Tabla de contenidos para October 2015 en WegRy

Wenners van Spirit of Africa Alwyn Jordaan en Melanie Barnard van Namibië is onlangs as die 2015 Spirit of Africa-wenners aangewys. Hulle het 20 ander finaliste uitgestof – uit bykans 500 inskrywings – by die eindronde in die Kwalata-natuurreservaat in Botswana. Hulle wen R50 000. In die tweede plek, vir R30 000-prysgeld, was die Suid-Afrikaners Piet en Benjamin Kotze. Theuns Otto en Evert Agenbag (ook van Suid-Afrika) het derde geëindig en R20 000 in hulle sakke gesteek. Volkswagen, die kompetisieborg, verskaf elke jaar 23 Amarok-bakkies vir dié geleentheid. Die uitdunne was tussen April en Junie en die finaliste moes 30 tegniese uitdagings by die eindronde in Augustus baasraak. Vir die eerste keer vanjaar ding die finaliste ook mee om ’n plek in die internasionale Spirit of Amarok-kompetisie. Tydens dié kompetisie…

Water, of dit nou loop of bevrore is, is ’n gevaarlike hindernis. Die WegRy-leser Eddie Boshoff is onlangs byna dood op die ysbedekte paaie van Lesotho. “Ná ’n besoek aan AfriSki het ons Sanipas toe gery in lekker dik sneeu,” vertel hy in ’n brief. “Daar was ander voertuie by die Sani Mountain Lodge, maar ek het nie bestuurders gesien wat ek kon uitvra oor die padtoestande nie. Volgens mense by die kroeg kon geen ander voertuig egter nog dié dag teen Sani uitkom nie – daar was te veel ys op die pad. “Ek sien toe twee voertuie op die pas en dink: As hulle daar kon kom, kan ek ook. Maar dit was die mees senutergende rit van my lewe. My hart het in my keel geklop en…

FORD EVEREST EN RANGER Wat is nuut van planeet Ford? Ford Suid-Afrika het onlangs hulle jaarlikse kongres in Gauteng gehou en ons het ’n kans gekry om te sien wat Ford alles vir die volgende jaar beplan. Behalwe vir die nuwe Mustang wat na Suid-Afrika kom, is daar ook 4x4’s wat ons belangstelling geprikkel het, waarvan die nuwe Ford Everest seker die belangrikste van die lot is. As ’n mens die huidige Everest en sy gebrek aan gewildheid in ag neem, kon hierdie vernuwing vir Ford se sportnutsvoertuig nie gou genoeg gekom het nie. Die nuwe Everest gaan die mark vir bakkie-gebaseerde sportnutsvoertuie met ’n groot lawaai betree. Dit gaan natuurlik kompetisie vir die Toyota Fortuner meebring, wat die afgelope 10 jaar hierdie segment oorheers. Die Everest gaan dieselfde Duratorq-enjins…

Ek het my Fortuner 3.0 D-4D-4x4 in Mei 2007 nuut gekoop en het reeds meer as 155 000 km daarmee afgelê – meestal op die langpad. Ek het ’n jaar voordat die Fortuner in Suid-Afrika beskikbaar was, daarvan gelees en vir ons plaaslike handelaar gesê ek wil die motor hê sodra dit in Suid-Afrika aanland. Ná die bekendstelling het ek nog ’n jaar gewag en toe uit moedeloosheid vir Toyota SA gekontak en gevra waar ek ’n Fortuner in die hande kon kry. Hulle het een by Carletonville Toyota opgespoor, waar ek die Fortuner toe gekoop het. Ek was oorstelp dat ek uiteindelik ’n Fortuner gekry het, en was onmiddellik beïndruk met die gehalte van die voertuig. Die Fortuner was aanvanklik “styf ” en was eers ná omtrent 40 000…

Ek kry ’n oproep ’n paar maande gelede. Dis Tinus Lotz van Centurion. “Luister, ’n klomp manne van die Nissan Patrol-forum gaan ’n rivier-trip doen oor die langnaweek in Augustus. Kom jy saam?” Ek loer eers in my dagboek en sien ek is beskikbaar. Tweedens moet ek “Molototsi” – die rivier waarin die konvooi gaan ry – Google, want ek het geen benul waar dit is nie. Dis ’n goeie ding, want as jy my avontuurlus wil prikkel, vat my na ’n plek waar ek nog nooit was nie. Strike three, soos die Amerikaners sê, wat my oortuig het om ’n vliegkaartjie Johannesburg toe te koop, is die feit dat ek bitter min ondervinding van ’n Patrol het. Maar van wat ek gehoor het, word dié voertuie ernstig onderskat. En…

Natuurlik is prys een van die belangrikste oorwegings wanneer jy nuwe bande koop. Maar weet jy wat om te antwoord as iemand jou vra “hoe groot jou bande is?” Of hoeveel gewig jy per band op jou voertuig mag laai? Want kom ons wees nou eerlik – die klomp syfers op bande is vir die meeste mense eintlik Grieks. Metrieke stelsel of Brits? Bandgrootte word op twee maniere aangedui. Die mees algemene – en ook die mees verwarrende – is die metrieke stelsel wat deesdae op meeste bande voorkom. Dit kombineer metrieke en Britse mates, sowel as persentasies, om die bandgrootte aan te dui. Metrieke bandgroottes werk so: Die eerste syfer dui die wydte van die band se loopvlak in millimeters aan. Dis nog redelik eenvoudig. Die laaste syfer dui…

SLIM GEWIEL. Oorsese modelle kry 19 duim-tekkies, maar in Suid-Afrika sal 17 en 18 duim-bande beskikbaar wees. SPLINTERNUUT. Die Tucson is op ’n heeltemal nuwe onderstel gebou. EKSTRA OË. Die nuwe Tucson het ’n blindekolmonitor wat jou waarsku as jy voor verkeer in jou blindekol gaan indraai. GEPOETS. Die groot sierrooster en nuwe ligontwerp is van die mees opvallende veranderinge aan die nuwe Tucson. Toe Hyundai ons onlangs na die Kanariese eiland Gran Canaria nooi om die internasionale bekendstelling van die nuwe Tucson by te woon, het ons nie twee keer gedink nie. Sedert die Tucson in 2004 bekend gestel is, het dit ’n belangrike speler in Hyundai se span geword – dis een van sy drie topverkopers in Afrika en die Midde-Ooste (wat as een streek tel) en hulle…

Diep in die bos voor die vuur is daar min dinge so lekker soos ’n koue enetjie in jou hand, veral ná ’n moeilike dag op ’n taai roete. En om later vars vleis op die kole te kan gooi, is net so belangrik vir vrede by jou kampplek. Maar as jou plaaslike supermark 900km suid lê, moet jy jou eie bier en vleis kan koud hou. Daarvoor het jy ’n yskas nodig. Om te toets watter yskas die taak die beste gaan verrig, het ons die groot name mekaar die stryd laat aansê. Uit die ses kandidate het ’n hele paar redelik goed doen, maar net een kon die wenner wees. BISMARCK 60 LITER Die buiteperd Bismarck-yskaste is taamlik onbekend. Hulle word net deur een man van Durban-ville in…

Dit is onmoontlik om alles wat jy by Doringkloof in die Baviaanskloof kan aanpak, in een asem op te noem. Daar is staproetes, bergfietspaadjies en ’n wonderlike kampterrein met goeie ablusiegeriewe. Die hele gesin sal die omgewing kan geniet. Maar die verskeidenheid veldryroetes is die hoogtepunt. Doringkloof is in die middel van die Baviaanskloof-wildernisgebied geleë, omtrent 86 km wes van Willowmore en 105 km oos van Patensie. Dit is ’n plek waar jy ’n groot verskeidenheid roetes naby aan mekaar kan ry, en jy kan ook die kampterrein gebruik as ’n basis van waar jy die res van die Baviaanskloof kan verken. Van hier af kan jy maklik daguitstappies na byvoorbeeld Kareedouw onderneem. Die meeste van Doringkloof se 4x4-roetes is vir groentjies geskik en kan ook met sagte veldryers gery…

Slyp jou 4x4-vaardigheid met Halfway Toyota Sedert die Halfway Service Station sy deure oopgemaak het in die jare sestig, staan by bekend as een van Suid-Afrika se vooraanstaande Toyotahandelaars. Dis g'n wonder dat Halfway Toyota vandag soveel meer as net 'n voertuighandolaar is nie - dis 'n plek waar jy nuttige 4x4-raad en -opleiding kan ontvang. Kom ons noem 'n voorbeeld. 'n Belangrike eienskap van sommige 4x4's is vastrapbeheer. As 'n voertuig oor vastrapbeheer beskik, is daar 'n ABS-sensor op elke wiel wat aan de ABSdryfstelsel, asook die voertuig se "brein' gekoppel is. Indien 'n voertuig vastrap op een wiel verloor, tel hierdie sensors op of daar 'n ewenaar is wat tol. Met die hulp van die ABS-dryfstelsel word remme dan toegepas op die wiel wat tol. Krag word gevolglik…

Pap wiele is lelike goed. So lelik, daar behoort meer liedjies daaroor geskryf te word. Iets soos: “ ’n Pap wiel is ’n ding wat spring, wat spring.” ’n Pap wiel is nie net ’n probleem nie, dis deel van die 4x4-kultuur. Vra maar vir enigeen wat ’n 4x4 ry. Dit behoort eintlik gou iets van die verlede te wees, en as jy jou storie ken, is dit tjoef-tjaf: Pap band af, spaarband op en daar gaat jy. Maar die lewe is mos nooit so eenvoudig nie. Sodra jy aan die werk spring, sien jy die spaarband is ook pap, of die moere is gestrip, óf hulle wil om die dood nie loskom nie – selfs nadat jy met alle aardse geweld op die moersleutel spring en byna jou enkel…

DIE DING OP DIE DAK My vrou het onlangs deur ’n klomp ou foto’s gekrap en op dié foto’s afgekom. Ons wonder sommer – is dit dalk die eerste daktent? Die tent is in die vroeg 70’s deur my skoonpa en skoonma (Hekkie en Anchen Breytenbach) gebou en in een van daardie ou mandjiedakrakke op die kombi se dak geïnstalleer. Die konstruksie was van staal, hout en seil, en het met ’n baie eenvoudige meganisme gewerk: Die voor- en agterkante was die deksels van ’n laaghoutkrat binne die dakrakmandjie, en het opgeslaan met die stuk seiltent tussenin. Die seil was aan die twee deksels vas. Die tent is met ’n stok tussen die voorste en agterste “mure” van laaghout gespalk. Die op- en afslaan was ewe eenvoudig: Die twee deksels…

Ons het al baie oor 4x4-rywerk gesels. Die afgelope maande in WegRy het ons op verskeie aspekte van veldbestuurtegnieke gefokus. Ons hoop dat dit jou die selfvertroue gegee het om ’n bietjie van die grootpad af te draai in jou 4x4. Bestuurders van 4x4’s kan hoofsaaklik in twee groepe verdeel word: Diegene wat al vasgesit het, en diegene wat nog gaan vassit! Op YouTube sal jy wonderlike voorbeelde sien van mense wat ’n gemors maak wanneer hulle hulle voertuie probeer herwin. En dis hartseer om te sien hoe mense hulle voertuie beskadig. Die regte toerusting Die doel van 4x4-herwinning is om jou voertuig veilig uit ’n situasie te kry waar normale rytegnieke nie werk nie. Hiervoor het jy nie net die regte herwinningstoerusting nodig nie – jy moet ook weet…

Vir die afgelope twee jaar is WegRy bevoorreg om elke jaar ’n nuwe Volkswagen Amarok-dubbelkajuit as langtermyn-toetsvoertuig te kry. Eers was dit die een met die enkel-turboenjin wat 103 kW krag lewer, met ’n sesgang-handratkas. Daarna is ons opgegradeer na die 132 kW dubbelturbodieselenjin, ook met ’n sesgang-handratkas. Hierdie jaar se langtermynwiele is ’n silwer Amarok 2.0 BiTDI Highline 4Motion, met ’n agtgang- outomatiese ratkas. Dit het voltydse vierwielaandrywing en geen laestrekratkas nie. Die enjin is steeds dieselfde tweeliterturbodieselenjin wat 132 kW en 420 Nm ontwikkel. Op die oog af Vir die sowat vyf jaar wat die Amarok op die mark is, het die voorkoms nog nie veel verander nie. Trouens, as jy die eerste Amarok langs ’n nuwe een parkeer, sal jy sukkel om groot verskille raak te sien.…

Die man agter die toonbank van die Salvador Pub op Kaapsehoop is presies die soort karakter wat ’n mens hoop om op ’n reis deur die onbekende te ontmoet. Hy dra ’n sjefbaadjie, ’n lang poniestert hang onder sy kêp uit en daar is twee brille bo-op mekaar oor sy oë. ’n Sigaret maak rookpatroontjies tussen sy vingers soos hy beduie terwyl hy praat uit. Thomas is ’n Duitser wat al langer as 30 jaar in Namibië en Suid-Afrika woon. “Weet jy waarvan hou ek die meeste op hierdie plek? Die mense,” sê hy en vat ’n trek. ’n Rookwalm borrel saam met die woorde by sy mond uit. “Hier is so ’n mengsel van mense, maar niemand gee om wie of wat jy is nie. Ons kan almal saam…

WAT JY KAN VERWAG DAG 1 Ons ontmoet mekaar by die Plumtree-grenspos net noord van Francistown, Botswana, en gaan saam oor die grens. Indien nodig sal ons mense oor die grens help. Ons kampplek, met ’n mooi uitsig oor die Matobo-heuwels, is omtrent ’n uur se ry ver. Die aand bespreek ons die toer oor ’n heerlike aandete en leer mekaar ken. DAG 2 ’n Zimbabwiese spesialistoergids en -operateur neem ons na die Matobo Nasionale Park, waar ons heeldag wild kyk en die pragtige omgewing geniet. Ons besoek ook die laaste rusplek van Cecil John Rhodes. DAG 3 Ons mik vir Bulawayo via Masvingo en koop voorraad en brandstof op pad. Dan spandeer ons die middag by Groot Zimbabwe en kampeer in die rustige wêreld van dié eertydse ommuurde stad.…

LED LENSER XEO 19R 'n Swaargewig van 'n lig LED Lenser beskryf dié koplig se gloeilampe as light cannons. En wanneer jy dié koplamp aanskakel, is dit moeilik om te stry. Met ’n intensiteit van 2000 lumens kan jy dit sommer as ’n noodlig op jou bakkie gebruik as een van sy ligte in die bos die gees gee. Hierdie meneer van ’n kompakte lig het ’n straalafstand van 300 meter en LED Lenser sê die battery hou tussen 4 en 20 uur, na gelang van hoe sterk jy die gloeilampe stel – en jy kan hulle ook afsonderlik aan- en afskakel. Hierdie flits is egter meer as net ’n koplig. Jy kan die lamp van die kopband afhaal en daar is monteerstukke vir jou fiets, valhelm of driepoot, selfs…

Ek woon nou al agt jaar lank in Botswana. Ons het eers vir so paar jaar in die Noordooste gewoon, maar is vir die afgelope vier jaar in die Suide, in ’n klein dorpie genaamd Jwaneng. Die meeste mense sal Jwaneng ken as ’n volmaakplek op pad Namibië toe. In Botswana is ons bevoorreg om net in ons voertuig te kan klim, enige rigting in die bos in te vaar en kamp op te slaan met die wete dat dit veilig is. Oor die jare heen het ons al ’n paar gunstelingplekke gekry. Een van hulle is die rooi duine teen die grens van die Kgalagadi-oorgrenspark, aan die Botswana-kant. Dié deel is afgeleë en verlate, en dis waarom dit vir ons so spesiaal is om daar te kamp en in…