Table of contents for May 2017 in WegRy

In 2015 besluit ek en my man om die tog met ons Land Rover Defender Malawi toe aan te pak. Dit was nog altyd op ons emmerskoplys. Ons sou die toer alleen aanpak. In Sengabaai maak ons vriende met Jessica en Daniel by ’n oornagoord genaamd Cool Runnings. Hulle is jongmense van onderskeidelik Malawi en Australië. Jessica vertel vir ons haar pa, Mike Labuschagne, is die hoof van die teenstropingsprogram in die Kasungu Nasionale Park in Malawi. Hulle is gretig om mense terug te lok soontoe aangesien daar weer diere is. Mike werk vir die parkeraad en is baie suksesvol met die teenstropingsprogram. Jessica en Daniel help vir Mike in die park en nooi ons om te kom kuier en die park te besigtig. Op ons 2015-toer beseer my man…

DAG 1. Die groep kom by die Alte Brucke-kampterrein in Swakopmund bymekaar, waar ons mekaar oor aandete rondom die vuur leer ken. DAG 2. Ons verken Swakopmund met sy eiesoortige Duitse argitektuur en ’n groot verskeidenheid avontuuraktiwiteite – van vryval, sandbord- en kwadfietsry tot dolfyne en walvisse kyk. (Die avontuuraktiwiteite is nie by die toerprys ingesluit nie.) DAG 3. Ná ontbyt vertrek ons na die robkolonie by Seal Point. Op pad daarheen hou ons ’n piekniekmiddagete. Met ons aankoms by die Brandberg sal die span al die kamp opgeslaan hê en die kospotte reeds prut. DAG 4. Ons doen ’n begeleide toer na die Brandberg en sy bekende Wit Vrou en talle ander Boesmantekeninge in die kloof. Langs die pad hou ons piekniek. Later sal jy die woestynsonsondergang vanaf die…

MEI OUTDOOR X Waar: Malonjeni-gasteplaas, Vereeniging Wanneer: 27 en 28 Mei Hoekom jy moet gaan: Die skou fokus op alles wat met die buitelewe te doen het en bied iets vir almal, of jy nou lief is vir kamp, jag, visvang, boogjag en natuurlik 4x4-ry. Benewens die uitstallings is daar ook musiekvertonings, hope stalletjies en goed vir kinders om te doen. Meer inligting: www.outdoorx.co.za JUNIE CALITZDORPWINTERFEES WAAR: Calitzdorp, Klein-Karoo WANNEER: 16 tot 18 Junie HOEKOM JY MOET GAAN: Die dorp, wat as Suid-Afrika se porthoofstad beskou word, is bedrywig gedurende die fees met ’n program wat musiek- en dansvertonings, bergfietsry en natuurlik wynproeë insluit. Calitzdorp lê ook in die hartjie van die Klein-Karoo met pragtige bergpasse, soos die Seweweekspoort, Swartberg en Gamkaskloof, net om die draai. MEER INLIGTING: www.calitzdorpwinterfestival.co.za BRAY…

Die lesers van WegRy se sustertydskrif WegSleep is net sulke bedrewe kampeerders. En hulle slim wenke is ook nie net vir ’n woonwapark bedoel nie. SLIM SEEP Bêre seep in ’n ou sykous, sê Michelle Roos van Pretoria, dan kan jy dit aan ’n boomtak of tentpaal naby jou water vasknoop. Dit keer dat die seep vol sand en takkies raak en voorkom ook dat dit iewers in ’n klam bakkie lê en week. INSEKTE SE MOSES Flip Koen van Delmas meng ’n klein botteltjie sitronella olie (wat jy by ’n apteek kan koop) met akwaroom en smeer dit aan. “Dit is nie vetterig nie, hou die muskiete en muggies weg en bevogtig boonop jou vel,” sê Flip. Lorraine Erasmus van Pretoria sê ’n geel gloeilamp in jou tent of…

WATTER SOORT VOERTUIG HET EK NODIG? Beslis ’n 4x4 met goeie grondvryhoogte en vering, laestrek, ’n ewenaarslot en goeie veldrybande. Haal jou treeplanke af in die duine om te voorkom dat dit beskadig word en onthou dat ’n lae voorste buffer ook skade kan opdoen. WAT MOET EK NOG DUINE TOE BRING? ’n Kompressor, ’n banddrukmeter en ’n goeie stel herwinningstoerusting. Pak ook ’n grasnet, want daar is dele waar die gras hoog in die middelman netjies staan. WAAR IS DIE KAMPPLEK? Die Trans Boe goe 4x4 eko oord is op die noordelike oewer van die Oranjerivier, sowat 50 km buite Groblershoop. Groblershoop is min of meer 800 km van Johannes burg sowel as van Kaapstad. HOE LYK DIE KAMPPLEK SE GERIEWE? Feitlik al die kampplekke is onder skadubome en…

KAN EK HIERDIE ROETE OP MY EIE RY? Nee, die roete loop deur konsessiegebiede van die Namib Naukluft Nasionale Park waartoe net Voetspore en Desert Magic toegang het. WATTER TIPE VOERTUIG HET EK NODIG? Een met vierwielaandrywing, goeie grondvryhoogte, laestrek, ’n ewenaarslot en herwinningspunte voor en agter. HOEVEEL BRANDSTOF HET EK NODIG? Genoeg om sowat 700 km in 4x4 af te lê. Dieselvoertuie moet ten minste 220 l bring en petrolvoertuie 250 l. HOE LANK IS DIE TOER? Ses dae en vyf nagte. Dit begin net buite Lüderitz en eindig in Walvisbaai. WAT IS ALLES INGESLUIT? Ontbyt en aandete, parkgeld en permitte, ’n warm kampstort en tweerigtingradio’s. MOET EK ’N ERVARE BESTUURDER WEES? Nee, jou gids sal jou help voorberei en raad gee oor die terrein. WAT MOET EK BRING?…

Boetseun is my 1998 Colt V6-dubbelkajuit-bakkie. Hy’t nou so 248 000 km op die klok, maar die meter het lank nie gewerk nie, daarom is hy nie-amptelik al ’n entjie verby ’n kwartmiljoen kilometer. Ons het Botswana al voos getoer in hom en hy was ook al konstruksievoertuig toe Meraai (my vrou) aangebou het by ons gastehuis in Polokwane. Boetseun het egter papiere vir warm word! Hy het in 2005 al begin met sy streke toe ons en vriende vir 5 dae na Botswana se panne toe was. Met die terugkom, so 30 km van Polokwane af, moes vriend Luan my huis toe sleep. Ek kan nie lekker onthou nie, maar ek dink dit was daardie tyd die waaier se viscous wat gegroet het. In 2009 het ons saam met…

GIDEON JOUBERT LESERSTORIE, BL. 58 Gideon, sy vrou en sy pa het die pad Namibië toe gevat om te sien hoe lyk dit deesdae by ou weermagbasisse in die Zambezi-streek, voorheen die Caprivi. Wat is jou eerste toerherinnering? ’n Ekspedisie na die Richtersveld met ons gesin in my pa se Land Rover Series III. Dit was in September 1997, net mooi oor my twaalfde verjaardag. Daar is baie tent opgeslaan, in rivierwater gestort en oor die vuur kos gemaak. Die lekkerste plek in die bos waar jy al was? Vir seker Etosha. Wat is die beste reiswenk wat jy tot nog toe gekry het? Ry vroeg: Jy gaan nie die grenspos so vroeg haal soos wat jy dink nie. En vat altyd ’n hoed saam. Toer jy blindelings, of…

“Ek het die temperatuurmeter versigtig dopgehou en geen verandering opgemerk nie.” Na aanleiding van my rubriek in verlede maand se uitgawe (WegRy #92), is dit duidelik dat dieselenjins deesdae meer gewild as petrolenjins is. Dit klink asof 4x4-bestuur-ders en vervaardigers die voordele van ’n turbo-dieselenjin insien. Gaan kyk maar na die petrol-weergawes van die gewildste 4x4-handelsmerke wat beskikbaar is. Die evolusie van die verrigtingskyfie Die installering van skyfies is ’n gewilde opgradering vir ’n turbo-dieselenjin. Blaai deur ’n motor- of 4x4-publikasie en jy sal besef hoeveel verskillende opsies is op die mark beskikbaar. As jy my vra, verlang baie eienaars van dieselvoertuie terug na die kilowatts van petrolenjins as jy die toere opjaag. Ek weet, want ek is een van hulle! Verrigtingskyfies het ’n ver pad gekom en word deesdae…

Teen dié tyd het jy seker al gehoor dat die Bull Run – wat vanjaar op Van Wyksvlei in die Karoo gehou word – reeds vol is. Wel, dis nou vir die deelnemers. Maar daar is letterlik nog honderde plekke beskikbaar vir avontuurlustige toeskouers! As amptelike toeskouer kan jy alles aanskou en beleef wat die deelnemers self beleef, behalwe om aan die Bull Run-items deel te neem. En wat meer is, as amptelike toeskouer gaan jy saam met die Bull Run se mense kuier, braai, lag en kampeer! So, waarvoor wag jy? Skryf in en wees deel van die fantastiese gees by Bull Run 2017 op Van Wyksvlei! Bederf jouself en laat jou tent vir jou reël en opslaan. Ons het die volgende opsies beskikbaar. Basiese tent 3 m x…

Die ratte in hierdie forumgebruikers se koppe werk oortyd aan uitvindsels om die kamplewe maklik te maak. BOSSTORT “Ek het doodgewone PVC pype gebruik om ’n storthokkie te maak wat aan my voertuig haak. Die gordyn hang daaraan met ringe nes ’n huisstort s’n en dis kompak genoeg om alles in ’n kampstoel se sak te pas.” – Marius Nortje OPWASRAK “Ek het ’n raam vir ’n gemaklike opwasarea gebou. Dit haak aan die buitekant van my sleepwa vas en het plek vir twee opwasbakke en ’n droograk.” – Johan van Rensburg DRUKSPROEIPOMP “Ons gebruik ’n druksproeipomp om in die bos te stort. Ons staan in ’n plastiekskottel en ek en my vrou stort én was hare met die water. Die volume is net 5 liter, maar danksy die druksproei…

Soutput S29.003879 E22.222513 Wat om te verwag: ’n Sanderige tweespoorroete deur die pragtige Kalahari bosveld met mooi uitsigte. Bring ’n sonhoed, sonroom en iets vir skaduwee – dit raak ontsettend warm in die somermaande. Moeilikheidsgraad: 3 tot 4. Ontsnaproetes is beskikbaar op van die meer tegniese dele. Aanbevole banddruk: 0,8 bar Afstand en tyd: 14 km, 3,5 uur Koste: R350 per voertuig Kontak: 083 500 7180 (Lourens) Waterford S28.93955 E22.35209 Wat om te verwag: Daar is ’n paar speel duine digby die roete se beginpunt en ’n taamlike maklike tweespoorroete. Onthou ’n hoed, sonroom en iets vir skaduwee. Moeilikheidsgraad: 3 tot 4. Ontsnaproetes is beskikbaar op van die meer tegniese dele. Aanbevole banddruk: 0,8 bar Afstand en tyd: 25 km, 5 uur Koste: R300 per voertuig Kontak: 071 868 5528…

Safarimaatskappye en lodges het onlangs hulle bote spesifiek vir natuurlewefotograwe begin toerus. Met swaaistoele en spoggerige rusplekke vir ’n kameralens is die Choberivier skielik een van Suider-Afrika se gewildste safari-bestemmings. Ek was onlangs op twee sulke fotografietoere en het vyf wenke om jou volgende besoek aan Kasane onvergeetlik te maak. 1 WAG VIR DIE WINTER Die Choberivier is altyd pragtig, met bobbejane wat op die oewer speel en visarende wat baljaar, maar die seisoene speel ’n groot rol in wat jy te sien sal kry. In die somermaande (November tot Mei) is die natuurlike water-mere in die binneland vol reënwater, wat beteken dat die hordes olifante en buffels nie by die rivier kom water drink nie. Die “diereverkeer” by die water is dus net ’n breukdeel van wat dit in…

’n ‘Yslike’ probleem. . . met vuur Daar is vandag ’n lang lys buitelewetydskrifte, maar ek het nie genoeg tyd om almal te lees nie. Ek stap daarom dikwels verby die winkel se tydskrifrak en lees net die opskrifte. Op die Maartvoorblad (WegRy #91) het ’n spesifieke opskrif my aandag getrek en ek het die uitgawe gekoop. En het ek dit nou geniet! Jaco se storie, “Ek ys as ek daaraan dink”, het ek nog méér geniet as die artikel waarvoor ek éintlik die tydskrif gekoop het. Die storie het my gedagtes ver teruggevat en bevestig wat ek tóé ook ervaar en geleer het. Die somer van einde 1978 was ek in die Caprivi – “iewers in die bos”, soos daar altyd gesê is. Ek was pelotonsersant en ’n plaasseun,…

Daar is net twee redes waarom iemand jou onverwags op ’n Sondagmiddag sal bel: dood in die familie of teëspoed met ’n ryding. En só sit ek onlangs en ontspan toe die foon lui. Dis Evan. Hy het gewoonlik ’n sekere stemtoon wanneer hy met slegte nuus bel. Dié slag was geen uitsondering nie. “Hallo, Jaco? Jong . . . ek bel net om jou te laat weet dat . . .” Wat het gebeur? Is sy kamera gesteel? Het die bakkie gebreek? Of dalk het die bakkie die pad byster geraak en staan hy nou iewers in die veld nadat dit deur ’n grensdraad en bo-oor ’n plaas se naambord gebars het. Gelukkig was dit net ’n pap wiel. Wel, eintlik twee van hulle, om die waarheid te sê.…

DÍS WAT JY KAN VERWAG: DAG 1 Ons ontmoet mekaar 125km noordoos van Grootfontein by die Grashoekveeartsenyhek. Dan spandeer ons die aand in ’n kamp by ’n Boesmangemeenskap en stap saam met een van hulle gidse om te leer hoe hulle leef. DAG 2 Ná ontbyt ry ons en kom uiteindelik met ’n sandpaadjie by Sekereti uit – ons kampplek in die Khaudum Nasionale Park. Dis ’n eenvoudige kamp, sonder heinings, maar met ’n toilet en storte. DAG 3 EN 4 Ons ry na die Khaudum-kamp waar ons vir die volgende twee aande slaap. Deur die dag gaan ons op wildritte na verskeie watergate, waar ons die olifante, voëllewe en mooi omgewing geniet. Die Khaudum het ook talle luiperds, wildehonde en bastergemsbokke. DAG 5 Ná ’n fris ontbyt vertrek ons…

Tommie Watkin Centurion Yster, soos Tommie se voertuig heet, het ’n allemintige Chevrolet 427 7 liter-V8-enjin wat vir min skrik. HOEVEEL KRAG LEWER DIE ENJIN? Die enjin ontwikkel 580 perdekrag (427 kW) en 750 Nm wringkrag op seevlak. Ons spuit so nou en dan NOS op hom, en dan kry ons 750 perdekrag en 1100 Nm en meer. Dán wikkel hy! HOEKOM HET JY OP HIERDIE VOERTUIG BESLUIT? Ek het geweet die Patrol se dryflyn, sy ewenaars en ratkas is sterk genoeg vir die groot perd wat ons in hom wou sit. Uit die 4x4-voertuie wat in ons land beskikbaar is, is hy die beste. IS DIT ’N SPEELVOERTUIG OF ’N TOERVOERTUIG? Dis al twee. Ons ry min met hom by die huis, maar ons speel en overland met hom…

LUDOLF EN SONJA VAN DER MERWE PRETORIA Land Cruiser Prado 4l petrol Hierdie toer was Ludolf en Sonja se eerste ordentlike 4x4-avontuur, daarom het hulle het nie heeltemal geweet wat om te verwag nie. Hoogtepunt van die toer? Ludolf: Toe ek besef waartoe nie net ek nie, maar ook die tegnologie in staat is. Veral as jy sien waar jy moet uitkom en die voertuig kan dit doen! Raad vir ander wat wil kom? Sonja: Berei die basiese goed voor, maar moenie te veel vooruit beplan vir jou dae in die woestyn nie. Just go with the flow! WILLIE SCHREUDER VREDENDAL Toyota Fortuner 3.0 D-4D “Oom Willie”, soos hy aan die groep bekend was, het al wyd gereis en het geen probleem om alleen te ry as dit moet nie.…

SO IS DIT NOU NOG STORIES VAN GISTER EN VANDAG DEUR JOHAN VAN WYK UITGEWER: TAFELBERG PRYS: R220 Almal van ons is ’n bietjie nostalgies en dis lekker om terug te dink aan die goeie ou dae. Want al was al is ons ou dae dalk nie altyd regtig so goed nie, is dit tog lekker om hulle te onthou. Die dae van padkafees, Pepsi floats en Ford Fairlanes, soos Johan skryf. Van die omslagfoto wat die skrywer in 1965 van sy pa geneem het – .22 Mauser Saloon in die hand, blikbeker en ’n bottel orange gin langs sy vellie – tot die laaste storie waar hy tussen Carmen Cavallaro se note oor die liefde sit en tob, is dié versameling stories pure nostalgie en mooi herinneringe. So is…