Índice para Sarie Trou 2024 em SARIE

’N BOK TROU IN DIE BOLAND MET SY SPESIALE SJEF ‘Dit was ’n groot oomblik . . .’ Springbok-heelagter Willie le Roux is bekend as ’n yster, ’n man wat plan kan maak en práát as dinge op die veld skeefloop. As veelsydige agterspeler was hy ook deel van die spanne wat die Wêreldbeker in 2019 en 2023 huis toe gebring het. Op 10 Februarie vanjaar is Willie tydens ’n emosionele buitelug-seremonie op ’n wynplaas buite Franschhoek met sy geliefde van die afgelope vyf jaar, Holly Nichol, getroud. “Emosies het hoog geloop. Toe Holly by die paadjie afstap, het ek gedink: ‘Sjoe, kan een man so gelukkig wees!’” onthou hy die dag. En Holly: “Dit was ’n groot oomblik en ek was mal daaroor. My bene was ’n bietjie…

Wanneer “twee romantiese wesens wat glo in die liefde” ná tien jaar hul huweliksbeloftes hernu, kan jy iets betowerends verwag. En só was dit toe Lourens en Esté Rabé van die musiekduo RAAF hul troufees saam met 100 gaste in L’Atrium by Grande Roche in die Paarl gehou het. Die twee het hul eie troubeloftes geskryf. “As jy saam werk, sien jy die beste en slegste van mekaar. Eers dan besef jy hoe belangrik die beloftes is . . . ons kon nie ophou huil toe ons dit lees nie,” sê Esté. Dit was spesiaal dat hul ouers en familie – hul grootste ondersteuners – daar was. Lourens onthou ’n “magiese oomblik toe almal met ’n instrument – selfs lepels – op die verhoog of in die gehoor aan’t sing…

1 KOUE’ VUURWERK Wat sê dis tyd vir feesvier beter as vuurwerk! As alternatief vir vuurwerk of vonkstokkies is koue vuurwerk nou supergewild. Koue vonke word deur ’n spesiale masjien vervaardig. Dis veilig om binnenshuis te gebruik en rook- en reukloos. Boonop lyk dit sensasioneel op foto’s. “Koue vuurwerk skep magic en atmosfeer,” sê troubeplanner Zavion Kotze-Brereton van Zavion Kotze Events. “Die bruidspaar en gaste word deel van ’n sprokie as die goue liggies om hulle flonker.” Dis ideaal tydens die bruidspaar se eerste dans of as hulle laataand as getroudes van die onthaal vertrek. Zavion hoop dié tendens bly. “Dit kos nie ’n plaas se geld nie en baie DJ-maatskappye verskaf die diens.’’ 2 TWEESTUKTROUROKKE Modern, klassiek, informeel of formeel – daar is ’n trourokstyl vir elke bruid. Tweestuk-bruidsuitrustings…

Met die Bolandse berge as agtergrond was Marcelle en Jayson se troue ’n asemrowende geleentheid. Sy in ’n stylvolle wit rok met ’n pienk ruiker en hy in ’n ligte sandkleurige pak. Die dag het vir die bruidspaar, wat albei in die finansiële wêreld in die Kaap werk, die kroon gespan op hul saamstap-pad die afgelope tien jaar. Hulle wou graag in die buitelug trou en het op Country Sjiek net buite Wolseley besluit. Op 17 Februarie 2023, ’n onverwagte reëndag in die Kaapse somer, het hulle afgehaak. Marcelle se rok was nousluitend met vere-detail by die skouers, ’n los oorromp en ’n sleep wat sy kon afhaal met die opening van die dansvloer. Vir haar strooimeisies het sy verskillende skakerings van pienk materiaal gegee sodat elkeen haar eie rokontwerp…

Dit was ’n trounaweek van genot, uitspattige kleur en geluk. Met ’n pragtige verskeidenheid blommerangskikkings in dieprooi, perske en ligpienk, asook granate en turksvye op die tafels, het die dekor aan die Romantiese kunsbeweging herinner. Sonder die beperking van ’n spertyd kon die pasgetroudes, aktrise Lea Vivier en haar man, André Wilkens, ’n kommersiële diepseeduiker, saam met hul gaste tot sonsopkoms makietie hou. Dis een van die redes waarom hulle Elandskloof Farm Cottages by Greyton in die Wes-Kaap as hul trouvenue gekies het. Wanneer jy daar bespreek, is dit vir die hele naweek. Die seremonie en onthaal was magies en met storievertelling deurweef. Só ook Lea se trourok waarin sy sprokiesmooi gevoel het. Hoe gepas dat hul paaie oorspronklik by haar boekklub gekruis het. André se niggie, ook seremoniemeester by…

Hul eie vriendefees. Só beskryf Clarisse haar en haar man, Jean Christian, se ongekunstelde, ontspanne troue. Dit was ook super-stylvol. Clarisse, ’n bemarkingsbestuurder en die eienaar van Clarisse Coetzee Marketing & Event Management, en Jean Christian, ’n entrepreneur, het hul bruilofsfees verlede jaar vroegherfs oor ’n naweek in die Swartland gevier. Die verrigtinge het reeds die Vrydagmiddag begin met die seremonie in die saal van ’n ou plaasskool buite Malmesbury en toe die onthaal by die nabygeleë Kalmoesfontein. Dié trouvenue met die lang stoep en sinkplaatdak het Clarisse dadelik herinner aan die Klein-Karoowêreld waarin sy grootgeword het. Met net so ’n paar antieke meubelstukke, bougainvilleas en helderkleurige kerse is die venue prentjiemooi afgerond. Daar is weggedoen met enige fieterjasies soos lang formaliteite, ’n tafelplan en streng kleurskema om die fokus…

NUUT KLASSIEK VIR HOM…

MONOCHROOM Die klassieke swart tuxedo kry ’n nuwe voorkoms met ’n baadjie in naaswit SMEULENDE SWART Vir ’n swart uitrusting van kop tot toon, speel met teksture deur ’n baadjie van tweed of brokaat te dra. Of wees op die uitkyk vir detail soos kristalle op die kraag * Sien ook bl. 157 WARE KLEURE WYS ’n Gekleurde baadjie en broek kan net so stylvol wees. Bly in dieselfde kleur, maar dra verskillende skakerings saam vir ’n splinternuwe voorkoms…

Buite, onder ’n boog van herfskleur blomme, het Marike (SARIE Voorbladgesig 2013) en Andrew Murray oor die Paasnaweek van 2022 op die Highberry-wynplaas buite Somerset-Wes getrou. Marike, ’n grimeerkunstenaar en entrepreneur, en Johan, ’n mediese dokter, woon nou op Stellenbosch. Die twee was lank hegte vriende voor hulle op ’n dag net besef het dis eintlik liefde wat hulle vir mekaar voel. Binne vier maande was hulle verloof en ses weke later is hulle getroud. Omdat die troue op Goeie Vrydag was, was die dieprooi kleurskema heel gepas. Dit was in die middel van herfs, met die plaas se wingerde getooi in die mooiste kleure. Marike het gedroom van ’n bos dahlias as ruiker nadat sy een van blomboer Adene Nieuwoudt van Adene’s Farm Flowers s’n aanlyn gesien het. Sy…

Intiem, met net dertig van hul hartsmense daar, op ’n grasperk onder koel skadu’s. En op die ou end alles volhoubaar, presies soos hulle dit wou hê. Die akteurspaar Armand Aucamp en Sean van Noordwyk, destyds albei in Getroud met Rugby, is verlede Desember onder ’n reuse- ou eikeboom op Picardi Place in die Rawsonville-distrik getroud. Dit is ’n werkende plaas en trou-venue. “’n Versteekte juweel, ’n regte tuin van Eden,” vertel Armand. “Die eienaar, die landskapsargitek en kosentoesias Jaco Brand, het ons met ope arms ontvang en ons hele spyskaart saamgestel en gemaak met omtrent alles uit sy tuin.” Sean wou graag in ligte herfskleure trou. “Veral omdat my hare en wenkbroue so donker is. My hemp was lig en gemaklik met bande wat vasmaak aan die kante .…

Dié kleurryke en prettige bruilof het alles verklap van die bruidspaar se persoonlikhede en lewenslus. Dit was vrolik en vreugdevol in helder kleure. Ondanks ’n hittegolf het die bont blomme pragtig vertoon. Vir die blogger en TV-aanbieder Lisa van Niekerk, alombekend as “Lisa met die rooi hare”* en Rudolph, ’n konstruksiebestuurder in Pretoria, was dit belangrik dat hul 100 gaste op hul gemak is en heerlik saam feesvier. Lisa wou graag in die Kaap trou en Rudolph in die Bosveld. Daarom was Mooiplaas net buite Modimolle in Limpopo, ’n pragtige Kaaps-Hollandse trouvenue in die hartjie van die Bosveld, die antwoord. Lisa is lief vir kunsvlyt en het die skryfbehoeftes self aangepak. Die pasgetroudes het as studente in Potchefstroom net voor die Covid-19-pandemie in 2020 ontmoet. Danksy Zoomafsprake aanlyn het die…

Coreen Crous, mede-eienaar van Love Beloved 1. Jou gunsteling-troublomme wat jy al geskep het? Dis ’n moeilike een, want elke troue het ’n element wat vir my spesiaal is. My groot liefde en heel grootste trots lê egter in my handruikers. Dit bring vir my baie genot om elke handruiker spesiaal vir die bruid te maak – nie net een wat by die troue pas nie, maar by háár pas. 2. Hoe lank voor die tyd moet paartjies hul bloemis bespreek? Minstens agt maande voor die tyd. Jy wil die proses geniet en nie jaag nie. 3. Buiten blomme, watter ander elemente span jy graag vir troudekor in? Blomme is natuurlik die anker van elke troue, maar ons het al so baie troues gedoen waar kerse die hoofrol gespeel het.…

DOEN DIT: ’N DAG OF TWEE VOOR TROUE 1 iS Clinical Fire & Ice Peel HOE WERK DIT? Twee maskers word tydens die behandeling gebruik: die eerste een ’n diepafskilferingsmasker wat ’n hoë konsentrasie sure bevat om dooie selle op die veloppervlak egalig te verwyder. Daarna word ’n koel, kalmerende masker met hialuroonsuur en plantekstrakte aangewend om jou vel te streel en intens te bevog. BESTE VIR . . . Dié behandeling is die “rooitapyt-kuur” gedoop nadat verskeie Hollywood-bekendes, onder wie Halle Berry en Kourtney Kardashian, al verklap het dat dít die geheim agter hul gloeiende gelaat op die rooi tapyt is. Direk ná die behandeling lyk jou vel vars, stralend en vol lewe. Die kans om knoppies te ontwikkel is ook minder. Dis die ideale eenmalige behandeling voor ’n…

A Aldo 010 300 6888, aldoshoes.co.za American Swiss bash.com B Bash bash.com Black Betty 066 305 0710, 071 672 6856, blackbettydesign.com Bride & Co brideandco.co.za Burberry int.burberry.com C Calegra Bridal House 076 803 2717, calegra.co.za Call It Spring callitspring.co.za D Daniel Hechter 021 460 2300, truworths.co.za Daniel Wellington global.danielwellington.com E Elbeth Gillis 021 423 2220, elbethgillis.com Eton etonshirts.com F Farfetch farfetch.com G Gucci gucci.com J Jekyll and Hide 021 447 6830, jekyllandhide.co.za JJ’s House jjshouse.com L Louis Vuitton louisvuitton.com M Markham bash.com Mr Porter mrporter.com P Picot & Moss 011 669 0500, picotandmoss.co.za R Revolve revolve.com S Spitz 086 010 9321, spitz.co.za Steve Madden 087 351 0634, stevemadden.co.za T Thomas Sabo thomassabo.co.za Timeless Bridal Couture 071 549 5135, timelessbridal.co.za Truworths MAN 021 460 2300, truworths.co.za V Versace versace.com Vonvé Bridal Couture 083 632 7294, vonvebridal.co.za W Watch Republic 087 095 7235, watchrepublic.co.za Woolworths 0860 022 002, woolworths.co.za Wedstrydreëls 1. Die wedstryd is oop vir SA burgers van 18 jaar…