Table of contents for March 2015 in WegRy

Ek weet nie of daar ’n woord daarvoor is nie, maar daar is ’n spesifieke gevoel wat ek altyd kry kort nadat ek met ’n reis begin het. As ek uit die Kaap noordwaarts ry, sal dit my min of meer in Piketberg se omgewing tref. As ek in Gauteng gebly het en op pad was na Botswana of Namibië, sou dit my iewers naby Zeerust beetgepak het. Dis die besef dat dit nou te laat is vir omdraai as jy iets by die huis vergeet het. Amper soos die een wintervakansie op laerskool – toe ons van Newcastle af na Mariental toe gery het vir ons jaarlikse wintervakansie by familie in SWA – en ek naby Bethlehem besef het dat ek toe nooit die Gecado Model 23›windbuks ingepak het…

FORUM GROOT REISE OP DIE HORISON Dit het begin met ’n onskuldige vragie einde verlede jaar: of iemand dalk sou belangstel in ’n groepuitstappie. Die idee het so goed op die forum posgevat dat daar nou amper 20 voertuie is wat vroeg in 2016 die pad Angola toe gaan vat. Kyk, ons Kampvuurders speel nie. As hulle ’n reis beplan, doen hulle dit sommer ordentlik. Die manne en vroue begin mekaar reeds moeg praat oor die toe-rusting en alles wat moet saam of moet bly. Dink net hoe groot die opwinding volgende jaar dié tyd gaan wees. As jy ook wil inval by die reis, gaan hoor op die forum of daar nog vir jou ’n plekkie is. Soek net vir Angola 2016. Maar dit is nie die enigste toerplan…

Die Namibiese koerant Die Republikein het verlede jaar berig dat voertuigeienaars in dié land nou beboet kan word vir LED-ligstawe op hulle voertuie. Daar heers egter onduidelikheid op 4x4-internetforums en Facebook-blaaie oor wat dié wet presies beteken en hoe streng dit toegepas word. Adam Eiseb, verkeershoof vir die Namibiese verkeersdienste in Windhoek, sê LED-ligte op voertuie het die afgelope ruk nuwe gebruike bygekry. Padregulasies is nog besig om aan te pas by die veranderende tegnologie, sê hy, maar LED-ligstawe voor op ’n voertuig is en bly onwettig. Volgens Namibië se padwette is slegs gloeilampe (halogeen, Xenon, LED) op openbare paaie wettig en word ’n LED-ligstaaf nie as ’n gloeilamp geklassifiseer nie, maar as ’n diode. Eiseb sê egter die vraag is eerder rondom die interpretasie van wat ’n ligstaaf is.…

LAND ROVER DISCOVERY SPORT Nóg ’n nis, nóg ’n Landy Land Rover, nes soveel ander motorvervaardigers, kan nie daarvan beskuldig word dat hulle die geleentheid misloop om nuwe ’n nis te identifiseer nie. Want as jy kyk na die nuwe Discovery Sport, wat onlangs internasionaal in Ysland bekendgestel is, wonder jy aanvanklik waar presies hy in die modelreekse inpas – en of hulle régtig nog ’n model nodig het. Volgens die maatband is hy omtrent 20cm langer as die Evoque en ’n klein bietjie meer as 8cm langer as die Freelander. Hierdie ekstra grootte het Land Rover in staat gestel om hom met drie rye sitplekke toe te rus, sowel as met die maatskappy se bekende Terrain Responseveldryelektronika. Maar anders as die gewone Discovery, is die Discovery Sport se ryhoogte…

I In die relatiewe kort tyd dat die Nissan Terrano op die mark was in Suid-Afrika, het hierdie buksie ’n groot indruk op die veldrywêreld gemaak. Nuwe Terrano’s was net vyf jaar lank hier te koop en jy sien dalk nie so baie van hulle op die pad nie, maar dié wat steeds loop, word soos goud opgepas. En as jy eers gevoel het hoe gemaklik hulle ry, sal jy verstaan hoekom. Gemak-wa Die Terrano het in 1993 in Europa op die mark verskyn, in ’n tyd toe die meeste motorvervaardigers op gemakliker voertuie eerder as geharde veldryers begin fokus het. Dit beteken nie dat dié voertuig ’n sagte stukkie staal is nie. Dis ’n gemakliker en kleiner weergawe van Nissan se rowwer, groter veldryers, met kronkelvere op al vier…

Iemand het op ’n keer gesê: “Ons reis nie om van die lewe ontsnap nie, ons reis sodat die lewe ons nie ontsnap nie.” So kry ek op ’n dag uit die bloute ’n SMS van my pêl Jan Draaitjies. Dit lui: “Ons moet gaan leeus soek in Mabua. Ek het plek gekry in die eerste week van November.” Deur die jare het Jan ’n probleem met Mabua se leeus opgetel. In sy vorige vyf besoeke het hy en sy vrou, Marina, nie een keer leeus gesien nie. Dit het hom gepla. Wat mý baie gepla het, is dat die Kalahari nie jou speelmaat is in die somer nie. Dit word hel warm en om in temperature van 450 Celsius in tente te kamp, is nie pret nie. Maar soms…

SAMSUNG GALAXY NX Maar kan hy bel? Die Galaxy NX se bedryfstelsel is soortgelyk aan die meeste Samsung-slimfone s’n. Jy kan die kamera met 3G/4G aan die internet koppel om foto’s op te laai, apps af te laai of selfs om jou Facebook-status by te werk. Die NX is ’n spieëllose kamera (mirrorless) en kan ook lense wissel soos met ’n DSLR. Die verskeidenheid lense is egter baie klein en is heelwat duurder as Canon of Nikon s’n. MEGAPIXELS: 20.3 SENSOR: APS-C (23,6 x 15,7 mm) CMOS LENS: Standaard met Samsung 18-55 mm OIS – ’n beperkte hoeveelheid Samsung-lense is beskikbaar. FOKUSLENGTE: Wissel na gelang van die lens. F-STOP: Wissel na gelang van lens ISO: 100 – 25 600 SKERM: 4,8" LCD-raakskerm SLUITERSPOED: 30-1/6 000 sek VIDEO: HD 1 080p/30…

LIGHT FORCE LED Ontmoet die Aussie-LED Light Force-kolligte het tot nou toe hoofsaaklik op Xenon- en HID-kolligte gefokus, maar nou is ’n nuwe reeks Light Force LED-kolligte in Suid-Afrika beskikbaar. Let wel, dis nie LED-ligstawe nie. Light Force het twee groottes beskikbaar: ’n 180 mm-70W-lig en ’n 215 mm-108 W. Daar word ook onderskei tussen ’n kollig en ’n kombinasie van ’n kollig en ’n spreilig. Die LED215 het 36 LED’s van 3 W elk en hulle sit agter een van Light Force se bekende impakbestande plastieklense. Die lig is tot op 3 m waterbestand, maar as jou kolligte meer as 3 m onder die water is, het jy erger probleme as ’n lig wat nie werk nie. Die LED180 gebruik 7 LED’s van 10 W elk en is op…

Johan Meintjies, ’n gereedskap-, setmaat- en stempelmaker van Alberton, wou meer grondvryhoogte onder sy 2003 Isuzu KB 300 TDI hê en die poging van die bakkie se vorige eienaar was nie heeltemal wat hy in gedagte gehad het nie. Die plan was om die bakwerk met 25 mm te lig, maar Johan se laaste ondervinding met ’n werktuigkundige het hom laat besluit om self skouer aan die wiel te sit. Dan spaar hy sommer ’n paar rand ook. Johan het die nodige platyster by sy werk geboor en gesproeiverf. Hy wou die Vrydagmiddag ná werk begin en die taak die Saterdag afhandel. Hy wou die skakels wat hy gemaak het agter by die bladvere installeer en ook die voorste wringstawe effens hoër stel. Die voorste koeëlgewrig moes ook omgedraai word…

Terwyl ons een vakansie vir twee dae in Swakopmund gekamp het, was ons een dag van Duin 7 af op pad terug kamp toe. Langs die pad het ek sommer op my GPS gekyk watter ander toeristeaantreklikhede in die omgewing is. Ek sien toe naby aan ons is die plek waar duisende perdgeraamtes sedert die Tweede Wêreldoorlog lê. [Die perde het glo ’n aansteeklike siekte gehad en is van kant gemaak om te keer dat die siekte versprei. – Red.] Ek het al baie stories oor dié woestynperde gehoor en besluit om te gaan kyk. Kort voor lank moes die voertuie die woestynsand in. Ons het net ’n paar uur vroeër ons bande in Swakop laat pomp en ek dog toe, kom ons kyk hoe ver ons met harde bande…

Die beste ding wat jy met ’n waterhindernis kan doen, is om dit te vermy. As water of modder by jou luginlaat, ewenaar of ratkas insypel, word dit beskadig. In die ergste situasie kan jou motor heeltemal wegspoel. As jy egter aan die ander kant móét kom, gebruik hierdie raad: Hou die vloei van die water dop. Vinnig vloeiende water het ’n helder oppervlak en stewige basis, maar stadig vloeiende water is gewoonlik modderig. Loop daardeur. Volg die lyn wat jy beplan om te ry te voet. Eers in die beoogde pad vir die een stel wiele, en dan op die beoogde lyn vir die ander stel wiele. Jy kan ook ’n stok of jou hande gebruik om te voel vir versteekte gate en groot rotse. Waar moontlik, merk hierdie…

Francois van Eeden se 1997 Pajero 3500 V6 Op die afstandmeter? 278 000 km. Hoeveel was in die veld? Ons het al sowat 30 000 km op grondpaaie en in die duine gery. Maar as ek so na die merke op die onderstel kyk, was hy grondpad gewoond. Hoeveel eienaars? Ek is die tweede een. Hoeveel het dit gekos? R60 000 in 2012. Hoekom ’n Mitsubishi? Hulle is baie betroubaar en luuks vir hulle prys. Het dit ’n bynaam? Sandpadvreter. Waar was jy al daarmee? Ons was al in die Richtersveld, Kgalagadi en baie naweke in die Molopo-loop om Van Zylsrus. Tussen Kathu, Daniëlskuil, Upington en Van Zyls is daar nie ’n grondpad waar hy nog nie stof gesuig het nie. Jou droombestemming? Ek sal graag Mabuasehube in Botswana en…

Die hekwag se growwe vingers blaai deur die banknote in sy hande. Noukeurig skuif hy hulle een vir een van die regterhand na die linkerhand soos hy dit vir die tweede keer tel. “Wat is 230 plus, uhm, 320?” vra hy my, die ene konsentrasie. “R550,” antwoord ek. “Seker?” Ja, sê ek, en glimlag vir die twee ander reisigers saam met ons in die klein kantoortjie. Ons bly maar geduldig, ons wag immers reeds die afgelope 20 minute dat hy ons besonderhede pynlik akkuraat op die Dwesa-natuurreservaat se verblyfvorms invul. Hy skryf elke letter ewe groot en maak seker elke woord word reggespel. “Jammer, hierdie is vir die maatskappy en ek moet dit reg doen,” verduidelik hy. Ons vergewe die man, dis ná vyf en die kantoormense is al huis…

Dit gebeur met die beste van ons: Jy ry op ’n nou paadjie deur die veld en daar steek ’n klip aan die kant van ’n bultjie uit. As jy weer sien, het hy jou splinternuwe ryding se bakwerk en onderstel gekarnuffel en sit jy met ’n paar duisend rand se skade. En ’n rooi gesig. Jy kan hierdie skade vermy met die regte toerusting. En die regte toerusting in dié situasie is rotsglystawe. Ons het by R&D Offroad in die Kaap na hulle nuwe rotsglystawe gaan loer. Treeplanke trap te laag Die meeste nuwe veldryvoertuie word in die fabriek opgedollie met blink pype of silwer trappies onder die deure. Talle vervaardigers bied dit ook as ’n opsionele ekstra aan. Om jouself egter te misgis dat dié trappies of pype…

WAT JY KAN VERWAG DAG 1: Ons ontmoet mekaar by die Plumtree-grenspos net noord van Francistown, Botswana, en gaan saam oor die grens. Ons kampplek, met ’n mooi uitsig oor die Matobo-heuwels, is omtrent ’n uur se ry ver. Die aand bespreek ons die toer oor ’n heerlike aandete en leer mekaar ken. DAG 2: ’n Spesialistoergids en -operateur van Zimbabwe ry saam met ons na die Matobo Nasionale Park, waar ons heeldag wild kyk en die pragtige omgewing geniet. Ons besoek ook die laaste rusplek van Cecil John Rhodes. DAG 3: Ons mik vir Bulawayo via Masvingo en koop voorraad en brandstof op pad. Dan spandeer ons die middag by Groot Zimbabwe en kampeer in die rustige wêreld van dié eertydse ommuurde stad. DAG 4: Ons mik noord na…

Was jy al by die Visriviercanyon, die Spitzkoppe, Etosha en Kolmanskop? Wat van Windhoek, Swakopmund of die hengelparadys Hentiesbaai? As jy al hierdie plekke in ’n vakansie van 10 dae wil inpas, is die trein jou beste opsie. Dit dek groot afstande in die nag, wat jou die gerief gee om bedags – wanneer jy uitgerus en ontspanne is – die besienswaardighede te besoek. Daar is net plek vir 48 mense, bespreek dus betyds! Dan kan jy terugsit en al die reëlings aan die bekwame span by WegRy-toere oorlaat. BESONDERHEDE Wanneer: 27 Aug tot 5 Sep of 20 tot 29 Okt 2015 Prys: Vanaf R22990 (vlugte na Windhoek is uitgesluit) per persoon wat deel. Dit sluit in: 7 nagte aan boord die Namibiese Desert Express in ’n kajuit met ’n…

WENBRIEF DIE BAKKIE IS OP, MAAR DIE HUWELIK HOU “Wanneer Jacus en Marina in hulle rooi bakkie klim, kan jy maar seker wees daar kom ’n avontuur,” was een van die dinge wat ons pastoorvriend Jurgen Brand in ons troupreek gesê het. En Jurgen het die spyker op die kop geslaan, want ’n dag of wat later het ons met die ou dubbelkajuit-Isuzu die langpad Mosambiek toe aangedurf – vanuit Namibië! Die Isuzu is nie ’n 4x4 nie, en ek het amper my nuwe bruid in ’n moeras op ’n verlate plek in ’n vreemde land laat vasval. Ek het die bakkie gekoop nadat ek die stukkie koerantpapier waarop die advertensie was, uit my oom se braaivleisvuur gered het. Ek het die moeë bakkie in die kusdorp Swakopmund gekoop, waar…

SLEUTELSYFERS Enjin: 1598 cc Krag: 96k W @ 4 000 r/min Wringkrag: 320 Nm @ 1 750 r/min Topsnelheid: 186 km/h 0-100km/h: 11sek Transmissie: 6-spoedhandratkas, 4WD Brandstoftenk: 60 liter Brandstofverbruik: 5,3 liter/100 km Bande: 255/55 R18 Vering: Onafhanklike vering voor en agter Grondvryhoogte: 210 mm Waarborg: 6 jaar/150 000 km Diensplan: 5 jaar/90 000 km Prys: R388 300 en R473 600 vir die luukse model Deesdae sien jy crossover-voertuie om elke hoek en draai. Ma’s sit soggens voor die skool agter die stuur en soen die kroos tot siens, mans laai hulle gholfstokke uit voor die klubhuis en jong paartjies prop die kattebakke vol inkopies. Dié mense het dieselfde voertuigbehoeftes: Hulle soek iets wat mooi lyk buite, modern is binne en – belangrikste van alles – hope spasie het. Daar…

“Het jy Ebola?” vra die beampte by die Plumtreegrenspos tussen Botswana en Zimbabwe. “Soek jy werk? Sal jy vir my ’n Coke koop?” Toe ek “nee” op sy stortvloed hoflike vrae antwoord, glimlag hy en sê: “Wonderlik.Wat is die doel van jou besoek aan Zimbabwe?” Hy lyk opreg verras toe ek antwoord ek is hier op vakansie. Ek gee hom ’n Fanta vir sy vriendelikheid en gaan moeiteloos deur doeane. Dan sluit ek by die nege ander voertuie – 20 mense in totaal – aan vir ons ekspedisie van 13 dae deur Zimbabwe se mooiste en bekendste streke. Ons toerplan was om in die suidweste by Matobo te begin en van daar af oos koers te kies na die ruïnes van die antieke Groot Zimbabwe. Daarna sou ons die Manapoele…

Doppe. Die hoofdeel van die stawe is leë doppe wat uit 6mm-staalplaat gesny en dan gebuig word. Die gleuwe sigbaar in die doppe is merkers wat wys waar die ander komponente vasgesweis moet word. Die ander komponente pas in hierdie gleuwe sodat geen gapings of gate in die dop oorbly nie. Monteerarms. Die monterings waarmee die stawe aan die onderstel vaskom, word ook van 6 mm›staalplaat gemaak. Die lengte van die arms hang af van die voertuig. Vir die Hilux in die foto’s is al drie arms ewe lank gemaak omdat die rand van die bakwerk onder die deure parallel aan die onderstel loop. Sommige onderstelle het ’n ander vorm en daarom mag hulle armlengtes verskil. Domkraggat. Die ronde gate aan die punte van die stawe is vir hoogligdomkragte. In…

Gonjah is die middelpunt van ’n bedrywige plaasgemeenskap in die vrugbare Gamtoosriviervallei in die Oos-Kaap. Ons het onmiddellik die lemoenbloeisels begin ruik toe ons die afrit van die R332 neem. As jy sowat 2 km op ’n plaaspad verder ry, kry jy ’n chalet vir vakansiegangers, en nog sowat 1,4 km verder is die kampterrein. Die kampterrein is baie mooi. Jy staan op gras onder ’n blaredak van geel- en stinkhoutbome, met ’n bergstroom wat langs jou kabbel. Die terrein was egter ’n bietjie afgeskeep met ons besoek. Die warmwaterdonkie is uitgehaal vir herstelwerk, en die ablusiegeriewe en braai-area was duidelik nie skoongemaak nie. Ek het gehoor die situasie het intussen verbeter. Daar was ook nie lopende water nie, maar ná ’n rukkie se gesoek kon ons die waterpunt koppel…

1 DIE DJ: O hoor jy die Magtige Dreuning? Of liewer, hoor jy die Magtige Doef-Doef? Dit maak nie saak of julle in stilte oor die Namib wil uitkyk en of julle die son in die Kalahari wil sien ondergaan nie, die platejoggie glo dat musiek – hárde musiek – die Oros-man van enige buitelewe-ervaring is. Gooi song, pappie, gooi song! Selfs al wil die ander mense na die krieke en naglewe onder ’n volmaan luister. 2 DIE BEAR GRYLLS: Het jy al gehoor van “Stap altyd eers deur ’n hindernis” of “Probeer om eerder óm ’n groot hindernis te ry”? Nie dié ou nie! En as hy sy ryding in die proses kan breek, nóg beter. Hy jaag halsoorkop in plekke in. En hy’s lief om te sê: “Daar…