 11 verskillende afdelings, wat laer ongewerweldes, spinnekoppe, insekte, paddas, reptiele, voëls, soogdiere, grasse, biesies, varings en swamme, veldblomme en bome dek. As jy dus met hierdie gids op jou volgende toer gaan, is daar g’n plant of dier in Suider-Afrika wat jou met ’n frons op die voorkop gaan laat wanneer jy wonder wat dit is nie. Eksemplare van Natuurlewe van Suider-Afrika ry al jare lank saam in die paneelkissies van talle Suider-Afrikaanse natuurliefhebbers; die eerste uitgawe het reeds in 1997 verskyn, met…